Усмонзода Саидҷаъфар Усмон, раиси ҳизби демократи Тоҷикистон

Дер кардем, аммо умедворем: Саидҷафъар Усмонов сабти ном мешавад?

433
(Таҷдидшуда 14:13 14.09.2020)
Комиссияи марказии интихобот ва раъйгирии Тоҷикистон барои ширкат дар интихоботи президентӣ шаш номзадро сабти ном кард, аммо сари номзадии Саидҷафъар Усмонов, раис ва номзади Ҳизби демократ то ба ҳол тасмими ниҳоӣ нагирифтааст

ДУШАНБЕ, 14 сен — Sputnik. Мавсуф ба Sputnik Тоҷикистон гуфт, далели сабти ном нашудани номзадии ӯ то ба ҳол равшан нест, аммо 9 сентябр – рӯзи охирини супоридани имзоҳо – аъзои тими ӯ 285 ҳазору 420 имзоро ба Комиссия таслим кардааст.

“То ба ҳол ягон посухи расмӣ нагирифтаем. Эҳтимолан ин вобастагӣ дорад ба он, ки мо аз ҳама дер санаду имзоҳоро пешниҳод кардем. Аз сӯи дигар, тафтиши имзоҳо ҳам як раванди дигар аст, ки вақт мехоҳад. Ҳоло умедворем, ки сабти ном хоҳанд кард. Тасмими ниҳоӣ ба Комиссияи марказии интихобот аст”, - гуфт Саидҷафъар Усмонов.

Рӯзи 13 сентябр Комиссияи марказии интихобот ва раъйгирии Тоҷикистон эълом дошт, ки ҳуҷҷату асноди пешниҳодшудаи номзадҳоро омӯхта, номзадҳои интихоботи президентиро, ки 11 октябр баргузор мешавад, маълум кардааст.

Бино ба иттилои КМИР, Рустам Латифзода, номзади Ҳизби Аграрии Тоҷикистон, Абдуҳалим Ғаффорзода, номзади Ҳизби Сотсиалистии Тоҷикистон, Эмомалӣ Раҳмон, номзади Федератсияи иттифоқҳои касабаи мустақил, Иттифоқи ҷавонон ва Ҳизби Халқии Демократии Тоҷикистон, Рустам Раҳматзода, номзади Ҳизби Ислоҳоти Иқтисодии Тоҷикистон ва Мироҷ Абдуллоев, номзади Ҳизби Коммунистии Тоҷикистон ба сабқати интихоботӣ роҳ ёфтанд.

Саидҷафъар Усмонов, раис ва номзади Ҳизби демократи Тоҷикистон, низ аз аҳзоби мухолифи созандаи ҳукумат ба шумор меояд. Ӯ дар интихоботи президентии соли 2013 1,02 % - и раъйҳоро ба даст оварда буд.

Дар ҳамин ҳол, сарнавишти номзадҳое, ки тариқи худпешбарӣ мехостанд дар интихобот ширкат кунанд, маълум нест.

Ҷавони тоҷик мудаии президентӣ шуд: Иргашов чӣ ваъдаҳо доду чиро интизор аст?-аксу видео

Аз ҷумла ин маълум нест, ки Иброҳимҷон Юсуфбеков, сокини деҳаи Шашқати Нави ҷамоати деҳоти Рӯдакии шаҳри Панҷакент ва Фаромуз Иргашев, вакили мудофеъ аз шаҳри Хоруғ оё санаду ҳуҷҷатҳои худро пешниҳод кардаанд ё не.

КМИР номзадҳо ба президентиро сабт кард: 5 нафаранд-ном ба ном

Тибқи муқаррароти КМИР – и Тоҷикистон, баррасии санаду ҳуҷҷатҳои номзадон 15 сентябр ба анҷом мерасад.

433
Барчаспҳо:
интихобот, КМИР, Саидҷаъфар Исмонов, Тоҷикистон
Мавзуҳо:
Интихоботи президентӣ - 2020 (28)
Машина полиции

Майдаавбошии Одинаевҳо: барои дашному латукӯби ҳамсоя ҳабсу ҷарима шуданд - навор

385
(Таҷдидшуда 18:57 19.09.2020)
Саҳнаи дашномкунӣ ва латукӯби як ҷавон аз ҷониби ду бародар дар шаҳри Душанбе ба шабакаҳои иҷтимоӣ роҳ ёфт ва баҳси гармеро ба миён овард

ДУШАНБЕ, 19 сен – Sputnik. Кормандони Раёсати умури дохилаи шаҳри Душанбе ду ҷавонеро боздошт намуданд, ки дар якҷоягӣ ҷавони дигарро ҳақорат ва шадидан кӯфтанд.

Бар хабари котиботи раёсати мазкур, ин ҳодиса нисфирӯзи 16 - уми сентябр дар кӯчаи Соҳилӣ рух дод.

Бародарон Одинаев Фирӯз ва Одинаев Фаррух, ки сокинони кӯчаи Соҳилӣ мебошанд, ҳамсояи 30  солаашонро нахуст дашном дода, сипас ду каса ӯро шадидан кӯфтанд.

