Пас аз 65-соат: наҷотбахшон духтари сесоларо аз зери харобаҳои заминларза наҷот доданд

156
(Таҷдидшуда 13:42 02.11.2020)
Наҷотбахшон аз зери харобаҳо ҳамоно ҷасади қурбониёни замиларзаи мудҳишро берун меоранд. Фаъолияти гурӯҳҳои имдодрасон то ҳол идома дорад

ДУШАНБЕ, 2 ноя — Sputnik. Наҷотбахшон дар Измири Туркия, пас аз 65 соати заминларзаи мудҳиш, Элиф Перинчеки сесоларо аз зери харобаҳои бинои истиқоматӣ берун оварданд, хабар медиҳад РИА Новости дар такя ба хабаргузории "Анадолу".

Гуфта мешавад, ки дар ҳоли ҳозир духтар дар яке аз беморхонаҳои наздик бистарӣ шудааст.

Хонаводаи Элиф наҷоти ӯро мӯъҷиза номиданд.

Шумораи одамоне, ки наҷотбахшон аз зери харобаҳо берун оварданд, ба 106 нафар расид. Пештар Идил Ширини 14-сола аз зери харобаҳо берун карда шуд.

Теъдоди ҷонбохтагон дар пайи ин заминларза дар Турки дар ҳоли афзоиш буда, дар ҳоли ҳозир он ба 73 нафар расидааст.

Гуфта мешавад, ба пояи моморҳои охирин дар баробари 73 тан ҳалокшуда ҳамзамон 961 тани дигар зарар дидаанд.

Ёдовар мешавем, шоми 30 октябр дар Туркия заминҷунбии мудҳише рух дод, ки Юнонро ҳам такон дод.

Қувваи заминҷунбӣ дар марказаш 7 баллро ташкил додааст. Пас аз чанде марказҳои зилзиласанҷӣ боз рави заминро бо қувваи 5 балл ба қайд гирифтаанд.

Дар робита ба офати табиӣ дар Туркия, Президенти Тоҷикистон Эмомалӣ Раҳмон ба ҳамтои худ Раҷаб Тайиб Эрдуғон изҳори ҳамдардӣ карда буд.

Президенти Тоҷикистон гуфтааст, ки хабари ба ҳалокат расидан ва осеб дидани мардум, ҳамчунин харобиҳои зиёд бар асари заминларзаи шадид дар минтақаҳои ғарбии Туркия боиси андўҳи амиқи ӯ гардидааст.

Эрон гуфт, ки омодаи ҳамагуна кӯмак ба Туркия аст

"Дар ин зимн ҳамдардиву тасаллии самимии ин ҷонибро ба мардуми дӯсти Туркия иброз дошта, ба аҳли пайвандону наздикони қурбониёни ин офати табиии фоҷеабор сабри ҷамил ва барои ҳамаи осебдидагон шифои комил хоҳонам", - омадааст дар номаи таслияти раисиҷумҳури Тоҷикистон.

156
Барчаспҳо:
заминларза, наҷотдиҳӣ, Туркия
Вор, архивное фото

Роҳзании маргбор дар хонаи Камолов: ҳамлагарон дар оила хабаркаш доштаанд-видео

191
(Таҷдидшуда 13:58 03.12.2020)
Вазорати умури дохилии Тоҷикистон аз як роҳзании маргбор дар ноҳияи Ҷайҳун хабар додааст, ки дар натиҷа ниқобпӯшон аз Душанбе модари ҷавонро кушта, аз хона беш аз 33 ҳазор доллар гирифтаанд

ДУШАНБЕ, 3 дек — Sputnik. Тибқи гузориши ВУД, ду нафар ниқобпӯш шабона дар ҳоле, ки Камолова Шарофат, соли таваллудаш 1980 ва писари ноболиғаш  дар ҷамоати Қумсангир дар хонаашон танҳо будаанд, ҳамла кардаанд.

Ниқобпӯшон дар пайи латукӯби модару фарзанди ноболиғаш аз дохили ҳуҷраи хоб 33 ҳазору 400 долларро гирифта, соҳибхоназанро бо роҳи буғӣ кардан куштаанд.

