Преступник за решеткой

Коррупсионер: Додгоҳ корманди гумруки шаҳри Душанберо ба 20 соли зиндон маҳкум кард

1089
(Таҷдидшуда 11:45 19.09.2020)
Суди ноҳияи Фирдавсии шаҳри Душанбе Нуъмонзода Сомон Саидӣ, нозир-хазиначии шуъбаи молия ва хоҷагии раёсати гумруки шаҳри Душанберо бо гуноҳи сӯиистифода аз мансаб ва сохтакорӣ ба 20 соли зиндони низомаш сахт маҳкум кард

ДУШАНБЕ, 19 сен – Sputnik. Додгоҳи ноҳияи Фирдавсии Нуъмонзода Сомонро дар тасарруфи 12,3 миллион сомонӣ (муодили беш аз як миллион доллар) маблағҳои давлат гунаҳкор шинохт, иттилоъ додааст Прокуратураи генералии Тоҷикистон.

“Нуъмонзода тавассути соҳибкор Ҳайдаров А.Н, ва декларант Сафаров Ш.Р. ғайриқонунӣ маблағҳои хазинаро ба номи ширкатҳои тиҷоратии Ҳайдаров интиқол дода, расидҳои қалбакӣ оиди қабули маблағ тартиб додаааст”, - таъкид доштааст манбаъ.

Гуфта шудааст, ки Нуъмонзода Сомон Саидӣ дар вазифаи нозир-хазиначии шӯъбаи молиявию хоҷагии Раёсати минтақавии гумрукӣ дар шаҳри Душанбе фаъолият намуда, бо сӯиистифода аз ваколатҳои мансабӣ ва сохтакории хизматӣ дар асоси маслиҳати пешакӣ бо соҳибкор Ҳайдаров А.Н. ва декларант Сафаров Ш.Р. барон ба расмият даровардани молу маҳсулотҳои аз Ҷумҳурии Халқии Чин вориднамудаи соҳибкор Ҳайдаров А.Н. ғайриқонунӣ маблағҳои хазинаро ба номи ширкатҳои тиҷоратии пешниҳоднамудаи охирин интиқол дода, расидҳои қалбакӣ оиди қабули маблағ тартиб дода, ба соҳибкор Ҳайдаров А.Н. пешниҳод намудааст.

“Минбаъд, Ҳайдаров А.Н. ва Сафаров Ш.Р. дар асоси расидҳои пешниҳоднамудаи Нуъмонзода С.С. молу маҳсулотҳои ворид намударо ба расмияти гумрукӣ дароварда, бо ин роҳ маблағи 12 313 364, 47 сомониро тасарруф намудаанд”, -қайд кардааст манбаъ.

Прокуратураи генералӣ зикр кардааст, ки нисбати Нуъмонзода С.С. парвандаи ҷиноятӣ оғоз ва бо анҷоми тафтишоти пешакӣ ба суди ноҳияи Фирдавсӣ ирсол карда шудааст.

Манбаъ илова кардааст, ки бо ҳукми суди ин ноҳия аз 10 сентябри соли 2020 Нуъмонзода С.С. дар содир намудани ҷиноятҳои ба ӯ эълонкардашуда пурра гунаҳгор дониста шуда, ба ӯ ҷазои 20 сол маҳрум сохтан аз озодӣ, бо маҳрум кардан аз ҳуқуқи ишғоли мансаб дар хидмати давлатӣ ва ҷавобгарии моддӣ дошта ба муҳлати 5 сол, бо адои ҷазо дар колониям ислоҳии низомаш сахт таъйин карда шудааст.

Ҳамзамон аз ҳисоби Нуъмонзода С.С. маблағи зарари расонидашуда ба фоидаи давлат рӯёнида шуд.

1089
Барчаспҳо:
маҳкум, зиндон, гумрук, корманд, Душанбе, суд, Тоҷикистон
Суванқулов Содиқҷон маҳкумшуда барои қатли маъшуқи ҳамсараш

Ҷазои Суванқулов барои куштор ҳангоми ҳамхобагии собиқ занаш бо ҳамсоя-видео

475
Додгоҳи вилояти Хатлон Суванқулов Содиқҷони 51-соларо барои куштор ҳангоми дидани ҳамхобагии собиқ ҳамсараш бо ҳамсояи 52-сола ба 26 соли зиндон маҳкум кард

ДУШАНБЕ, 21 окт - Sputnik. Тибқи иттилои ВУД, Суванқулов, сокини ноҳияи Шаҳритуз, 19-уми августи соли равон, тахминан соати 23:30 дар холати мастӣ ба хонаи собиқ ҳамсараш, Бердиева Фарзонаи 26-сола омада, дидааст, ки ӯ бо ҳамсояаш, Раҷабов Рустам, марди 52-сола муносибати маҳрамона дорад.

