Алишер Мухаммади, поэт, философ, переводчик, кандидат философских наук

Марги ман чист?: даргузашти шоир ва олим Алишери Муҳаммадии 43-сола

1825
(Таҷдидшуда 13:45 16.11.2020)
Шоир, файласуф, мутарҷим ва донишманд, Алишери Муҳаммадӣ,  номзади илмҳои фалсафа аз олам даргузаш

ДУШАНБЕ, 16 ноя - Sputnik. Ӯ ҳамагӣ 43 сол дошт. Ба гуфти наздикону ҳамкоронаш бар асари бемории қалб даргузашт.

Ба иттилои наздикони марҳум, маросими ҷаноза ва видоъ бо Алишери Муҳаммадӣ дар маҳаллаи Мирзобеки шаҳри Душанбе, дар  кӯчаи Гулкорони гузари Сабзикор пас аз намози пешин соати 14.00 доир мешавад.

Марҳум хатмкардаи Донишгоҳи миллии Тоҷикистон буда, ба ҳайси муҳаррир дар Энсиклопедияи миллии тоҷик кор  ва узви иттифоқи нависандагони Тоҷикистон буд.

Рӯзноманигор Ҳуринисо Ализода дар мавриди даргузашти Алишери Муҳаммадӣ бо дард навиштааст, ки шояд ӯро кам касон бишиносанд. Зеро тавре чанд рӯз муқаддам навиштам, мо шахсиятҳоро на мешиносему на қадр мекунем.

“Ӯ шахсият буд. Донишманд буд. Ҳайсияте дошт, ки як инсони мутафаккир ва донишманд бояд дошта бошад. Хоксортарин инсоне буд, ки мӯреро намеозурд. Вале меозурдандаш. Зиёд. Баҳудаву беҳуда. Таҳ мехӯрд, мешикаст, аммо намерехт. Ҳайсияташро нигаҳ медошт. Мағрур набуд, аммо ғурури тоҷиконаи олимона дошт”,- навиштааст, хонум Ализода.

Ба навиштаи ӯ, Алишери Муҳаммадӣ донишманди тавонову фарди миллӣ буд, ки муттаассифна эҳтром нашуд.

“Шоири шеърҳои муаррифӣ нагашта, олими ҳанӯз ва акнун ҳеҷ гоҳе эътирофнашуда, тарҷумони хуби ноошно, муҳаррири осори илмии то ба ҳол бе маъруфият, инсони комили поквиҷдон ва дӯсту бародари арҷманди ман, ки шиква накарда, нанолида доимо бо як ишора мегуфтӣ: - Муаллима, хдту ҳамаша мефаҳме, дига чӣ бгум?" ... ва ман мефаҳмидам, ки ба қадри заҳмати ту касе намерасид, он дониши фарохи ту ба дарди худат ҳам намехурад, намефаҳмандат. Шояд ояндагон мерасанд?”,-навиштааст, Рӯзноманигор.

Ҳамзамон, Ҳуринисо Ализода яке аз шеърҳои Алишери Муҳаммадиро нашр кардааст, ки “Марги ман чист?” унвон дорад.

Марги ман чист?

Чанд рӯзе гиряҳои носавоби модарам,

Хандаҳову шӯхиҳову тираакси ман ба хоби хоҳарам,

Лаҳзае чанд ашки шӯру ҳасрату андӯҳи талх

Бар ҷабини нуқратоби ҳамсарам,

Баъди чанде боз хушҳолию хушгӯйи – фаромӯшии ман.

Марги ман чист?

Норасида бар замин афтодани себ аз дарахт,

Номаҳал бар тифлаконам бевафоиҳои бахт,

Даври хона – ёру душман,

Байни хона – мову рахт,

Баъд аз ин танҳоию ман,

То замоне бистари холи канори хамсарам.

Марги ман чист?

Шеърҳои нимсуруда,

Бӯсаҳои норабуда,

Киштаҳои нодуруда,

Бар замин афтодани як ахтари наҳс аз само,

Рох бурданҳои марди хокие сӯйи Худо.

1825
Барчаспҳо:
Шоира, файласуф, олим, даргузашт, Тоҷикистон
Дорожный знак, архивное фото

Фавти пирамарде, ки писараш пас аз садама ба беморхона набурд: ВКД таҳқиқ мекунад

270
(Таҷдидшуда 12:53 04.12.2020)
Вазорати умури дохилии Тоҷикистон мегӯяд, як марди солхӯрда бинобар нарасонидан ба беморхона дар пайи садамаи нақлиётӣ дар хонааш фавтидааст

ДУШАНБЕ, 4 дек – Sputnik. Бино ба иттилои дафтари матбуотии ин ниҳод садамаи нақлиётӣ санаи 1-юми декабри соли 2020, тахминан соати 10:00 дар ҳудуди ҷамоати деҳоти Нофароҷ шаҳри Истаравшан сар задааст.

Манбаъ мегӯяд, ронандаи автомашинаи тамғаи “Опел-Вектра”, Мирзоев Наимҷон Гиёевичи 42-сола сокини деҳаи Ширинчашмаи шаҳри Истаравшан, ҳангоми ба беморхонаи марказии шаҳри мазкур бурдани падараш Мирзоев Гиёи 88‑сола дар ҳудуди ҷамоати деҳоти Нофароҷ аз уҳдаи идораи автомашина набаромада, ба канори рости роҳ чаппа шудааст.

Дар натиҷа, падараш Мирзоев Гиё ҷароҳатҳои ҷисмонӣ бардоштааст.

