Пограничный пункт, архивное фото

Марзи Тоҷикистону Ӯзбекистон кай боз мешавад?

804
(Таҷдидшуда 18:20 23.09.2020)
29 сентябр Комиссияи байниҳукуматии Тоҷикистону Ӯзбекистон кушодани марзи миёни ду кишварро ба баррасӣ мегирад

ДУШАНБЕ, 23 сен — Sputnik. Аз Раёсати иттилоот ва матбуоти Вазорати корҳои хориҷии Тоҷикистон ба Sputnik Тоҷикистон иттилоъ доданд, ки аз боз шудани марзи Ӯзбекистон дарак дорем, аммо то ҳол тариқи дипломатӣ иттилоъ ба даст наовардаем.

“Ҷузъиёти ин масъала рӯзи 29 сентябр дар ҷаласаи Комиссияи байниҳукуматии Тоҷикистону Ӯзбекистон баррасӣ хоҳад шуд. Яке аз масъалаҳои рӯзномаи ин маҷлис низ баррасии боз шудани марзҳо хоҳад буд. Он ҷо маълум мешавад, ки дар кадом шароит, кай ва дар кадом манотиқ марзҳо боз хоҳанд шуд", - хабар доданд аз Раёсати иттилоот ва матбуоти Вазорати корҳои хориҷии Тоҷикистон.

Қаблан манобеъи расмии Тоҷикистон хабар дода буданд, ки 28 – 30 сентябр як ҳайати ҷумҳурии Ӯзбекистон таҳти сарварии Абдулло Орифов, сарвазири он кишвар ба Тоҷикистон хоҳад омад.

Ҳангоми ин сафар як ҷаласаи соҳибкорони Тоҷикистону Ӯзбекистон тарҳрезӣ шудааст.

Вазорати иқтисод ва савдои Тоҷикистон хабар дод, ки вазъ ва дурнамои ҳамкории дуҷониба дар соҳаи тиҷоратию иқтисодӣ, аз ҷумла зиёд намудани нишондиҳандаҳои ҳаҷми гардиши савдо, таъсиси корхонаҳои муштарак дар минтақаҳои озоди иқтисодии Тоҷикистон аз масоили мавриди баррасии ҷонибҳост .

Дар ин миён масъалаи боз шудани марзҳо барои Тоҷикистон муҳим хоҳад буд, зеро ин кишвар ҳанӯз моҳи марти соли равон дар пайи шиддат гирифтани пандемияи "вируси корона" дар саросари дунё ва ба хотири ҷилавгирӣ аз вуруди ин вирус аз кишварҳои хориҷӣ марзҳояшро баста буд.
Кишварҳои сабзу зарду сурх 18 сентябр Комисияи махсуси ҷумҳуриявии мубориза бо "вируси корона" – и Ӯзбекистон бо як қарор иҷозаи убуру мурур тариқи роҳҳои заминӣ, оҳан ва ҳавоин кишварро аз 1 октябри соли равон бо риояи қатъии қоидаҳои карантину беҳдоштӣ содир намуд.

Бино ба ин қарор, ки дар сомонаи вазорати корҳои хориҷии Ӯзбекистон нашр шудааст, мусофироне, ки 14 рӯзи ахир дар "кишварҳои сабз" - Чин, Тайиланд, Малайзия, Куриёи Ҷанубӣ, Гурҷистон, Маҷористон, Финляндия, Латвия, Австрия ва Ҷопон - қарор доштаанд, ба Ӯзбекистон бидуни маҳдудият ворид мешаванд.

Онҳое, ки аз "кишварҳои зард" - Озарбойҷон, Белорус, Аморати Муттаҳидаи Араб ва кишварҳои Иттиҳоди Аврупо (ба истиснои Бритониё ва Испания) ва "кишварҳои сурх" (бақия кишварҳои ҷаҳон) меоянд, тайи 72 соат аз озмоиши "вируси корона" гузашта, дар ҳолати манфӣ будани ташхис иҷозаи вуруд ба Ӯзбекистонро пайдо мекунанд.

