Здание МИД России, архивное фото

ВКХ боздошти хабарнигорони Sputnik ва Baltnews дар Латвияро шадидан маҳкум кард

99
(Таҷдидшуда 15:42 04.12.2020)
Тибқи изҳороти вазорат, ҳамчунин фишор алайҳи рӯзноманигорони русзабони оҷонсии иттилоотии Baltnews ва як қатор ходимони ҷамъиятии Латвия сурат гирифтааст.

ДУШАНБЕ, 4 дек – Sputnik. Вазорати корҳои хориҷии Русия амалкарди мақомоти Латвияро нисбат ба рӯзноманигорони русзабони пойгоҳҳои хабарии Baltnews ва Sputnik Латвия, ки кофтуков карда шуданд, шадидан маҳкум кард, хабар медиҳад РИА Новости.

Қаблан Sputnik хабар дода буд, ки кормандони ин расонаҳо тибқи моддаи 84 Қонуни ҷиноии Латвия - нақзи низоми таҳримоти Иттиҳоди Аврупо айбдор карда мешаванд. Пас аз бозпурсӣ онҳо уҳдадории хаттӣ гирифтанд, ки ин маконро тарк накунанд.

Гуфта мешавад, онҳоро ҷазо дар намуди ҷарима ва ҳабс таҳдид мекунад

“Мо амалҳои таҷовузкоронаи Хадамоти Амнияти Давлатии Латвияро, ки рӯзи 3 декабр алайҳи кормандони бюрои Спутник дар Рига ва рӯзноманигорони русзабон сурат гирифт, ҳамчун намунаи ошкорои вайрон кардани пояҳои ҷомеаи демократӣ - озодии ВАО ва баён медонем. Хотиррасон бояд кард, ки рӯзноманигорон мавриди боздошт, бозпурсӣ ва кофтукоб сурат гирифта, нисбати онҳо парвандаҳои ҷиноӣ оғоз карда шудаанд “, - омадааст дар изҳороти расмии Вазорати корҳои хориҷӣ.

Ба иттилои манбаъ, иттиҳоми вайрон кардани низоми таҳримоти ИА аз ҷониби коргарон Sputnik Латвия комилан ғайриқобили қабул аст. "Ин маҳдудиятҳо хусусияти шахсӣ доранд, шахсан ба директори генералии агентии иттилоотии байналмилалии "Россия сегодня" Дмитрий Киселев рабт дорад ва татбиқи он ба ҳама нафароне, ки бо  медиахолдинг ҳамкорӣ мекунанд дахл надорад", - гуфтааст, ВКХ.

Тибқи изҳороти вазорат, ҳамчунин фишор алайҳи рӯзноманигорони русзабони оҷонсии иттилоотии Baltnews ва як қатор ходимони ҷамъиятии Латвия сурат гирифтааст.

“Ҳамаи ин як амали воқеии ҷазоест, ки шубҳаро ба оқибатҳои русҳаросӣ айбҳои сохта боқӣ намемонад. Ин масъала дар ҷаласаи Шӯрои вазирони САҲА матраҳ хоҳад шуд ",- гуфта мешавад дар паём.

"Озодии сухан дар Эстония - таҳдид ба ВАО" Черишева дар бораи вазъи Sputnik Эстония

Вазорат изҳори умедворӣ кард, ки намояндаи нави САҲА оид ба озодии ВАО ба ин рӯйдодҳо сарфи назар намекунад ва ба Латвия "ғайри қобили қабул будани чунин ҳамлаҳо" –ро нисбат ба ВАО, инчунин "зарурати иҷрои ӯҳдадориҳои байналмилалӣ дар самти таъмини озодии сухан" -ро қайд мекунад.

Дар навбати худ, сармуҳаррири аршади АИБ “Россия Сегодня” ва RT Маргарита Симонян дар канали Telegram-и худ изҳори умедворӣ кард, ки Русия ба таъқиби ҷиноии кормандони Baltnews ва Sputnik Латвия посух хоҳад дод.

Ёдовар мешавем, чунин вазъият соли гузашта дар Эстония низ рух дода буд.

Роҳбарияти полис ва идораи марзбонии кишвар кормандони Sputnik Эстонияро таҳдид карданд, ки дар сурати қатъ накардани кор дар хабаргузории байналмилалӣ алайҳи онҳо парвандаи ҷиноӣ оғоз мекунанд.

Ин амалҳо бо таҳримҳои ИА аз 17 марти соли 2014 алайҳи як қатор шахсони воқеӣ ва ҳуқуқӣ шарҳ дода шуданд.

