Пистолет

Ба гулӯяш тир холӣ кард, гарданашро бо корд бурид: ошкоршавии 3 куштор дар Тоҷикистон

3256
(Таҷдидшуда 13:33 05.11.2020)
Вазорати корҳои дохилии Тоҷикистон аз ошкор шудани се ҷинояти мудҳиш дар қаламрави кишвар, ки якеаш ба солҳои ҷанги шаҳрвандӣ иртибот дорад, хабар дод

 ДУШАНБЕ, 5 окт – Sputnik. Бино бар иттилои дафтари матбуотии ин ниҳод, тайи ду рӯзи ахир дар ҳудуди кишвар ду ҷинояти куштор ба қайд гирифта шуда, кормандони мақомоти ҳифзи ҳуқуқ як куштори мудҳиши соли 1993-ро ошкор карданд.

Корд ба қафаси сина

Ҳамин тавр,  аз ҷониби кормандони милитсия марди 46-солаи сокини ҷамоати деҳоти Қалъачаи Калони шаҳри Истаравшан бо гумони содир намудани ҷинояти одамкушӣ дастгир гардидааст.

Гуфта мешавад, номбурда, 3-юми ноябри соли 2020, тахминан соати 20:30-дақиқа, дар ҳудуди оосоишгоҳи "Авитсенаи Истаравшан" даст ба куштор задааст.

Мард дар ҳолати мастӣ қарор дошта, бо посбони осоишгоҳ муноқиша карда, бо кор ба қафаси синаи посбон-марди 56-сола ду маротиба задааст.

Дар натиҷа ҷабрдида дар ҷои ҳодиса ба ҳалокат расидааст.

"Нисбати гумонбаршаванда парвандаи ҷиноятӣ бо моддаи 104 қисми 1 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад", - тавзеҳ медиҳад ВКД Тоҷикистон.

Зарба бо корд ба гардан

Инчунин дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 47-солаи сокини ҷамоати деҳоти Э.Шарипови шаҳри Конибодом ҳамчун гумонбар дар содир намудани ҷинояти одамкушӣ дастгир шудааст.

Ба манзилаш бурд ва се маротиба бо табар ба гарданаш зад: куштор дар Суғд

Номбурда, санаи 4-уми ноябри соли 2020, тахминан соати 16:00, дар ҳолати мастӣ дар назди хонаи истиқоматиаш аз сабаби доштани хусумати шахсӣ нисбати ҷавони 26-солаи сокини ҷамоати деҳоти Э.Шарипов бо ӯ ҷангу ҷанҷол карда, бо корд ба тарафи рости гарданаш 1-маротиба задааст, ки дар натиҷа охирон аз ҷароҳатҳои ҷисмонии бардоштааш дар беморхона ба ҳалокат расидааст.

Нисбати  ҳодиса парвандаи ҷиноятӣ бо моддаи 104 қисми 1 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

Ҷиноят дар соли 1993

Ҳамзамон, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки мардони 62 ва 74-солаи сокинони ҷамоати деҳоти С.Айнии ноҳияи Хуросон санаи 5-феврали соли 1993, бо мақсади аз ҳаёт маҳрум сохтани марди 70-солаи сокини ҷамоати деҳоти С.Айнии ҳамин ноҳия бо истифода аз вазъи сиёсӣ ва нооромиҳои ҷумҳурӣ номбурдаро ба штаби Мактаб-интернати ҷамоати деҳоти С.Айнӣ бурдаанд.

Сипас, бинобар сабаби байни онҳо ҷой доштани маблағи қарзӣ баҳсу мунозира ба миён омадааст ва марди 74-сола бо таппончаи тамғаи “Макаров” ба гӯлуи ҷабрдида тир холӣ карда, охиронро захмин намудааст ва ҳаммаслаки ӯ марди 62-сола ба ин кирдори ӯ ҳамроҳ шуда, ба бадани ҷабрдида иловатан якчанд маротиба тир холӣ намуда ӯро ба ҳалокат расонидаанд.

Оид ба ин ҳолат парвандаи ҷинояӣ бо иловаи-1 ва моддаи 105 (таҳрири соли 1961) Кодекси ҷиноятии Ҷумҳурии Тоҷикистон оғоз гардида, тафтишот идома дорад.

Рашк: куштор ҳангоми дидани алоқаи ҷинсии зани ҷавонаш бо ҳамсоя-видео

3256
Рынок Саховат в Душанбе. Архивное фото

Мард занро фиреб дод: боздошти марди 50-сола барои қаллобӣ

288
(Таҷдидшуда 15:06 05.12.2020)
Вазорати умури дохилаи Тоҷикистон хабар додааст, ки марди 50-солаи сокини ноҳияи Кӯшониён ҳамчун гумонбар дар содир намудани ҷинояти қаллобӣ дастгир карда шуд

ДУШАНБЕ, 5 дек — Sputnik. Бино бар иттилои дафтари матбуоти вазорати умури дохилаи Тоҷикистон ахиран аз сӯи кормандони милитсия як марди 50-сола, ки дар содир намудани ҷинояти қаллобӣ гумонбар дониста мешавад дастгир карда шуд.

