Студентка в аудитории Московского педагогического государственного университета, архивное фото

Вазорати корҳои хориҷа гуфт, кай донишҷӯёни тоҷик метавонанд ба Русия раванд

1457
(Таҷдидшуда 13:41 10.11.2020)
Вазорати умури хориҷаи Тоҷикистон расман талаби донишҷӯён, оид ба сафар ва идомаи таҳсил дар Русия посух дод

ДУШАНБЕ, 10 ноя — Sputnik. Тибқи иттилои дафтари матбуотии ин ниҳод, масъалаи идомаи таҳсили донишҷӯёни тоҷик дар донишгоҳҳои Федератсияи Русия бо мақомоти марбутаи он кишвар мавриди баррасии доимӣ қарор дорад.

"Дар ҷавоб ба ёддошти Вазорати умури хориҷӣ аз 27 октябри 2020 дар бораи танзими сафари донишҷӯён ба Русия, сафорати Русия дар Душанбе зикр намуд, ки вуруди донишҷӯёни хориҷӣ ба ин кишвар пас аз қабули қарори умумӣ дар бораи иҷозати вуруди шаҳрвандони хориҷӣ ба Русия бо дарназардошти вазъи беҳдоштию эпидемиологӣ дар шароити ҳамагирии коронавируси нав имконпазир хоҳад шуд”,-афзудааст вазорат.

Манбаъ мегӯяд, ҳамчунин дар ёддошти ҷавобӣ таъкид шудааст, ки барои донишҷӯёни хориҷие, ки ҳоло берун аз Русия қарор доранд, барномаҳои таълимӣ дар шакли маҷозӣ (фосилавӣ) татбиқ шуда истодаанд.

Ёдовар мешавем, санаи 9 ноябр дар назди Вазорати умури хориҷии кишвар иддае аз донишҷӯёне, ки нав ба донишгоҳҳои Русия дохил шудаанд, гирд омаданд.

Дар Русия афзоиши квотаҳо барои донишҷӯёни Тоҷикистонро баррасӣ доранд

Онҳо аз ин ниҳод дархост карданд, то барои сафар ва идомаи таҳсилашон ба Русия мусоидат намоянд, зеро ба гуфти онҳо имкон дорад, донишгоҳҳо онҳоро хориҷ ва ё ба соли дигар гузаронанд.

1457
Врач-инфекционист, Хапизов Шавкат Туланович

Маризони COVID-19-ро табобат мекарду худ аз он даргузашт: фавти табиби тоҷик дар Русия

81
(Таҷдидшуда 12:35 30.11.2020)
Ҳафизов Шавкат Туланович, яке аз табибони сироятшиноси шинохтаи тоҷик дар Русия дар синни 55-солагӣ даргузашт

ДУШАНБЕ, 30 ноя — Sputnik. Дар ин бора хоҳари Шавкат Ҳафизов Азиза Ҳафизова дар суҳбат ба Sputnik Тоҷикистон гуфт, бародараш ду рӯз пеш аз бемории ҳамагирикоронавирус ҷон дод.

Ба иттиллои манбаъ, марҳум аз табибони сироятшиноси шинохта буда, хатмкардаи Донишгоҳи тиббии Тоҷикистон мебошад.

“Бародарам пас аз хатми Донишгоҳи тиббии Тоҷикистон сар аз соли 1993 то 2015 ҳамчун табиби сироятшинос дар Душанбе дар беморхонаҳои “Якум советский” ва беморхонаи сироятии Зарафшон кор кардааст”,-гуфт, хоҳари марҳум.

Ӯ гуфт, бародараш тавассути барномаи кӯчбпндӣ ё “Переселение” соли 2015 ба русия бо оилааш кӯчид ва  то ин замон дар Беморхонаи марказии ноҳияи Сосновскаи вилояти Тамбови Русия кор мекард.

Гуфта мешавад, номбурда яке аз муборизони зидди коронавирус буда, то дами охирин ба гирифторони ин беморӣ кӯмак мекард.

Ҳафизов Шавкат соли 1965 дар шаҳри Душанбе ба Дунё омада 55-сол дошт.

Врач-инфекционист, Хапизов Шавкат Туланович
из личного семьи Шавката Хапизова
Врач-инфекционист, Хапизов Шавкат Туланович

Дар хона табобат мегирифт: даргузашти табиби маъруф Шарипов аз "илтиҳоби шуш" дар Суғд

“Ман бо бародарам ҳамкурсем. Ҳарду Донишгоҳи тиббиро хатм кардем. Ӯ табиби сироятшинос шуду ман ҳоло дар Колеҷи тибби ҷумҳуриявӣ дарс мегӯям”,-афзуд номбурда.

Даргузашти Ибодуллоев, табиби шинохтаи тоҷик аз "илтиҳоби шуш"

Ба гуфти Азиза Ҳафизова дар оилаашон бештар дар ин ришта кор мекунанд ва падарашон Ахмед Ҳафизо, яке аз табибони саршинос буд, ки солиёни зиёд дар Беморхонаи қарияи боло кор кардааст

 

81
Барчаспҳо:
фавт, табиб, Русия, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Кандидат в президенты США Джо Байден

Пойи Байден аз ду ҷо шикаст: бо ӯ чӣ шуд?

246
(Таҷдидшуда 11:57 30.11.2020)
Ҷо Байден номзад ба президентии Амрико аснои бозӣ кардан бо саг, лағжида афтидаст, ки дар натиҷа пояш аз ду ҷо шикаст

ДУШАНБЕ, 30 ноя — Sputnik. Ҷо Байден бо сагаш бозӣ карда лағжидаст, ки дар натиҷа пойи ӯ аз ду ҷо шикаст хӯрдаст, хабар медиҳад РИА новости бо такя ба расонаҳои амрикоӣ.

"Ташхиси компютерӣ нишон додааст, ки пойи Ҷо Байден дар ду ҷой шикасти сабук хӯрдаст, - таъкид мешавад дар хабар.

Гуфта мешавад, ҳоло барои барқарор шудани устухони пояш, Байден бояд муддати чанд вақт пойафзоли махсус пӯшад.

Манбаъ меафзояд, ҳодисаи мазкур ҳанӯз рӯзи шанбе иттифоқ афтод. Он замон, пизишк пас аз муоинаи пойи Байден ягон зарбаи ҷиддӣ, аз ҷумла шикастро пайдо накард.

Рекорди Ҷо Байден дар интихоботҳои президентии ИМА: ӯ гуфт чаро президент шуд

Вале баъдан ҳангоми гузаштан аз ташхиси комилтар, муайян шуд, ки пойи Ҷо Байден аз ду ҷо шикаст хӯрдааст.

Ёдовар мешавем, маъракаи интихоботӣ дар Амрико ҳарчанд 3 ноябр баргузор шуд, вале то ҳол натиҷаи ниҳоии интихобот эълон нашудааст. Ба ҳар сурат, расонаҳои амрикоӣ аз пирӯз шудани Ҷо Байден хабар медиҳанд.

246