“Пас аз рух додани ин ҳодиса Мирзоев Наимҷон Гиёевичи падараш Мирзоев Гиёро ба беморхона набурда, оид ба ин ҳодиса ба ягон мақомоти ҳифзи ҳуқуқ муроҷиат накарда, падарашро дар манзили истиқоматии худ табобат намудааст, ки номбурда санаи 2-юми декабри соли 2020, аз ҷароҳати вазнини ҷисмонии бардоштааш дар хонаи истиқоматиашон вафот намудааст”,-афзудааст манбаъ.

Ҳалокати Абдулло ва Меҳриниссо дар пайи ду садамаи нақлиётӣ

ВУД мегӯяд, аз рӯи ин ҳодиса таҳқиқот идома дорад.

270
Барчаспҳо:
пирамард, ҳалокат, фавт, садама, Тоҷикистон
Национальный банк Таджикистана

Бонки миллӣ бо як қарор фонди қарзии хурди “Файзи Сурхоб”-ро барҳам дод

144
(Таҷдидшуда 12:31 04.12.2020)
Раёсати Бонки миллии Тоҷикистон ахиран аз барҳамхурии боз як ташкилоти қарзии хурд хабар дод

ДУШАНБЕ, 4 дек — Sputnik. Раёсати Бонки миллии Тоҷикистон аз барҳамхурии ташкилоти қарзии хурди  “Файзи Сурхоб” хабар дод.

Национальный банк Таджикистана
© Фото : Пресс-служба президента Таджикистана

Бино бар иттилои дафтари матбуоти Бонки милли Тоҷикистон, раёсати Бонк бо қарори навбатӣ таҳти №156 дар асоси моддаи 26 Қонуни Ҷумҳурии Тоҷикистон “Дар бораи ташкилотҳои маблағгузории хурд” ва моддаҳои 8, 9 ва 12 Қонуни Ҷумҳурии Тоҷикистон “Дар бораи барҳамдиҳии ташкилотҳои қарзӣ” иҷозатномаи ФҚХ “Файзи Сурхоб” бозхонд кард.

Бонки миллӣ қайд намудааст, ки қарори раёсат дар бораи барҳамдиҳии ихтиёрӣ аз санаи 01 декабри соли равон қабул шудааст.

Ин ниҳод сабаби бозхонди иҷозатномаи ташкилоти қарзиро шарҳ надодааст.

Беш аз 22 миллиард: Нуралиев дороии ҳамаи ташкилотҳои молиявии кишварро гуфт

Ёдовар мешавем, Раёсати Бонки миллии Тоҷикистон ахиран бо як қарор иҷозатномаи ташкилоти қарзии хурди “Имконият Ховар”-ро бозхонд кард.

144
Ҷавод Зариф, вазири умури хориҷии Эрон, акс аз бойгонӣ

Зариф гуфт, Эрон дубора дар бораи тавофуқоти ҳастаӣ музокирот намекунад

0
Вазири умури хориҷаи Эрон мегӯяд, ИМА бояд бидуни шартгузориҳои ҷадид ба тааҳудоташ дар тавофуқи ҳастаии Барҷом ҳамон тавре, ки дар қатъномаи 2231 Шӯрои амнияти Созмони Милали Муттаҳид омадааст, амал кунад

ДУШАНБЕ, 4 дек – Sputnik. Муҳаммадҷавод Зариф, вазири хориҷии Эрон, зимни нишасти маҷозии гуфтугӯҳои Медитарона гуфт, барои он чизе, ки дар тавофуқи ҳастаӣ ба даст оварданд, дубора музокира нахоҳанд кард.

“Урупо ва Амрико бояд ба иҷрои тавофуқи ҳастаӣ тааҳуд дошта бошанд ва Амрико ҳам дар ҷойгоҳе нест, ки бихоҳад шарт бигзорад. Агар тарафҳои Барҷом ба тааҳудоташон амал накунанд, қонуни "иқдоми роҳбурдӣ барои лағви таҳримҳо ва сиёнат аз  ҳуқуқи миллати Эрон” иҷро хоҳад шуд",- гузориш дод радиои тоҷикии Садои Хуросон аз қавли вазири умури хориҷаи Эрон.

Манбаъ афзуд, бар асоси қонуни "иқдоми роҳбурдӣ барои лағви таҳримҳо ва сиёнат ё худ ҳифозат аз ҳуқуқи миллати Эрон", ки 9 модда дорад, давлати Эрон муваззаф аст дар сурати иҷро нашудани тааҳудоти кишварҳои тарафи тавофуқи ҳастаӣ, як моҳ пас аз тасвиби ин қонун иҷрои довталабонаи санади протоколи илҳоқиро мутаваққиф кунад.

Протоколҳои илҳоқӣ санадест, ки ба муҷиби он кишварҳои узви МАГАТЭ ба бозрасони агентӣ иҷозаи бозрасӣ аз ҳар маконе, ки зарурӣ бидонанд, медиҳанд.

Вазири умури хориҷаи Эрон ҳамчунин дар вокуниш ба сукути се кишвар - Олмон, Фаронса ва Англия дар қиболи террори доктор Муҳсин Фахризода донишманди ҳастаии Эрон гуфт: "Террори доктор Фахризода як таҷовузи байналмилалӣ аст ва мо ҳанӯз мунтазирем Англия, Фаронса ва Олмон онро маҳкум кунанд".

0
Барчаспҳо:
БАРҶОМ, созишнома, тавофуқи ҳастаӣ, Эрон