Девушка в наручниках, фото из архива

Ҷазои Шаҳло барои фиреби Дилфуза: фарзандонатро ба хориҷа барои таҳсил мефиристам гуфт

655
(Таҷдидшуда 12:20 21.10.2020)
Додгоҳи ноҳияи Исмоили Сомонии Душанбе зодаи пойтах Табарова Шаҳло Шарифхоҷаевнаи 44-соларо барои қаллоби наздики сад ҳазор сомонӣ ҷарима кардааст

ДУШАНБЕ, 18 окт — Sputnik. Тибқи иттилои дафтари матбуотии додгоҳи ноҳияи Исмоили Сомонӣ, Табарова Шаҳло тахминан моҳҳои апрел-майи соли 2019 бо шаҳрванд Сангинова Дилфуза Юсуфовна, ки хоҳараш дар ҳамсоягиаш, истиқомат мекунад вохӯрда, зимни сӯҳбат шаҳрванд Сангинова Дилфуза тибқи квота оиди дохил намудани духтараш ба Донишгоҳи давлатии Озарбойҷон ва писараш ба Донишгоҳи давлатии Қазоқистон гуфтааст.

Манбаъ мегӯяд, Табарова Шаҳло аз фурсати бо худ муносиб истифода бурда, бо мақсади ба боварии охирин даромадан иброз намудааст, ки писараш дар Донишгоҳи давлатии Қазоқистон муддати 5 сол мешавад, ки таҳсил мекунад, вале духтараш ба воситаи Маркази барномаҳои байналмилалӣ имтиҳон супорида ва ӯ бо директори Маркази мазкур шиносоӣ пайдо кардааст ва метавонад ба воситаи охирин писар ва духтари ӯро бар ивази маблағи пулӣ дар донишгоҳҳои давлатҳои хориҷӣ дохил намояд.

Ба иттилои манбаъ, Табарова Шаҳло баъди пурра ба боварии Сангинова Дилфуза даромадан, дарҳол аз номбурда тибқи квота барои дохил намудани духтараш дар Донишгоҳи давлатии Ҷумҳурии Озарбойҷон маблағи 7000 доллар ва барои писараш тибқи квота барои дохил намудан дар Донишгоҳи тиббии Қазоқистон 4000 доллари талаб намудааст.

Гуфта мешавад,Табарова Шаҳло нахуст бо баҳонаи банд намудани ҷой тибқи квота барои дохил намудани духтари Сангинова 1000 доллари гирифта, онро тасарруф намуда ва таъкид кардааст, ки ҳуҷҷатҳои духтарашро тайёр карда оварда ба ӯ диҳад.

Ӯ, боз кирдорҳои ҷинояткоронаи худро идома дода, барои дохил намудани духтари Сангинова Дилфуза тибқи квота дар Донишгоҳи давлатии Озарбойҷон 2000 доллари гирифта тасарруф намуда ва ҳуҷҷатҳои тайёр намудаи духтарашро гирифта, ваъда додааст, ки ҳуҷҷатҳои мазкурро дар Муассисаи давлатии “Маркази барномаҳои байналмилалӣ” месупорад.

Ҳамин тариқ, Табарова Шаҳло тибқи ваъдаҳои пешинааш, ки писари Сангинова Дилфузаро бояд ба Донишгоҳи тиббии Қазоқистон дохил мекунад, 4000 доллар гирифтааст

Ҳамин тариқ, Табарова Шаҳло бо духтараш дар умум маблағи 7000 доллари Сангинова Дилфузаро бо роҳи қаллобӣ тасарруф намуда, ба манфиати ў ягон амалро иҷро накардаанд, афзудааст манбаъ.

Манбаъ мегӯяд, Табарова Шаҳло зимни баррасии додшгоҳӣ гунаҳошро пурра ба душ гирифта гуфтааст, зарарро пурра барқарор кард ва хоҳиш кардааст, ки ҷазои сабуктар ба ӯ таъйин кунанд.

Додгоҳ дар пайи баррасси парванда, ба ҷазо дар намуди ҷарима ба андозаи 1460 (як ҳазоручорсаду шаст) нишондиҳанда барои ҳисобҳо баробар ба 84680 (ҳаштоду чор ҳазору шашсаду ҳаштод) сомонӣ ба фоидаи давлат, муайян таъин намуда, ӯро раҳо кардааст.