Лавров дар бораи Sputnik Эстония: ин боз як доғи дигар ба обрӯи Иттиҳоди Аврупост

Аммо, маҳдудиятҳои ИА на ба АИБ “Россия Сегодня”, ки Sputnik шомил он аст, балки шахсан алайҳи директори генералии агентӣ Дмитрий Киселев нигаронида шудааст.

99
Барчаспҳо:
хабарнигорон, боздошт, изҳорот, Вазорати корҳои хориҷии ФР, Латвия, Русия
Бывший президент Франции Николя Саркози

Николя Саркозӣ ба се соли ҳабс маҳкум шуд

194
(Таҷдидшуда 19:38 01.03.2021)
Додгоҳи Порис Николя Саркозиро дар фасод гунаҳкор донист ва кишвардори собиқро ба мӯҳлати се сол маҳкум ба зиндон намуд

ДУШАНБЕ, 1 март - Sputnik. Додгоҳи Порис президенти пешини Фаронса Николя Саркозиро дар фасод ва тиҷорати нуфуз гунаҳгор донист ва ӯро ба се соли зиндон маҳкум кард, ки ду соли он шартан аст.

Худи президенти собиқ ҳамаи иттиҳомотро комилан рад кард ва дар мурофиа ҳам ҳузур надошт. 

Додситонӣ инчунин изҳор дошт, ки Николя Саркозӣ кӯшиш кардааст, ки ба корманди суди кассатсионӣ Гилберт Азиберт ришва диҳад ва аз ӯ дар бораи тафтишоти маблағгузории ғайриқонунии маъракаи президентӣ аз ҷониби духтари бунёдгузори L'Oreal Лилиан Беттанкурт маълумот гирад.

Тахмин зада мешуд, ки тавассути вакили шахсии худ Саркозӣ ваъда додааст, ки ба кормандони суд дар гирифтани мақоми бонуфуз дар Монако кӯмак хоҳад кард.

Ҳамчун, сабтҳоии гуфтугуи телефонии боздоштшудаҳо пешниҳод гардид, ки дар он иштирокчиёни сӯҳбатҳо ҳеҷ гоҳ якдигарро бо номи воқеии худ намегирифтанд ва худи собиқ сарвари кишвар тахаллуси Пол Бисмутро истифода мебурд.

Ташхис муайян кард, ки дар сабтҳои телефонӣ худи Саркозӣ суҳбат кардааст.

Ҳимоятгар изҳор дошт, ки прокуратура барои баровардани хулоса ҳеҷ асосе надорад. Адвокат Жаклин Лаффонт тавзеҳ додааст, ки "ин танҳо як сӯҳбати дӯстона буд".

Додгоҳ Гулнора Каримоваро барои 13 солу 4 моҳ равонаи зиндон кард

Аммо Саркозӣ бар ин назар аст, ки ҳамаи парвандаҳо як навъ интиқом гирифтани додрасҳо аз ӯст, ки замони раисҷумҳур будан ваколатҳои онҳоро маҳдуд мекард.

Зимнан, прокуратураи молиявӣ хоҳиш кард, ки ба ӯ 4 соли зиндон, аз ҷумла ду сол шартӣ дода шавад.

Ба ҳамин минвол, Саркозӣ аввалин президенти собиқи Фаронса мебошад, ки ҳукми воқеии зиндонро гирифт.

Ҳанӯз соли 2011, раҳбари пешини Фаронса Жак Ширак барои ташкили ҷойҳои бардурӯғи кори дар шаҳрдории Порис ба 2 соли ҳабси шартӣ маҳкум шуд.

194
Барчаспҳо:
Николя Саркози, Фаронса
Камнепад перекрыл движения по трассе Душанбе-Худжанд

Ду ҳодисаи нохуш дар Бадахшон: яке худкушӣ карду, дигаре дар сангрезӣ ҷон бохт

143
Як ҳодисаи нохуш дар шаҳри Хоруғ ва дигаре дар ноҳияи Роштқалъи ВМКБ ба қайд гирифта шуд

ДУШАНБЕ, 1 мар — Sputnik. Раёсати Кумитаи ҳолатҳои фавқулода дар ВМКБ аз рух додани ду ҳодисаи нохуш хабар медиҳад.

Ба иттилои манбаъ, ҳодисаи аввал дар маркази вилоят - шаҳри Хоруғ ба вуқӯъ пайвастааст.

Гуфта мешавад, субҳи рӯзи 27 феврал дар соҳили дарёи Ғунд дар шаҳри Хоруғ ҷасади шахсияташ номаълум намоён шудааст. Зимнан, кормандони раёсати мазкур ҷасадро фавран аз дарё берун оварда, барои дақиқ шудани асли воқеа онро ба мақомоти дахлдор супурданд.

