Дар Дарвоз мошин ба ҷарӣ сарозер шуд: ронанда ҷон бохту се мусофир ҷароҳатдор шуданд

© Sputnik / Амир Исаев / Гузариш ба медиабонкДорога в Таджикистане вдоль реки, архивное фото
Дорога в Таджикистане вдоль реки, архивное фото - Sputnik Тоҷикистон
Обуна шудан
Ронандаи 48-сола аз ӯҳдаи идора кардани автомашинаи тамғаи "УАЗ" набаромада, ба ҷарии 20 - метр сарозер шуд

ДУШАНБЕ, 16 ноя — Sputnik. Дар ноҳияи Дарвоз садамаи нақлиётӣ рух дод, ки дар пай талафоти ҷонӣ дошт, хабар медиҳад Вазорати умури дохилаи Тоҷикистон.

ДТП, архивное фото - Sputnik Тоҷикистон
Бархӯрди маргбор: садама дар шоҳроҳи "Душанбе-Хоруғ" ҷони ду кӯдак ва ронандаро гирифт

Ба иттилои манбаъ, ҳодисаи нохуш рӯзи 14 ноябр, тақрибан соати 20:00 дақиқа дар ҳудуди ноҳияи Дарвоз рух дод.

Манбаъ меафзояд, ронандаи автомашинаи тамғаи "УАЗ", Зикруллоев Иноятуллои 48 - сола, сокини ноҳияи Дарвоз, ҳангоми ҳаракат кардан дар роҳи мошингарди деҳаҳои Гушун-Дударги Қалъаихум дар ҳудуди ноҳияи Дарвоз аз уҳдаи воситаи нақлиёт набаромада, тахминан 20-метр ба ҷарӣ чаппа шудааст.

Боз садама дар тӯй: мошин бо домоди тоҷику арӯсаш ба истгоҳ бархӯрда, чаппа шуд

Дар натиҷа, ронандаи автомошинаи мазкур дар ҷойи ҳодиса ба ҳалокат расидааст.

Ҳамчунин, мусофирони дохили автомошина: Ҷӯраева Шаъмигули 42 - сола, Зикруллоев Эшонҷони 4 - сола, Давлатзода Сарвинози 20 - сола, сокинони ноҳияи мазкур ҷароҳатҳои ҷисмонӣ бардошта, дар беморхона бистарӣ карда шудаанд.

ВУД Тоҷикистон мегӯяд, аз рӯи ин ҳодиса тафтишот идома дорад.

Лентаи хабарҳо
0