Председатель госкомитета по инвестициям Кодири Косим

Аз заминҳои камҳосил то нархи баланди чорвою камширии говон: баҳси сиёсати аграрӣ

507
(Таҷдидшуда 13:48 29.10.2020)
Дар Душанбе вакилону роҳбарони  вазорату кумитаҳои дахлдори мамлакат лоиҳаи Қонуни Ҷумҳурии Тоҷикистон “Дар бораи сиёсати давлатии аграрӣ”-ро таҳти раёсати муовини раиси Маҷлиси намояндагони Маҷлиси Олии Ҷумҳурии Тоҷикистон Қодири Қосим баррасӣ кардаанд

ДУШАНБЕ, 29 окт — Sputnik.  Тибқи иттилои дафтари матбуотии Маҷлиси намояндагон, зимни муҳокимаи лоиҳаи қонун зикр гардидааст, ки тибқи маълумоти оморӣ, сатҳи ҳосилнокии зироат ва маҳсулнокии чорво барои баланд бардоштани даромаднокӣ мусоидат намекунанд.

"Масалан, ҳосилнокии ғалладона ба ҳисоби миёна дар 5 соли охир дар сатҳи 28-сентнерӣ аз ҳар гектар, пахта 18,6, картошка 208, сабзавот 251,4 ва мевагиҳо 40,2-сентнерӣ қарор доранд. Ширдӯшӣ аз ҳар сар модагов ба 1706 килограмм баробар мебошад", - афзудааст манбаъ.

Гуфта мешавад, на ҳама вақт  маълумоти таҳлилӣ оид ба вазъи бозори аграрии мамлакат сари вақт пешниҳод мегарданд, ки барои танзими он зарур мебошанд.

Зикр шудааст, ки дар мавсими ҷамъоварии ҳосил бо нархи паст харидорӣ шудани маҳсулоти соҳа, масалан пиёз аз 30 то 50 дирам, картошка 1,5 -1,8 сомонӣ,  болоравии нархҳои маҳсулоти чорвою паранда дар бозорҳои дохилӣ масъалаҳое мебошанд, ки ҳалли худро талаб мекунанд, - мегӯяд манбаъ.

Зимни нишаст зикр шудааст, ки сатҳи дастгирии давлатии соҳа низ ба талаботи пешбурди соҳа мусоидат намекунад.

"Дар натиҷа дар соҳа муносибатҳои иҷоравии ғайрирасмӣ ба миён омада, заминистифодабарандагони дуюм ва сеюмдараҷа сиёсати истифодаи заминро муайян мекунанд, ки ин яке аз сабабҳои зуд  — зуд тағйирёбии нархҳо мебошад. Ин ҳолат ҳамчунин сабаби аз истифодаи кишоварзӣ берун мондани қитъаҳои замин, бад гаштани ҳолати мелиоративии заминҳо ва истифодаи ғайриоқилонаи оби полезӣ  гардида истодааст", - таъкид кардаанд, ҳозирин.

Таъкид шудааст, ки ҳоло ҳалли масъалаҳои ташаккули сохтори институтсионалӣ, муттаҳидшавии ихтиёрии хоҷагиҳои деҳқонӣ (фермерӣ) ба хоҷагиҳои калонҳаҷми кишоварзӣ, якҷояшавии (интегратсияи) онҳо бо корхонаҳои коркарду шабакаҳои савдо, ташаккули занҷираи ягонаи логистикӣ ва кластерҳои агросаноатӣ, ҳимояи молистеҳсолкунандагони кишоварзӣ дар бозори фурӯши маҳсулот, дастгирии давлатии соҳа ва дигарҳо таваҷҷуҳи махсус талаб менамоянд.

Гуфта шудааст, шароити феълии ҷаҳони афзун намудани ҳаҷми истеҳсоли ватаниро талаб мекунад ва Тоҷикистон имкони табиии афзун намудани озуқавориро дорад.

Хатлон ба 9 давлати хориҷӣ беш аз 100 ҳазор тонна маҳсулоти кишоварзӣ содирот кард

"Танҳо зарур аст, ки ҷойгиронии саноати хурокворӣ ва ташаккули низоми логистикӣ, яъне дар сатҳи баланд пешгирӣ намудани талафи маҳсулоти соҳа, дастгирии устувори давлатии соҳа ва дигар масъалаҳо ҳалли худро ёбанд", - мегӯяд манбаъ.

507
Барчаспҳо:
баҳс, гов, чорво, Тоҷикистон
Сангрезӣ дар Тоҷикистон, акс аз бойгонӣ

Дар ноҳияи Айнӣ ба болои як деҳа сангпора сарозер шуд

241
(Таҷдидшуда 18:46 26.11.2020)
Дар деҳаи Шурмашки ноҳияи Айнӣ аз баландии 250 метр ба болои деҳа сангпора сарозер шуд, ки як сокини маҳаллиро бе хонаву дар гузошт

ДУШАНБЕ, 26 ноя — Sputnik. Кумитаи ҳолатҳои фавқулодаи Тоҷикистон аз рух додани офати табиӣ дар ноҳияи Айнӣ хабар медиҳад.

Ба иттилои манбаъ, ҳодисаи мазкур рӯзи 25 ноябр тақрибан соати 12:45 дақиқа рух дод.

Манбаъ меафзояд, бар асари ин ҳодисаи нохуш, манзили як сокини маҳаллӣ, Бердиев Самариддин сахт зарар дидааст. 

