Автомобиль упал в реку

Мошини Афзалшо Шодиев ба дарё сарозер шуд: КҲФ ба ҷойи ҳодиса рафт

10308
(Таҷдидшуда 14:25 06.11.2020)
Кормандони Кумитаи ҳолатҳои фавқулода дар ноҳияи Айнӣ талош доранд, мошини Афзалшо Шодиевро, ки ҳангоми ҳаракат ба самти Душанбе ба Фондарё сарозер шудааст, берун кашанд

ДУШАНБЕ, 4 ноя – Sputnik. Мирзошо Мирзошоҳиён, сардори шуъбаи КҲФ дар ноҳияи Айнӣ дар шарҳи ин хабар ба Sputnik Тоҷикистон гуфт, мошини тамғаи "Дулан", ки таҳти идораи Афзалшо Шодиев, сокини ҷамоати Зарафшони ноҳияи Айнӣ қарор дошт, чаҳор рӯз пеш ба дарё фурӯъ рафтааст, вале ронанда ва пайвандонаш аз ин ҳодиса ба мақомот хабар надодаанд.

"Кормандони мо аз вуқӯъи ин ҳодиса танҳо дирӯз ва он ҳам аз шабакаи фейсбук хабардор шуданд. Ҳоло аз дирӯз ба ин тараф якҷо бо кормандони ширкати “IRS” талош доранд мошинро аз миёни дарё берун кашанд. Имрӯз мошинро аз қаҳри об берун кардем, пагоҳ онро тавассути крани махсус ба роҳ мебарорем", - гуф Мирзошоҳиён.

Бино ба иттилоъи манбаъ, рӯзи 31 октябр дар километри 97 - уми шоҳроҳи Душанбе-Хуҷанд дар наздикии деҳаи Такфони ҷамоати деҳоти Анзоби ноҳияи Айнӣ, автомашинаи тамғаи "Дулан", таҳти идораи ронанда Афзалшо Шодиев, ки бо 30 тон ангишт ба самти Душанбе ҳаракат мекард, ба ҷаррии умқаш 15 метр ба Фондарё сарозер шудааст.

Манбаъ меафзояд, дар ин ҳодиса ронанда осеб надид. Бо гузашти чаҳор рӯз аз ин ҳодиса, на ронанда ва на пайвандонаш ба КҲФ муроҷиат кардаанд, вале кормандони ин ниҳод бо дарёфти иттилоъ аз шабакаи Фейсбук аз дирӯз ба ин тараф барои берун овардани "Дулан" аз миёни дарё сафарбар шудаанд.

Нохушӣ дар оилаи Ҳошимов: ҳалокати ду бародар дар пайи садама дар роҳи “Душанбе-Хуҷанд"

Мақомоти КҲФ аз ронандаҳо даъват карданд ки талаботи бехатарии ҳаракат дар роҳро  риоя намоянд ва дар вақти рухдоди ҳодисаҳои нохуш зуд ба онҳо хабар диҳанд.

10308
Барчаспҳо:
дарё, мошин, садама
Дорожный знак, архивное фото

Фавти пирамарде, ки писараш пас аз садама ба беморхона набурд: ВКД таҳқиқ мекунад

319
(Таҷдидшуда 12:53 04.12.2020)
Вазорати умури дохилии Тоҷикистон мегӯяд, як марди солхӯрда бинобар нарасонидан ба беморхона дар пайи садамаи нақлиётӣ дар хонааш фавтидааст

ДУШАНБЕ, 4 дек – Sputnik. Бино ба иттилои дафтари матбуотии ин ниҳод садамаи нақлиётӣ санаи 1-юми декабри соли 2020, тахминан соати 10:00 дар ҳудуди ҷамоати деҳоти Нофароҷ шаҳри Истаравшан сар задааст.

Манбаъ мегӯяд, ронандаи автомашинаи тамғаи “Опел-Вектра”, Мирзоев Наимҷон Гиёевичи 42-сола сокини деҳаи Ширинчашмаи шаҳри Истаравшан, ҳангоми ба беморхонаи марказии шаҳри мазкур бурдани падараш Мирзоев Гиёи 88‑сола дар ҳудуди ҷамоати деҳоти Нофароҷ аз уҳдаи идораи автомашина набаромада, ба канори рости роҳ чаппа шудааст.

Дар натиҷа, падараш Мирзоев Гиё ҷароҳатҳои ҷисмонӣ бардоштааст.

“Пас аз рух додани ин ҳодиса Мирзоев Наимҷон Гиёевичи падараш Мирзоев Гиёро ба беморхона набурда, оид ба ин ҳодиса ба ягон мақомоти ҳифзи ҳуқуқ муроҷиат накарда, падарашро дар манзили истиқоматии худ табобат намудааст, ки номбурда санаи 2-юми декабри соли 2020, аз ҷароҳати вазнини ҷисмонии бардоштааш дар хонаи истиқоматиашон вафот намудааст”,-афзудааст манбаъ.