Атбои ҳамсояҳои девор ба девори Ӯзбекистон - Туркманистон, Қазоқистон, Тоҷикистон ва Афғонистон, ки аз роҳҳои заминӣ ба ин кишвар меоянд, бино ба қарори комиссияи махсус, аз санҷиш ё экспресс-тести "вируси корона" гузашта, 14 рӯз дар меҳмонхона ё манзили шахсӣ қарантина мешаванд.
31 кишвар Ҳамсоякишвари дигари Тоҷикистон - Қирғизистон ҳанӯз 21 август эълом дошта буд, ки марзҳояшро ба рӯи 31 кишвар боз мекунад. Бино ба иттилои Ситоди ҷумҳуриявии мубориза бо "вируси корона" – и Қирғизистон, ин кишварҳоеанд, ки дар онҳо вазъи COVID - 19 ба эътидол омадааст.

Инҳо Русия, Гурҷистон, Озарбойҷон, Арманистон, Белорус, Қазоқистон, Туркманистон, Белгия, Австрия, Бритониё, Олмон, Ирландия, Исландия, Итолиё, Латвия, Литва, Лихтенштейн, Люксембург, Португалия, Туркия, Шветсария, Шведсия, Қатар, АМА, Чин, Малайзия, Куреи Ҷанубӣ, Покистон, Словения, Кувайт ва Ҷопон мебошанд.

Қазоқистон қоидаҳои вуруди шаҳрвандони Тоҷикистонро ба қаламраваш тағйир дод

Тоҷикистону Ӯзбекистон дар ин ҷамъ ҳузур надоранд. Аммо манобеъи расмии Тоҷикистону Қирғизистон хабар додаанд, ки ба ҳамин зудӣ ҳайатҳои расмии ҷонибҳо ин масъаларо ба баррасӣ хоҳанд гирифт.

804
Барчаспҳо:
марз, Ӯзбекистон, Тоҷикистон
Автомобиль опрокинулся в реку Фондарё

Садамаи маргбор дар шоҳроҳи "Душанбе-Хоруғ-Қулма": худрав ба дарёи "Ғунд" чаппа шуд

1740
(Таҷдидшуда 15:51 28.10.2020)
Вазорати умури дохилаи Тоҷикистон аз садмаи маргбор дар шоҳроҳи "Душанбе - Хоруғ - Қулма" хабар медиҳад

ДУШАНБЕ, 28 окт — Sputnik. Бино ба гузориши Вазорати корҳои дохилӣ, садама бегоҳи 27-уми октябррух додааст.

Тибқи иттилои ВКД, ронандаи худрави тамғаи "Чанху", Мардонов Ховар Навбаҳорович, соли таваллудаш 1972, сокини ноҳияи Шуғнон, ҳангоми ҳаракат дар шоҳроҳи "Душанбе-Хоруғ-Қулма", аз уҳдаи идораи воситаи нақлиёт набаромада, ба дарёи "Ғунд" чаппа шудааст.

Марги ду сокини Чорсӯ дар садамаи мудҳиши нақлиётӣ: яке ронанда буду дигараш мусофир

Гуфта мешавад, ки садама дар ҳудуди деҳаи Боғев ба вуқӯъ пайвастааст.

"Дар натиҷа, ронанда Мардонов Х.Н. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст", - омадааст дар хабарнома.

Боз садама дар тӯй: мошин бо домоди тоҷику арӯсаш ба истгоҳ бархӯрда, чаппа шуд

Манбаъ афзуда, ки аз рӯи ин ҳодисаи мазкур таҳқиқот идома дорад.

1740
Барчаспҳо:
ҳалокат, садама, Тоҷикистон
Подростки

Бо корд ҳамла кардани ноболиғ ба хонандагони синфи 10: пулис волидонро ҷарима кард- навор

756
(Таҷдидшуда 16:37 27.10.2020)
Ҷавони 17 - сола бо ҳамроҳии ду дӯсти дигараш барои ҳал кардани нофаҳмиҳо миёни ӯ ва хонандагони синфи 10, мактаби № 92, ба яке аз кӯчаҳои шаҳри Душанбе омада, бо корд ба онҳо таҳдид кард

ДУШАНБЕ, 27 окт — Sputnik. Навори муноқишаи ду гурӯҳ ҷавонону ноболиғон дар шаҳри Душанбе, аз ҷониби раҳгузаре сабт ва дар шабакаҳои иҷтимоӣ паҳн шуд. 

Зимнан, кормандони милитсияи пойтахт навори мазкуро мавриди баррасӣ қарор доданд.

