Президент Республики Узбекистан Шавкат Мирзиеев и Президент Республики Казахстан Касым-Жомарт Токаев

Тавофуқи Тоқаев ва Мирзиёев барои кумак ба Қирғизистон

290
(Таҷдидшуда 11:18 12.11.2020)
Сарони Қазоқистон ва Ӯзбекистон Қосим-Ҷомарт Тоқаев ва Шавкат Мирзиёев дар бораи расонидани кумаки иқтисодӣ ва башардӯстона ба мардуми қирғиз ба мувофиқа расиданд

ДУШАНБЕ, 12 ноя - Sputnik. Хадамоти матбуоти сарвари Қазоқистон гуфт, ки президентҳои Қазоқистон ва Ӯзбекистон Қосим-Ҷомарт Тоқаев ва Шавкат Мирзиёев дар як сӯҳбати телефонӣ омодагии худро барои расонидани кумаки иқтисодӣ ва башардӯстона ба Қирғизистон тасдиқ карданд.

"Президентҳои Қазоқистон ва Ӯзбекистон аз рушди ҳамкориҳои дуҷониба дар соҳаҳои гуногун изҳори қаноатмандӣ карданд. Ба рӯзнома лоиҳаҳои нави муштарак дохил карда шудаанд, ки дар солҳои наздик татбиқ хоҳанд шуд", - омадааст, дар иттилоияи нашркардаи сайти президенти Қазоқистон.

Ҳангоми баррасии вазъ дар Осиёи Марказӣ сарони давлатҳо дар бораи талошҳои муштарак барои таъмини субот ва амният дар минтақа ба мувофиқа расиданд

Президентҳо гуфтаанд, ки Қазоқистон ва Ӯзбекистон ба мардуми қирғиз кумаки иқтисодӣ ва башардӯстона мерасонанд.

"Нигаронем": муроҷиати президентҳои Осиёи Марказӣ ба мардум ва мақомоти қирғиз

Илова бар ин, Тоқаев ва Мирзиёев ба натиҷаҳои саммити СҲШ, ки рӯзи 10 ноябр таҳти раёсати Русия баргузор шуд, баҳои баланд доданд.

290
Барчаспҳо:
кумак, Қирғизистон, Қазоқистон, Ӯзбекистон
Сангрезӣ дар Тоҷикистон, акс аз бойгонӣ

Дар ноҳияи Айнӣ ба болои як деҳа сангпора сарозер шуд

420
(Таҷдидшуда 18:46 26.11.2020)
Дар деҳаи Шурмашки ноҳияи Айнӣ аз баландии 250 метр ба болои деҳа сангпора сарозер шуд, ки як сокини маҳаллиро бе хонаву дар гузошт

ДУШАНБЕ, 26 ноя — Sputnik. Кумитаи ҳолатҳои фавқулодаи Тоҷикистон аз рух додани офати табиӣ дар ноҳияи Айнӣ хабар медиҳад.

Ба иттилои манбаъ, ҳодисаи мазкур рӯзи 25 ноябр тақрибан соати 12:45 дақиқа рух дод.

Манбаъ меафзояд, бар асари ин ҳодисаи нохуш, манзили як сокини маҳаллӣ, Бердиев Самариддин сахт зарар дидааст. 

Гуфта мешавад, бо дастрас кардани хабари мазкур наҷотбахшон зуд ба ҷойи ҳодиса сафарбар шуданд.

Тарма ва сангрезӣ: пешгӯии дақиқи ҳавошиносон барои имрӯз

Дар робита ба хароб гардидани манзили истиқоматии Самариддин ва дар ҷойи хавфнок ҷойгир буданаш, оилаи зарардидаро ба бинои мактаби деҳа интиқол доданд.

Феълан, комиссия санад ва маълумотнома тартиб дода, барои чораҷӯи ба Мақомоти иҷроияи ҳокимияти давлатии ноҳияи Айнӣ пешниҳод намуд.

