Сироджиддин Бобоев, ученый-фольклор, Института экономики и торговли Таджикского государственного университета коммерции в Худжанде

Даргузашти Сироҷиддин Бобоев, олими фолклоршиноси Донишгоҳи Хуҷанд аз “илтиҳоби шуш”

3413
(Таҷдидшуда 18:21 23.10.2020)
Сироҷиддин Бобоев, олими фолклоршинос ва ноиби декан оид ба корҳои илмии Донишкадаи иқтисод ва савдои Донишгоҳи давлатии тиҷорати Тоҷикистон дар шаҳри Хуҷанд дар синни 55 солагӣ дунёи фониро падруд гуфт

ДУШАНБЕ, 23 окт – Sputnik. Манобеъ аз ДИС ДДТТ бо таъйиди ин хабар ба Sputnik Тоҷикистон гуфт, ки Бобоев чанд рӯзи охир дар Бемористони клиникавии Суғд аз бемории “илтиҳоби шуш” табобат мегирифт, вале субҳи имрӯз фавтид.

“Имрӯз барои мо аз марги бемаҳали Сироҷиддин Бобоев хабар доданд. Шунидани ин хабар мо ҷомеаи омӯзгорони донишкадаро бе ихтиёр андуҳгин намуд”, гуфт яке аз омӯзгорони ДИС ДДТТ дар шаҳри Хуҷанд.

Ҷанозаи Сироҷиддин Бобоев қарор аст, фардо дар зодгоҳаш ноҳияи Айнӣ баргузор гардад.

Бино ба иттилоъи манобеъ Бобоев Сироҷиддин аз олимони фолклоршиносе буд, ки дар шаклгирии афкори ҷамъиятии даҳҳо донишомӯзон нақши басо муассир доштааст. Бобоев Сироҷиддин Салоҳович санаи 1 январи соли 1965 дар деҳаи Куми ноҳияи Айнӣ дар оилаи коргар таваллуд шудааст.

Ӯ соли 1989 факултети таърихи Донишгоҳи давлатии Тоҷикистон ба номи В. И. Ленин (ҳозира Донишгоҳи миллии Тоҷикистон) ва соли 1995 аспирантураи шӯъбаи рӯзонаи ин донишгоҳ ва соли 1999 факултети иқтисодии Донишгоҳи давлатии Бухороро хатм намудааст. Фаъолияти кориаш бо роҳхати Вазорати маорифи Тоҷикистон ва Донишгоҳи миллии Тоҷикистон соли 1989 чун омӯзгори фанҳои ҷомеашиносии гурӯҳҳои навтаъсиси тоҷикии Донишгоҳи давлатии Бухоро оғоз ёфтааст.

Соли 1997 дар Институти забон ва адабиёти Академияи илмҳои Тоҷикистон дар мавзӯи "Ҷойгоҳи назми шифоҳӣ дар арӯсии тоҷикони Бухоро" рисолаи номзадӣ ҳимоя намуда, номзади илмҳои филологӣ ва соли 2004 ба унвони илмии дотсент сазовор гардида буд.

Солҳои 1999-2004 чун сармуаллими кафедраи назарияи иқтисодии Донишгоҳи давлатии Бухоро ва дар айни замон сардори кафедраи фанҳои ҷомеашиносии Донишкадаи ҳарбигардонидашудаи андози шаҳри Бухоро фаъолият дошт.

Даргузашти Муҳиддин Сангинов, мудири Театри Камоли Хуҷандӣ аз "илтиҳоби шуш"

Сипас ба Хуҷанд омад. Аз соли 2004 дотсенти кафедраи адабиёти классикии Донишгоҳи давлатии Хуҷанд ба номи академик Бобоҷон Ғафуров, аз соли 2005 мудири кафедраи назарияи иқтисодӣ, менеҷмент ва фанҳои ҷомеашиносии Шуъбаи хуҷандии Донишкадаи андоз ва ҳуқуқ (ҳоло Донишкадаи иқтисодии Тоҷикистон) ва аз соли 2006 ҷонишини директор оид ба илм дар ин донишкада буд.

Номбурда аз соли 2005 устоди муштараквазифаи Комплекси ягонаи таълимии ДДТТ дар Хуҷанд (ҳоло Донишкадаи иқтисод ва савдои ДДТТ) фаъолияти пурсамар дошт.

Солҳои 2010-2017 вазифаҳои мудири шуъбаи илм ва магистратура, мудири кафедраи забонҳои тоҷикӣ ва русӣ, мудири кафедраи ҷомеашиносӣ фаъолият дошт ва аз 1-уми сентябри соли 2018 муовини декан оид ба корҳои илмиро дар факултети тиҷорат, фаъолияти гумрукӣ ва ҳуқуқи Муассисаи давлатии таълимии Донишкадаи иқтисод ва савдои Донишгоҳи давлатии тиҷорати Тоҷикистон дар шаҳри Хуҷандро бар ӯҳда дошт.

