Рахматулло Зоиров

ВКД гуфт, Зойировро назадаанд. Шоҳид: ӯро сагаш кашид ба ҷӯй афтид-видео

1255
(Таҷдидшуда 14:03 29.09.2020)
Вазорати умури дохилии Тоҷикистон латукӯби раиси ҳизби Сотсиал-демократии Тоҷикистон шаҳрванд Раҳматилло Зойировро шарҳ дод

ДУШАНБЕ, 29 сен – Sputnik. Тибқи иттилои дафтари матбуотии вазорат, Зойиров дар бораи латукӯб шуданаш ба ин ниҳод муроҷиат накардааст, аммо новосба аз ин оид ба изҳороти фейсбукияш ҳодиса таҳқиқ шудаст.

Ба иттилои манбаъ, мувофиқи санади судӣ-тиббӣ таҳти  ҷароҳатҳои ҷисмонии дар намуди харошаҳо бардоштаи шаҳрванд Зойиров, ба зарари ба саломатӣ ҳамбастагӣ надошта, дар сари ӯ ягон осеби ҷароҳат ёфт нашуд. Манбаъ мегӯяд, шоҳиди ҷойи ҳодиса шаҳрванд Давлатхоҷаев Қобилҷони 22 сола сокини кӯчаи Маяковскии пойтах, нишондод додааст, ки санаи 22 сентябри соли 2020 бегоҳирӯзӣ ҳамсояаш Зойиров Р.Ҳ.-ро вохӯрд, ки номбурда бо сагаш сайругашт менамуд.

“Дар ин маврид саг Зойиров Р.Ҳ.-ро ба як тараф кашид ва дар натиҷа номбурда ба дохили ҷӯйбори бетонӣ афтид”, афзудаст Давлатхоҷаев.

Давлатхоҷаев  изҳор намудааст, ки Зойиров пас аз афтидан ба ҷуйбор ҷароҳат бардошт ва худаш аз ҷуйбор бархест. Ӯро ҳеҷ кас лату кӯб накардааст, зеро дар гирду атрофи ҷойи ҳодиса ба ғайр аз онҳо ягон шахси дигар ҳузур надоштааст.

Ба иттилои ВУД, шаҳрванд Ҳусейнов Фахриддин низ гуфтааст, зимни вохӯрӣ Зоиров оиди харошҳои рӯяш ба ӯ гуфтааст, ки дар назди бинои истиқоматиаш афтида буд.

“Ҳамчунин ҳамсари Зойиров Р.Ҳ. шаҳрванд Каримова Мавзуна Тимуровна, 1959 с.т., сокини шаҳри Душанбе, кӯчаи Маяковский, х.45/1, ҳ.27, чунин нишон дод, ки рӯзи 22 сентябри соли 2020 шавҳараш бегоҳирӯзӣ ба хона омад ва либосҳои ӯ дар лой олуда буд. Вақте, ки аз ӯ пурсон мешавад, ки чаро либосҳояш тару лойолуд аст, ӯ ҷавоб медиҳад, ки ба ҷӯйбор афтидааст. Дар бораи лату кӯб Зойиров Р.Ҳ. ба ӯ чизе нагуфтааст”, афзудааст ВУД.

Ин ниҳод гуфтааст, дар вақти санҷиши ҳаматарафа, ваҷҳҳои овардаи шаҳрванд Зойиров Р.Ҳ. тасдиқи худро наёфт.

Гуфта мешавад, айни замон аз ҷониби ШТ ШВКД-1 дар ноҳияи Сино оиди ҳодисаи мазкур санҷиши пешакӣ идома дорад.

Ёдовар мешавем қаблан Раиси Ҳизби сотсиал - демократии Тоҷикистон дас сафҳаи фейсбукияш навишт, ки ӯро дар назди манзили зисташ, ашхоси номаълум мавриди латукӯб қарор доданд.

Ба навиштаи Зойиров, ҳамлаи навбатӣ рӯзи 22 - уми сентябр , тақрибан соати 18:20 дақиқа, дар 20 метр дуртар аз хонаи истиқоматияш сурат гирифт.

Ба нигоштаи Зойиров, "яке аз онҳо ду зарба аз қафо зад: аввал ба чизи кунд ба сар, баъд ба чашми рост ва қисми чашми косахонаи сар аз паҳлӯ, дуюмӣ маро бо тамоми қувват ба ҷӯйбор тела дод, вақте афтодам, китфи чапам ба девори ҷӯйбор зад, сипас бо зону ба замин афтодам".

