Насилие над женщинами, архивное фото

Прокуратураи генералӣ тафсилоти таҷовузи фарзандхондҳо аз ҷониби падарашонро нашр кард

803
(Таҷдидшуда 14:28 09.10.2020)
Додгоҳи шаҳри Душанбе Исанов Турғунҷон Жураевич, сокини шаҳри Душанберо барои таҷовуз ба номуси духтархондаш, ки ҳанӯз ба синни 14 нарасидааст, ба ҳабси якумра маҳкум кардааст

ДУШАНБЕ, 9 окт — Sputnik. Тибқи иттилои Додситонии кулли Тоҷикистон,Исанов Турғунҷон Жураевич моҳи августи соли 2016 бо шаҳрванд С.З., ки аз шавҳараш ҷудо шуда, соҳиби 2 фарзанд С.Б., санаи таваллудаш 12 декабри соли 2008 ва С.М., санаи таваллудаш 29 ноябри соли 2011 мебошад, бо тариқи никоҳи мусулмонӣ оила барпо намуд. Аз зиндагии якҷояашон соҳиби 1 фарзанд гардидаанд. 

Додситонӣ мегӯяд,  Исанов ноболиғон С.Б. ва С.М.-ро ҳамчун фарзанд қабул намуда, дар тарбияи худ қарор дода, дидаю дониста, ки С.Б. бараъло ноболиғ буда, ба синни чордаҳсолагӣ нарасидааст, ба ӯ дастдарозӣ кардааст.

Ба иттилои манбаъ, номбурда тахминан 25-26 августа соли 2018 ҳангоми набудани ҳамсараш С.З. истифода бурда, ноболиғ С.Б.-ро бо таҳдиди истифодаи зӯроварӣ алоқаи ҷинсӣ намуда, нафси шаҳвониашро қонеъ намудааст.

Манбаъ мегӯяд, ӯ такроран охирҳои моҳи ноябри соли 2019 дар ҳолати мастӣ ботаҳдиди истифодаи зӯроварӣ нафси шаҳвониашро қонеъ намуда, наболиғ С.Б.-ро таъкид кардааст, ба модараш арз накунад.   

“Боз ӯ, ба ин кирдорҳои ҷинояткоронаи худ қаноат накарда, моҳи майи соли 2020, дидаю дониста ки ноболиғ С.М. ҳанӯз ба синни чордаҳсолагӣ нарасида, дар ҳолати оҷизӣ қарор дорад, дар манзили истиқоматӣ воқеъ дар суроғаи шаҳри Душанбе, ноҳияи Фирдавсӣ, танҳо буданашон, номбурдаро маҷбуран ва дар ҳолати ғайритабиӣ алоқа намуда, нафси шаҳвониашро қонеъ намудааст”,-афзудааст манбаъ.

 Додгоҳи шаҳри Душанбе бо дастрасии моддаҳои 138 қисми 3 банди “а” ва 139 қисми 4 банди “а”-и Кодекси ҷиноӣ Исанов Турғунҷон Жураевичро гунаҳгор дониста, якумра аз озодӣ маҳрум кардааст.

Силсилаи таҷовузи кӯдакон дар Тоҷикистон: сабаб чист, чӣ бояд кард?

Ёдовар мешавем, ду рӯз пеш Додситонии кишвар аз  зиндонӣ шудани як сокини ноҳияи Шаҳринав барои таҷовуз ба номуси духтари писарамакаш, ки ҳанӯз ба синни 14 нарасидааст хабар дода буд.