Дар хона табобат мегирифт: даргузашти табиби маъруф Шарипов аз "илтиҳоби шуш" дар Суғд

Марҳум соҳибунвони “Аълочии маорифи Тоҷикистон” буда, муаллифи зиёда аз 45 асари илмӣ ва илмӣ-методӣ аст, ки назаррастарини онҳо монографияҳои “Ҷойгоҳи назми шифоҳӣ дар тӯйи арӯсии тоҷикони Бухоро” ва “Таҳаввулоти таърихии андозҳои Осиёи Марказӣ” мебошанд.

 

3413
Барчаспҳо:
даргузашт, олим, Суғд, Тоҷикистон
Участие Рустама Эмомали в XIII пленарного заседания Парламентской Ассамблеи Организации Договора о коллективной безопасности (ПА ОДКБ)

Рустами Эмомалӣ бо дигар аъзоёни СААД амнияти минтақаро баррасӣ кард: пешниҳодаш қабул шуд

390
(Таҷдидшуда 19:46 30.11.2020)
Рустами Эмомалӣ, Раиси Маҷлиси миллии Маҷлиси Олии Тоҷикистон нахустин маротиба дар ҷаласаи Шӯро ва Ҷаласаи 13-уми Ассамблеяи Парламентии Созмони Аҳдномаи Амнияти Дастаҷамъӣ ширкат ва суханронӣ кард

ДУШАНБЕ, 30 ноя — Sputnik. Бино ба иттилои Наврӯз Қурбонзода, ёвари Раиси Маҷлиси миллӣ оид ба робита бо ВАО, дар ҷараёни кори ҷаласаҳои зикршуда дар қатори масъалаҳои ташкилӣ натиҷаҳои корҳо оид ба амалигардонии афзалиятҳои раёсати Федератсияи Россия дар Созмони Аҳдномаи амнияти дастаҷамъӣ дар соли 2020, вазъият дар минтақаи зери масъулияти Созмони Аҳдномаи амнияти дастаҷамъӣ ва чораҳои муқовимат ба таҳдиду хатарҳо ба амнияти дастаҷамъӣ баррасӣ шуд.

Ба иттилои манбаъ, ҳамзамон дар идомаи ҷаласа лоиҳаи санадҳои қонунгузории намунавӣ ва тавсияҳо оид ба масъалаҳои мудофиа ва амният, ҷараёни имплементатсияи меъёрҳои санадҳои қонунгузории намунавӣ дар қонунгузории миллии давлатҳои аъзои созмон, лоиҳаи Барномаи фаъолияти Ассамблеяи Парламентии Созмони Аҳдномаи амнияти дастаҷамъӣ оид ба наздикшавӣ ва ҳамгироии қонунгузории миллии давлатҳои аъзои СААД барои солҳои 2021-2025 мавриди баррасӣ қарор гирифтанд.

Рустами Эмомалӣ зимни суханронӣ дар ҷаласа бо дарназардошти Раёсати Ҷумҳурии Тоҷикистон дар Созмони Аҳдномаи амнияти дастаҷамъӣ дар соли 2021 пешниҳод кардаст, ки ҷаласаи навбатии Ассамблеяи Парламентии Созмони Аҳдномаи амнияти дастаҷамъӣ нимсолаи якуми соли 2021 дар Тоҷикистон доир карда шавад.

“Иштирокчиёни ҷаласа пешниҳодро якдилона қабул карданд”,-афзудааст манбаъ.

Ҳамзамон зимни ҷаласа таҳияи феҳрасти ягонаи созмонҳои террорист аз ҷониби Вячеслав Володин, роҳбари Думаи давлатии Русия садо додааст.

Мақомдорони СААД вазъи муҳоҷират дар пандемияро баррасӣ кардаанд

Номбурда гуфтааст, таҳияи феҳрасти ягонаи созмонҳои террористӣ имконият медиҳад, ки ба ҷинояткории байналмилалӣ муборизаи самаранок бурда шавад.

“Аз ҳама муҳим, мо холигии ҳуқуқиро бартараф мекунем, вақте созмон, ки дар як кишвари СААД террористӣ эътироф шудааст, метавонист дар қаламрави кишвари дигар озодона фаъолият кунад”, - изҳор дошт Володин.

Ӯ илова намуд, ки ба ҳамин восита хадамоти махсуси кишварҳои узв метавонанд ҳамкориро ба сатҳи нисбатан баланд бардоранд.