655
Топор, архивное фото

Ба манзилаш бурд ва се маротиба бо табар ба гарданаш зад: куштор дар Суғд

941
(Таҷдидшуда 18:58 26.10.2020)
Вазорати умури дохилаи Тоҷикистон аз дастгир шудани сокини ноҳияи Бобоҷон Ғафуров ба ҷурми одамкушӣ, хабар медиҳад

ДУШАНБЕ, 26 окт — Sputnik. Бино ба гузориши Вазорати умури дохилаи Тоҷикистон, дар паи баргузории чорабиниҳои оперативӣ-ҷустуҷӯӣ аз ҷониби кормандони милитсия марди 38-солаи сокини ҷамоати деҳоти Исфисори ноҳияи Б.Ғафуров ҳамчун гумонбар дар содир намудани ҷинояти одамкушӣ дастгир карда шуд.

Гуфта мешавад, номбурда, рӯзи 21-уми октябр, дар бозори воқеъ дар маҳаллаи Гулистони шаҳри Хуҷанд, бо марди 32-солаи сокини ҷамоати деҳоти Исфисор вохӯрдааст.

Онҳо дар яке аз ошхонаҳои бозори "Панҷшанбе" хӯрок ва нӯшокии спиртӣ истеъмол намуда, дар ҳолати мастӣ ба хонаи истиқоматии марди 38-сола рафтаанд.

Боздошти Муминов барои қатли тағои 70-солааш: хонаро ба ӯ нею ба додараш додааст-видео

Ба иттилои ВКД, дар аснои даъвои маблағи пулӣ муноқиша ба миён омадааст, ки марди 38-сола аз анборхонааш табарро гирифта, 3 маротиба ба гардан ва сари марди 32-сола задааст.

"Дар натиҷа, номбурда ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст", - омадааст дар хабарнома.

Манбаъ афзуда, ки нисбати гумонбаршаванда парвандаи ҷиноятӣ бо моддаи 104 қисми 1 Кодекси ҷиноятии  Тоҷикистон оғоз шуда, тафтишот идома дорад.

941
Барчаспҳо:
боздошт, ВКД, Суғд, куштор

Заминҷунбии Тоҷикистон, Ӯзбекистон ва Қирғизистонро ҳам такон дод

914
(Таҷдидшуда 14:36 26.10.2020)
Бомдоди 26 октябр дар шимоли Тоҷикистон заминҷунбӣ ба амал омад, ки Фарғонаи Ӯзбекистон ва Ботканди Қазоқистонро низ такон дод

ДУШАНБЕ, 26 окт — Sputnik. Миёни Тоҷикистон, Ӯзбекистон ва Қирғизистон заминларзаи 4,6 баллӣ ба қайд гирифта шуд, хабар медиҳад Маркази зилзиласанҷии Баҳри Миёназамин ва Урупо.

Заминҷунбӣ имрӯз соати 8:10 дақиқаи субҳ ба вақти Душанбе рух дод. Маркази заминларза дар умқи 10 километр ҷойгир шуда буд.

Маркази заминларза 16 километр дуртар аз қишқоли Қарокенҷи вилояти Суғд ва 125 километр дуртар аз Фарғонаи Ӯзбекистон ҷойгир шудаааст.

Ин заминҷунбиро ҳамчунин сокинони Ботканд ва Ӯши Қирғизистон низ эҳсос карданд.

Дар бораи талафоти ҷонию молӣ дар Тоҷикистону Ӯзбекистон ва Қирғизистон хабар дода нашудааст. 

Кумитаи ҳолатҳои фавқулодаи Тоҷикистон дар ин бора то ҳол чизе нагуфтааст.

Душанберо заминларза такон дод

Ёдрас мешавем, ки пештар рӯзи 16 октябр соати 15:10 бо вақти маҳаллӣ 295 километр ҷанубу шарқтар аз Душанбе зилзилаи 5 - баллӣ рух дода буд.

914
Барчаспҳо:
заминҷунбӣ дар Тоҷикистон, заминҷунбӣ, Тоҷикистон
Мавзуҳо:
Заминларза дар Тоҷикистон
День 27 октября

Ҷашнҳои рӯзи 27 октябр дар Тоҷикистон ва ҷаҳон

0
(Таҷдидшуда 20:06 26.10.2020)
Рӯзи 27 октябр рӯзи ҷаҳонии мероси аудиовизуалӣ буда дар Алҷазоир  — Рӯзи ниҳолшинонӣ ва дар Туркманистон — Рӯзи истиқлол мебошад

Рӯзи 27 октябр дар ҷаҳон чӣ рух дод

Соли 1492 Христофор Колумб Кубаро кашф намуд.

Мореплаватель Христофор Колумб (1446-1506) - испанский мореплаватель
© Sputnik / Лев Иванов
Мореплаватель Христофор Колумб (1446-1506) - испанский мореплаватель

Соли 1858 дар Ню-Йорк калонтарин маркази савдо дар дунё -"Мэйси" дар  масоҳати 20,3 гектар мавриди истифода қарор гирифт.

