Зариф Назирӣ, раиси ноҳияи Бобоҷон Ғафуров

Бародарзодаи сарвазир, бинокор, соҳиби 3 диплом: мансаби нави Зариф Назирӣ

6199
(Таҷдидшуда 13:22 12.11.2020)
Дафтари матбуотии раисиҷумҳури Тоҷикистон аз барканорӣ ва таъйини муовини раиси вилояти Суғд хабар дод

ДУШАНБЕ, 12 ноя - Sputnik.  Ба иттилои манбаъ, Зариф Назирӣ  Вализода муовини нави раиси вилояти Суғд таъйин гардид.

Зариф Назирӣ  то ин замон раҳбари ноҳияи Бобоҷон Ғафурови вилояти Суғд буда, дар мақоми наваш Рустам Каримзодаро иваз намуд.

Аз ҳукумати вилояти Суғд ба Sputnik Тоҷикистон гуфтанд, эҳтимол меравад Назирӣ имрӯз дар маросими муаррифии Давлатзода Зафарбек, раҳбари нави ноҳияи Бобоҷон Ғафуров иштирок намуда, пагоҳ ба ҳукумати Суғд биёяд.

Тибқи иттилои дар бораи Назирӣ Зариф Вализода нашркардаи сомонаи ноҳияи Бобоҷон Ғафуров, ӯ 47 сол дошта, дар шаҳри Ленинобод (ҳозира Хуҷанд), дар оилаи хизматчӣ таваллуд шудааст.

Соли 1988 баъди хатми синфи 8-и мактаби миёнаи №22-и ба номи Ҷабор Расулови шаҳр ба Политехникуми Осиёи Миёнагии шаҳри Чкалов дохил шуда, соли 1992 онро бо ихтисоси техник-бинокор хатм намудааст.

Минбаъд таҳсилашро дар Донишгоҳи озоди Тоҷикистон (аз рӯи ихтисоси иқтисодчӣ), Донишгоҳи андоз ва ҳуқуқ (бо ихтисоси ҳуқуқшинос) ва Донишгоҳи аграрии Тоҷикистон (бо ихтисоси муҳандис-мелиоратор) ғоибона идома дода, соҳиби се маълумоти олӣ гардидааст.

Фаъолияти меҳнатиашро аз соли 1992 дар омӯзишгоҳи касбӣ техникии №75-и ноҳияи Бобоҷон Ғафуров ба ҳайси техник-бинокор оғоз намудааст.

Солҳои 1993-1996 мушовири Ҷамъияти саҳҳомии “МОГАЛ-ЛТД”, солҳои 1996-2001 мутахассиси пешбари бонки тиҷоратии “Хуҷанд”, давоми соли 2001 корманди Нозироти андози вилояти Суғд, 2001-2002 мушовири Ҷамъияти саҳҳомии шакли пӯшидаи “Поиск”, солҳои 2002-2003 мутахассиси пешбари идораи тиҷорат ва алоқаи Вазорати мелиоратсия ва хоҷагии оби Ҷумҳурии Тоҷикистон, солҳои 2003-2004 прораби колонаи сайёри механиконидаи №20, 2004-2007 сардори Ҷамъияти саҳҳомии шакли кушодаи колоннаи сайёри механиконидаи №27, солҳои 2009-2012 сардори идораи хоҷагии оби ноҳияи Конибодом, солҳои 2012-2014 сардори идораи давлатии хоҷагии оби ноҳияи Бобоҷон Ғафуров, соли 2014 то аввали соли 2016 сардори Раёсати беҳдошти замин ва обёрии вилояти Суғд буд.

Аз 11 январи соли 2016 бо Фармони президенти Эмомалӣ Раҳмон раиси ноҳияи Бобоҷон Ғафуров таъин гардидааст.

Оиладор буда, соҳиби панҷ фарзанд мебошад.

