Бродячие собаки в Душанбе. Архивное фото

COVID-19 сагҳои бесоҳибро дар Хуҷанд бепаноҳгоҳ гузошт

375
Вақтҳои охир шумори сагҳои дайду дар кӯчаву хиёбонҳои Хуҷанд бештар дида мешавад. Сокинон аз ҳамлаи эҳтимолии онҳо ва хуруҷи бемории ҳорӣ нигаронӣ мекунанд

ДУШАНБЕ, 12 ноя – Sputnik. Шарифа як сокини шаҳри Хуҷанд дар суҳбат ба Sputnik Тоҷикистон дар бораи захмӣ шудани дасти духтараш аз ашки саги дайду иброз намуд.

Ӯ гуфт, ин ҳодиса субҳ дар вақти мактабравии духтараш, рух додааст.

“Саг ба ҷузъдони мактабии духтарам ҳамла кардааст. Аз сангзании наҳаросида, балки дасти духтарамро газидааст. Аз баски мо намедонем, ки вай саг солим аст, ё бемор духтурон гирифтани 6 дона сӯзандорӯи зидди бемории ҳорӣ таъйин намуданд”, гуфт Шарифа.

Бино ба иттилоъи нуқтаи осебшиносии Маркази саломатии шаҳрии № 1 дар Хуҷанд, давмои 9 моҳи соли ҷорӣ 457 мавриди захминшавии сокинон аз ҳисоби газидани сагҳо қайд шудааст. Ҷамшедҷон Абдуллоев, мудири шуъбаи нуқтаи осебшиносӣ дар суҳбат ба Sputnik Тоҷикистон гуфт, ин танҳо оморест, ки онҳо сабт кардааст ва чунин ҳолатҳо дар дигар нуқтаҳои осебшиносӣ ва Бемористони марказӣ низ ба ҳисоб гирифта мешавад.

“Дар сурати муроҷиати бемор бо чунин ҳолат, мо дараҷаи захмҳои расидаро месанҷем, ки он дар ҳудуди наздик ба торҳои асаб воқеъ аст, ё на. Дар сурати будани захм ба чунин дараҷа, беморро барои ҷарроҳӣ ба Бемористон интиқол медиҳем. Дар сурати номаълум будани саг гирифтани воксини зидди ҳорӣ таъқин карда мешавад” гуфт табиби осебшинос.

Афзоиши шумори сагҳои бесоҳиб ё дайду дар кӯчаву хиёбонҳои Хуҷанд аз мушкилоте, ки дар расонаҳо гуфта мешавад.

Мақомоти идораи беҳдоштӣ мегуянд, дар фасли сармо таҳти назорат қарор додани ҳамаи онҳоро як кори берун аз имкон медонанд. Соли 2019 дар пайи муроҷиати сокинон аз сӯи комиссияи вижа дар Хуҷанд 717 саги дайду нобуд карда шуда буд.

Дар оғози соли 2020, Маъруф Муҳаммадзода, раиси шаҳри Хуҷанд дар нишасти матбуотӣ ба саволи рӯзноманигорон дар бораи афзоиши сагҳои дайду гуфта буд, ки “маҳв кардани сагҳои дайду аз нигоҳи табиати инсонӣ кори дуруст нест ва азми сохтани як паноҳгоҳ барои нигоҳубини сагҳои дайду дар шаҳрро дар нақша дорем”.

Ба саёҳати дунё бо дучарха ва саг

Аммо дар моҳи июл дар ҷараёни нишасти матбуотӣ, ки натиҷаҳои фаъолияти соҳоти шаҳри Хуҷанд давоми шаш моҳи соли ҷорӣ баррасӣ карда мешуд, шаҳрдори Хуҷанд иброз намуд, ки ғайриинтизор хуруҷи бемории COVID-19 ба азми сохтани паноҳгоҳ, барои сагҳои бесоҳиб таъсир гузоштааст.

