Преступник за решеткой

Боздошти падарандаре, ки тани фарзанди хурдсоли ҳамсарашро газида сиёҳ кардааст-видео

1558
(Таҷдидшуда 14:54 08.11.2020)
Мақомоти пулиси шаҳри Бӯстони вилояти Суғд кирдори падарандаре, ки мунтазам фарзанди хурдсоли ҳамсарашро азият медод, ошкор кардааст

ДУШАНБЕ, 8 ноя – Sputnik. Бино ба гузориши Акбар Шариф, сухангӯи Раёсати вазорати корҳои дохила дар вилояти Суғд, бо ин ҷурм шаҳрванд Намоззода Рамазон Ҳотамхони 32-сола зодаи ноҳияи Шамсиддин Шоҳини Хатлон боздошт шуд.

Ба иттилои манбаъ, номбурда давоми як моҳи оиладорӣ бо ҷавонзани 22-сола мунтазам аъзои бадани фарзанди ӯро газида ба ӯ азобу уқубати ҷисмонӣ расонидааст.

"Захму обила дар бадани хурдсол нишонаи чунин муносибат аст, ки ба саломатии ӯ таҳдид мекард", - мегӯяд манбаъ.

Гумонбаршуда бошад ба тафтишот нишондод додааст, ки гӯё аз рӯи муҳаббату дӯстдорӣ ӯро газида бошад.

"Аммо ба фарзияи тафтишот ҳисси бадбинӣ ба фарзанди бегона Рамазон Намоззодаро ба чунин ҳаракатҳои ҷиноятӣ водор кардааст. Зеро инсони солиму хайрхоҳ муҳаббатро бо шеваи бераҳмӣ изҳор намедорад",-мегӯяд манбаъ.

Зимни бозпурсӣ худи Намоззода иқрор мешавад, ки дар ҳақиқат кӯдакро сахт газидааст, ки сиёҳ шудааст.

Рамазон Намоззода моҳи сентябри соли ҷорӣ бо модари хурдсол тариқи никоҳи мусалмонӣ оиладор шуда, аз мавҷудияти фарзанди ӯ огоҳӣ доштааст.

Ин оиладорӣ барои гумонбаршуда никоҳи сеюм буда, аз оилаҳои қаблияш ду фарзанд доштааст.

"Одати газидан дар ӯ танҳо нисбат ба фарзанди угай пайдо шудааст",- мегӯяд Акбар Шариф.

Манбаъ мегӯяд, барои муаян кардани ҳолати равонии боздоштшуда равоншинос ҷалб шудааст.

"Халалёбии рӯҳӣ ва ё мавҷудияти васвосии ахлоқ нисбат ба кӯдакон аз фарзияҳое, ки мавриди тафтишоти пешакӣ қарор гирифта, хулосаи ташхиси равоншиносӣ онро дақиқ хоҳад кард”,-мегӯяд, манбаъ.

Боздоштшуда ҳамзамон зимни бозпурсӣ мегӯяд, ду фарзанд дорад ва бо онҳо низ чунин дӯстдорӣ мекард, аммо чунин нагазида буд.

Дар бораи кирдори Намоззода ҳамсараш низ ба мақомот хабар надодааст. Дар бораи ин ҳолат маълумот аз ҷониби ашхоси мусоидаткунанда ба мақомот дастрас ва мавриди баррасӣ қарор гирифтааст.

Гуфта мешавад, нисбат ба боздоштшуда, парвандаи ҷиноӣ оғоз шуда дар ҳабси пешакӣ қарор дорад.

1558
Барчаспҳо:
падар, боздошт, ВКД, Бӯстон
Мужчина закрывает портфель, архивное фото

Тағйироти кадрӣ дар Кумитаи сармоягузорӣ: Ҳамрализода рафту Сангинмурод омад

557
(Таҷдидшуда 18:48 04.12.2020)
Бо қарори Эмомалӣ Раҳмон, раисиҷумҳури кишвар имрӯз дар сохтори Кумитаи давлатии сармоягузорӣ ва идораи амволи давлатии Ҷумҳурии Тоҷикистон тағйирот сурат гирифт

ДУШАНБЕ, 4 дек – Sputnik. Тибқи иттилои дафтари матбуотии президент, Эмомалӣ Раҳмон бо як қарор Ҳамрализода Фаррух Маҳмудро аз раҳбарии ин ниҳод озод кард.

Ба иттилои манбаъ, Ҳамрализода Фаррух аз раҳбарии Кумитаи давлатии сармоягузорӣ озод ва идораи амвол сафири Тоҷикистон дар Амрико таъйин гардид.

Ба иттилои манбаъ, курсии Ҳамрализода Фаррухро дар ин мақом Қодирзода Саъдӣ Сангинмурод соҳиб шудааст.

“Мутобиқи моддаи 69 Конститутсияи Ҷумҳурии Тоҷикистон фармон медиҳам: Қодирзода Саъдӣ Сангинмурод раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон таъин карда шавад”,-афзудаст, дафтари матбуотии президенти кишвар.

