Сотрудник МЧС во время учений, архивное фото

Соҳибаш дар шаҳр нест: қурутобхонаи машҳури "Зарафшон" пурра сӯхт? -видео

3368
(Таҷдидшуда 14:53 31.10.2020)
Вазорати корҳои дохилии Тоҷикистон сабаби сӯхтори қурутобхонаи "Зарафшон", воқеъ дар маҳаллаи Зарафшони марбути ноҳияи Рӯдакиро таҳқиқ мекунад

ДУШАНБЕ, 31 окт – Sputnik. Шӯҳрат Тағоймуродзода, сухангӯи сарраёсати Хадамоти давлатии оташнишонии вазорати корҳои дохилӣ ба Sputnik Тоҷикистон гуфт, ин сӯхтор ҳаволии соати 2 – и шаб иттифоқ афтода, ҳоло муфаттишон таҳқиқи мекунанд.

“Бино ба иттилои қаблӣ, дар пайи ин сӯхтор қурутобхона ва ҳам манзили истиқоматии соҳибкор, ки дар қафои қурутобхона воқест, зарар дидаанд. Тафтишот идома дорад, ба ҳамин зудӣ тафсилот тариқи сомонаи вазорат ироа хоҳад шуд”, - гуфт Шӯҳрат Тағоймуродзода.

Дар ҳамин ҳол, шоҳидони ҳодиса мегӯянд, қурутобхона пурра ба коми оташ рафта, манзили соҳибаш низ зарари ҷиддӣ дидааст.

“Худ соҳибони қурутобхона аз сӯхтор дер огоҳ шуда, хадамоти сӯхторнишониро низ дер огоҳ кардаанд. Вақте хабар меёбанд, ки оташ бинои қурутобхонаро пурра хароб карда, ба манзили истиқоматии онҳо гузашта буд. Ҳатто як дӯкони шафати қурутобхона, ки бо маводи пластикӣ сохта шудааст, низ тахриб ёфтааст”, - гуфт яке аз шоҳидон ба Sputnik Тоҷикистон.

Ба қавли шоҳиди дигар, соҳиби қурутобхона ба номи Наҷмиддин замони сӯхтор дар Душанбе қарор надоштааст.

“Ӯ пайи корҳояш берун аз шаҳр аст”, - гуфт ин нафар.

Аз наворҳое ҳам, ки дар шабакаҳои иҷтимоӣ пахш шудаанд, дида мешавад, ки қурутобхонаи “Зарафшон” сахт осеб дида, колоҳои дохили он ба берун кашида шудаанд ва ҳама сӯхтаву корношоям ба назар мерасанд.

ВКД сӯхтор дар “Ашан”-ро расман шарҳ дод: гунаҳгори ҳодиса муайян карда мешавад

Маҳаллаи Зарафшони пойтахт миёни ду ноҳия – Синои шаҳри Душанбе ва Рӯдакӣ тақсим мешавад. Ҳодиса маҳз дар қисмати ноҳияи Рӯдакӣ иттифоқ афтодааст.

3368
Кандидат в президенты США Джо Байден

Пойи Байден аз ду ҷо шикаст: бо ӯ чӣ шуд?

64
(Таҷдидшуда 11:57 30.11.2020)
Ҷо Байден номзад ба президентии Амрико аснои бозӣ кардан бо саг, лағжида афтидаст, ки дар натиҷа пояш аз ду ҷо шикаст

ДУШАНБЕ, 30 ноя — Sputnik. Ҷо Байден бо сагаш бозӣ карда лағжидаст, ки дар натиҷа пойи ӯ аз ду ҷо шикаст хӯрдаст, хабар медиҳад РИА новости бо такя ба расонаҳои амрикоӣ.

"Ташхиси компютерӣ нишон додааст, ки пойи Ҷо Байден дар ду ҷой шикасти сабук хӯрдаст, - таъкид мешавад дар хабар.

Гуфта мешавад, ҳоло барои барқарор шудани устухони пояш, Байден бояд муддати чанд вақт пойафзоли махсус пӯшад.

Манбаъ меафзояд, ҳодисаи мазкур ҳанӯз рӯзи шанбе иттифоқ афтод. Он замон, пизишк пас аз муоинаи пойи Байден ягон зарбаи ҷиддӣ, аз ҷумла шикастро пайдо накард.

Рекорди Ҷо Байден дар интихоботҳои президентии ИМА: ӯ гуфт чаро президент шуд

Вале баъдан ҳангоми гузаштан аз ташхиси комилтар, муайян шуд, ки пойи Ҷо Байден аз ду ҷо шикаст хӯрдааст.

Ёдовар мешавем, маъракаи интихоботӣ дар Амрико ҳарчанд 3 ноябр баргузор шуд, вале то ҳол натиҷаи ниҳоии интихобот эълон нашудааст. Ба ҳар сурат, расонаҳои амрикоӣ аз пирӯз шудани Ҷо Байден хабар медиҳанд.

64

Даҳшат: сокини Ёвон модари се фарзандашро корд зада кушт

247
(Таҷдидшуда 11:17 30.11.2020)
Прокуратураи ноҳияи Ёвон нисбати падари хонавода, ки ҳамсари 32 - солаи худро ба қатл расонд, парвандаи ҷиноятӣ боз намуд

ДУШАНБЕ, 30 ноя — Sputnik. Кормандони милитсия дар ноҳияи Ёвон сокини маҳаллиро боздошт намуданд, ки дар куштори ҳамсари ҷавонаш даст доштааст.

Котиботи ВУД Тоҷикистон хабар медиҳад, ки ҳодисаи даҳшатбор рӯзи 27 ноябр дар ҷамоати деҳоти Норини ноҳияи Ёвон рух додааст.

Куштор дар заминаи рашки беасос ва муноқишаи оилавӣ сар задааст.

"Қарақулов Урозбек дар пайи муноқишаи оилавӣ ва рашк ҳамсари 32 - солаи худ Бобоҷонова Бибихоларо ба қатл расондааст", - таъкид мешавад дар хабари манбаъ.

Ба манзилаш бурд ва се маротиба бо табар ба гарданаш зад: куштор дар Суғд

Гуфта мешавад, Бибихола модари се фарзанд буда, ҳамсараш бо корди хоҷагӣ бо як бераҳмии махсус чанд маротиба ба узвҳои муҳими баданаш мезанад, ки ҷабрдида дар ҷои ҳодиса, аз ҷароҳатҳои вазнини ҷисмонии бардоштааш ба ҳалокат мерасад.

Зимнан, кормандони милитсияи ноҳияи Ёвон дар кутоҳтарин муддат гумонбари асосии ҷинояти мазкурро муайян ва боздошт намуданд.

ВУД Тоҷикистон мегӯяд, феълан нисбати Қарақулов Урозбек дар Прокуратураи ноҳияи Ёвон парвандаи чиноятӣ бо моддаи 104 Кодекси ҷиноятии Чумҳурии Тоҷикистон оғоз гардида, тафтишот идома дорад.

247
Барчаспҳо:
куштор, Ёвон