Манбаъ таъкид кард, ки дар пайи чорабиниҳои оперативӣ-ҷустуҷӯӣ Мустафоев Умед, соли таваллудаш 1985 ва Бекматов Беҳрӯз соли таваллудаш 1989, сокинони шаҳри Душанбе боздошт гардидаанд.

Маълум шудааст, ки ҳамлагарон дар хонаводаи ҷабрдида хабаркаши худро доштаанд, ки ба онҳо дар бораи пулдории амакаш хабар додааст.

Ба иттилои ВУД, ин нафар Ҳадятуллоҳи Маҳмадназар Камолзода, соли таваллудаш 1991 мебошад, ки ба ҳамлагарон хабар додааст, ки амакаш Маҳмадраҳим Камолов дар хонааш қарор дорад. Манбаъ таъкид кардаст, ки муттаҳамон ҳамларо қаблан тарҳрезӣ карда будаанд, барои огоҳӣ аз нақшаи хона Ҳадятуллоҳи Маҳмадназар онҳоро ба Ҷайҳун низ бурдааст.

“Камолов Маҳмадраҳим ба хонаи мо омаданд. Бегоҳ пурсидамаш, ки дар хона кист? Гуфт бобоят, Камолова ва писараш. Ба Умед хабар додам, ӯ гуфт, мо ҳамроҳи Беҳрӯз меравем”, - изҳор дошт Ҳадятуллоҳ дар гузориши ВУД.

Зикр шудааст, ки дар пайи ҳамла ниқобпӯшон барои худ мошинҳои гаронарзиш харидаанд, ки якҷо бо пули нақд ҳамчун далели шайъӣ мусодира шудааст.

Манбаъ афзуд, ки феълан алайҳи муттаҳамон барои роҳзанӣ ва куштор парвандаи ҷиноӣ кушода шуда, тафтишот идома дорад.

Назари бевоситаи ҷониби муттаҳам ва ҳимоятгарашон дар бораи ин қазия маълум нест.

191
Барчаспҳо:
ВУД ҶТ, гузориш, Тоҷикистон
Сотрудники ФСБ РФ во время задержания гражданина одной из Центрально-азиатских республик

Писарро кушту модарашро маҷруҳ кард: Боздошти Ҷумъазода барои қатли ҳамсояаш-видео

267
(Таҷдидшуда 14:39 03.12.2020)
Вазорати умури дохилии Тоҷикистон аз боздошти  Ҷамшед Ҷумъазода сокини 29-солаи ноҳияи Зафаробод хабар медиҳад, ки ҳамсояаш ҷавони 24-соларо куштаву модарашро латукӯб кардааст

ДУШАНБЕ, 3 дек – Sputnik. Тибқи иттилои Акбар Шариф, сухангӯи Раёсати Вазорати корҳои дохила дар Суғд, шоми 10 ба 11-уми ноябр аз ҷониби шахси номаълум, шаҳрванд Давронбеков Беҳзод Эркиновичи 24-сола истиқоматкунандаи ноҳияи Зафаробод, дар ҳудуди манзили истиқоматиаш, назди иншоотҳои ёрирасони кӯчаи Байналмиллали шаҳраки Зафаробод, маҷбуран аз ҳаёт маҳрум карда шудааст.

Манбаъ мегӯяд, ҳамзамон модари ӯ шаҳрванд Зиёева Малоҳат Ризоевнаи 44-сола, дар дохили ҳуҷраи истиқоматӣ мавриди латукӯби шадид қарор мегирад.

"Аз зарбаи олоти кунду сахт ба қисмати сару рӯй Беҳзод Давронбеков ба ҳалокат расида, бо истифода аз ҳамин гуна олот ба модари ӯ Малоҳат Зиёева ҷароҳати вазнин расонида шудааст”,-афзудааст, манбаъ.

