Девушка в наручниках, фото из архива

Боздошти келини 21-солаи хона, ки хусурро ғорат карду ду “Лексус” ва як “Киа” харид-видео

2089
(Таҷдидшуда 17:09 20.11.2020)
Вазорати умури дохилии Тоҷикистон аз боздошти як келини хонадон хабар медиҳад, ки дар дуздии пулҳои падаршавҳараш муттаҳам мешавад

ДУШАНБЕ, 20 ноя - Sputnik.  Бино ба гузориши ин ниҳод, мақомоти пулис бо ин ҷурм Абдуллоева Мусаллама Қиёмиддиновнаи 21-сола, зода ва истиқоматкунандаи шаҳри Кӯлобро боздошт кардаанд.

Ба иттилои манбаъ, Абдуллоева Мусаллама барои дуздии маблағҳои пасандози падаршавҳараш Қосимов Саидамон, сокини ҳамин шаҳр муттаҳам мешавад.

Манбаъ мегӯяд, Абдуллоева бо истифода аз калид қулфи дари оҳании дар пойни ҳавлии падаршавҳараш бударо кушода, аз дохили он 60 ҳазор доллари ӯро гирифтааст.

Ин ниҳод мегӯяд, келини хонадон маблағҳои бо роҳи дуздӣ ба даст овардашро ба фоида худ сарф карда, ҷиҳози рӯзгор харидааст.

“Ҳамзамон аз ин маблағ ду автомашинаи тамғаи “Лексус” ва як “Киа” харида, бо ин кирдораш ба падаршавҳараш Қосимов Саидамон ҷамъ ба маблағи 60 ҳазор доллари амрикоӣ зарари моддӣ расонидааст”,-афзудааст манбаъ.

ВУД мегӯяд, нисбат ба Абдуллоева Мусаллама парвандаи ҷиноӣ оғоз шуда, тафтишот дар ин самт идома дорад.

Феълан назари ҷониби гумонбаршаванда ва тарафи ҳимояааш оид ба қазия феълан муаян нест. 

Арӯс хусурро мезад: тафсилоти куштори келини бевамонда бо табар дар Истаравшан - Видео

Ёдовар мешавем, ғорати падаршавҳар аз сӯи келини хона бори нахуст набуда, қаблан низ сокини 66-солаи ноҳияи Восеъ дар бораи дуздии маблағҳояш аз ҷониби келини 19-солааш ба пулис шикоят карда буд.

 

 

 

2089
Барчаспҳо:
ғорат, келин, Кӯлоб, Тоҷикистон
Мужчина закрывает портфель, архивное фото

Тағйироти кадрӣ дар Кумитаи сармоягузорӣ: Ҳамрализода рафту Сангинмурод омад

556
(Таҷдидшуда 18:48 04.12.2020)
Бо қарори Эмомалӣ Раҳмон, раисиҷумҳури кишвар имрӯз дар сохтори Кумитаи давлатии сармоягузорӣ ва идораи амволи давлатии Ҷумҳурии Тоҷикистон тағйирот сурат гирифт

ДУШАНБЕ, 4 дек – Sputnik. Тибқи иттилои дафтари матбуотии президент, Эмомалӣ Раҳмон бо як қарор Ҳамрализода Фаррух Маҳмудро аз раҳбарии ин ниҳод озод кард.

Ба иттилои манбаъ, Ҳамрализода Фаррух аз раҳбарии Кумитаи давлатии сармоягузорӣ озод ва идораи амвол сафири Тоҷикистон дар Амрико таъйин гардид.

Ба иттилои манбаъ, курсии Ҳамрализода Фаррухро дар ин мақом Қодирзода Саъдӣ Сангинмурод соҳиб шудааст.

“Мутобиқи моддаи 69 Конститутсияи Ҷумҳурии Тоҷикистон фармон медиҳам: Қодирзода Саъдӣ Сангинмурод раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон таъин карда шавад”,-афзудаст, дафтари матбуотии президенти кишвар.

Усули домино: чаро дар Тоҷикистон тағйироти кадрӣ амалӣ мешавад?

Гуфта мешавад, ҳарду фармони барои тасдиқ ба Маҷлиси Олии Ҷумҳурии Тоҷикистон пешниҳод карда шавад.

Ёдовар мешавем, Қодирзода Саъдӣ Сангинмурод дар гузашта, сардори Хадамоти зиддиинҳисории назди Ҳукумати  Тоҷикистон ва ахиран яке аз муовинони Озода Раҳмон дар дастгоҳи иҷроияи президент буд.