420
Барчаспҳо:
сангрезӣ, Айнӣ
Мужчина применяет насилие в отношении женщины. Архивное фото

Боздошти ҷавон бо иттиҳоми роҳзанӣ дар Душанбе: “шабона ба занҳо ҳамла мекардааст” - видео

150
(Таҷдидшуда 16:57 26.11.2020)
Вазорати умури дохилии Тоҷикистон аз боздошти марди 29-сола хабар дод, ки дар ҳамла ва ғорати занон ба ҳангоми шаб муттаҳам мешавад

ДУШАНБЕ, 26 ноя – Sputnik. Тибқи иттилои ВУД, маъмурини идораи милиса дар ноҳияи Сино, бо иттиҳоми роҳзанӣ Азимҷон Салихов, сокини 29-солаи шаҳри Ҳисорро боздошт кардаанд.

Манбаъ афзуд, айбдоршаванда бо олоти оҳанин мусаллаҳ шуда, дар вақти торикӣ ба занонро мавриди ҳамлаю ғорат қарор медодааст.

Аз ҷумла Салиховро дар он айбдор мекунанд, бо оҳан дар маҳаллаи Зарафшон бо оҳан ба сари Маҳмдшарифова Фазила зада, ҳангоми беҳушии ҷабрдида телефону маблағаш бо арзиши умумии 4,5 ҳазор сомониро гирифтаст.

Инчунин 13 ноябр дар кӯчаи Айнӣ сокини 21-солаи шаҳри Душанбе ҳадафи ҳамла қарор гирифтааст. Аз ҷабрдида, ки феълан дар беморхона бистарӣ мебошад, телефони арзишаш 1,5 ҳазор сомонӣ ситонда шудааст.

ВУД таъкид намуд, ки феълан алайҳи Салихов бо иттиҳоми роҳзанӣ парвандаи ҷиноӣ оғоз гардида, тафтишот идома дорад.

Назари худи айбдоршаванда ва ҷониби ҳимояаш феълан дар бораи ин қазия маълум нест.

150
Барчаспҳо:
боздошт, роҳзанӣ, Тоҷикистон
Сохтмон, акс аз бойгонӣ

Чаро сохтмони мактаб 13 сол боз ба охир намерасад?

23
(Таҷдидшуда 20:31 26.11.2020)
Дар ноҳияи Ҷайҳун мактабе, ки сохтмонаш соли 2007 оғоз шуд, ҳанӯз ҳам анҷом наёфтааст. Дар мақомоти давлатӣ яке мегӯяд, ин муассиса соли оянда ва дигаре мегӯяд, соли 2023 ба истифода дода мешавад

ДУШАНБЕ, 26 ноя – Sputnik. Мактаби нотамом, ки сохтмонаш 13 сол қабл оғоз шудааст, барои 624 хонанда пешбинӣ гардидааст, хабар дод нашрияи парлумонии “Садои мардум”.

Манбаъ аз қавли Холмуҳаммад Одинаев, сардори шуъбаи соҳаҳои иқтисодии Сарраёсати молияи вилояти Хатлон хабар додааст, ки ин муассиса бояд соли 2015 мавриди истифода қарор мегирифт, аммо ба далели камбуди маблағ ба таъхир афтод.  Арзиши умумии сохтмон зиёда аз 21 миллион сомонӣ арзёбӣ шудааст.

“Аз соли 2007 барои сохтмони мактаб 9 миллион сомонӣ ҷудо гардидааст. Барои пурра ба анҷом расидани корҳо боз 12 миллион сомонии дигар лозим аст. Сарраёсати молияи вилояти Хатлон кӯшиш ба харҷ медиҳад, ки марҳила ба марҳила боқимондаи маб­лағро ҷудо намояд”, - гуфт Холмуҳаммад Одинаев.

Раҳматуллозода тавзеҳ дод, ки чаро дар Душанбе биноҳои 2-4 ошёна тахриб мешаванд

Абдулвоҳид Саъдуллозода, сардори Раёсати сохтмони асосии вилояти Хатлон, изҳор доштааст, ки корҳои сохтмонӣ дар иншооти мазкур идома дорад.

“Соли 2020 бо ин мақсад 2 миллиону 850 ҳазор сомонӣ пешбинӣ шуда, мактаб, тибқи нақша, бояд соли 2021 ба истифода дода шавад”, - омадааст дар матлаб аз қавли Саъдуллозода.

Аммо  сардори шуъбаи соҳаҳои иқтисодии Сарраёсати молияи вилояти Хатлон Холмуҳаммад Одинаев изҳор доштааст, ки корҳои сохтмонӣ соли 2023 ба охир мерасанд.

23
Барчаспҳо:
сохтмон, мактаб, Тоҷикистон