Похороны в Таджикистане, архивное фото

Даргузашти Муъминҷонов, табиби осебшинос дар ноҳияи Ашт

1303
(Таҷдидшуда 11:43 20.11.2020)
Озодалӣ Муъминҷонов, табиби осебшинос ва собиқ мудири Бемористони марказии ноҳияи Ашт дар синни 68-солагӣ аз дунё даргузашт

ДУШАНБЕ, 20 ноя – Sputnik. Манобеъ аз Бемористони марказии ноҳияи Ашт бо таъйиди ин хабар ба Sputnik Тоҷикистон гуфтанд, ки Муъминҷонов вақтҳои охир аз маризии сиррози ҷигар ранҷ мекашид ва аз оғози соли равон кор дар бемористони вилояти Свердловски Русияро ҷамбаст намуда, худ дар зодгоҳаш деҳаи Сарой табобат мегирифт.

“Дирӯз аз шиддати беморӣ ҷон ба Ҷонофарин таслим намудаанд. Худо раҳмат кунад, табиби бо таҷриба буданд”,  - зикр намуд манбаъ аз Бемористони ноҳияи Ашт.

Марҳум аз табибони ҳирфаӣ ва бародарбузурги доктори илмҳои филологӣ Зулфиддин Муъминҷонов ва генерал Муъминҷонзода Баҳриддин мебошад.

Озодалӣ Муъминҷонов 15 апрели соли 1952 дар деҳаи Саройи ҷамоати Понғози ноҳияи Ашт таваллуд шудааст.

Соли 1974 Донишгоҳи тиббии Тоҷикистон ба номи Абӯалӣ Синоро хатм намуда, дар шуъбаи ҷарроҳии Беморхонаи № 1 и шаҳри Хуҷанд (собиқ Ленинобод) курси интернатурӣ гузаштааст.

Аз соли 1976 фаъолияти ҳамчун табиби осебшинос фаъолияти меҳнатиашро дар Беморхонаи марказии ноҳияи Ашт шурӯъ намудааст.

Дар хона табобат мегирифт: даргузашти табиби маъруф Шарипов аз "илтиҳоби шуш" дар Суғд

Соли 1991 мудири шуъбаи осебшиносӣ таъйин шуда то соли 2008 дар ин вазифа кор кардааст.

Соли 2009 ба вилояти Свердловски Русия сафар карда аз рӯи ихтисос ҳудуди даҳ сол дар беморхонаи ин кишвар фаъолият намудааст. Соли 2019 Муъминҷонов бо он, ки аз беморӣ ранҷ мекашид, аз Русия ба Ватан баргашт.

Даргузашти Ибодуллоев, табиби шинохтаи тоҷик аз "илтиҳоби шуш"

Ҷанозаи ӯ, дирӯз бо ҳузури пайвандону дӯстон ва ҳамкасбонаш дар деҳаи Саройи ноҳияи Ашт ба хок супурда шуд.

1303
Барчаспҳо:
фавт, табиб, Ашт, Тоҷикистон
Дорожный знак, архивное фото

Фавти пирамарде, ки писараш пас аз садама ба беморхона набурд: ВКД таҳқиқ мекунад

231
(Таҷдидшуда 12:53 04.12.2020)
Вазорати умури дохилии Тоҷикистон мегӯяд, як марди солхӯрда бинобар нарасонидан ба беморхона дар пайи садамаи нақлиётӣ дар хонааш фавтидааст

ДУШАНБЕ, 4 дек – Sputnik. Бино ба иттилои дафтари матбуотии ин ниҳод садамаи нақлиётӣ санаи 1-юми декабри соли 2020, тахминан соати 10:00 дар ҳудуди ҷамоати деҳоти Нофароҷ шаҳри Истаравшан сар задааст.

Манбаъ мегӯяд, ронандаи автомашинаи тамғаи “Опел-Вектра”, Мирзоев Наимҷон Гиёевичи 42-сола сокини деҳаи Ширинчашмаи шаҳри Истаравшан, ҳангоми ба беморхонаи марказии шаҳри мазкур бурдани падараш Мирзоев Гиёи 88‑сола дар ҳудуди ҷамоати деҳоти Нофароҷ аз уҳдаи идораи автомашина набаромада, ба канори рости роҳ чаппа шудааст.

Дар натиҷа, падараш Мирзоев Гиё ҷароҳатҳои ҷисмонӣ бардоштааст.

“Пас аз рух додани ин ҳодиса Мирзоев Наимҷон Гиёевичи падараш Мирзоев Гиёро ба беморхона набурда, оид ба ин ҳодиса ба ягон мақомоти ҳифзи ҳуқуқ муроҷиат накарда, падарашро дар манзили истиқоматии худ табобат намудааст, ки номбурда санаи 2-юми декабри соли 2020, аз ҷароҳати вазнини ҷисмонии бардоштааш дар хонаи истиқоматиашон вафот намудааст”,-афзудааст манбаъ.