Манбаъ афзуд, гумонбаршаванда бо корди дар дасташ буда якчанд маротиба ба узвҳои бадани мархум Раҷабов зада, ӯро ба ҳалокат расонидааст.

"Бо ин конеъ нагашта, аз ҳиссиёти рашк собиқ ҳамсарашро бо корд 4 маротиба ба узвҳои баданаш мезанад. Ба ғайр аз ин, гумонбаршаванда зани 30-солаи сокини шаҳри Норак, Камолова Нилуфар, ки дар меҳмонии онҳо қарор доштааст, 3 маротиба ба қисмати сар ва дасташ задааст, ки дар натиҷа ҷабрдидахо ҷароҳати ҷисмонӣ бардошта, дар беморхона бистарӣ гардидаанд", - омадааст дар иттилоияи ВУД.

Додгоҳи вилояти Хатлон дар пайи баррасии қазия Суванқулов Содиқҷонро  ба 26 соли зиндони низомаш сахт маҳкум кардааст. 

475
Пользователь смотрит товары в интернет магазине, архивное фото

Суръати интернет тезтар шудааст: Тоҷикистон дар раддабандии нави “Speedtest Global Index”

67
(Таҷдидшуда 13:51 21.10.2020)
Созмони “Speedtest Global Index” Тоҷикистонро дар раддабандии ҷадидаш аз рӯи суръати интернети мобилӣ дар ҷойи 127 ва аз руйи интернети ноқилӣ дар зинаи 90 қарор додааст, ки нисбат ба нишондодҳои аввали сол 6 зина боло рафтааст

ДУШАНБЕ, 21 окт - Sputnik. Тибқи раддабандии ҷадиди “Speedtest Global Index”, ки бар асоси нишондодҳои моҳи сентябр таҳия шудааст, суръати интернети мобилӣ дар Тоҷикистон пасттарин, миёни 138 кишвари ҷаҳон дар ҷойи 127 қарор гирифтааст.

Дар гузориши “Speedtest Global Index”, суръати интернети мобилии Тоҷикистон, барои боргирӣ 13,08 Мбит дар сония  ва барои боргузорӣ 5,80 Мбит дар сония  арзёбӣ шудааст. Дар ҳоле ки суръати миёнаи интернети мобилӣ дар ҷаҳон 23,8 Мбит ва баландтарин 83,52 Мбит/сония баҳогузорӣ шудааст.
Ин гузориш инчунин интернети ноқилиро низ фаро гирифтааст, ба пояи он Тоҷикистон миёни 175 кишвар дар зинаи 90 қарор гирифтааст. Бар пояи гузориш дар Тоҷикистон боргирӣ тавассути интернети ноқилӣ 34,68 Мбит дар сония ва боргузорӣ бошад 33,31 Мбит  дар сонияро ташкил медиҳад.

Бар пояи гузориш аз лиҳози интернети ноқилӣ Тоҷикистон сар аз аввали сол 19 зина боло рафта, мавқеашро беҳтар кардааст.

Миёни кишварҳои ИДМ Русия дар зинаи 88, Қазоқистон дар ҷойи 101-ум, Қирғизистон - 103-ум ва Ӯзбекистон - 125-ум мебошанд. Русия ҳамзамон аз лиҳози интернети ноқилӣ аввал буда, дар зинаи 46 қарор гирифтааст.   Қазоқистон бошад дар мақоми 67, Қирғизситон - 74 ва Ӯзбекистон дар ҷойи 96-умро ҷой гирифтаанд.

Хадамоти алоқа гуфт, чаро нархи интернет гарону суръаташ суст аст

Дар садри ҷадвали раддабандӣ аз рӯйи интернети мобилӣ Кореяи Ҷанубӣ, Аморати Муттаҳидаи Араб ва Чин ҷой гирифтаанд. Сингапур, Ҳонконг ва Руминия бошанд аз рӯйи интернети ноқилӣ дар се зинаи аввали раддабндӣ қарор гирифтаанд. Зинаи охири радабандиро Судон, Венесуэлла соҳиб шудаанд.

67
Барчаспҳо:
Раддабандӣ, суръат, интернет, Тоҷикистон