Самолет авиакомпании Uzbekistan Airways

Ӯзбекистон парвозҳоро бо Аврупо ва дигар кишварҳо аз сар мегирад: рӯйхат

483
(Таҷдидшуда 12:47 10.12.2020)
Президенти Ӯзбекистон Шавкат Мирзиёев дастур дод, ки ҳаракати ҳавоӣ бо як қатор кишварҳоро аз соли 2021 ба роҳ монда, инчунин чораҳо оид ба барқарор ва рушди туризмро таҳия намояд

ДУШАНБЕ, 10 дек — Sputnik. Президенти Ӯзбекистон Шавкат Мирзиёев дастур додааст, ки парвозҳо бо кишварҳои Аврупо, Ҷопон ва Тайланд аз соли 2021 пас аз маҳдудияти тӯлонӣ бинобар пандемияи коронавируси COVID-19 тадриҷан барқарор карда шаванд.

Международный аэропорт Ташкента
Пресс-служба президента Татарстана

Тибқи иттилои хадамоти матбуот президент ин нуктаро Мирзиёев рӯзи гузашта зимни як видеоконфронс оид ба корҳое, ки дар Ӯзбекистон дар соҳаи туризм ва варзиш анҷом дода мешаванд, изҳор намудааст.

Аз ҷумла, ниҳодҳои дахлдор вазифадор шуданд, ки дар соли 2021 1,7 миллион сайёҳи хориҷиро ҷалб намуда, инчунин хидматрасониро дар ин соҳа ба 370 миллион доллар расонанд.

"Дар робита ба ин, зарурати барқарорсозии марҳила ба марҳила аз соли оянда иртиботи ҳавоӣ бо кишварҳои Аврупо, Малайзия, Индонезия, Покистон, Тайланд, Ҷопон ва роҳандозии самтҳои нави сайёҳии ҳоҷиён таъкид шуд", - гуфта мешавад дар иттилоия.

Шавкат Мирзиёев ҳамзамон нархҳои гарони чиптаҳои парвозҳои ширкати ҳавопаймоии миллиро танқид карда, барои паст кардани он дастур додааст.

Барои ҳамоҳангсозии кор дар ин самт, тасмим гирифта шуд, ки як комиссияи байниидоравӣ таъсис дода шавад, ки бо ташкили парвозҳо, содда кардани гирифтани иҷозатномаҳо, васеъ кардани ҷуғрофияи парвозҳо ва беҳтар намудани хизматрасонии фурудгоҳҳо сарукор дорад, илова намуд хадамоти матбуот.

Қаблан, як намояндаи Вазорати нақлиёти Ӯзбекистон хабар дода буд, ки парвозҳо ба кишварҳое, ки вазъи коронавирус ҷиддӣ боқӣ мондааст, алахусус ба Русия, бо парвозҳои махсус идома хоҳанд ёфт.

Парвозҳо миёни Тоҷикистону Миср имкон аст, роҳандозӣ шавад

Мақомоти Ӯзбекистон аз 1 октябр сарҳадҳоро барои вуруд ва баромади ҳама намуди нақлиёт боз карда, сайёҳии воридотиро низ иҷозат доданд.

483
Барчаспҳо:
президент, чипта, Аврупо, парвоз, Ӯзбекистон
Скорая помощь, архивное фото

Садамаи маргбор дар роҳи Душанбе - Чаноқ: ронанда фавтиду мусофирон ҷароҳат бардоштанд

1134
(Таҷдидшуда 15:35 26.02.2021)
Ронандаи 27 - сола дар ҷойи ҳодиса ба ҳалокат расида, мусофирони ӯ ба бемористон интиқол ёфтанд

ДУШАНБЕ, 26 фев — Sputnik. Дар садамаи маргбори нақлиётӣ дар роҳи Душанбе - Чаноқ як нафар ҳалок ва дуи дигар сахт ҷароҳатдор шуданд, хабар медиҳад Вазорати умури дохилаи Тоҷикистон.

Ба иттилои манбаъ, садама рӯзи 24, тахминан соати 20:30 дақиқа дар киломметри 269 -200 - и шоҳроҳи мошингарди Душанбе - Чаноқ рух додааст.

Гуфта мешавад, ронандаи автомашинаи тамғаи "Мерседес-Бенс", Бектошов Умари 27 - сола, сокини шаҳри Хуҷанд аз ӯҳдаи идораи худрави худ набаромадаст.

Зимнан, номбурда ба самти муқобили роҳ баромада, ба автомашинаи тамғаи "Опел-Вектра", таҳти идораи Абдуғаниев Абдурауфи 29 - сола бархӯрдааст.

ВУД Тоҷикистон мегӯяд, дар натиҷа, Бектошов ронандаи автомашинаи "Мерседес-Бенс" ҷароҳати ҷисмонӣ бардошта, дар ҷойи ҳодиса ба ҳалокат расидааст.

Садама дар Анзоб: мошин чаппа шуду як нафар ҳалок гашт

Инчунин мусофирони автомашинаи тамғаи мазкур Бектошова Назираи 27 - сола, сокини шаҳри Хуҷанд ва Раҳимов Машраби 24 - сола, сокини ноҳияи Спитамен, ҷароҳати ҷисмонӣ бардошта, дар беморхона бистарӣ гардидаанд.