Қиссаи бедаракшавии муҳоҷири тоҷик: аз латукӯб то гум шудани хотира-видео

Аз рӯи наворе, ки ба дасти кормандони РВУД дар пойтахт расид, ҳар ду бародар боздошт ва ба идораи пулис оварда шуданд.

Манбаъ меафзояд, Одинаевҳо барои дағалона вайрон кардани тартиботи ҷамиятӣ яке ба 5 шабонарӯз ҳабси маъмурӣ равона шуда, дар нисбати дигарӣ, ҷарима ба андозаи 10 нишондиҳанда барои ҳисобҳо таъин карда шуд.

385
Барчаспҳо:
ҷарима, ҳабс, ҳамсоя, латукӯб, Душанбе
Ювелирные изделия, архивное фото

Боздошти зани 41-сола бо иттиҳоми дуздии ҷавоҳироти зани дигар

95
(Таҷдидшуда 15:51 19.09.2020)
Вазорати умури дохилии Тоҷикистон аз боздошти зани 41-сола хабар дод, ки дар дуздии ҷавоҳироти зани дигар муттаҳам мешавад

ДУШАНБЕ, 19 сен — Sputnik. Тибқи иттилои ВУД, ба идораи милисаи ноҳияи Сино, зани 43-солаи сокини пойтахт муроҷиат намуда, арз доштааст, ки 5-уми сентябри соли 2020, тахминан соатҳои 10:30-дақиқа, шахси номаълум бо роҳи пинҳонӣ ба хонаи истиқоматиаш даромада, аз он ҷо ҷавоҳироти гуногуни тиллоиро дуздида, аз ҷойи ҳодиса ғайб задааст.

Манбаъ зарари расонидашударо 10 ҳазор сомонӣ арзёбӣ кардааст.

ВУД афзуд, ки ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия зани 41-солаи сокини ҷамоати деҳоти Турдибобои шаҳри Ҳисор, ки пеш барои дуздию қаллобӣ суд шудааст, ҳамчун гумонбар дар дуздӣ боздошт гардид.

Инчунин дар натиҷаи гузаронидани чорабиниҳои оперативӣ ҷустуҷӯӣ аз ҷониби кормандони милитсия ноболиғи 17-солаи сокини ҷамоати деҳоти Саразми шаҳри Панҷакент бо гумони содир намудани ҷинояти дуздӣ дастгир карда шудааст.

“Номбурда, санаи 21-уми августи соли 2020, тахминан соатҳои 01:30-дақиқа, бо роҳи пинҳонӣ аз хонаи истиқоматии марди 46-солаи сокини ҷамоати деҳоти Саразм 1 адад скутери тамғаи “Daylingo”-ро дуздида аз ҷойи ҳодиса ғайб задааст. Зарари расонидашуда 3 ҳазору 500-сомониро ташкил медиҳад”, - омадааст дар иттилоия.

ВУД Тоҷикистон таъкид кард, ки аз рӯи ин ҳодисаҳо тафтишот идома дорад.

95
Барчаспҳо:
боздошт, дуздии ҷавоҳирот, Тоҷикистон
Выборы в парламент Таджикистана - Москва 2020 год

Даҳ ҳазор довталаб барои баргузории интихоботи президентӣ Тоҷикистон кӯмак хоҳанд кард

0
(Таҷдидшуда 02:29 20.09.2020)
Кумитаи давлатии ҷавонон ва варзиши Тоҷикистон эълом кард барои баргузории интихоботи президентӣ 11 октябр 10 ҳазор ҷавони довталаб ба кӯмаки комиссияи марказии интихобот хоҳанд омад

ДУШАНБЕ, 20 сен — Sputnik. Дилноза Аҳмадзода муовини раиси кумитаи давлатии ҷавонон ва варзиши Тоҷикистон бо эъломи ин хабар дар нишасти комиссияи марказии интихоботи ин кишвар  афзуд, ки ин 10 ҳазор нафар дар ҳама қитъаҳои интихоботӣ ҳузур хоҳанд дошт, то ба маъмурони интихоботӣ кӯмак кунанд, иттилоъ додааст радиои тоҷикии Садои  Хуросон. 

Вай гуфт, 250 нафар аз ин довталабон ба забонҳои руси ва англисӣ мусаллат ҳастанд ва ба нозирони байналмилалии интихоботи президентӣ Тоҷикистон  кӯмак хоҳанд кард.

Ин довталабон акнун машғули таҳияи феҳристи райдиҳандагон , сабти номи онон ва омодасозии маконҳо барои дидорҳои интихоботӣ бо риояти муқаррароти беҳдоштӣ мебошанд.

Бар асоси тасмими комиссияи марказии интихоботии Тоҷикистон Эмомалӣ Раҳмон  номзади Ҳизби халқии Демократӣ, Рустам  Латифзода  номзади Ҳизби Кишоварзӣ, Абдуҳалим Ғаффоров номзади ҳизби сотсиалист, Рустами Раҳматзода номзади Ҳизби ислоҳоти иқтисодӣ ва Меъроҷ Абдуллоев номзади Ҳизби коммунистии Тоҷикистон дар интихоботи раёсати ҷумҳурии рӯзи 11 октябр  рақобат хоҳанд кард.

0
Барчаспҳо:
Кумитаи ҷавонону варзиш, кӯмак, ҷавонон, президентӣ, интихобот, Тоҷикистон