556
Президент Республики Таджикистан Эмомали Рахмон

Мансабҳои нави Шодмонбекзода, Исматзода ва Юсуфзода: тағйирот бо 6 қарори ҳукумат

679
(Таҷдидшуда 18:32 04.12.2020)
Эмомалӣ Раҳмон, раисиҷумҳури кишвар бо судури қарор дар чанд корхонаҳо таъйину барканориҳо гузаронид

ДУШАНБЕ, 4 дек – Sputnik. Тибқи иттилои дафтари матбуотии президент, Шамбиев Алишер Александрович бо сабаби ба кори дигар гузаштан аз вазифаи муовини якуми директори генералии Корхонаи воҳиди давлатии “Тоҷикаэронавигатсия” озод карда шавад.

Бо қарори ҳукумат, Шодмонбекзода Даврон Шодмонбекзода муовини якуми директори генералии Корхонаи воҳиди давлатии “Тоҷикаэронавигатсия” таъин шуд.

Ҳамзамон, бо қарори ҳукумат, Авазов Усмон Бобоевич аз вазифаи муовини якуми сардори Саридораи ҳифзи сирри давлатии назди Ҳукумати Ҷумҳурии Тоҷикистон озод карда шуд.

Курсии раҳбарии Агентии хоҷагии ҷангал, ки пас аз раҳбари ноҳияи Рӯдкӣ таъйин шудани Азизулло Исматзода холи буд, соҳибашро ёфт.

Ҳамакнун ба ин курсӣ Юсуфзода Абдуҷаббор Ғайратшоҳ такя зад.

Тағйироти кадрӣ дар Вазорати молия: Достӣ ва Худододова аз мақом барканор шуданд

Ҳаётзода Фирдавс Ҷӯрахон бошад, бо сабаби ба кори дигар гузаштан аз вазифаи муовини якуми Сардори Хадамоти иҷрои назди Ҳукумати Ҷумҳурии Тоҷикистон озод  ва ба ҷояш Юсуфзода Юсуфҷони Сангаҳмад таъйин шуд.

Тағйироти кадрӣ дар Кумитаи Сармоягузорӣ: Ҳамрализода рафту Сангинмурод омад

Бо қарори ҳукумат Саъдуллоев Ҳабибулло Найимович бинобар вафоташ аз вазифаи директори Муассисаи давлатии “Рушди соҳибкорӣ дар соҳаи кишоварзӣ” озод карда шуд.

679
Филиал МГУ в Душанбе. Архивное фото

Таъйини мудири нави бахши душанбегии Донишгоҳи давлатии Маскав

0
(Таҷдидшуда 23:40 04.12.2020)
Эмомалӣ Раҳмон, раисиҷумҳури Тоҷикистон бо имзои қарори Ҳукумат дар раёсати бахши тоҷикистонии Донишгоҳи давлатии Маскав ба номи Ломоносов тағйироти кадрӣ анҷом дод

ДУШАНБЕ, 4 дек — Sputnik. Тибқи қарори Ҳукумат,  Мирзоев Сайаъло Ҳабибуллоевич, ки аз аввали соли 2015  ба ҳайси мудири иҷроияи филиали Донишгоҳи давлатии Маскав ба номи М.В.Ломоносов дар шаҳри Душанбе кор мекард, аз вазифа озод карда шуд.

Дар қарор далели барканории Сайъало Мирзоев гузаштан ба кори дигар арзёбӣ шудааст, аммо феълан маълум нест, ки ӯ чӣ вазифа мегирад.

Шоири тоҷик Карим Ҳайдар ба медали "Сергей Есенин"-и Русия сазовор шуд

Бо қарори дигари  Ҳукумат, Ғаниев Рустам Ғафурович мудири иҷроияи филиали Донишгоҳи давлатии Маскав  ба номи М.В. Ломоносов дар шаҳри Душанбе таъйин гардид.

Филиали Донишгоҳи давлатии Маскав дар шаҳри Душанбо соли 2009 бо фармони президенти кишвар Эмомалӣ Раҳмон таъсис дода шуда, феълан яке аз муассисаҳои бонуфузи таълимӣ дар ҷумҳурӣ мебошад.

0
Барчаспҳо:
донишгоҳ, Душанбе, Тоҷикистон