Похороны в Таджикистане, архивное фото

Мотам дар Донишгоҳи Хуҷанд: даргузашти Ҳотам Муртазоев, муҳаққиқи “гӯристонҳои уран”

2715
(Таҷдидшуда 13:31 10.11.2020)
Ҳотам Муртазоев, олими номии факултаи физика ва техникаи Донишгоҳи давлатии Хуҷанд ба номи академик Бобоҷон Ғафуров дар синни 78-солагӣ аз дунё даргузашт

 ДУШАНБЕ, 10 ноя – Sputnik. Яке аз узви оилаи Муртазоевҳо ба Sputnik Тоҷикистон гуфт, падари хонадон чанде пеш дар мубориза ба бемории ҳамшабеҳи “вируси карона” пирӯз омада буд, вале дирӯз дунёи фониро тарк кард.

“Як дафъа аз бемории ҳамагир, якҷо бо модар дар хона табобат мегирифтанд. Ҳарду пурра аз банди беморӣ раҳо шуда буданд. Умр барояшон ҳамин миқдор насиб кардааст, дирӯз ба Ҳақ пайвастанд, рӯҳашон шод боду ахираташон обод”, гуфт манбаъ.

Ҳотам Муртазоев, яке аз намоёнтарин олимони соҳаи илмҳои дақиқ ба шумор меравад, ки дар Тоҷикистону Ӯзбекистон ва дигар кишварҳои пасошӯравӣ маъруфият дошт.

Муртазоев 8 майи соли 1942 дар ноҳияи Форижи вилояти Жиззахи Ӯзбекистон таваллуд шудааст. Соли 1965 Донишгоҳи омӯзгории шаҳри Ленинобод (ҳозира Донишгоҳи давлатии Хуҷанд ба номи академик Б. Ғафуров) ро аз рӯи ихтисоси физикаю математика хатм карда, аз он замон дар ин донишгоҳ ба кор шурӯъ кард ва дар Тоҷикистон муқимӣ шуд.

Солҳои 1966 – 1976 нахуст лабарант, лабаранти калон ва ба дараҷаи муаллими калони кафедраи физикаи умумӣ ва ҷисмҳои сахт расида, соли 1978 дотсенти ҳамин кафедра шуд. Аз соли 1978 то 1992 дар вазифаи ҷонишини декани факултаи физика кор кардааст.

Солҳои 1980-1983 профессори факултаи илмҳои табии Донишгоҳи Политехникии шаҳри Конкри ( Гвения, Африқои ғарбӣ) Аз соли 2003 ин ҷониб профессори кафедраи физикаи умумӣ ва ҷисмҳои сахт дар Донишгоҳи давлатии Хуҷанд ба номи академик Б. Ғафуров фаъолият бурдааст.

Ҳотам Муртазоев аз барҷастарин физикдонҳои кишвар маҳсуб мешавад, ки то ба сатҳи минтақа маъруфият дошт.

Натиҷаи корҳои илмӣ-тадқиқотиаш дар бораи мизони радиатсияи ё афканишот дар макони партовгоҳҳои радиоактивии қаламрави Суғд, ӯро ба як олими сермаҳсули сатҳи минтақа муаррифӣ кардааст.

Пажӯҳишҳои ӯ борҳо аз сӯи масъулони Ожонси амнияти ядроӣ ва радиатсионии кишвар ва созмонҳои байналмиллалии назорат аз энержии ҳастаӣ ва ё МАГАТЭ мавриди корбурд қарор дода шудааст.

Дар вилояти Суғд, нӯҳ партовгоҳи радиоактивӣ аз замони Шӯравӣ боқӣ монданд ва дар онҳо бештар аз 50 милион тон пасмандоҳаи маводи уран хобидаанд.

Аз ин парвотгоҳ, муҳақиқон “гуристонҳои уран” ном мебаранд. Дар натиҷаи тағйирёбии иқлим ва боду боришоти боронҳои пайдарпай болопуши ин партовгоҳҳо шуста шуда ва боис ба баландшавии мизони радиатсия шудааст.

Субҳ аҳволаш беҳтар буд: даргузашти нобаҳангоми Маҳмуди Ашӯрмуҳаммад аз "илтиҳоби шуш"

Ин гуна манзараҳо ҳамеша мавриди таҳқиқи илмии профессор Ҳотам Муртазоев ва дигар донишмандону коршиносони соҳа қарор гирифтааст. Маросими ҷанозаи Муртазоев бо иштироки пайванду дӯстон ва ҳамкоронаш дирӯз дар шаҳри Хуҷанд баргузор шудааст.

2715
Национальный банк Таджикистана

Бонки миллӣ бо як қарор фонди қарзии хурди “Файзи Сурхоб”-ро барҳам дод

12
(Таҷдидшуда 01:43 04.12.2020)
Раёсати Бонки миллии Тоҷикистон ахиран аз барҳамхурии боз як ташкилоти қарзии хурд хабар дод

ДУШАНБЕ, 4 дек — Sputnik. Раёсати Бонки миллии Тоҷикистон аз барҳамхурии ташкилоти қарзии хурди  “Файзи Сурхоб” хабар дод.