Усули домино: чаро дар Тоҷикистон тағйироти кадрӣ амалӣ мешавад?

Гуфта мешавад, ҳарду фармони барои тасдиқ ба Маҷлиси Олии Ҷумҳурии Тоҷикистон пешниҳод карда шавад.

Ёдовар мешавем, Қодирзода Саъдӣ Сангинмурод дар гузашта, сардори Хадамоти зиддиинҳисории назди Ҳукумати  Тоҷикистон ва ахиран яке аз муовинони Озода Раҳмон дар дастгоҳи иҷроияи президент буд.

557
Президент Республики Таджикистан Эмомали Рахмон

Мансабҳои нави Шодмонбекзода, Исматзода ва Юсуфзода: тағйирот бо 6 қарори ҳукумат

687
(Таҷдидшуда 18:32 04.12.2020)
Эмомалӣ Раҳмон, раисиҷумҳури кишвар бо судури қарор дар чанд корхонаҳо таъйину барканориҳо гузаронид

ДУШАНБЕ, 4 дек – Sputnik. Тибқи иттилои дафтари матбуотии президент, Шамбиев Алишер Александрович бо сабаби ба кори дигар гузаштан аз вазифаи муовини якуми директори генералии Корхонаи воҳиди давлатии “Тоҷикаэронавигатсия” озод карда шавад.

Бо қарори ҳукумат, Шодмонбекзода Даврон Шодмонбекзода муовини якуми директори генералии Корхонаи воҳиди давлатии “Тоҷикаэронавигатсия” таъин шуд.

Ҳамзамон, бо қарори ҳукумат, Авазов Усмон Бобоевич аз вазифаи муовини якуми сардори Саридораи ҳифзи сирри давлатии назди Ҳукумати Ҷумҳурии Тоҷикистон озод карда шуд.

Курсии раҳбарии Агентии хоҷагии ҷангал, ки пас аз раҳбари ноҳияи Рӯдкӣ таъйин шудани Азизулло Исматзода холи буд, соҳибашро ёфт.

Ҳамакнун ба ин курсӣ Юсуфзода Абдуҷаббор Ғайратшоҳ такя зад.

Тағйироти кадрӣ дар Вазорати молия: Достӣ ва Худододова аз мақом барканор шуданд

Ҳаётзода Фирдавс Ҷӯрахон бошад, бо сабаби ба кори дигар гузаштан аз вазифаи муовини якуми Сардори Хадамоти иҷрои назди Ҳукумати Ҷумҳурии Тоҷикистон озод  ва ба ҷояш Юсуфзода Юсуфҷони Сангаҳмад таъйин шуд.

Тағйироти кадрӣ дар Кумитаи Сармоягузорӣ: Ҳамрализода рафту Сангинмурод омад

Бо қарори ҳукумат Саъдуллоев Ҳабибулло Найимович бинобар вафоташ аз вазифаи директори Муассисаи давлатии “Рушди соҳибкорӣ дар соҳаи кишоварзӣ” озод карда шуд.

687
Филиал МГУ в Душанбе. Архивное фото

Таъйини мудири нави бахши душанбегии Донишгоҳи давлатии Маскав

0
(Таҷдидшуда 23:40 04.12.2020)
Эмомалӣ Раҳмон, раисиҷумҳури Тоҷикистон бо имзои қарори Ҳукумат дар раёсати бахши тоҷикистонии Донишгоҳи давлатии Маскав ба номи Ломоносов тағйироти кадрӣ анҷом дод

ДУШАНБЕ, 4 дек — Sputnik. Тибқи қарори Ҳукумат,  Мирзоев Сайаъло Ҳабибуллоевич, ки аз аввали соли 2015  ба ҳайси мудири иҷроияи филиали Донишгоҳи давлатии Маскав ба номи М.В.Ломоносов дар шаҳри Душанбе кор мекард, аз вазифа озод карда шуд.

Дар қарор далели барканории Сайъало Мирзоев гузаштан ба кори дигар арзёбӣ шудааст, аммо феълан маълум нест, ки ӯ чӣ вазифа мегирад.

Шоири тоҷик Карим Ҳайдар ба медали "Сергей Есенин"-и Русия сазовор шуд

Бо қарори дигари  Ҳукумат, Ғаниев Рустам Ғафурович мудири иҷроияи филиали Донишгоҳи давлатии Маскав  ба номи М.В. Ломоносов дар шаҳри Душанбе таъйин гардид.

Филиали Донишгоҳи давлатии Маскав дар шаҳри Душанбо соли 2009 бо фармони президенти кишвар Эмомалӣ Раҳмон таъсис дода шуда, феълан яке аз муассисаҳои бонуфузи таълимӣ дар ҷумҳурӣ мебошад.

0
Барчаспҳо:
донишгоҳ, Душанбе, Тоҷикистон