Памятник Лоику Шерали в городе Пенджикент, архивное фото

Меҳмонхонаҳои Панҷакент ба системаи ҷаҳонии иҷорагирии Booking дохил шудаанд

233
(Таҷдидшуда 18:24 07.10.2020)
Якбора якчанд меҳмонхонаҳои Панҷакент ба системаи мҷорагирии (бронкунӣ) меҳмонхонаҳои ҷаҳон Booking.com дохил карда шуданд, ки сайёҳон метавонанд ҳуҷраи дӯстдоштаи худро пешакӣ фармоиш диҳанд.

ДУШАНБЕ, 7 окт — Sputnik. Панҷакент аввалин шаҳри Тоҷикистон шуд, ки ба системаи ҷаҳонии иҷорагирии ҷмеҳмонхонаҳо Booking.com дохил карда шудааст.

Ба ин рӯйхат меҳмонхонаҳои "Зарафшон", Hotel SUGD & Guest House, Umariyon шомил шудаанд, ки дар он метавон ҳар як ҳуҷраро барои санаи муносиб банд кард, инчунин рейтинги онҳоро диду шарҳҳо дар бораи ононро хонд.

Ғайр аз ин, Кумитаи рушди сайёҳии Тоҷикистон ба 22 ширкати сайёҳии вилояти Суғд барои хизматрасонӣ иҷозатнома додааст.

Дар баробари онҳо, хадамоти сайёҳӣ аз ҷониби ташкилоти ҷамъиятии “Шӯрои сайёҳии Зарафшон”, 14 меҳмонхона, 22 хонаи меҳмонон, истгоҳи кӯҳнавардии “Артуч” ва истгоҳи сайёҳии “Марғзор”, ки дар ҳудуди кӯли шашуми кӯлҳои Марғузор дар водии Ҳафткул ҷойгиранд, пешниҳод карда мешаванд.

Ҳамин тавр, тибқи омор, соли гузашта тақрибан 73 ҳазор сайёҳ аз Панҷакент дидан карданд, ки беш аз нисфашон - 34 ҳазор нафарашон шаҳрвандони кишварҳои хориҷӣ буданд.

Бо назардошти шароити табиӣ ва сайёҳӣ, Панҷакент метавонад солона то 200 ҳазор сайёҳро қабул кунад. Шаҳр дорои ҷойҳои зебо, ёдгориҳои меъморӣ, минтақаҳои аҷиби истироҳатӣ дар соҳили дарёи Зарафшон мебошад.

Ҳоло дар қаламрави Панҷакенти бостонӣ 350 ёдгории таърихӣ, Кӯли калон, Ҳафткӯл ва бисёр дигар биноҳои таърихӣ мавҷуданд.

Ёдовар мешавем, Booking.com системаи иҷорагии (бронкунӣ) меҳмонхонаҳо тариқи онлайн аст, ки соли 1996 дар Амстердам таъсис ёфтааст.

Сайёҳони кадом кишвар бештар ба Тоҷикистон меоянд?

Имрӯз пойгоҳ тақрибан ду миллион меҳмонхонаҳои сатҳи гуногунро тақрибан дар 300 кишвари ҷаҳон дар бар мегирад.

233
Барчаспҳо:
меҳмонхона, Панҷакент, Тоҷикистон
ДТП, архивное фото

Марги ду сокини Чорсӯ дар садамаи мудҳиши нақлиётӣ: яке ронанда буду дигараш мусофир

297
Ронандаи худрави "Опел - Вектра" аз ӯҳдаи идора кардани нақлиёт набаромада, ба автомашинаи дигар бархӯрд

ДУШАНБЕ, 24 октябр - Sputnik. Садамаи мудҳиши нақлиётӣ дар роҳи мошингарди "НФС - Ориё, дар ҳудуди деҳоти Бостон рух дод, хабар медиҳад котиботи Вазорати умури дохилаи Тоҷикистон.

Ба иттилои манбаъ, сонеҳаи нақлиётӣ рӯзи  23 - юми октябр, тахминан соатҳои 15:30 дақиқа рух дод.

Манбаъ меафзояд, ронандаи автомашинаи тамғаи "Опел-Вектра", Қурбонов Сафари 72 - сола, сокини ҷамоати деҳоти Чорсӯи шаҳри Ваҳдат ҳангоми ҳаракат кардан дар роҳи нақлиётгарди "НФС-Ориё", дар ҳудуди деҳоти Бостон аз роҳи дуюмдараҷа ба роҳи асоси баромаданаш ба автомашинаи тамғаи "Опел-Зафира" бархӯрд.

Нохушӣ дар оилаи Ҳошимов: ҳалокати ду бародар дар пайи садама дар роҳи “Душанбе-Хуҷанд"

Сари идораи ин худрав Авлиёқудов Шаҳрихони 20 - сола, сокини шаҳри Душанбе қарор дошт. Номбурда бо роҳи асосӣ аз самти шаҳри Норак ба самти шаҳри Душанбе ҳаракат мекард.

