ДТП, архивное фото

Ронандаи сархуш мошинашро ба дарахт заду мусофир ҷон бохт

586
(Таҷдидшуда 11:39 05.10.2020)
Сокини 41 - солаи ноҳияи Ховалинг дар натиҷаи чаппа шудани мошин ҷон бохт. Ронандаи худрав, ки марҳум савори он буд, дар ҳолати сархушӣ қарор дошт

ДУШАНБЕ, 5 окт — Sputnik. Вазорати умури дохилаи Тоҷикистон аз сар задани садамаи маргбори нақлиётӣ дар масири ноҳияи Ховалинг хабар медиҳад.

Ба иттилои манбаъ, ҳодисаи нохуш рӯзи 3 - юми октябр, тахминан соати 23:50 дақиқа дар маҳаллаи Сари - Мазор рух додааст.

ВУД мегӯяд, ронандаи автомашинаи тамғаи "Опел-Вектра", Қурбонов Бобохуҷаи 32 - сола, сокини ҷамоати деҳоти Ҷомбахти ноҳияи Ховалинг ҳангоми ҳаракат аз самти маҳаллаи Тутаки ҷамоати шаҳраки Ховалинг ба самти маркази ноҳияи Ховалинг, дар назди маҳаллаи Сари-Мазор аз уҳдаи идораи воситаи нақлиёт набаромада, ба канори чапи роҳ баромада, ба дарахт бархӯрдааст.

Садамаи маргбор дар роҳи Айнӣ - Панҷакент: ронанда ба дарахт бархӯрду мусофир ҳалок шуд

Таъкид мешавад, ки ронанда дар ҳолати сархушӣ қарор дошт.

Дар натиҷи мусофири автомобили мазкур Одинаев Умеди 41 - сола, сокини ҳамин ноҳия ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.

ВУД Тоҷикистон мегӯяд, аз рӯи ин ҳодиса тафтишот идома дорад.

586
Барчаспҳо:
мошин, садама, Ховалинг
Нож в руке, архивное фото

Тафтиши кордзанӣ аз пушт дар ноҳияи Рӯдакӣ

182
(Таҷдидшуда 20:55 23.10.2020)
Вазорати умури дохилии Тоҷикистон хабар додааст, ки 21-уми октябр дар ноҳияи Рӯдакӣ як ҳодисаи кордзанӣ сабт шудааст

ДУШАНБЕ, 23 окт - Sputnik. Тибқи иттилои ВУД Тоҷикистон, марди ҷабрдида ба идораи милиса муроҷиат карда, арз доштааст, ки шоми 21 октябр аз дасти марди 36-сола корд хӯрдааст.

"Ба ШВКД-1 дар ноҳияи Рӯдакӣ бо ариза марди 38-солаи сокини ҷамоати деҳоти Лоҳури ноҳияи мазкур муроҷиат намудааст, ки санаи 21-уми октябри соли 2020, тахминан соати 18:00 марди 36-солаи сокини ҷамоати деҳоти Лоҳури ҳамин ноҳия дар саҳни ҳавлиаш, воқеъ дар ҷамоати деҳоти Лоҳур бо корди дар дасташ буда, 1-маротиба ба пушташ задааст", - омадааст дар иттилоия.

Манбаъ афзуд, ки дар натиҷа ҷабрдида ҷароҳати вазнини ҷисмонӣ бардошта, дар беморхона бистарӣ гардидааст.

Боздошти Муминов барои қатли тағои 70-солааш: хонаро ба ӯ нею ба додараш додааст-видео

Вазорати умури дохилии Тоҷикистон мегӯяд, феълан аз руи ин ҳодиса тафтишот идома дорад.

182

Кӯдакон COVID-19-ро паҳн намекунанд: табибон афсонаи интиқоли вирусро рад карданд

194
(Таҷдидшуда 20:06 23.10.2020)
Эпидемиологи рус афсонаро дар бораи он, ки кӯдакони хурдсол калонсолонро ба коронавирус сироят мекунанд, дурӯғ хонда, гуфт, ки мактаббачаҳо интиқолдиҳандаи фаъоли сироят нестанд

ДУШАНБЕ, 23 окт - Sputnik. Роҳбари Маркази илмӣ-тадқиқотии эпидемиология ва микробиологияи ба номи Пастери Роспотребнадзор, академики Академияи илмҳои Русия Арег Тотолян гуфт, ки кӯдакон интиқолдиҳандаи коронавирус нестанд ва ин фарзия тасдиқ нашудааст, менависад РИА Новости.

