Тело 25-летнего гражданина Туркменистана было найдено вчера в Гиссарском Гранд-канале

КҲФ гуфт, чанд касро наҷот доду чанд нафари дигар ғарқ шуд

220
(Таҷдидшуда 19:02 14.11.2020)
Кумитаи ҳолатҳои фавқулода ва мудофиаи граждании Тоҷикистон мегӯяд, давоми нуҳ моҳи гузашта дар ҷумҳурӣ 193 ҳодиса табиӣ ба қайд гирифта шудааст

ДУШАНБЕ, 14 ноя – Sputnik. Ба иттилои дафтари матбуотии ин ниҳод, аз теъдоди умумӣ дар 25 ҳолат ба иқтисодиёти шаҳру ноҳияҳои кишвар зарар расида, 8 нафар ба ҳалокат расидаанд.

Селевой поток в Таджикистане
© Фото : Штаб МЧС в Согдийской области

Ин ниҳод мегӯяд, давоми нуҳ моҳи соли ҷорӣ аз ҷониби наҷотдиҳандагони кумита 216 нафар наҷот дода шудаанд.

Манбаъ мегӯяд, ин нафарон ҳангоми тармафароӣ, корҳои рӯиобӣ ва зериобӣ, кушодани дарҳои оҳанин, садамаи нақлиётӣ, дар дохили лифт мондан ва дар дигар амалиётҳои кормандон наҷод ёфтанд.

Тибқи иттилои ин ниҳод, дар ин давра дар кӯлу дарёҳои кишвар 99 сокини ҷумҳурӣ ғарқ шудаанд.

Ин ниҳод гуфтааст, ба ҳама зарардидагон офатҳои табиӣ кумакҳои лозима расонида шуд.

Генерал Назарзода ва Қоҳир Расулзода дар Хуросон шаҳраки навро ифтитоҳ карданд

Ёдовар мешавем азимтарин ҳодисаи табиие, ки давоми 9 моҳи гузашта сар зад, омадани сел дар ноҳияи Хуросон буд, ки дар пай харобиҳои зиёд дошт.

Кумаки Ҳукумат: 25 ҳазор сомонӣ ва масолеҳи сохтмонӣ ба 26 хонаводаи осебдидаи Тоҷикобо

Ҳамзамон бар асари заминларза дар ноҳияи Тоҷикобод низ хонаҳои сокинон зарар дид.

220
Барчаспҳо:
зарардидаҳо, зарар, наҷот, Кумитаи ҳолатҳои фавқулодда, Тоҷикистон
Мужчина закрывает портфель, архивное фото

Тағйироти кадрӣ дар Кумитаи сармоягузорӣ: Ҳамрализода рафту Сангинмурод омад

683
(Таҷдидшуда 18:48 04.12.2020)
Бо қарори Эмомалӣ Раҳмон, раисиҷумҳури кишвар имрӯз дар сохтори Кумитаи давлатии сармоягузорӣ ва идораи амволи давлатии Ҷумҳурии Тоҷикистон тағйирот сурат гирифт

ДУШАНБЕ, 4 дек – Sputnik. Тибқи иттилои дафтари матбуотии президент, Эмомалӣ Раҳмон бо як қарор Ҳамрализода Фаррух Маҳмудро аз раҳбарии ин ниҳод озод кард.

Ба иттилои манбаъ, Ҳамрализода Фаррух аз раҳбарии Кумитаи давлатии сармоягузорӣ озод ва идораи амвол сафири Тоҷикистон дар Амрико таъйин гардид.

Ба иттилои манбаъ, курсии Ҳамрализода Фаррухро дар ин мақом Қодирзода Саъдӣ Сангинмурод соҳиб шудааст.

“Мутобиқи моддаи 69 Конститутсияи Ҷумҳурии Тоҷикистон фармон медиҳам: Қодирзода Саъдӣ Сангинмурод раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон таъин карда шавад”,-афзудаст, дафтари матбуотии президенти кишвар.

Усули домино: чаро дар Тоҷикистон тағйироти кадрӣ амалӣ мешавад?

Гуфта мешавад, ҳарду фармони барои тасдиқ ба Маҷлиси Олии Ҷумҳурии Тоҷикистон пешниҳод карда шавад.

Ёдовар мешавем, Қодирзода Саъдӣ Сангинмурод дар гузашта, сардори Хадамоти зиддиинҳисории назди Ҳукумати  Тоҷикистон ва ахиран яке аз муовинони Озода Раҳмон дар дастгоҳи иҷроияи президент буд.

