Первый снег в Душанбе

То -20 дараҷа сардӣ ва барф: пешгӯии ҳавошиносон барои ҳафтаи нав

1895
(Таҷдидшуда 13:42 16.11.2020)
Аз нимаи дуюми ҳафтаи равон дар саросари кишвар борон ва барф сар мешавад, ҳарорат дар баъзе ноҳияҳои кӯҳӣ то -20 дараҷа сард мешавад

ДУШАНБЕ, 16 Ноябр - Sputnik. Дар Тоҷикистон, рӯзҳои наздик, ҳарорати шабона зери сифр ва аз нимаи дуюми ҳафта боришоти барф дар назар аст, хабар медиҳад Агентии обуҳавошиносии ҷумҳурӣ.

Ҳамин тавр, дар Душанбе шабона то 5 дараҷа сардӣ ва рӯзона то 10-12 дараҷа гармӣ пешбинӣ шудааст. Боришот дар пойтахт давоми ду рӯзи оянда дар назар нест.

Дар ноҳияҳои тобеъи ҷумҳурӣ низ чунин буда, танҳо дар баъзе минтақаҳо туман мефарояд.

Дар кӯҳҳо шабона то -10 дарафа хунукӣ ва рӯзона то + 6 дараҷа гармӣ пешгӯӣ шудааст.

Аммо рӯзи чоршанбеи 18 ноябр аз нимаи дуюми рӯз дар минтақаҳои марказии кишвар, Суғд, ВМКБ ва Хатлон ҳаво абрӣ шуда, боришоти борон ва барф пешгӯӣ мешавад.

Ҳарорат шабона то ду дараҷа сард ва рӯзона 9 дараҷа гарм хоҳад шуд. Дар ВМКБ рӯзи сешанбе сардӣ то -20  дараҷа мерасад.

Дар вилояти Суғд ҳавои бебориш буда, дар баъзе ноҳияҳо туман мефарояд ва шамол то 9 метр дар як сония мевазад. Дар водиҳо шабона то -3 + 2 дараҷа ва рӯзона то 9 дараҷа гарм мешавад.

Барфи аввал дар Душанбе: гузориши аксӣ

Имрӯз дар ВМКБ ҳаво абрноки тағйирёбанда буда, шабона то -10 дараҷа сард, рӯзона аз 0 то + 2 дараҷа аст. Дар Мурғоб ҳарорати шабона ба 17 дараҷа сард ва рӯзона аз -4 дараҷа сард мешавад.

Зимистон омад: Душанберо барфи аввал пӯшонд - видео

Дар вилояти Хатлон бошад. имрӯз ҳаво бебориш, дар баъзе ноҳияҳо туман мефарояд, шабона -2 + 3 дараҷа ва рӯзона аз 9 то 14 дараҷа гарм мешавад.

1895
Барчаспҳо:
туман, барф, сардиҳо, обу ҳаво, Маркази обу ҳавошиносӣ, Тоҷикистон
Дорожный знак, архивное фото

Фавти пирамарде, ки писараш пас аз садама ба беморхона набурд: ВКД таҳқиқ мекунад

227
(Таҷдидшуда 12:53 04.12.2020)
Вазорати умури дохилии Тоҷикистон мегӯяд, як марди солхӯрда бинобар нарасонидан ба беморхона дар пайи садамаи нақлиётӣ дар хонааш фавтидааст

ДУШАНБЕ, 4 дек – Sputnik. Бино ба иттилои дафтари матбуотии ин ниҳод садамаи нақлиётӣ санаи 1-юми декабри соли 2020, тахминан соати 10:00 дар ҳудуди ҷамоати деҳоти Нофароҷ шаҳри Истаравшан сар задааст.

Манбаъ мегӯяд, ронандаи автомашинаи тамғаи “Опел-Вектра”, Мирзоев Наимҷон Гиёевичи 42-сола сокини деҳаи Ширинчашмаи шаҳри Истаравшан, ҳангоми ба беморхонаи марказии шаҳри мазкур бурдани падараш Мирзоев Гиёи 88‑сола дар ҳудуди ҷамоати деҳоти Нофароҷ аз уҳдаи идораи автомашина набаромада, ба канори рости роҳ чаппа шудааст.

Дар натиҷа, падараш Мирзоев Гиё ҷароҳатҳои ҷисмонӣ бардоштааст.

“Пас аз рух додани ин ҳодиса Мирзоев Наимҷон Гиёевичи падараш Мирзоев Гиёро ба беморхона набурда, оид ба ин ҳодиса ба ягон мақомоти ҳифзи ҳуқуқ муроҷиат накарда, падарашро дар манзили истиқоматии худ табобат намудааст, ки номбурда санаи 2-юми декабри соли 2020, аз ҷароҳати вазнини ҷисмонии бардоштааш дар хонаи истиқоматиашон вафот намудааст”,-афзудааст манбаъ.