6199
Национальный банк Таджикистана

Бонки миллӣ бо як қарор фонди қарзии хурди “Файзи Сурхоб”-ро барҳам дод

40
(Таҷдидшуда 01:43 04.12.2020)
Раёсати Бонки миллии Тоҷикистон ахиран аз барҳамхурии боз як ташкилоти қарзии хурд хабар дод

ДУШАНБЕ, 4 дек — Sputnik. Раёсати Бонки миллии Тоҷикистон аз барҳамхурии ташкилоти қарзии хурди  “Файзи Сурхоб” хабар дод.

Национальный банк Таджикистана
© Фото : Пресс-служба президента Таджикистана

Бино бар иттилои дафтари матбуоти Бонки милли Тоҷикистон, раёсати Бонк бо қарори навбатӣ таҳти №156 дар асоси моддаи 26 Қонуни Ҷумҳурии Тоҷикистон “Дар бораи ташкилотҳои маблағгузории хурд” ва моддаҳои 8, 9 ва 12 Қонуни Ҷумҳурии Тоҷикистон “Дар бораи барҳамдиҳии ташкилотҳои қарзӣ” иҷозатномаи ФҚХ “Файзи Сурхоб” бозхонд карда шуд.

Бонки миллӣ қайд намудааст, ки қарори раёсат дар бораи барҳамдиҳии ихтиёрӣ санаи аз 01 декабри соли равон қабул шудааст.

Ин ниҳод сабаби бозхонди иҷозатномаи ташкилоти қарзиро шарҳ надодааст.

Беш аз 22 миллиард: Нуралиев дороии ҳамаи ташкилотҳои молиявии кишварро гуфт

Ёдовар мешавем, Раёсати Бонки миллии Тоҷикистон ахиран бо як қарор иҷозатномаи ташкилоти қарзии хурди “Имконият Ховар”-ро бозхонд кард.

40
Согдийская клиническая больница

Коронавирус кам шуд: калонтарин бемористони Суғд баъди 7 моҳ ба реҷаи муқаррарӣ мегузарад

1131
(Таҷдидшуда 16:22 03.12.2020)
Баъд аз ҳафт моҳи давраи қарантин ва инак кам шудани ҳолатҳои сироятёбӣ ба бемории каронавирус ё “вируси тоҷдор” Бемористони клиникавии Суғд ба реҷаи муқаррарӣ бармегардад

ДУШАНЕБ, 3 дек – Sputnik. Баҳодур Мӯъминов, сартабиби Бемористони клиникавии Суғд ба номи Сангин Қутфиддинов дар шарҳи ин хабар ба Sputnik Тоҷикистон гуфт, мавридҳои сироятёбӣ ба COVID-19, кам шудааст ва хушбахтона зарурати бозгашт ба реҷаи маъмулӣ ба вуҷуд омадааст.

Бино ба гуфти сартабиб қарор аст, сар аз ҳафтаи оянд, 7 декабр қисмате аз бахшҳои ин бемористон ба реҷаи маъмулӣ баргардонида шавад.

“Дар марҳилаи аввал, мо қисмати Б ро, ки асосан аз шуъбаҳои ҷарроҳӣ иборат аст ба реҷаи муқаррарӣ мегузаронем. Ҳоло барои ин корҳои безараргардонӣ гузаронида шудааст. Аз ҳар як шахси масъули он, ташхис гирифта шудааст”, изҳор намуд сартабиб.

Бино ба гуфти Мӯъминов, барои баромадан аз реҷаи қарантинии қисме аз шуъбаҳои Бемористони клиникавии Суғд, вазири тандурустӣ ва раиси вилояти Суғд рухсат додаанд.

Бемористони клиникавии Суғд ба номи С. Қутфиддинов дар умум аз 26 шуъба ва 680 койка иборат буда, аз калонтарин бемористонҳо дар шимоли Тоҷикистон ба ҳисоб меравад.

