Денежные купюры, архивное фото

Пулҳои “дуздида”-ро баргардонед: як моҳ муҳлат ба мансабдорони порахӯр дар Қирғизистон

608
(Таҷдидшуда 16:49 21.10.2020)
Дар Қирғизистон дар доираи афви иқтисодӣ аз фасодкорон хоҳиш карда шуд, ки маблағҳои бидуни меҳнати ҳалол ба даст овардаашонро дар муддати 30 рӯз ба хазина баргардонанд

ДУШАНБЕ, 21 окт - Sputnik. Иҷрокунандаи вазифаи президенти Қирғизистон Содир Жапаров авфи иқтисодиро эълон кард, хабар медиҳад хадамоти матбуоти ҳукумати ҷумҳурӣ.

Дар доираи авф аз фасодкорон хоҳиш карда шудааст, ки маблағҳои дар натиҷаи бидуни меҳнати ҳалол ба даст овардашудаашонро дар муддати 30 рӯз ба хазина баргардонанд.

Аз ҷумла, Жапаров ба мансабдорони собиқ, рейдерҳо, ширкатҳои саркаш аз андоз, роҳбарони вазорату идораҳо, инчунин кормандони гумрук ва молия муроҷиат кардааст.

"Дар тӯли 30 соли охир, нақшаҳои коррупсионии системавӣ дар соҳаҳои саноат, аз қабили энергетика, хадамоти гумрук ва андоз, дорусозӣ, иҷозатномадиҳӣ, истифодаи сарватҳои зеризаминӣ ва ғайра рушд карданд. Мехоҳам, ҳама чизро худи шумо дар бораи дороиҳоятон воқеӣ пешниҳод кунед. Ҳар як диноре, ки ғайриқонунӣ аз давлат гирифтаед, ихтиёран баргардонед", - гуфт ӯ.

Иҷрокунандаи мансаби президенти Қирғизистон таъкид кард, ки пас аз як моҳ онҳое, ки афви иқтисодиро сарфи назар кардаанд, тибқи қонун чораҳои шадидтаринро хоҳанд гирифт.

Баъди истеъфои президент: санаи нави интихоботи парлумонӣ дар Қирғизистон дақиқ шуд

Вай афзуд, ки ҳадафи афв пур кардани буҷаи давлат, баргардонидани сармояи қаблан ғайриқонунӣ содиршуда аз кишвар ва аз соя берун кашидани тиҷорат мебошад.

608
Барчаспҳо:
муҳлат, фасодкорӣ, президент, Қирғизистон
Согдийская клиническая больница

Коронавирус кам шуд: калонтарин бемористони Суғд баъди 7 моҳ ба реҷаи муқаррарӣ мегузарад

551
(Таҷдидшуда 16:22 03.12.2020)
Баъд аз ҳафт моҳи давраи қарантин ва инак кам шудани ҳолатҳои сироятёбӣ ба бемории каронавирус ё “вируси тоҷдор” Бемористони клиникавии Суғд ба реҷаи муқаррарӣ бармегардад

ДУШАНЕБ, 3 дек – Sputnik. Баҳодур Мӯъминов, сартабиби Бемористони клиникавии Суғд ба номи Сангин Қутфиддинов дар шарҳи ин хабар ба Sputnik Тоҷикистон гуфт, мавридҳои сироятёбӣ ба COVID-19, кам шудааст ва хушбахтона зарурати бозгашт ба реҷаи маъмулӣ ба вуҷуд омадааст.

Бино ба гуфти сартабиб қарор аст, сар аз ҳафтаи оянд, 7 декабр қисмате аз бахшҳои ин бемористон ба реҷаи маъмулӣ баргардонида шавад.

“Дар марҳилаи аввал, мо қисмати Б ро, ки асосан аз шуъбаҳои ҷарроҳӣ иборат аст ба реҷаи муқаррарӣ мегузаронем. Ҳоло барои ин корҳои безараргардонӣ гузаронида шудааст. Аз ҳар як шахси масъули он, ташхис гирифта шудааст”, изҳор намуд сартабиб.

Бино ба гуфти Мӯъминов, барои баромадан аз реҷаи қарантинии қисме аз шуъбаҳои Бемористони клиникавии Суғд, вазири тандурустӣ ва раиси вилояти Суғд рухсат додаанд.

Бемористони клиникавии Суғд ба номи С. Қутфиддинов дар умум аз 26 шуъба ва 680 койка иборат буда, аз калонтарин бемористонҳо дар шимоли Тоҷикистон ба ҳисоб меравад.

Дар моҳи апрели соли ҷорӣ аз замони сабти нахустин мавриди бемории “вируси карона” ин бемористон ба қарантин (красная зонна) гирифта шуд ва сироятшудагони COVID-19 ба ҳисоби Бемористони сироятии Суғд, асосан барои табобат ба ин ҷо интиқол дода мешуданд.

Баҳодур Мӯъминов дар шарҳи омори гирифторони бемории каронавирус худдорӣ варзиду танҳо ҳамин қадар гуфт, ки “кам шуд”.

Афзоиши фавт дар Суғд: аз ҳама бештар дар Хуҷанд

Омори расмии вазорати тандурустӣ ва ҳифзи иҷтимоии аҳолии Тоҷикистон низ ҳокӣ аз он аст, ки шумори гирифторони COVID-19 дар кишвар кам шудааст.

Бегоҳии дирӯз 2 декабр, ин вазорат аз 38 ҳолати нави дарёфти сироятшавӣ ба COVID-19 хабар дод, ки дар умум шумори сабти беморон ба 12 ҳазору 269 нафар рақам зада мешавад.