Ҳалокати Абдулло ва Меҳриниссо дар пайи ду садамаи нақлиётӣ

ВУД мегӯяд, аз рӯи ин ҳодиса таҳқиқот идома дорад.

227
Барчаспҳо:
пирамард, ҳалокат, фавт, садама, Тоҷикистон
Национальный банк Таджикистана

Бонки миллӣ бо як қарор фонди қарзии хурди “Файзи Сурхоб”-ро барҳам дод

139
(Таҷдидшуда 12:31 04.12.2020)
Раёсати Бонки миллии Тоҷикистон ахиран аз барҳамхурии боз як ташкилоти қарзии хурд хабар дод

ДУШАНБЕ, 4 дек — Sputnik. Раёсати Бонки миллии Тоҷикистон аз барҳамхурии ташкилоти қарзии хурди  “Файзи Сурхоб” хабар дод.

Национальный банк Таджикистана
© Фото : Пресс-служба президента Таджикистана

Бино бар иттилои дафтари матбуоти Бонки милли Тоҷикистон, раёсати Бонк бо қарори навбатӣ таҳти №156 дар асоси моддаи 26 Қонуни Ҷумҳурии Тоҷикистон “Дар бораи ташкилотҳои маблағгузории хурд” ва моддаҳои 8, 9 ва 12 Қонуни Ҷумҳурии Тоҷикистон “Дар бораи барҳамдиҳии ташкилотҳои қарзӣ” иҷозатномаи ФҚХ “Файзи Сурхоб” бозхонд кард.

Бонки миллӣ қайд намудааст, ки қарори раёсат дар бораи барҳамдиҳии ихтиёрӣ аз санаи 01 декабри соли равон қабул шудааст.

Ин ниҳод сабаби бозхонди иҷозатномаи ташкилоти қарзиро шарҳ надодааст.

Беш аз 22 миллиард: Нуралиев дороии ҳамаи ташкилотҳои молиявии кишварро гуфт

Ёдовар мешавем, Раёсати Бонки миллии Тоҷикистон ахиран бо як қарор иҷозатномаи ташкилоти қарзии хурди “Имконият Ховар”-ро бозхонд кард.

139

СҶБ: агар имкони риояи фосилаи иҷтимоӣ мавҷуд набошад, пас ҳатман ниқоб пӯшед

0
(Таҷдидшуда 12:56 04.12.2020)
Тавсияи Созмони ҷаҳонии беҳдошт ҳам ба калонсолон ва ҳам ба кӯдакони то синни 12 - сола дахл дорад

ДУШАНБЕ, 4 дек – Sputnik. Созмони ҷаҳонии беҳдошт дастури ҷадид бобати риояи фосилаи иҷтимоӣ ва пӯшидани ниқоб нашр намудаст.

Бар тибқи дастури нави СҶБ, пӯшидани ниқоб дар ҷойҳои ҷамъиятӣ, аз ҷумла мактабу мағоза ва ҷойҳои умумии корӣ ҳам барои одамони калонсол ва ҳам барои кӯдакони то синни 12-сола шарт ва зарур аст.

"Чӣ дар дохили биноҳо, аз ҷумла дар мағозаҳо, ҷойҳои кори умумӣ ва мактабҳо ва чӣ дар беруни биноҳо, ки фосилагирии ҷисмонӣ ба андозаи ҳадди ақалл як метр ғайриимкон аст, ниқобҳо пӯшида шаванд", - таъкид мешавад дар хабар.

Гузашта аз ин, созмон тавсия медиҳад, ки сарфи назар аз имконоти нигоҳ доштани фосилаи зарурӣ, ҳамеша дар дохили биноҳое, ки ба таври бояду шояд ҳаво дода намешаванд, бояд ниқоб пӯшида шавад.

Муҳофизат бо усули ҷопонӣ: ниқобҳо бо алмосу марворид - акс

Ин тавсия ҳам ба калонсолон ва ҳам ба кӯдакони 12-сола ва калонтар дахл дорад. Барои кӯдакони то панҷсола пӯшидани ниқоб тавсия дода нашудааст.

Ҳамзамон барои кӯдакони синни аз 6 то 11-сола тасмим дар бораи пӯшидани ниқоб ё напӯшидани он бо дарназардошти вазъи мушаххаси вобаста ба интиқоли коронавирус дар минтақаи муайян, инчунин қобилияти кӯдак барои истифодаи дурусти ниқоб ва имкони назорати онҳо аз тарафи калонсолон гирифта мешавад.

0
Барчаспҳо:
тавсия, СҶБ
Мавзуҳо:
Пайомадҳои COVID-19 дар Тоҷикистон ва ҷаҳон