Манбаъ хабар додааст, ки ахиран ба ШВКД дар ноҳияи Фирдавсӣ аризаи зани 46-солаи сокини ноҳияи Рӯдакӣ ворид гардид, ки моҳи феврали соли 2020 дар назди бозори "Саховат"-и пойтахт шахси номаълум бо роҳи фиреб ба бовариаш даромада, аз ӯ маҳсулоти сохтмонӣ, 1-адад кати калони гулкорӣ ва 1-адад дарвозаи калонро гирифта, то ҳол маблағашро барнагардонидааст.

Манбаъ илова кардааст, ки зарари расонидашуда 150 ҳазор сомониро ташкил додааст.

Дар ҳамин ҳол, кормандони милитсия ҳангоми гузаронидани чорабиниҳои оперативӣ-ҷустуҷӯӣ марди 50-солаи сокини ноҳияи Кӯшониёнро, ки дар  содир намудани ин ҷинояти қаллобӣ гумонбар дониста мешавад, дастгир намуданд.

Гуфта шудааст, ки дар ҳоли ҳозир кормандони милитсияи Тоҷикистон аз рӯи ин ҳодиса тафтишотро идома доранд.

288
Барчаспҳо:
зан, мард, Саховат, бозор, Тоҷикистон
Мужчина закрывает портфель, архивное фото

Тағйироти кадрӣ дар Кумитаи сармоягузорӣ: Ҳамрализода рафту Сангинмурод омад

717
(Таҷдидшуда 18:48 04.12.2020)
Бо қарори Эмомалӣ Раҳмон, раисиҷумҳури кишвар имрӯз дар сохтори Кумитаи давлатии сармоягузорӣ ва идораи амволи давлатии Ҷумҳурии Тоҷикистон тағйирот сурат гирифт

ДУШАНБЕ, 4 дек – Sputnik. Тибқи иттилои дафтари матбуотии президент, Эмомалӣ Раҳмон бо як қарор Ҳамрализода Фаррух Маҳмудро аз раҳбарии ин ниҳод озод кард.

Ба иттилои манбаъ, Ҳамрализода Фаррух аз раҳбарии Кумитаи давлатии сармоягузорӣ озод ва идораи амвол сафири Тоҷикистон дар Амрико таъйин гардид.

Ба иттилои манбаъ, курсии Ҳамрализода Фаррухро дар ин мақом Қодирзода Саъдӣ Сангинмурод соҳиб шудааст.

“Мутобиқи моддаи 69 Конститутсияи Ҷумҳурии Тоҷикистон фармон медиҳам: Қодирзода Саъдӣ Сангинмурод раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон таъин карда шавад”,-афзудаст, дафтари матбуотии президенти кишвар.

Усули домино: чаро дар Тоҷикистон тағйироти кадрӣ амалӣ мешавад?

Гуфта мешавад, ҳарду фармони барои тасдиқ ба Маҷлиси Олии Ҷумҳурии Тоҷикистон пешниҳод карда шавад.

Ёдовар мешавем, Қодирзода Саъдӣ Сангинмурод дар гузашта, сардори Хадамоти зиддиинҳисории назди Ҳукумати  Тоҷикистон ва ахиран яке аз муовинони Озода Раҳмон дар дастгоҳи иҷроияи президент буд.

717
Открытие границы между Киргизией и Казахстаном

Ба шаҳрвандони Тоҷикистон иҷозат доданд вориди Қирғизистон шаванд

42
Тибқи қарори Ҳукумати Қирғизистон акнун шаҳрвандони тамоми кишварҳо имкони вуруд ба ин кишварро тариқи ҳавопаймо дастрас карданд

ДУШАНБЕ, 5 дек — Sputnik. Қирғизистон маҳдудиятҳо барои ворид шудан ба ҷумҳурриро, ки ба сабаби пандемияи вируси корона ҷорӣ карда буд, аз байн бурд, иттилоъ додааст  дафтари матбуоти Вазорати хориҷаи Қирғихистон.

Ҳукумати Қирғизистон тасмим гирифт, ба вориди шаҳрвандони хориҷӣ ва шахсони бидуни шаҳрвандиро, ки тариқи фурудгоҳи байналмилалии Манас, Ош, Иссиқ -кул сурат мегирад, иҷозат диҳад.

Қаблан ворид шудан ба Қирғизистон маҳдуд шуда буд. Қаблан ба ин кишвар танҳо шаҳрвандони 33 кишвар имкони вуруд доштанд. Тоҷикистон дар ин феҳрист набуд.

Вазорати хориҷаи Қирғизистон таъкид намудааст, ки вуруд ба кишвар танҳо дар сурати ироаи санад дар бораи сирояти коронавирус имконпазир мешавад. ин санад бояд на камтар аз 72 соат пеш гирифта шуда бошад.

Инчунин, нозирони байналмилалӣ, ки дар интихоботи Президентӣ ва порлумонӣ дар соли 2021 ширкат хоҳанд кард имкони вуруд ба Қирғизистонро низ гирифтанд.   

42
Барчаспҳо:
ҳавопаймо, вируси корона, шаҳрвандон, вуруд, Тоҷикистон, Қирғизистон