Дар натиҷа ҳардуи автомабилҳо зарари техники дида, ронандаи автомашинаи тамғаи "Опел-Вектра", Қурбонов ва мусофири автомашинаи мазкур, Сафаралиев Гурез, соли таваллудаш 1941, сокини ҷамоати деҳоти Чорсу, ҷароҳатҳои ҷисмонӣ бардошта, дар ҷойи ҳодиса ба ҳалокат расидаанд.
ВУД Тоҷикистон мегӯяд, аз рӯи ҳодисаи мазкур таҳқиқот идома дорад.

297
Барчаспҳо:
бархӯрди худравҳо, нақлиёт, роҳ, садама
Нож в руке, архивное фото

Тафтиши кордзанӣ аз пушт дар ноҳияи Рӯдакӣ

227
(Таҷдидшуда 20:55 23.10.2020)
Вазорати умури дохилии Тоҷикистон хабар додааст, ки 21-уми октябр дар ноҳияи Рӯдакӣ як ҳодисаи кордзанӣ сабт шудааст

ДУШАНБЕ, 23 окт - Sputnik. Тибқи иттилои ВУД Тоҷикистон, марди ҷабрдида ба идораи милиса муроҷиат карда, арз доштааст, ки шоми 21 октябр аз дасти марди 36-сола корд хӯрдааст.

"Ба ШВКД-1 дар ноҳияи Рӯдакӣ бо ариза марди 38-солаи сокини ҷамоати деҳоти Лоҳури ноҳияи мазкур муроҷиат намудааст, ки санаи 21-уми октябри соли 2020, тахминан соати 18:00 марди 36-солаи сокини ҷамоати деҳоти Лоҳури ҳамин ноҳия дар саҳни ҳавлиаш, воқеъ дар ҷамоати деҳоти Лоҳур бо корди дар дасташ буда, 1-маротиба ба пушташ задааст", - омадааст дар иттилоия.

Манбаъ афзуд, ки дар натиҷа ҷабрдида ҷароҳати вазнини ҷисмонӣ бардошта, дар беморхона бистарӣ гардидааст.

Боздошти Муминов барои қатли тағои 70-солааш: хонаро ба ӯ нею ба додараш додааст-видео

Вазорати умури дохилии Тоҷикистон мегӯяд, феълан аз руи ин ҳодиса тафтишот идома дорад.

227

"Бо модарам падруд гуфта будам": Лукашенко дар бораи ҳамла ба Раҳмон гуфт - видео

15
Президенти Белорус Александр Лукашенко дар мусоҳиба бо рӯзноманигорон дар бораи интихоботи президентии баргузоршуда дар Тоҷикистон гуфт

ДУШАНБЕ, 24 окт — Sputnik. Президенти Белорус Александр Лукашенко дар рафти сафари кориаш ба минтақаҳои кишвар бо рӯзноманигорон мулоқот кард ва аз интихоботи президентии Тоҷикистон низ гуфт. Дар ин бора телевизиони СТВ гузориш медиҳад.

Ӯ дар посух ба саволҳо дар бораи шӯришҳо дар Белорус аз интихобот дар Тоҷикистон ёдрас шуд.

"Эмомалӣ, дӯсти меҳрубони ман аст. Ман ӯ ва хонаводаашро хуб мешиносам. Дар интихобот бештар аз 91 дар сади овозҳоро ба даст овард. Ин мутлақо одилона аст. Касе ҳатто наҷунбид, касе нашӯрид, дар ҳоле ки кӯшиш карданд кишварро такон диҳанд", - қайд кард президети Белорус.

Вай афзуд, ки дар Тоҷикистон одамоне низ зиёданд, ки метавонистанд вазъро пас аз интихобот тезу тунд кунанд, аммо ҳодисае рух надод.

"Чаро? Чунки онҳо дар миёнаҳои соли 90-ум дар назди чашмони ман, ба қавле дусад ҳазор, ба қавле аз сесад то ниммиллион нафарро аз даст доданд. Он замон дар бораи инқилоби рангин намегуфтанд, он вақт исломгароҳо ғавғо бардошта буданд", - гуфт Лукашенко.

Вай қайд кард, ки шахсан ҳамон вақтҳо ба Тоҷикистон рафта буд.

Далелҳои камёфт дар бораи президенти Тоҷикистон Эмомалӣ Раҳмон

"Ва Раҳмон, ки каме аз ман калонтар аст, пурра сабз, бо ҷанг ба Душанбе ворид шуда буд. Аз почааш тир хӯрда буд. Мо он ҷо будем ва худаш нақл карда буд, ки қазия чигуна буд. "Ман, - мегуфт, - бо модарам падруд гуфта будам, зеро намедонистам, ки зинда мемонам". Ва ӯ бо мардум кишварро аз исломгароҳо тоза кард", - ба ёд меоварад президенти Белорус.

Лукашенко афзуд, ки мардуми Тоҷикистон, ки аз даҳшатҳои ҷанг гузаштаву хуб дар хотир доранд, маҳз барои ҳамин раисҷумҳури амалкунандаи Тоҷикистонро дастгирӣ мекунанд.

 

15