Национальный банк Таджикистана
© Фото : Пресс-служба президента Таджикистана

Бино бар иттилои дафтари матбуоти Бонки милли Тоҷикистон, раёсати Бонк бо қарори навбатӣ таҳти №156 дар асоси моддаи 26 Қонуни Ҷумҳурии Тоҷикистон “Дар бораи ташкилотҳои маблағгузории хурд” ва моддаҳои 8, 9 ва 12 Қонуни Ҷумҳурии Тоҷикистон “Дар бораи барҳамдиҳии ташкилотҳои қарзӣ” иҷозатномаи ФҚХ “Файзи Сурхоб” бозхонд карда шуд.

Бонки миллӣ қайд намудааст, ки қарори раёсат дар бораи барҳамдиҳии ихтиёрӣ санаи аз 01 декабри соли равон қабул шудааст.

Ин ниҳод сабаби бозхонди иҷозатномаи ташкилоти қарзиро шарҳ надодааст.

Беш аз 22 миллиард: Нуралиев дороии ҳамаи ташкилотҳои молиявии кишварро гуфт

Ёдовар мешавем, Раёсати Бонки миллии Тоҷикистон ахиран бо як қарор иҷозатномаи ташкилоти қарзии хурди “Имконият Ховар”-ро бозхонд кард.

12
Согдийская клиническая больница

Коронавирус кам шуд: калонтарин бемористони Суғд баъди 7 моҳ ба реҷаи муқаррарӣ мегузарад

1120
(Таҷдидшуда 16:22 03.12.2020)
Баъд аз ҳафт моҳи давраи қарантин ва инак кам шудани ҳолатҳои сироятёбӣ ба бемории каронавирус ё “вируси тоҷдор” Бемористони клиникавии Суғд ба реҷаи муқаррарӣ бармегардад

ДУШАНЕБ, 3 дек – Sputnik. Баҳодур Мӯъминов, сартабиби Бемористони клиникавии Суғд ба номи Сангин Қутфиддинов дар шарҳи ин хабар ба Sputnik Тоҷикистон гуфт, мавридҳои сироятёбӣ ба COVID-19, кам шудааст ва хушбахтона зарурати бозгашт ба реҷаи маъмулӣ ба вуҷуд омадааст.

Бино ба гуфти сартабиб қарор аст, сар аз ҳафтаи оянд, 7 декабр қисмате аз бахшҳои ин бемористон ба реҷаи маъмулӣ баргардонида шавад.

“Дар марҳилаи аввал, мо қисмати Б ро, ки асосан аз шуъбаҳои ҷарроҳӣ иборат аст ба реҷаи муқаррарӣ мегузаронем. Ҳоло барои ин корҳои безараргардонӣ гузаронида шудааст. Аз ҳар як шахси масъули он, ташхис гирифта шудааст”, изҳор намуд сартабиб.

Бино ба гуфти Мӯъминов, барои баромадан аз реҷаи қарантинии қисме аз шуъбаҳои Бемористони клиникавии Суғд, вазири тандурустӣ ва раиси вилояти Суғд рухсат додаанд.

Бемористони клиникавии Суғд ба номи С. Қутфиддинов дар умум аз 26 шуъба ва 680 койка иборат буда, аз калонтарин бемористонҳо дар шимоли Тоҷикистон ба ҳисоб меравад.

Дар моҳи апрели соли ҷорӣ аз замони сабти нахустин мавриди бемории “вируси карона” ин бемористон ба қарантин (красная зонна) гирифта шуд ва сироятшудагони COVID-19 ба ҳисоби Бемористони сироятии Суғд, асосан барои табобат ба ин ҷо интиқол дода мешуданд.

Баҳодур Мӯъминов дар шарҳи омори гирифторони бемории каронавирус худдорӣ варзиду танҳо ҳамин қадар гуфт, ки “кам шуд”.

Афзоиши фавт дар Суғд: аз ҳама бештар дар Хуҷанд

Омори расмии вазорати тандурустӣ ва ҳифзи иҷтимоии аҳолии Тоҷикистон низ ҳокӣ аз он аст, ки шумори гирифторони COVID-19 дар кишвар кам шудааст.

Бегоҳии дирӯз 2 декабр, ин вазорат аз 38 ҳолати нави дарёфти сироятшавӣ ба COVID-19 хабар дод, ки дар умум шумори сабти беморон ба 12 ҳазору 269 нафар рақам зада мешавад.

Киҳо такроран мубталои коронавирус мешаванд? ҷавоби пизишк

Аз ин теъдод то имрӯз 11 ҳазору 677 нафар ё 95, 2% шифо ёфтаанд. Ба иттилоъи вазорати тандурустӣ то имрӯз бар асари хуруҷи ин беморӣ 87 нафар фавтидаанд.

1120
Барчаспҳо:
омор, табобат, Беморхонаи марказии вилоят, вируси корона, Тоҷикистон, Суғд