390
Барчаспҳо:
қонунгузорӣ, мудофиа, амният, суханронӣ, ширкат, СААД, Рустами Эмомалӣ, Тоҷикистон
Мороз, архивное фото

Пешгӯии сардии шадид дар Русия

250
(Таҷдидшуда 14:24 30.11.2020)
Ҳавошиносон дар бархе аз навоҳии Русия сардии шадидро пешгӯӣ карданд, ки ҳарорати ҳаво то 25 дараҷа сард мешавад

ДУШАНБЕ, 30 ноя — Sputnik. Сардии шадид ҳафтаи равон дар бархе аз минтақаҳои қисмати аврупоии Русия дар назар аст, изҳор дошт роҳбари илмии Маркази обуҳавошиносии Русия.

"Хунукӣ ҷанубу шарқи қисмати аврупоии Русияро фаро мегирад. Дар вилоятҳои Астрахан, Волгоград, Саратов, Самара, дар ҷумҳуриҳои Бошқирдистону Тотористон сард хоҳад шуд", - изҳор дошт манбаъ.

Ӯ илова намуд, ки ҳавои сард инчунин Екатеринбург, Оренбург, Курган, Новосибирск, Омск ва Томскро фаро хоҳад гирифт.  Ҳароратсанҷ дар ин минтақаҳо то 20-25 дараҷа сардиро нишон хоҳад дод.

Бар асоси мушоҳидаҳои бисёрсола, нишондиҳандаи мазкур дар қиёс бо нишондиҳандаҳои муқаррарӣ 5-10 дараҷа поинтар мебошанд.

Аз ҳама хунук охири ҳафтаи оянда хоҳад шуд. Дар ин марҳила дар қисмати аврупоии Русия ҳарорати ҳаво ба 16 дараҷа ва дар вилоятҳои Свердлову Омск ба 20 дараҷа сардӣ мерасад.

Пешгӯии ҳавошиносон барои зимистони оянда дар Русия

Инчунин зикр шудааст, ки дар Маскав низ ҳарорати ҳаво миёнаи ҳафта каме сардтар хоҳад шуд. Ҳарорат шабона то -12 дараҷа ва рӯзона то -5-7 дараҷа хоҳад шуд.

250
Барчаспҳо:
борони шадид, сардӣ, Русия
Интиқоли китоби Тоҷикон ба ноҳияи Ванҷ

Беш аз 4400 дона: туҳфаи Раҳмон ба Ванҷ расид

0
Вазорати маориф ва илми Тоҷикистон мегӯяд, имрӯз дар ноҳияи Ванҷ, тақсими китоби “Тоҷикон”-и Бобоҷон Ғафуров аз номи раисиҷумҳур Эмомалӣ Раҳмон оғоз шуд

ДУШАНБЕ, 30 ноя — Sputnik. Тибқи иттилои Вазорати маорифи Тоҷикистон, бо мақсади омӯзиши амиқи таърихи пурифтихори халқи тоҷик шоҳасари академик Бобоҷон Ғафуров – китоби “Тоҷикон” то ҷашни 30-солагии Истиқлоли давлатӣ ба ҳар оилаи кишвар тақсим мешавад.

Манбаъ афзуд, ки ин туҳфа аз номи раисиҷумҳури Тоҷикистон, бо роҳбарии Нуралӣ Собирзода, муовини вазири маориф ва илми Тоҷикистон ба шаҳру ноҳияҳои ВМКБ фиристода шуд.

Нуралӣ Собирзода, муовини вазири маориф ва илм иттилоъ дод, ки барои мардуми ноҳияи Ванҷ мутаносибан ба теъдоди хонаводаҳо 4408 китоб ҷудо шуда, он ба ҳар як хонавода дастрас карда мешавад.

Ҷаббори Қосим, раиси ноҳияи Ванҷ мегӯяд, тақсимоти китоби “Тоҷикон” имрӯз аз ноҳия оғоз гардида, доир ба масъалаи мазкур комиссияи махсус таъсис дода шудааст. Ин комиссия  раванди супоридани туҳфаи роҳбари давлатро дар ҷамоатҳои шаҳраку деҳот назорат менамояд. 

Чойхонаи тоҷикон дар Амрико ба макони таърихӣ табдил ёфт

Ба иттилои Вазорати маориф, Хушвахт Искандаров, омӯзгори собиқадори ноҳия гуфтааст,  солҳо боз орзу дошт, ки ин китоби пурарзиш китоби рӯйимизии ҳар як фарди тоҷик бошад.

“Боварӣ дорам, ки ин амали нек ва шоиста дар раванди худшиносии миллӣ, арҷгузорӣ ба мероси бою пурғановати гузаштагон саҳми арзанда мегузорад”, - таъкид кардааст омӯзгор.

0
Барчаспҳо:
китоб, фарҳанг, маориф, Тоҷикистон