Дар моҳи апрели соли ҷорӣ аз замони сабти нахустин мавриди бемории “вируси карона” ин бемористон ба қарантин (красная зонна) гирифта шуд ва сироятшудагони COVID-19 ба ҳисоби Бемористони сироятии Суғд, асосан барои табобат ба ин ҷо интиқол дода мешуданд.

Баҳодур Мӯъминов дар шарҳи омори гирифторони бемории каронавирус худдорӣ варзиду танҳо ҳамин қадар гуфт, ки “кам шуд”.

Афзоиши фавт дар Суғд: аз ҳама бештар дар Хуҷанд

Омори расмии вазорати тандурустӣ ва ҳифзи иҷтимоии аҳолии Тоҷикистон низ ҳокӣ аз он аст, ки шумори гирифторони COVID-19 дар кишвар кам шудааст.

Бегоҳии дирӯз 2 декабр, ин вазорат аз 38 ҳолати нави дарёфти сироятшавӣ ба COVID-19 хабар дод, ки дар умум шумори сабти беморон ба 12 ҳазору 269 нафар рақам зада мешавад.

Киҳо такроран мубталои коронавирус мешаванд? ҷавоби пизишк

Аз ин теъдод то имрӯз 11 ҳазору 677 нафар ё 95, 2% шифо ёфтаанд. Ба иттилоъи вазорати тандурустӣ то имрӯз бар асари хуруҷи ин беморӣ 87 нафар фавтидаанд.

1131
Барчаспҳо:
омор, табобат, Беморхонаи марказии вилоят, вируси корона, Тоҷикистон, Суғд
Олимджон Бобоев

Собиқ вазир шарҳ дод, ки чаро Тоҷикистон андози "роҳ" -ро бекор намекунад

58
(Таҷдидшуда 10:05 04.12.2020)
Чаро бекор кардани андози "роҳ" барои якчанд сол мавқуф гузошта шуд ва мумкин аст боз ба таъхир гузошта шавад, шарҳ дод собиқ вазири нақлиёти Тоҷикистон Олимҷон Бобоев

ДУШАНБЕ, 4 дек – Sputnik. Бекор кардани андоз аллакай якчанд маротиба мавқуф гузошта шудааст, гуфт вазири собиқи нақлиёти Тоҷикистон Олимҷон Бобоев дар сӯҳбат бо Sputnik Тоҷикистон.

Вай қайд кард, ки зарурати андози "роҳ" вуҷуд дорад, вагарна бекор кардани он ба таъхир намеафтод.

Вазири собиқи нақлиёти Тоҷикистон афзуд, ки даст кашидан аз ин намуди пардохт зарур аст, зеро он аслан як намуди дигари андозбандиро такрор мекунад.

"Андоз барои истифодабарандагони роҳ ҳар сол тақрибан 400 миллион сомонӣ фоида меорад ва ин миқдори хеле калон аст, қариб ба 2% ММД баробар аст", - гуфт Бобоев.

Коршинос пешниҳод кард, ки вобаста аз вазъи иқтисодӣ, бекор кардани андоз барои ронандагон метавонад бори дигар мавқуф гузошта шавад, зеро "барои амалисозии лоиҳаҳои инфрасохторӣ маблағҳои калони буҷа лозиманд.

Давлатзода гуфт, бақияи қарзи андоз аз 1 миллиард гузашт

Ёдовар мешавем чанд рӯз қабл лоиҳаи Қонун "Дар бораи ворид намудани тағйирот ба Кодекси андози Ҷумҳурии Тоҷикистон" бо тартиби ҳуқуқи ташаббуси қонунгузорӣ аз тарафи Ҳукумат барои баррасӣ ба Маҷлиси намояндагони Маҷлиси Олии Ҷумҳурии Тоҷикистон пешниҳод шуда буд.

Ин тарҳ бо мақсади тамдид намудани муҳлати амали андоз аз истифодабарандагони роҳҳои мошингард таҳия гардидааст.

 

58