Гуфта мешавад, бо дастрас кардани хабари мазкур наҷотбахшон зуд ба ҷойи ҳодиса сафарбар шуданд.

Тарма ва сангрезӣ: пешгӯии дақиқи ҳавошиносон барои имрӯз

Дар робита ба хароб гардидани манзили истиқоматии Самариддин ва дар ҷойи хавфнок ҷойгир буданаш, оилаи зарардидаро ба бинои мактаби деҳа интиқол доданд.

Феълан, комиссия санад ва маълумотнома тартиб дода, барои чораҷӯи ба Мақомоти иҷроияи ҳокимияти давлатии ноҳияи Айнӣ пешниҳод намуд.

241
Барчаспҳо:
сангрезӣ, Айнӣ
Мужчина применяет насилие в отношении женщины. Архивное фото

Боздошти ҷавон бо иттиҳоми роҳзанӣ дар Душанбе: “шабона ба занҳо ҳамла мекардааст” - видео

109
(Таҷдидшуда 16:57 26.11.2020)
Вазорати умури дохилии Тоҷикистон аз боздошти марди 29-сола хабар дод, ки дар ҳамла ва ғорати занон ба ҳангоми шаб муттаҳам мешавад

ДУШАНБЕ, 26 ноя – Sputnik. Тибқи иттилои ВУД, маъмурини идораи милиса дар ноҳияи Сино, бо иттиҳоми роҳзанӣ Азимҷон Салихов, сокини 29-солаи шаҳри Ҳисорро боздошт кардаанд.

Манбаъ афзуд, айбдоршаванда бо олоти оҳанин мусаллаҳ шуда, дар вақти торикӣ ба занонро мавриди ҳамлаю ғорат қарор медодааст.

Аз ҷумла Салиховро дар он айбдор мекунанд, бо оҳан дар маҳаллаи Зарафшон бо оҳан ба сари Маҳмдшарифова Фазила зада, ҳангоми беҳушии ҷабрдида телефону маблағаш бо арзиши умумии 4,5 ҳазор сомониро гирифтаст.

Инчунин 13 ноябр дар кӯчаи Айнӣ сокини 21-солаи шаҳри Душанбе ҳадафи ҳамла қарор гирифтааст. Аз ҷабрдида, ки феълан дар беморхона бистарӣ мебошад, телефони арзишаш 1,5 ҳазор сомонӣ ситонда шудааст.

ВУД таъкид намуд, ки феълан алайҳи Салихов бо иттиҳоми роҳзанӣ парвандаи ҷиноӣ оғоз гардида, тафтишот идома дорад.

Назари худи айбдоршаванда ва ҷониби ҳимояаш феълан дар бораи ин қазия маълум нест.

109
Барчаспҳо:
боздошт, роҳзанӣ, Тоҷикистон
Эмомалӣ Раҳмон, раисиҷумҳури Тоҷикистон ва Надим Раза, сардори Ситоди артиши Покистон

Мулоқоти Раҳмон бо генерал Надим Раза

0
(Таҷдидшуда 19:04 26.11.2020)
Эмомалӣ Раҳмон, раисиҷумҳури Тоҷикистон, бо сардори Ситоди муттаҳидаи Артиши Ҷумҳурии Исломии Покистон генерал Надим Раза мулоқот кард

ДУШАНБЕ, 26 ноя – Sputnik. Тибқи иттилои котиботи раисиҷумҳур, зимни мулоқот вазъ ва дурнамои муносибатҳои дӯстона ва ҳамкориҳои гуногунҷанбаи Тоҷикистону Покистон мавриди баррасӣ қарор дода шуд.

Таъкид шудааст, ки робитаҳои феълии Тоҷикистон ва Покистон фарогири соҳаҳои сиёсӣ, тиҷорату иқтисод, фарҳанг, илм, маориф, амният ва дигар арсаҳои мавриди таваҷҷуҳи тарафайн буда, бо назардошти имконияти мавҷуда, ба рушду густариши онҳо таваҷҷуҳи зиёд зоҳир карда мешавад.

Манбаъ афзуд, Эмомалӣ Раҳмон изҳор дошт, ки Тоҷикистону Покистон нисбати аксари масъалаҳои умдаи минтақавию ҷаҳонӣ мавқеи ба ҳам наздик доранд ва ин мавқеъгириҳо имкон медиҳад, ки ду давлат дар ҳамоҳангӣ ба ҳалли мушкилоти минтақавию байналмилалӣ мусоидат намоянд.

Мулоқоти Раҳмон бо Халилзод, аз ҳамкорӣ то музокироти сулҳи байниафғонӣ

“Дар мулоқот муҳимияти тақвияти ҳамкориҳои амниятӣ ва мудофиавӣ дар мубориза бар зидди терроризм, ифротгароӣ, истеҳсол ва гардиши ғайриқонунии маводи мухаддир, ҷинояткории фаромиллӣ ва мусоидат ба таҳкими сулҳу субот дар Афғонистон таъкид гардида, доир ба ҳолати кунунӣ ва дурнамои вазъи минтақа ва ҷаҳон дар давраи паҳншавии бемории сироятии коронавирус ва дигар мавзӯъҳои мавриди таваҷҷуҳ табодули афкор сурат гирифт”, - омадааст дар иттилоия.

0
Барчаспҳо:
генерал, Русия, Тоҷикистон