Баръакс, калонсолон ва шаҳрвандони пиронсол ба кӯдакон сироят мекунанд. Афсонае, ки кӯдакон интиқолдиҳанда мебошанд, аз мушоҳидаи аввал ба вуҷуд омадааст.

Тотолян қайд мекунад, ки олимони қаблӣ пешниҳод мекарданд, ки кӯдакон сироятро дар шакли бенишона мегузаронанд ё интиқолдиҳандаи вирус мебошанд.

Мувофиқи он, ба хулосае омаданд, ки пиронсолон аз онҳо сироят меёбанд.

"Дар яке аз кишварҳои Скандинавия тадқиқоте гузаронида шуд ва нишон дод, ки баръакс аст: на кӯдакон пиронро, балки пиронсолон кӯдаконро сироят мекунанд",-таъкид кард академик.

Олимон гуфтанд, одамон бо кадом гурӯҳи хун коронавирусро сабук мегузаронанд

"Дарвоза" -и асосии коронавирус ба бадан, ки дар он афзоиш хоҳад ёфт, ретсептор ACE2 мебошад, ки дар одамони синну сол калон васешуда мебошад.

Дар кӯдакон ретсепторҳо хурданд, яъне вирус дар бадан камтар хоҳад буд ва аз ин рӯ манбаи сироят камтар аст.

Олимони бритонӣ се нишонаи нави коронавирусро ном бурданд

"Агар мо тамоми кӯдаконро гирем, на бештар аз 10% дар таркиби гирифторони COVID-19 онҳо мебошанд. Ҳиссаи бемориҳо дар кӯдакон нисбат ба дигар гурӯҳҳои синну сол ба таври назаррас камтар аст", - хулоса кард ҳамагиршиноси рус.

194
Барчаспҳо:
сироят, кӯдакон, вируси корона, Олимон
Мавзуҳо:
Пайомадҳои COVID-19 дар Тоҷикистон ва ҷаҳон
Национальный банк Таджикистана

Бонки миллӣ иҷоза дод: дар Тоҷикистон боз як бонк ба кор шурӯъ мекунад

37
аблан Эмомалӣ Раҳмон, раисиҷумҳури Тоҷикистон дастури таъмини манобеи молӣ аз ҳисоби буҷети ҳукумат барои фаъолияти “Саноатсодиротбонк”-ро дода буд

ДУШАНБЕ, 24 октябр - Sputnik. Бонки миллии Тоҷикистон муҷаввизи таъсиси бонки ҷадидеро ба номи"Саноатсодиротбонк" содир кард.

Тавре вебгоҳи Бонки миллӣ менависад, ҳадаф аз таъсиси ин бонк, ҳимоят аз фаъолияти бахши хусӯсӣ, тиҷорати хурд, тавлидкунандагон ва содиркунандагони маҳсӯлот эълом шудааст.

Қаблан Эмомалӣ Раҳмон, раисиҷумҳури Тоҷикистон дастури таъмини манобеи молӣ аз ҳисоби буҷети ҳукумат барои фаъолияти “Саноатсодиротбонк”-ро дода буд.

Бонки ҷадид бояд барои фаъолиятҳои иқтисодӣ ва тиҷорӣ дар дохили Тоҷикистон ва кумак ба содироти маҳсӯлот ба хориҷ аз ин кишвар, эътибороти молии мавриди ниёзро дар ихтиёри фаъолони бахши хусусӣ қарор диҳад.

Дар Тоҷикистон 18 бонки тиҷорӣ ва танҳо як бонки давлатии мавсӯм ба “Амонатбонк” фаъолият мекунад.

Аммо теъдоде аз ин бонкҳо аз ҷумла “Содирот” ва “Сармоягузории кишоварзӣ” дар остонаи варшикастагӣ қарор гирифтаанд.

37