Ҳалокати Абдулло ва Меҳриниссо дар пайи ду садамаи нақлиётӣ

ВУД мегӯяд, аз рӯи ин ҳодиса таҳқиқот идома дорад.

319
Барчаспҳо:
пирамард, ҳалокат, фавт, садама, Тоҷикистон
Национальный банк Таджикистана

Бонки миллӣ бо як қарор фонди қарзии хурди “Файзи Сурхоб”-ро барҳам дод

154
(Таҷдидшуда 12:31 04.12.2020)
Раёсати Бонки миллии Тоҷикистон ахиран аз барҳамхурии боз як ташкилоти қарзии хурд хабар дод

ДУШАНБЕ, 4 дек — Sputnik. Раёсати Бонки миллии Тоҷикистон аз барҳамхурии ташкилоти қарзии хурди  “Файзи Сурхоб” хабар дод.

Национальный банк Таджикистана
© Фото : Пресс-служба президента Таджикистана

Бино бар иттилои дафтари матбуоти Бонки милли Тоҷикистон, раёсати Бонк бо қарори навбатӣ таҳти №156 дар асоси моддаи 26 Қонуни Ҷумҳурии Тоҷикистон “Дар бораи ташкилотҳои маблағгузории хурд” ва моддаҳои 8, 9 ва 12 Қонуни Ҷумҳурии Тоҷикистон “Дар бораи барҳамдиҳии ташкилотҳои қарзӣ” иҷозатномаи ФҚХ “Файзи Сурхоб” бозхонд кард.

Бонки миллӣ қайд намудааст, ки қарори раёсат дар бораи барҳамдиҳии ихтиёрӣ аз санаи 01 декабри соли равон қабул шудааст.

Ин ниҳод сабаби бозхонди иҷозатномаи ташкилоти қарзиро шарҳ надодааст.

Беш аз 22 миллиард: Нуралиев дороии ҳамаи ташкилотҳои молиявии кишварро гуфт

Ёдовар мешавем, Раёсати Бонки миллии Тоҷикистон ахиран бо як қарор иҷозатномаи ташкилоти қарзии хурди “Имконият Ховар”-ро бозхонд кард.

154

Табибони рус ба қабули беморон дар Қарабоғи Кӯҳӣ шурӯъ карданд - акс

0
  • Каме дуртар аз Бемористони саҳроӣ техникаи ҳарбии Вазорати мудофиа қарор дорад
  • Сокинони Қарабоғи Кӯҳӣ, ки ба кумаки табибон эҳтиёҷманд ҳастанд, бабемористони саҳроӣ мебиёянд
  • Сокини Степанакерт дар қабули пизишки бемористони саҳроӣ
  • Қабули беморон дар Бемористони саҳроӣ. Муроҷиаткунандагон ҳатто навбат меистанд
  • Сокини Степанакертро пизишк муоина намуда, ҷараёни таботагирии минбаъдаро ба ӯ мефаҳмонад
  • Табибон ҳамаҷониба беморони муроҷиаткунандаро аз ташхис мегузаронанд
  • Дар беморхонаи саҳроӣ имкони ҷой додани 40 нафар мариз фароҳам аст
  • Бемористони саҳроӣ аз шӯъбаи ҷарроҳӣ, ташхисӣ, лабораторияи ташхисӣ, ҳуҷраи дандонпизишкӣ, утоқи пизишки чашм иборат аст
  • Ҳамчунин дар ин бемористон дастгоҳи нафасдиҳии сунъӣ ва ренген низ ҳаст
  • Таъсис ёфтани бемористони саҳроӣ аз ҷониби Вазорати мудофиаи Русия, танҳо дастгирӣ намудани сокинони Қарабоғи Кӯҳӣ мебошад
Бемористони саҳроӣ, ки аз ҷониби Вазорати мудофиаи Русия дар Қарабоғи Кӯҳӣ таъсис ёфт, ба қабули муроҷиаткунандагон шурӯъ намуд

Вазорати мудофиаи Федератсияи Русия ба хотири дастгирии шаҳрвандони осебдида дар Қарабоғи Кӯҳӣ бемористони саҳроӣ таъсис дод.

Ҳамакнун марҳилаи сохтмони ин бемористон ба анҷом расид ва табибони рус ба қабули маризон оғоз намуданд.

Теъдоди зиёди шаҳрвандон барои гузаштан аз ташхиси тиббӣ ба ин бемористон ташриф меоранд ва аз қабули табибони ботаҷриба баҳраманд мешаванд.

Қаблан Ярослав Иванов  роҳбари дастаи тиббӣ ба РИА Новости изҳор дошт, ки бемористони саҳроӣ имкони хобондани 40 маризро дорад.