1255
Барчаспҳо:
латукӯб, ВКД, Раҳматилло Зойиров, Тоҷикистон
ДТП в Санкт-Петербурге, на проспекте Косыгина

Боз садама дар тӯй: мошин бо домоди тоҷику арӯсаш ба истгоҳ бархӯрда, чаппа шуд

867
(Таҷдидшуда 21:25 21.10.2020)
Мошини Hyundai, ки ҳомили домоди тоҷику арӯсаш будааст, дар рӯзи тӯй дар шаҳри Санкт-Петербург дар истгоҳ чаппа шудааст

ДУШАНБЕ, 21 окт — Sputnik. Дар шаҳри Санкт-Петербург мошин аз қатори тӯёна дучори садама шуд, хабар медиҳад Сарраёсати ҳолатҳои фавқулодда.

Сонеҳаи нақлиётӣ тақрибан соати 15 дар хиёбони Косигин рух додааст. Тавре маълум шудаст, дар мошин домод аз Тоҷикистон ва арӯсаш аз Русия қарор доштаанд, ки дар роҳ ба идораи сабти издивоҷ қарор доштаанд.

Дар бораи тафсилоти садама ба “Фонтанка” ронанд ва дӯсти домод, Мӯъминҷон нақл кардааст.

“Мошини “Лексус” ранги сурхи чароғакро сарфи назар карда, ба пушти мошини мо бархӯрд. Дар натиҷа мошини мо “Ҷип”-ро харошида, чаппа гардид", - хабар додааст “Фонтанка” аз қавли дӯсти домод.

Ӯ афзудааст, ки хушбахтона дар ин ҳодиса касе осеби ҷиддӣ надид, аммо ҷуфти ҷавон натавонист ба идораи САҲШ расад.

Манбаъ таъкид кардааст, ки феълан таҳқиқи ҳодисаи мазкур аз ҷониби нозирони роҳ идома дорад.

867
Барчаспҳо:
садама, Русия
Скорая помощь около отделения банка Грузии, где вооруженный мужчина захватил заложников в Зугдиди

Дар Гурҷистон силоҳбадаст 19 нафарро гаравгон гирифт: 500 000 доллар талаб дорад - навор

263
(Таҷдидшуда 19:25 21.10.2020)
Силоҳбадаст, ки ба биноги яке аз бонкҳои Гурҷистон ворид шуда, 19 нафарро гарав гирифт, акнун бар ивази раҳо кардани онҳо 500 ҳазор доллар талаб дорад

ДУШАНБЕ, 21 окт — Sputnik. Дар Зугдиди Гурҷистон марди мусаллаҳ дар бинои бонк 19 нафарро гарав гирифт, хабар медиҳад Sputnik Гурҷистон.

Ба иттилои манбаъ, миёни гаравгонон ҳам кормандони бонк ва ҳам муштариёни бонк қарор доранд.

Гуфта мешавад, аксари кормандони бонк, ки утоқи корияшон дар ошёнаи сеюм буд, тавонистанд тавассути боми бино ба берун бароянд. Силоҳбадаст 19 нафарро дар ошёнаи якум банд намудаст.

Анна Шония, яке аз кормандони бонк, ки тавонистааст аз бино берун равад, ба Sputnik Гурҷистон қазияро чунин шарҳ дод:

"Вақте ки ғоратгар ворид шуд, ман ба мизоҷ хидмат мекардам. Ӯ чанд маротиба тир холӣ кард ва дод зад, ки ин дуздӣ аст ва мо бояд рӯи фарш рост шавем. Дар ёд надорам, ки чӣ гуна ба берун баромадам. Зоҳиран, касе маро берун овард ... Меҳмононе буданд, ки интизори хидмат буданд, аммо, то ҷое ки ман медонам, шаҳрвандони калонсол озод карда шуданд. Кормандони филиал 58 нафарро ташкил медиҳанд", - гуфт ин намояндаи бонк.

Бар ивази раҳо кардани гаравгонҳо, силоҳбадаст 500 ҳазор долларро талаб мекунад. Ӯ автомату норинҷак мусаллаҳ аст.

263