Соли 1867 нависанда Лев Толстой романи "Ҷанг ва сулҳ"-ро ба итмом расонд.

Русский писатель Лев Николаевич Толстой (1828-1910)
Фото из архива Государственного литературного музея Л.Н.Толстого
Русский писатель Лев Николаевич Толстой (1828-1910)

Соли 1951 нахустин маротиба дар ҷаҳон зимни табобати бемории саратон аз радиатсия истифода карда шуд.

Соли 1982 Ҷумҳурии Мардумии Чин эълон кард, ки шумораи аҳолияш  ба 1 млрд нафар расид.

© REUTERS / Thomas Peter
Люди проходят мимо китайских флагов в Кашгаре, Синьцзян-Уйгурский автономный район, Китай

Соли 2014 Президенти Федератсияи байналмилалии футбол (ФИФА) Йозеф Блаттер дар робита ба ғалабаи дастаи "Истиқлол" — и Душанбе дар Чемпионати Тоҷикистон – 2014  ба унвони Федератсияи футболи Тоҷикистон мактуби табрикотӣ ирсол намуд.

© Sputnik / Стас Этвеш / Вишнякова Мария

Рӯзи 27 октябр дар Тоҷикистон чӣ рух дод

Соли 2014 дар пойтахти Тоҷикистон намоиши аксҳои "Дастовардҳои Душанбе" баргузор гардид.

Соли 2013 дар маркази ноҳияи Фархор бо ширкати Эмомалӣ Раҳмон варзишгоҳи нави марказӣ мавриди баҳрабардорӣ қарор гирифт.

Соли 2012 ифтитоҳи нақби мошингарди "Шаҳристон".

Тоннель Шахристан в Таджикистане, архивное фото
Тоннель Шахристан в Таджикистане, архивное фото

Соли 2014 дар бӯстонсарои шаҳрии Ҳукумати Ҷумҳурии Тоҷикистон  — "Кохи Сомон" бо иштироки Эмомалӣ Раҳмон нахустин Форуми сармоягузории Созмони ҳамкории исломӣ (СҲИ) барои кишварҳои Осиёи Марказӣ баргузор гардид.

Соли 2015 Эмомалӣ Раҳмон барои иштирок дар тантанаҳои идона бахшида ба 3000-солагии Ҳисор ва ифтитоҳи иншооти зиёди ҷашнӣ, ташриф оварда, чойхонаи ғайриодӣ ва боҳашамати миллиро ифтитоҳ намуд, ки аз ҷиҳати услубу шакл дар миқёси олам ҳамто надорад.

Соли 2019 Sputnik Тоҷикистон хабар дод, ки Маҷлиси намояндагони Тоҷикистон  бо қабули тағйирот дар қонунгузории кишвар ба яккасардорӣ дар корхонаҳои давлатӣ хотима дод.

Соли 2019 Sputnik Тоҷикистон хабар дод, ки Доналд Трамп, раисиҷумҳури ИМА, зимни як паём ба мардумаш кушта шудани Абубакр Бағдодӣ, роҳбари созмони террористи "ДОИШ"-ро тасдиқ карда, ҷузъиёти амалиётро нақл кард.

Трамп гуфт, Бағдодӣ чун як саг, гирёну нолон мурд, чун тарсу, на чун қаҳрамон. 

Ҷашнҳои рӯзи 27 октябр

  • Рӯзи ҷаҳонии мероси аудиовизуалӣ.
  • Дар Алҷазоир  — Рӯзи ниҳолшинонӣ.
  • Дар Туркманистон — Рӯзи Истиқлолият.

Рӯзи 27 октябр дар Тоҷикистон кӣ ба дунё омадааст

Соли 1939  – доктори илмҳои физика ва математика, профессор Исмоилҷон Исмоилов.

Соли 1964  – раққоса Хайриниссо Файзуллоева.

Соли 1965  – олими тибб Акбар Зарифов.

0
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 22 октябр дар Тоҷикистон ва ҷаҳон
Ҷашнҳои рӯзи 20 октябр дар Тоҷикистон ва ҷаҳон
Ҷашнҳои рӯзи 23 октябр дар Тоҷикистон ва ҷаҳон
Ҷашнҳои рӯзи 24 октябр дар Тоҷикистон ва ҷаҳон
Ҷашнҳои рӯзи 25 октябр дар Тоҷикистон ва ҷаҳон
Ҷашнҳои рӯзи 26 октябр дар Тоҷикистон ва ҷаҳон