683
Президент Республики Таджикистан Эмомали Рахмон

Мансабҳои нави Шодмонбекзода, Исматзода ва Юсуфзода: тағйирот бо 6 қарори ҳукумат

930
(Таҷдидшуда 18:32 04.12.2020)
Эмомалӣ Раҳмон, раисиҷумҳури кишвар бо судури қарор дар чанд корхонаҳо таъйину барканориҳо гузаронид

ДУШАНБЕ, 4 дек – Sputnik. Тибқи иттилои дафтари матбуотии президент, Шамбиев Алишер Александрович бо сабаби ба кори дигар гузаштан аз вазифаи муовини якуми директори генералии Корхонаи воҳиди давлатии “Тоҷикаэронавигатсия” озод карда шавад.

Бо қарори ҳукумат, Шодмонбекзода Даврон Шодмонбекзода муовини якуми директори генералии Корхонаи воҳиди давлатии “Тоҷикаэронавигатсия” таъин шуд.

Ҳамзамон, бо қарори ҳукумат, Авазов Усмон Бобоевич аз вазифаи муовини якуми сардори Саридораи ҳифзи сирри давлатии назди Ҳукумати Ҷумҳурии Тоҷикистон озод карда шуд.

Курсии раҳбарии Агентии хоҷагии ҷангал, ки пас аз раҳбари ноҳияи Рӯдкӣ таъйин шудани Азизулло Исматзода холи буд, соҳибашро ёфт.

Ҳамакнун ба ин курсӣ Юсуфзода Абдуҷаббор Ғайратшоҳ такя зад.

Тағйироти кадрӣ дар Вазорати молия: Достӣ ва Худододова аз мақом барканор шуданд

Ҳаётзода Фирдавс Ҷӯрахон бошад, бо сабаби ба кори дигар гузаштан аз вазифаи муовини якуми Сардори Хадамоти иҷрои назди Ҳукумати Ҷумҳурии Тоҷикистон озод  ва ба ҷояш Юсуфзода Юсуфҷони Сангаҳмад таъйин шуд.

Тағйироти кадрӣ дар Кумитаи Сармоягузорӣ: Ҳамрализода рафту Сангинмурод омад

Бо қарори ҳукумат Саъдуллоев Ҳабибулло Найимович бинобар вафоташ аз вазифаи директори Муассисаи давлатии “Рушди соҳибкорӣ дар соҳаи кишоварзӣ” озод карда шуд.

930
Морозное утро

Ҳушдор аз сардиҳо: чанд тавсияи КҲФ ба сокинон

15
(Таҷдидшуда 12:40 05.12.2020)
Кумитаи ҳолатҳои фавқулодда ва мудофиаи граждании Тоҷикистон ба далели сардии ҳаво аз 5 то 8 декабри соли равон ба сокинони кишвар чанд тавсия додааст

ДУШАНБЕ, 5 дек – Sputnik. КҲФ Тоҷикистон хабар додааст, ки тибқи маълумоти Агентии обуҳавошиносии кишвар, аз 5 то 8 декабри соли 2020 ҳаво сард мешавад. Даводиҳо борон меборад, дар доманакӯҳҳо ва кӯҳҳо барф, дар баъзе минтиақаҳо барф шадидтар меборад. Ҳарорати миёнаи рӯзонаи ҳаво дар водиҳо 5 ° С хоҳад буд.

Кумитаи ҳолатҳои фавқулодда ҳушдор медиҳад, ки барфи тар метавонад сабабгори хароб шудани хатҳои интиқоли барқ, қисман шикастану афтидани дарахтон, инчунин хароб гаштани сутунҳои сустниҳоди реклом дар кӯчаҳо шавад.

“Дар робита ба тағйири обо ҳаво ва сардиҳои чанд рӯзи ояндаву барфу боронҳо  Кумита аз шаҳрвандони кишвар хоҳиш мекунад, ки ҳангоми истифодаи асбобҳои гармидиҳандаи барқӣ қоидаҳои бехатарии сӯхторро қатъиян риоя кунанд, инчунин бехатарии ҳаракат дар роҳҳоро риоя намоянд, хусусан ҳангоми истифода аз роҳҳо ва гузаргоҳҳои кӯҳӣ то ҳадди имкон ҳушёр бошанд”,  - таъкид доштааст манбаъ.

Ҳамзамон КҲФ дар ин рӯзҳо аз шаҳрвандон даъват кардааст, ки ҳаракатро дар роҳҳои кӯҳӣ бидуни эҳтиёҷоти фаврӣ маҳдуд кунанд.

Инчунин ин ниҳод аз сокинон даъват кардааст, ки аз корҳои кишоварзӣ, чаронидани чорво, ҷамъоварии ҳезум ва шикор дар минтақаҳои кӯҳӣ худдорӣ намоянд.

15
Барчаспҳо:
Кумитаи ҳолатҳои фавқулодда, КҲФ Тоҷикистон, тавсия, сокинон, сарди ҳаво, Тоҷикистон