Даъвати Боку аз кишварҳои исломӣ барои ҳамкорӣ дар ободонии Қарабоғи Кӯҳӣ

Ба гуфтаи ӯ, бемористони саҳроӣ аз шӯъбаи ҷарроҳӣ, ташхисӣ, лабораторияи ташхисӣ, ҳуҷраи дандонпизишкӣ, утоқи пизишки чашм иборат буда, ҳамчунин дастгоҳи нафасдиҳии сунъӣ ва дастгоҳи ренген низ насб шудааст.

Нерӯҳои посдори сулҳи Русия дар Қарабоғи Кӯҳӣ мутобиқи созишномае, ки 10 ноябр аз ҷониби роҳбарони Русия, Озарбойҷон ва Арманистон имзо шудааст, мустақаранд.

Ин созишнома қатъи пурраи амалиётҳои ҷангиро, ки аз 27 сентябр идома дорад, аз ҷумла табодули маҳбусон ва ҷасади мурдаҳоро пешбинӣ мекунад. Арманистон инчунин бояд минтақаҳои Келбаҷар, Лачин ва Ағдамро ба Озарбойҷон баргардонад.

0
  • Каме дуртар аз Бемористони саҳроӣ техникаи ҳарбии Вазорати мудофиа қарор дорад
    © Sputnik / Valeriy Melnikov

    Каме дуртар аз Бемористони саҳроӣ техникаи ҳарбии Вазорати мудофиа қарор дорад

  • Сокинони Қарабоғи Кӯҳӣ, ки ба кумаки табибон эҳтиёҷманд ҳастанд, бабемористони саҳроӣ мебиёянд
    © Sputnik / Valeriy Melnikov

    Сокинони Қарабоғи Кӯҳӣ, ки ба кумаки табибон эҳтиёҷманд ҳастанд, бабемористони саҳроӣ мебиёянд

  • Сокини Степанакерт дар қабули пизишки бемористони саҳроӣ
    © Sputnik / Valeriy Melnikov

    Сокини Степанакерт дар қабули пизишки бемористони саҳроӣ

  • Қабули беморон дар Бемористони саҳроӣ. Муроҷиаткунандагон ҳатто навбат меистанд
    © Sputnik / Maksim Blinov

    Қабули беморон дар Бемористони саҳроӣ. Муроҷиаткунандагон ҳатто навбат меистанд

  • Сокини Степанакертро пизишк муоина намуда, ҷараёни таботагирии минбаъдаро ба ӯ мефаҳмонад
    © Sputnik / Valeriy Melnikov

    Сокини Степанакертро пизишк муоина намуда, ҷараёни таботагирии минбаъдаро ба ӯ мефаҳмонад

  • Табибон ҳамаҷониба беморони муроҷиаткунандаро аз ташхис мегузаронанд
    © Sputnik / Maksim Blinov

    Табибон ҳамаҷониба беморони муроҷиаткунандаро аз ташхис мегузаронанд

  • © Sputnik / Maksim Blinov

    Медики оказывают помощь пациенту на базе полевого госпиталя развернутого Министерством обороны России на территории аэропорта в Степанакерте. В госпитале можно разместить до 40 человек, он оборудован отделениями реанимации, функциональной и лабораторной диагностики, операционной, а также стоматологическим и офтальмологическим кабинетами, аппаратами ИВЛ, УЗИ и рентгеном. Врачи госпиталя смогут оказывать помощь миротворческому контингенту и местному населению.

  • Дар беморхонаи саҳроӣ имкони ҷой додани 40 нафар мариз фароҳам аст
    © Sputnik / Valery Melnikov

    Дар беморхонаи саҳроӣ имкони ҷой додани 40 нафар мариз фароҳам аст

  • Бемористони саҳроӣ аз шӯъбаи ҷарроҳӣ, ташхисӣ, лабораторияи ташхисӣ, ҳуҷраи дандонпизишкӣ, утоқи пизишки чашм иборат аст
    © Sputnik / Valery Melnikov

    Бемористони саҳроӣ аз шӯъбаи ҷарроҳӣ, ташхисӣ, лабораторияи ташхисӣ, ҳуҷраи дандонпизишкӣ, утоқи пизишки чашм иборат аст

  • Ҳамчунин дар ин бемористон дастгоҳи нафасдиҳии сунъӣ ва ренген низ ҳаст
    © Sputnik / Maksim Blinov

    Ҳамчунин дар ин бемористон дастгоҳи нафасдиҳии сунъӣ ва ренген низ ҳаст

  • Таъсис ёфтани бемористони саҳроӣ аз ҷониби Вазорати мудофиаи Русия, танҳо дастгирӣ намудани сокинони Қарабоғи Кӯҳӣ мебошад
    © Sputnik / Valery Melnikov

    Таъсис ёфтани бемористони саҳроӣ аз ҷониби Вазорати мудофиа Русия, танҳо дастгирӣ намудани сокинони Қарабоғи Кӯҳӣ мебошад

Барчаспҳо:
Қарабоғи Кӯҳӣ, бемористон, рус, табибон