Сурудхонии саг дар Ҳиндустон корбарони шабакаҳои иҷтимоиро ба ваҷд овард - навор

“Ҳамаи шумо дар хотир доред, ки мо қаблан дар шаҳр, сохтани як иншоот (приют) барои сангҳои дайдуро дар нақша доштем, вале чи хеле, ки мебинед бемории ҳамагири каронавирус ба ҳамаи соҳаҳо таъсир расонд, аз ҷумла барои ин иҷрои ин кори мо. Умедворем, ки ин беморӣ рӯзе нест мешавад ва мо нақшаҳои дар назар доштаамонро амалӣ менамоем”, гуфт Муҳаммадзода.

375
Барчаспҳо:
бесаробон, саг, Суғд, Тоҷикистон
Сейсмография, архивное фото

Бидуни талафоти ҷонию вайронӣ: КҲФ заминларзаи дар Бадахшон рухдодаро шарҳ дод

104
(Таҷдидшуда 15:51 02.12.2020)
Кумитаи ҳолатҳои фавқулоддаи Тоҷикистон мегӯяд, заминларзаи субҳи имрӯз дар қаламрави кишвар рухдода талафоти ҷонӣ надошт

ДУШАНБЕ, 2 дек – Sputnik. Тибқи иттилои дафтари матбуотии ин ниҳод, заминларза соати 05:36 дақиқаи имрӯз, 2-юми декабри соли равон дар қаламрави Вилояти Мухтори Кӯҳистони Бадахшон ба қайд гирифта шуд.

Бино ба маълумоти идораи зилзиласанҷии Тоҷикистон маркази зилзила дар 148 километрии ҷанубу шарқи шаҳри Душанбе ва 10 километр дуртар аз ноҳияи Дарвоз будааст.

Ин манбаъ гуфт, ки қувваи заминларза дар маркази он 3 бал буд.

Манбаъ мегӯяд, аз талафоти ҷониву вайрониҳо гузориш нарасидааст

Ёдрас мешавем, ки ахиран рӯзи 26 ноябр, дар марзи Тоҷикистону Афғонистон дар як рӯз ду маротиба бо фосилаи чанд соат замин ҷунбида буд.

Душанберо заминларза такон дод

Заминҷунбии аввал  соати 13:01 сурат гирифт, ки қувваи зилзила дар маркази он 4,5 баллро ташкил медод, аммо дуввумин заминларза соати 20:27 ба вақти маҳаллӣ сурат гирифт, ки қувваи он ба 4,6 балл расид.

Макони ҳарду заминҷунбӣ наздикии марзи Тоҷикистону Афғонистон буд.

104
Барчаспҳо:
вайрониҳо, талафоти ҷонӣ ба қайд нарасид, заминларза, ВМКБ, Тоҷикистон
ДТП, архивное фото

Ҳалокати Абдулло ва Меҳриниссо дар пайи ду садамаи нақлиётӣ

229
(Таҷдидшуда 14:45 02.12.2020)
Вазорати умури дохилаи Тоҷикистон хабар додааст, ки санаи 1 декабри соли равон дар пайи ду садамаи нақлиётӣ дар роҳҳои ҷумҳурӣ ду пиёдагард ба ҳалокат расидааст

ДУШАНБЕ, 2 дек — Sputnik. Бино бар иттилои дафтари матбуоти вазорати умури дохилаи Тоҷикистон, дар як садамаи нақлиётие, ки дар ҳудуди деҳаи Мирзоободи ноҳияи Вахш сурат гирифтааст, пиёдагард Қосимов Абдуллои 13-сола ба ҳалокат расидааст.

Тибқи иттилои манбаъ, санаи 1-уми декабри соли равон, ронандаи автомашинаи тамғаи “Чинбей”, Наботов Бобо, сокини деҳаи Якатути ноҳияи Вахш, дар ҳудуди деҳаи Мирзоободи ҳамин ноҳия аз уҳдаи идораи воситаи автомашина набаромада, ноболиғ Қосимов Абдулло, хонандаи синфи 7-уми МТМУ №17-и ноҳияи Кӯшониёнро пахш намудааст.