Дар ин навор навраси 17 - сола, сокини ноҳияи Рӯдакӣ, хонандаи курси 2 - и Литсеи касбӣ - политехникӣ бо ҳамроҳии ду нафар рафиқони худ, яке ҷавони 19 - сола, дигаре ҷавони 15 - сола ба хотири қасдгирӣ аз хонандагони синфи 10 - и МТМУ № 92 дар ноҳияи Сино, онҳоро ба муноқиша даъват кардаанд.

Вазорати маорифи ҶТ омӯзгореро, ки бо донишомӯз задухӯрд карда буд, танбеҳ дод

Манбаъ меафзояд, ҳодисаи мазкур рӯзи 25 октябр рух додааст. Чаҳор нафар хонандагони синфи 10 - и муассисаи мазкур ба хотири ба қавле ҳал намудани нофаҳмиҳои ба миён омада, ба макони муайяншуда рафтаанд.

Дар навор ҷавони 17 - сола бо корд ба хонандаҳо таҳдид намудааст, ки дар натиҷа, ҳамаи онҳо пароканда шуданд.

РВУД дар шаҳри Душанбе таъкид мекунад, ки нисбати волидайни ноболиғон бо моддаи 90 - Кодекси ҳуқуқвайронкунии маъмурӣ, барои бемасъулиятӣ ва ҳунукназарӣ нисбати таълиму тарбияи фарзанд, протоколи ҳуқуқвайронкунии маъмурӣ тартиб дода шуд.

Волидони кӯдакон ҷаримабандӣ ва худи онҳо ба таври қатъӣ огоҳонида шуданд.

756
Барчаспҳо:
ноболиғ, ҳамла, корд, Душанбе

Вакил гуфт, бекор кардани патент барои муҳоҷирон чӣ пайомад дорад

0
(Таҷдидшуда 20:06 28.10.2020)
Ба гуфти вакил сабукӣ барои муҳоҷирони метавонад вокунииши манфии шаҳрвандони Русияро ба бор орад ва ба амният хатар дошта бошад

ДУШАНБЕ, 28 окт — Sputnik. ВУД Русия пешниҳод карда, ки қонун "Дар бораи вазъи ҳуқуқии шаҳрвандони хориҷӣ дар ФР" ислоҳ карда шавад ва барои бархе аз гурӯҳи муҳоҷирон патент бекор гардад.

Светлана Бессараб, узви Кумитаи Думаи давлатӣ оид ба меҳнат, сиёсати иҷтимоӣ ва собиқадорон, дар суҳбат бо Парламентская газета аз чунин навоварӣ интиқод кард.

Дар Русия барои муҳоҷирони ғайриқонунӣ низ Маркази имдод ифтитоҳ мешавад

"Ман ба чунин ташаббус эҳтиёткорона муносибат мекунам. Тавре таҷриба нишон медиҳад, аз ҷумла дар кишварҳои Урупо, на ҳамеша пур кардани ҷойҳои корие, ки мардуми бумӣ намехоҳад аз ҳисоби муҳоҷирон, хуб аст. Аксар вақт ин амалкард бо амнияти давлатӣ алоқаманд аст". қайд кард Бессараб.

Вакил афзуд, ки чунин навгониҳо барои муҳоҷирони сохтмончӣ метавонад вокунииши манфии шаҳрвандони Русия ва иттифоқҳои касабаро ба бор орад.

Чунин вокуниш махсусан имрӯзҳо, ки сатҳи бекорӣ дар Русия дар ҳоли афзоиш аст, интизоршаванда мебошад.

Ба ширкатҳои бузурги сохтмонӣ иҷозат дода мешавад, муҳоҷиронро аз Тоҷикистон даъват кунанд

Рӯзи 26 октябр Вазорати корҳои дохилии Русия тарҳи ислоҳи қонун "Дар бораи вазъи ҳуқуқии шаҳрвандони хориҷӣ дар Федератсияи Русия" -ро барои муҳокимаи умум нашр кард.

Тибқи ҳуҷҷат, хориҷиён метавонанд бидуни патент ва иҷозатномаи кор дар ширкатҳои байналмилалии Русия кор кунанд: дар сохтани иншооти барои чорабиниҳо зарурӣ пешбинишуда ва ҳангоми омодагӣ ва иштирок дар чунин чорабиниҳо.

Рӯйхати чорабиниҳо, ташкилкунандагон ва лоиҳаҳои сохтмонро ҳукумат муайян мекунад.

0
Барчаспҳо:
муҳоҷирон, хатар, патент, Русия