Ба иттилои манбаъ, баъди 10 рӯзи ҳодиса маъмурини пулис Ҷамшед Ҷумъазодаро бо гумони содир намудани ҷинояти махсусан вазнин боздошт карданд, ки дар ҳамсоягӣ бо ҷабрдидаҳо истиқомат доштаст.

"Хусумати шахсӣ, бадбинӣ нисбати якдигар, қасду қасосгирӣ ё дигар муносибатҳои моливу пулӣ байни гумонбаршуда ва ҷабрдидаҳо, аз фарзияҳои аввалин то ошкор шудани ҷиноят буд, ки дар доираи чорабиниҳои оперативию тафтишотӣ тасдиқ наёфт”,- мегӯяд манбаъ.

Чунон зад, ки дар ҷои ҳодиса мурд: куштори марди 60-сола дар чойхонаи "Сомғор"

Гуфта мешавад, тибқи далелҳои ҷамъоваришуда аз таъсири воситаи нашъадори навъи бангдона ва ҳолати мастӣ байни Ҷамшед Ҷумъазода ва Беҳзод Давронбеков муноқишаи лафзӣ сурат гирифта, гумонбаршуда бо истифода аз болғаи оҳанӣ аввал Беҳзод Давронбековро кушта, дар идома бо гумони он, ки модари охирон кирдори ҷиноятиашро мушоҳида кардааст, қасди аз ҳаёт маҳрум кардани модари ӯро намуда, зарари вазнин ба саломатияш расонидааст.

Тафтишоти ҳодисаи одамкуширо мақомоти Прокуратураи ноҳияи Зафаробод пеш мебарад.

267
Барчаспҳо:
куштор, Зафаробод, Суғд, Тоҷикистон
Сохтмони роҳ, акс аз бойгонӣ

Оғози сохтмони роҳи дорои 8 хати ҳаракат дар Душанбе бо пули Ҳинд

0
(Таҷдидшуда 14:55 03.12.2020)
Шаҳрдории Душанбе аз оғози сохтмони роҳи автомобилгард аз Дарвозаи Ғарбӣ то маҳаллаи Чортут расман оғоз бахшида шуд

ДУШАНБЕ, 3 дек — Sputnik. Ба иттилои шаҳрдорӣ, роҳи автомобилгард аз Дарвозаи Ғарбӣ то маҳаллаи Чортут тибқи нақша дар се марҳила бунёд мешавад.

“Марҳилаи аввал аз Дарвозаи Ғарбӣ то роҳи автомобилгарди Айнӣ, бо дарозии 4,2 километр марҳилаи дуюм аз роҳи автомобилгарди Айнӣ то роҳи автомобилгарди Шарора бо дарозии 3,2 км ва марҳилаи сеюм аз роҳи автомобилгарди Шарора то пайваст ба кӯчаи Раҳмон Набиеви маҳаллаи Чортут бо дарозии 1,88 км-ро дар бар мегирад”, - омадааст дар иттилоия.

Манбаъ таъкид намуд, ки паҳноии роҳ аз 40 метр иборат буда,  8 хати ҳаракат дар ду самт, пиёдароҳҳо, як адад пул дар болои канали калони Ҳисор ва як гузаргоҳи роҳи оҳан, 2 адад гардишҳои нақлиётӣ, чароғакҳои роҳнамо дар ду қитъа, аломатҳои бехатарии роҳ, хати кабудизор, дарахту буттаҳои ороишию сояафкан дар ду тараф унсурҳои асосии роҳро ташкил медиҳанд.

Зикр шудааст, ки иншоот дар доираи ҳамкориҳои судманди миёни Тоҷикистону Ҳиндустон бо харҷи 46,5 миллион доллари ИМА сохта мешавад.

Лоиҳаи “Сохтмони роҳи автомобилгард аз Дарвозаи Ғарбӣ то маҳаллаи Чортут” яке аз тарҳҳои самарабахши ҳамкорӣ байни шаҳрдорӣ ва Ҳукумати Ҷумҳурии Ҳиндустон маҳсуб меёбад, ки марҳилаи аавали он расман шуруъ гардид.

0
Барчаспҳо:
роҳ, сохтмон, Тоҷикистон