Гуфта шудааст, ки дар натиҷа ноболиғ Қосимов Абдулло ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

Садамаи дуюми маргбор дар пойтахти кишвар сурат гирифтааст.

Тибқи иттилои ВУД Тоҷикистон, санаи 1-уми декабр, ронандаи автомашинаи тамғаи “Мерседес-Бенс”, Қозиев Неъматулло, сокини ноҳияи Рӯдакӣ, ҳангоми ҳаракат бо кӯчаи Н.Қарабоеви пойтахт аз самти кӯчаи Деҳотӣ ба самти кӯчаи Абай, дар рӯ ба рӯи Маркази миллии ташхисӣ аз уҳдаи идораи воситаи автомашина набаромада, пиёдагард Умарова Меҳриниссо, соли таваллудаш 1955, сокини шаҳри Душанберо пахш намудааст.

Қайд шудааст, ки дар натиҷа, Умарова Меҳриниссо ҷароҳати вазнини ҷисмонӣ бардошта, ҳангоми ба беморхонаи “Истиқлол” дастрас намудан,  дар роҳ ба ҳалокат расидааст.

Дар ҳоли ҳозир ба иттилои ВУД Тоҷикистон аз рӯи ин ҳодисаҳо таҳқиқот идома дорад.

229
Барчаспҳо:
ҳалокат, пиёдагард, садама, Тоҷикистон

Муаррифии ваксинаи "Sputnik V" –и Русия дар СММ

0
(Таҷдидшуда 17:32 02.12.2020)
Федератсияи Русия аз нахустин кишварҳои созандаи ваксинаи зидди коронавирус дастовардашро дар СММ муаррифӣ мекунад

ДУШАНБЕ, 2 дек – Sputnik. Имрӯз дар Созмони Милали Муттаҳид намояндагии доимии Русия дар ин созмон ва Вазорати тандурустӣ ваксинаи Sputnik V-ро муаррифӣ мекунанд.

"Дар чорабинӣ роҳбари Вазорати тандурустии Федератсияи Русия, Михаил Мурашко, намояндаи доимии Русия дар СММ Василий Небензя, роҳбари Фонди сармоягузории мустақими Русия (РФПИ) Кирилл Дмитриев ширкат меварзанд",-хабар медиҳад РИА Новости аз қавли сухангӯи намояндагии доимӣ Фёдор Стржижовский.

Номбурда гуфтааст, ки чорабинии маҷозии "Sputnik V: Ваксинаи зидди COVID-19" дар ҳошияи иҷлосияи махсуси Ассамблеяи Генералии СММ баргузор мешавад.

Манбаъ мегӯяд, дар ин нишаст дар бораи ваксинаи сохти Русия маълумоти муфассал дода мешавад.

Моҳи август Вазорати тандурустии Русия нахустин ваксини зидди коронавирус дар ҷаҳонро ба қайд гирифт, ки онро Маркази илмиву тадқиқотии эпидемиологӣ ва микробиологии ба номи Гамалеи якҷо бо Бунёди маблағгузориҳои мустақими Русия коркард кардааст. Ба он номи "Спутник V"-ро доданд. Доруро дар ду марҳила бо фосилаи се ҳафта мегузаронанд. 

Навбат барои дарёфти ваксинаи Русия: Урупо бойкот мекунад - видео

Гуфта мешавад, ваксина аз санҷиш пурра гузашта, афзалиятҳои асосии он, бехатарӣ, самаранокӣ ва набудани оқибатҳои манфии дарозмуддат мебошанд.

Путин дар бораи 2 ваксинаи русии зидди COVID-19: сеюмаш дар ҳоли омодашавист

Ёдовар мешавем қаблан раисиҷумҳури Русия гуфт, ҳамзамон ваксинаи дуввуми Русия низ омода шуда, сеюмаш дар роҳ аст.

0
Барчаспҳо:
вируси корона, дору, СММ, Русия