Муайян шудааст, ки марҳум сокини 57 - солаи шаҳраки Исмоили Сомонии шаҳри мазкур мебошад.

Ҳамчунин як ҳодисаи дигар дар ноҳияи Роштқалъа рух додааст.

Раёсати КҲФ дар вилоят хабар медиҳад, ки рӯзи 28 феврал, соати 16:10 бар асари резиши санг дар деҳаи Видоҷи ҷамоати деҳоти Мирсаид Миршакари ноҳияи Роштқалъа сокини 52-сола ба ҳалокат расидааст.

Ҷустуҷӯи ҷасади зани 71 - сола дар Бадахшон идома дорад: бемори рӯҳӣ буд

Бино ба гуфтаи шоҳидон, марҳум дар кӯҳ машғули чорвочаронӣ будааст. Сокинони деҳа ҷасади ӯро аз кӯҳ поин оварда, ба соҳибонаш супурдаанд. Ҷузъиёти бештари марги сокини Роштқалъа ифшо нашудааст.

143
Камнепад в Таджикистане

Ҳушдори КҲФ аз селу сангрезӣ ва дамои ҳаво барои имрӯз

12
Кумитаи ҳолатҳои фавқулодаи Тоҷикистон дар такя ба Агентии обуҳавошиносии кишвар иттилоъ додааст, ки дар кишвар ҳавои ноустувор ва боришот то охири ҳафта боқӣ хоҳад монд.

ДУШАНБЕ, 2 мар — Sputnik. Ба иттилои манбаъ, бо сабаби боришоти дарпешистода ва болоравии заминаи ҳарорат, обшавии босуръати барф дар кӯҳҳо ба амал меояд, ки метавонад ба эрозияи хок ва ҳаракати онҳо, ба баланд шудани сатҳи об дар дарёҳо, обанборҳо ва инчунин ба харобӣ ва эрозияи хатти соҳили дарёҳо ва кӯлҳо.

"Дар натиҷаи боришот, хатари фаромадани тарма, сел ва сангрезаҳо боқӣ мондааст",-афзудааст манбаъ.

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бори дигар аҳолиро даъват мекунад, ки аз сафар, сайругашт ба минтақаҳои тарма, ҷамъоварии гиёҳҳо дар ноҳияҳои кӯҳӣ худдорӣ кунанд, ҳушёр ва эҳтиёткор бошанд.

Тибқи иттилои Ожонси обуҳавошиносӣ, имрӯз дар Вилояти Мухтори Кӯҳистони Бадахшон ҳаво абрнок шуда, рӯзона дар баъзе ноҳияҳои ғарбии вилоят бориши сусти борон дар назар аст.

Ҳаво дар ғарби вилоят шабона 3-8 дараҷа хунук ва  рӯзона 1+6 дараҷа гарм мешавад. Дар шарқи вилоят ҳаво  шабона 18-23 ва рӯзона  2-7 дараҷа хунук мешавад.

Ҳаво дар вилояти Суғд  абрноки бебориш мешавад. Ҳаво  дар водиҳо шабона 2+7 дараҷа гарм ва рӯзона 10+15 дараҷа гарм мешавад. Дар ноҳияҳои кӯҳӣ ҳаво шабона 3-8 дараҷа хунук  ва рӯзона 1+6 дараҷа гарм мешавад.

Дар вилояти Хатлон  ҳавои абрноки бебориш дар назар аст. Ҳаво дар водиҳо шабона 2+7 ва рӯзона 14+19 дараҷа гарм мешавад.  Дар ноҳияҳои доманакӯҳӣ ҳаво шабона  аз 1 дараҷа хунук то 4 дараҷа гарм ва рӯзона 8+13 дараҷа гарм мешавад.

Дар шаҳру ноҳияҳои тобеи марказ ҳаво абрнок шуда,  танҳо рӯзона дар ноҳияҳои алоҳидаи кӯҳӣ бориши сусти борон пешбинӣ мешавад. Ҳаво  дар водиҳо  шабона 0+5 дараҷа гарм ва рӯзона 13+18 дараҷа гарм мешавад.  Дар ноҳияҳои кӯҳӣ ҳаво шабона аз 2 дараҷа хунук  то 3 дараҷа гарм ва рӯзона  3+8  дараҷа гарм мешавад.

Дар  шаҳри Душанбе ҳавои абрноки бебориш дар назар аст. Ҳаво шабона  1+3  ва рӯзона 15+17 дараҷа гарм мешавад.

12