Человек на эскалаторе Московского метрополитена

Сарозер шудани ду кӯдак дар эскалатор дар Маскав - видео

327
(Таҷдидшуда 18:57 18.10.2020)
Духтарчаи хурде коляска дар даст, ки дар дохилаш бародари хурдиаш буд, талош дошт бо эскалатор поён фарояд

ДУШАНБЕ, 18 окт – Sputnik. Ду кӯдак дар яке аз марказҳои савдои Маскав аз эскалатор сарозер шуданд. Ҳодиса рӯзи 17 октябр рух дод, дар ин бора шабакаи телеграмии Mash хабар медиҳад.

Қайд мешавад, ки духтарчаи хурде коляска дар даст, ки дар дохилаш бародари хурдаш буд, талош дошт бо эскалатор поён фарояд.

Ӯ натавонист, коляскаро боздорад ва ҳамроҳи додараш ба поён сарозер шуд. Модари кӯдакон дар наздикӣ будааст ва ин ҳодисаро дида дарҳол ба назди фарзандонаш давидааст.

Падар фавтиду писари 18 - солааш захмӣ: дар Данғара трактор ба ҷарӣ сарозер шуд

Дар ин миён, посбобони маркази савдо пизишконро даъват кардаанд ва кумаки онҳо ба писарча лозим шудааст.

Феълан писарбача бо захми сар дар бемористон қарор дорад.

327
Барчаспҳо:
кӯдак, сарозер, Маскав
Машина полиции

Ҳабси се ҷавон барои худнамоӣ ва берун кардани пой аз тирезаи мошин

14
(Таҷдидшуда 12:57 23.10.2020)
Додгоҳи шаҳри Хуҷанд се ҷавонеро, ки дар роҳҳои шаҳр қоидаҳои ҳаракатро вайрон намуда, худнамоӣ кардаанд, ба 7 рӯзи ҳабси маъмурӣ маҳкум кард

ДУШАНБЕ, 23 окт - Sputnik. Тибқи иттилои ВУД, навори худнамоии ҷавонон, ки савори мошини ""Деу-Нексия" будаанд, дар шабакаҳои иҷтимоӣ сарусадои зиёд дар пай дошт. 

"Тавре дар навор дида мешавад ҷавонон дар кӯчаи марказии шаҳри Хуҷанд, хиёбони Исмоили Сомонӣ ба каҷрафторӣ роҳ дода, намоишкорона аз дохили воситаи нақлиёт тавассути оина пои худро берун бароварда, бо ҳамин усул афзалияти худро нишон дода, худнамоӣ кардаанд", - омадааст дар иттилоияи ВУД. 

Манбаъ таъкид кард, ки дар пайи таҳқиқ нисбати ронандаи сабукрави тамғаи "Деу-Нексия", Азизов Шуҳрат Баҳромович ва ду рафиқи ӯ - Боиров Эраҷ Фирдавсович, Ахунов Баҳодур Мақсудҷонович, соли таваллудашон 2001 истиқоматкунандагони маҳаллаи 18-уми шаҳри Хуҷанд ҷазои маъмурӣ татбиқ шудааст.

Маъмурини милиса нисбати ҷавонон барои халалдор кардани тартиботи ҷамъиятӣ дар асоси моддаи 460 Кодекси ҳуқуқвайронкунии маъмурӣ парванда тартиб дода, додгоҳи Хуҷанд онҳоро ба муҳлати 7 рӯз ҳабс намудаст.

14
Барчаспҳо:
додгоҳ, қарор, милиса, Тоҷикистон
Монумент Независимости Туркменистана в Ашхабаде, архивное фото

Мулоқоти сарони кишварҳои Осиёи Марказӣ бо сабаби COVID-19 ба соли 2021 мавқуф гузошта шуд

16
(Таҷдидшуда 12:16 23.10.2020)
Қаблан дар назар буд, ки сеюмин дидори машваратии сарони давлатҳои Осиёи Марказӣ, ки қаблан моҳи август дар Бишкек ба нақша гирифта шуда буд, бинобар пандемияи коронавируси COVID-19 ба тирамоҳ мавқуф гузошта шуд

ДУШАНБЕ, 23 окт - Sputnik. Ҷаласаи сеюми машваратии сарони давлатҳои Осиёи Марказӣ, ки қаблан дар Қирғизистон ба нақша гирифта шуда буд, бинобар пандемияи коронавирус ба соли 2021 мавқуф гузошта шуд, гуфт вазири корҳои хориҷии Узбакистон Абдулазиз Комилов.

Ба гуфтаи ӯ, ин мулоқот эҳтимолан дар Туркманистон баргузор хоҳад шуд.

"Мутаассифона, бинобар ҳолатҳои марбут ба коронавирус ва номуайянии давомдор дар бораи замони рафъи ин пандемия, дар гумон аст, ки то охири соли равон ҷаласаи сеюми машваратӣ баргузор карда шавад",- гуфт Комилов.

Комилов гуфт, ки Туркманистон пешниҳод кардааст, ки мулоқоти сеюм дар соли 2021 дар ин кишвар  баргузор шавад.

"Мо, ки ҳамраиси шӯрои машваратӣ ҳастем, ин пешниҳоди Туркманистонро комилан дастгирӣ мекунем ва умедворем, ки нишасти навбатии машваратии Осиёи Марказиро бо як барномаи васеъ ва пурмазмун баргузор мекунем" гуфт ӯ.

Ӯ гуфтааст, ки пас аз нишаст дар Туркманистон, бозгаштан ба пешниҳоди Қирғизистон дар бораи ташкили нишасти машваратӣ дар Бишкек имконпазир хоҳад буд.

"Ин маънои онро надорад, ки кишварҳои минтақа дар роҳи банақшагирифташудаи ҳамкориҳои минтақавӣ " суст шудаанд", - илова кард Комилов.

Ба гуфтаи ӯ, ҳамкориҳои бисёрҷониба барои ҳамаи панҷ давлати Осиёи Марказӣ афзалиятнок аст.

16
Барчаспҳо:
Осиёи Марказӣ, вохӯрии сарони кишварҳо, мулоқот, дидор