Манбаъ меафзояд, аз рӯи ҳодисаи мазкур таҳқиқот идома дорад.

1134
Барчаспҳо:
роҳ, мошин, садама
Река Душанбинка. Архивное фото

Ҷавондухтари 24 - сола дар Душанбе, ки қасди худкушӣ кард, наҷот ёфт

1358
(Таҷдидшуда 12:35 26.02.2021)
Ҷавондухтар ҳоло дар беморхона қарор дорад ва табибон вазъи саломатии ӯро мӯътадил арзёбӣ мекунанд

ДУШАНБЕ, 26 фев — Sputnik. Сокини 24 - солаи пойтахт аз худкушӣ наҷот ёфт, хабар медиҳад Вазорати умури дохилаи Тоҷикистон.

Ба иттилои манбаъ, номбурда шоми рӯзи 25 феврал, тахминан соати 21:00 худро ба дарёи Душанбе андохт.

Гуфта мешавад, ӯ пас аз як муноқишаи оилавӣ ба мақсади худкушӣ аз хона баромада, ба назди дарёи Душанбеи кӯчаи Соҳилии пойтахт омад ва худро ғарқи оби дарё намудааст.

Дар ҳамин ҳол, кормандони Хадамоти давлатии "Муҳофиза"- и ВУД, ки дар қисмати қафои даромадгоҳи муассисаи давлатии тандурустии "Истиқлол" хизмат мебурданд бо шунидани сару садо зуд ба ҷойи ҳодиса ҳозир шуданд.

"Кормандони хадамоти мазкур, ҷавондухтарро аз марг наҷот дода, ӯро зуд ба бемористон бурданд", - таъкид мешавад дар хабар.

ВУД Тоҷикистон мегӯяд, ҳоло ин духтар дар бемористон таҳти назорати табибон қарор дорад ва вазъи саломатии ӯ мӯътадил аст.

1358
Барчаспҳо:
наҷот, духтар, худкушӣ, Душанбе
Президент Туркменистана Гурбангулы Бердымухамедов, архивное фото

Ашқободҷон ё Пойтахтҷон: Бердимуҳаммадов ба навзодҳо ном мегузорад

131
Қурбонгулӣ Бердимуҳаммедов, раисҷумҳури Туркманистон феҳристе аз номҳои духтар ва писарро барои навзодҳо пешниҳод кардааст

ДУШАНБЕ, 27 фев — Sputnik. Қурбонгулӣ Бердимуҳаммадов ба навзодҳо ном мегузорад.

Тавре "Парс тудей" менависад, раисиҷумҳури Туркманистон барои навзодоне, ки қарор аст 25 майи соли 2021 ва дар 140-умин соли таъсиси Ашқобод мутаваллид шаванд, феҳристе аз номҳоеро пешниҳод кардааст.

 Туркманистон рӯзи шанбе Комиссиюни вижаи давлатиро барои созмондиҳии ин маросим эҷод кард ва Қурбонгулӣ Бердимуҳаммедов, раисиҷумҳури ин кишвар низ феҳристе аз номҳои духтар ва писарро барои хонаводаҳое, ки фарзандонашон 25 май ва ҳамзамон бо солгарди таъсиси Ашқобод (Aşgabat) мутаваллид мешаванд, пешниҳод кардааст.

"Раисиҷумҳури Туркманистон гуфта, ки ин иқдоми намодин аст, ки исми писари нахусти хонаводаро, ки 25 майи соли 2021 мутаваллид мешавад "Пойтахт" ё "Ашқобод" ва исми духтари нахустро ҳам " Марҷон" ё "Мая" бигузоранд", - менависад манбаъ.

Раисиҷумҳури Туркманистон ҳамчунин дастур додааст то ҳадяҳое барои ин навзодон, ки дар 25 моҳи май мутаваллид мешаванд, таҳия шавад.

Петар хабар дода шуд, ки раисиҷумҳури Туркманистон, Қурбонгулӣ Бердимуҳаммадов писарашро ба симмати муовини сарвазир таъйин кард.

Сардор Бердимуҳаммадов ба вазифаи муовини сарвазир ва раиси Палатаи олии назорат таъйин гардид. Гузашта аз ин, узви Шӯрои амнияти миллӣ низ интихоб шуд.

"Дунёи маънавии туркманҳо": нашри китоби дигари Бердимуҳаммадов, раҳбари Туркманистон

Кишвардори Туркманистон гуфтаст, ки тасмим гирифт, ба кабинаи вазирон боз як вазифаи муовини раисро ворид кунад. Ба гуфтаи ӯ, муовини нави раиси ҳукумат, Палатаи олии назоратро низ сарварӣ карда, узви Шӯрои амният хоҳад буд.

Вазифаҳои муовини сарвазир, рақамисозӣ ва ҷорӣ намудани технологияҳои инноватсионӣ дар системаи ташкилотҳои давлатӣ ва ҷамъиятӣ, тандурустӣ, маориф, молия ва иқтисодро дарбар мегиранд.

Ҳамзамон, Сардор Бердимуҳаммадов аз вазифаи вазири саноат ва истеҳсолоти сохтмон озод карда шуд.

131
Барчаспҳо:
номгузорӣ, навзод, Қурбонқулӣ Бердимуҳаммадов, Туркманистон