Ҳалокати Абдулло ва Меҳриниссо дар пайи ду садамаи нақлиётӣ

ВУД мегӯяд, аз рӯи ин ҳодиса таҳқиқот идома дорад.

231
Барчаспҳо:
пирамард, ҳалокат, фавт, садама, Тоҷикистон
Национальный банк Таджикистана

Бонки миллӣ бо як қарор фонди қарзии хурди “Файзи Сурхоб”-ро барҳам дод

139
(Таҷдидшуда 12:31 04.12.2020)
Раёсати Бонки миллии Тоҷикистон ахиран аз барҳамхурии боз як ташкилоти қарзии хурд хабар дод

ДУШАНБЕ, 4 дек — Sputnik. Раёсати Бонки миллии Тоҷикистон аз барҳамхурии ташкилоти қарзии хурди  “Файзи Сурхоб” хабар дод.

Национальный банк Таджикистана
© Фото : Пресс-служба президента Таджикистана

Бино бар иттилои дафтари матбуоти Бонки милли Тоҷикистон, раёсати Бонк бо қарори навбатӣ таҳти №156 дар асоси моддаи 26 Қонуни Ҷумҳурии Тоҷикистон “Дар бораи ташкилотҳои маблағгузории хурд” ва моддаҳои 8, 9 ва 12 Қонуни Ҷумҳурии Тоҷикистон “Дар бораи барҳамдиҳии ташкилотҳои қарзӣ” иҷозатномаи ФҚХ “Файзи Сурхоб” бозхонд кард.

Бонки миллӣ қайд намудааст, ки қарори раёсат дар бораи барҳамдиҳии ихтиёрӣ аз санаи 01 декабри соли равон қабул шудааст.

Ин ниҳод сабаби бозхонди иҷозатномаи ташкилоти қарзиро шарҳ надодааст.

Беш аз 22 миллиард: Нуралиев дороии ҳамаи ташкилотҳои молиявии кишварро гуфт

Ёдовар мешавем, Раёсати Бонки миллии Тоҷикистон ахиран бо як қарор иҷозатномаи ташкилоти қарзии хурди “Имконият Ховар”-ро бозхонд кард.

139

СҶБ: агар имкони риояи фосилаи иҷтимоӣ мавҷуд набошад, пас ҳатман ниқоб пӯшед

0
(Таҷдидшуда 12:56 04.12.2020)
Тавсияи Созмони ҷаҳонии беҳдошт ҳам ба калонсолон ва ҳам ба кӯдакони то синни 12 - сола дахл дорад

ДУШАНБЕ, 4 дек – Sputnik. Созмони ҷаҳонии беҳдошт дастури ҷадид бобати риояи фосилаи иҷтимоӣ ва пӯшидани ниқоб нашр намудаст.

Бар тибқи дастури нави СҶБ, пӯшидани ниқоб дар ҷойҳои ҷамъиятӣ, аз ҷумла мактабу мағоза ва ҷойҳои умумии корӣ ҳам барои одамони калонсол ва ҳам барои кӯдакони то синни 12-сола шарт ва зарур аст.

"Чӣ дар дохили биноҳо, аз ҷумла дар мағозаҳо, ҷойҳои кори умумӣ ва мактабҳо ва чӣ дар беруни биноҳо, ки фосилагирии ҷисмонӣ ба андозаи ҳадди ақалл як метр ғайриимкон аст, ниқобҳо пӯшида шаванд", - таъкид мешавад дар хабар.

Гузашта аз ин, созмон тавсия медиҳад, ки сарфи назар аз имконоти нигоҳ доштани фосилаи зарурӣ, ҳамеша дар дохили биноҳое, ки ба таври бояду шояд ҳаво дода намешаванд, бояд ниқоб пӯшида шавад.

Муҳофизат бо усули ҷопонӣ: ниқобҳо бо алмосу марворид - акс

Ин тавсия ҳам ба калонсолон ва ҳам ба кӯдакони 12-сола ва калонтар дахл дорад. Барои кӯдакони то панҷсола пӯшидани ниқоб тавсия дода нашудааст.

Ҳамзамон барои кӯдакони синни аз 6 то 11-сола тасмим дар бораи пӯшидани ниқоб ё напӯшидани он бо дарназардошти вазъи мушаххаси вобаста ба интиқоли коронавирус дар минтақаи муайян, инчунин қобилияти кӯдак барои истифодаи дурусти ниқоб ва имкони назорати онҳо аз тарафи калонсолон гирифта мешавад.

0
Барчаспҳо:
тавсия, СҶБ
Мавзуҳо:
Пайомадҳои COVID-19 дар Тоҷикистон ва ҷаҳон