803
Барчаспҳо:
зиндон, таҷовуз, ҳукм, додгоҳи шаҳри Душанбе, Тоҷикистон
Жители города Душанбе в защитных масках на улице

Бидуни фавт: афзоиши гирифторони коронавирус дар Тоҷикистон

116
(Таҷдидшуда 20:24 19.10.2020)
Вазорати тандурустии Тоҷикистон омори тозаи сироят, шифоёбӣ ва марг аз коронавирус дар кишварро нашр кард

ДУШАНБЕ, 19 окт – Sputnik. Вазорати тандурустӣ ва ҳифзи иҷтимоии аҳолии Тоҷикистон иттилоъ додааст, ки дар як шабонарӯзи охир дар ҷумҳурӣ 40 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ дар мамлакат ба  10533 нафар баробар гардид.

Пешбинии анҷоми ҳамагирии коронавирус: як соли дигар "сабр"

Ҳамзамон,  дар як шабонарӯзи охир 52 нафар пас аз табобат ба хонҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 9563  (90,8%)  баробар гардид. Инчунин, бар асари ин беморӣ  80 нафар фавтидаанд.

Путин аз сабти номи ваксинаи дуввуми Русия алайҳи COVID-19 хабар дод: сеюмаш дар роҳ аст

Ҳукумати Ҷумҳурии Тоҷикистон ва Вазорати тандурустӣ аз тамоми сокинони кишвар даъват ба амал меорад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд.

116
Барчаспҳо:
вируси корона, омор, Вазорати тандурустӣ ва ҳифзи иҷтимоии аҳолии ҶТ, Тоҷикистон
Мужчина с ножом в руках, архивное фото

Ҳасибфурӯш роҳгузарро корд заду додарзода амакро: парванда алайҳи ду тан дар Хуҷанду Норак

90
(Таҷдидшуда 18:53 19.10.2020)
Вазорати умури дохилии Тоҷикистон аз боздошти ду нафар, яке сокини Хуҷанду дигаре шаҳри Норак хабар медиҳад, ки дар қасдан расонидани зарари вазнин ба саломатӣ муттаҳам мешаванд

ДУШАНБЕ, 19 окт — Sputnik. Бино ба иттилои дафтари матбуотии ин ниҳод, ҳангоми гузаронидани чорабиниҳои оперативӣ-ҷустуҷӯӣ  бо чунин ҷурм марди 30-солаи сокини шаҳри Хуҷанд боздошт шудааст.

Ба иттилои манбаъ, номбурда, санаи 9-уми октябр тахминан соати 15:30-дақиқа ҳангоми дар роҳи пиёдагарди назди мағозаи “Азим”, воқеъ дар бозори “Панҷшанбе”-и шаҳри мазкур ба фурӯши ҳасиб ва ҳасибчаҳо машғул буданаш, аз сабаби муноқишаи ба миён омада, бо марди 38-солаи сокини ҳамин шаҳр ҷангу ҷанҷол карда, бо корди дар дасташ буда, 1-маротиба ба гардан ва 1-маротиба ба шикамаш задаст.

“Дар натиҷа ҷабрдида ҷароҳати вазнини ҷисмонӣ бардошта, дар беморхона бистарӣ гардидааст”,-афзудааст манбаъ.

Манбаъ мегӯяд, ҳамзамон кормандони пулис марди 35-солаи сокини ҷамоати деҳоти Дӯконии шаҳри Норакро боздошт кардаанд, ки дар пайи як муноқиша амакаш, марди 52-солаи сокини шаҳри мазкур 4-маротиба ба корд задааст.

Бесабаб ба синаам корд зад: шикояти як сокини Бохтар ба милиса

Гуфта мешавад, ҳодиса санаи 16-уми октябри соли 2020, тахминан соатҳои 19:10-дақиқа рух дода, дар натиҷа ҷабрдида ҷароҳатҳои вазнини ҷисмонӣ бардошта, дар беморхона бистарӣ гардидааст.

Марди маст дар шаҳри Норак ҳамқадаҳи 50 - солаашро корд зад

ВУД мегӯяд, аз рӯи ҳарду ҳолат парванда боз шуда, тафтишот дидома дорад.

90
Барчаспҳо:
кордзанӣ, парванда, Норак, Хуҷанд, Тоҷикистон