Киҳо такроран мубталои коронавирус мешаванд? ҷавоби пизишк

Аз ин теъдод то имрӯз 11 ҳазору 677 нафар ё 95, 2% шифо ёфтаанд. Ба иттилоъи вазорати тандурустӣ то имрӯз бар асари хуруҷи ин беморӣ 87 нафар фавтидаанд.

551
Барчаспҳо:
омор, табобат, Беморхонаи марказии вилоят, вируси корона, Тоҷикистон, Суғд
Вор, архивное фото

Роҳзании маргбор дар хонаи Камолов: ҳамлагарон дар оила хабаркаш доштаанд-видео

433
(Таҷдидшуда 13:58 03.12.2020)
Вазорати умури дохилии Тоҷикистон аз як роҳзании маргбор дар ноҳияи Ҷайҳун хабар додааст, ки дар натиҷа ниқобпӯшон аз Душанбе модари ҷавонро кушта, аз хона беш аз 33 ҳазор доллар гирифтаанд

ДУШАНБЕ, 3 дек — Sputnik. Тибқи гузориши ВУД, ду нафар ниқобпӯш шабона дар ҳоле, ки Камолова Шарофат, соли таваллудаш 1980 ва писари ноболиғаш  дар ҷамоати Қумсангир дар хонаашон танҳо будаанд, ҳамла кардаанд.

Ниқобпӯшон дар пайи латукӯби модару фарзанди ноболиғаш аз дохили ҳуҷраи хоб 33 ҳазору 400 долларро гирифта, соҳибхоназанро бо роҳи буғӣ кардан куштаанд.

Манбаъ таъкид кард, ки дар пайи чорабиниҳои оперативӣ-ҷустуҷӯӣ Мустафоев Умед, соли таваллудаш 1985 ва Бекматов Беҳрӯз соли таваллудаш 1989, сокинони шаҳри Душанбе боздошт гардидаанд.

Маълум шудааст, ки ҳамлагарон дар хонаводаи ҷабрдида хабаркаши худро доштаанд, ки ба онҳо дар бораи пулдории амакаш хабар додааст.

Ба иттилои ВУД, ин нафар Ҳадятуллоҳи Маҳмадназар Камолзода, соли таваллудаш 1991 мебошад, ки ба ҳамлагарон хабар додааст, ки амакаш Маҳмадраҳим Камолов дар хонааш қарор дорад. Манбаъ таъкид кардаст, ки муттаҳамон ҳамларо қаблан тарҳрезӣ карда будаанд, барои огоҳӣ аз нақшаи хона Ҳадятуллоҳи Маҳмадназар онҳоро ба Ҷайҳун низ бурдааст.

“Камолов Маҳмадраҳим ба хонаи мо омаданд. Бегоҳ пурсидамаш, ки дар хона кист? Гуфт бобоят, Камолова ва писараш. Ба Умед хабар додам, ӯ гуфт, мо ҳамроҳи Беҳрӯз меравем”, - изҳор дошт Ҳадятуллоҳ дар гузориши ВУД.

Зикр шудааст, ки дар пайи ҳамла ниқобпӯшон барои худ мошинҳои гаронарзиш харидаанд, ки якҷо бо пули нақд ҳамчун далели шайъӣ мусодира шудааст.

Манбаъ афзуд, ки феълан алайҳи муттаҳамон барои роҳзанӣ ва куштор парвандаи ҷиноӣ кушода шуда, тафтишот идома дорад.

Назари бевоситаи ҷониби муттаҳам ва ҳимоятгарашон дар бораи ин қазия маълум нест.

433
Барчаспҳо:
ВУД ҶТ, гузориш, Тоҷикистон

Аҳмадзода бо сохтмони тарабхонаи “Форел” шинос шуд

0
(Таҷдидшуда 19:00 03.12.2020)
Раҷаббой Аҳмадзода, раиси вилояти Суғд, бо ҷараёни корҳои сохтмонӣ дар тарабхонаи “Форел” шинос шуд

ДУШАНБЕ, 3 дек — Sputnik. Тибқи иттилои котиботи ҳукумати Суғд, тарабхонаи “Форел” дар доираи корҳои ободониву созандагӣ ба истиқболи 30-солагии Истиқлолияти давлатии Ҷумҳурии Тоҷикистон сохта мешавад.

Таъкид шудааст, ки ҳадафи сохтмон ҷалби сайёҳон, бахусус ҷаҳонгардони хориҷӣ буда, дар атрофи тарабхона ташкили мавзеъҳои истироҳатӣ, аз ҷумла як шиногоҳ ба нақша гирифта шудааст.

Манбаъ илова намуд, ки тарабхона аз таҳхона ва ду ошёна иборат буда, масоҳати он  960 метри мураббаъро ташкил медиҳад.

Ба раиси вилоят иттилоъ дода шудаст, ки бо мавриди истифода қарор гирифтани тарабхонаи муосир то 30 нафар сокинон соҳиби ҷойи кор хоҳанд шуд.

Раҷаббой Аҳмадзода ба масъулин ҷиҳати анҷоми босифати корҳо, истифодаи масолеҳи баландсифат, ороиши бино бо истифода аз унсурҳои миллӣ супоришҳо дод.

Қаблан шаҳрдори Хуҷанд бо сохтмони ин тарабхона шинос шуд. Он вақт хабар доданд, ки тарабхона то ҷашни Наврӯз ба истифода дода хоҳад шуд.

0
Барчаспҳо:
Суғд, шумораи ками тарабхона, сохтмон, Тоҷикистон