Пустое кресло

Таъйиноти кадрӣ: 37 сола, ҷангалбони №1-и Суғд кист?

2075
(Таҷдидшуда 18:08 10.12.2020)
Бо фармони Исматзода Азизулло Убайдулло, Ҳоҷизода Насимҷон Шарифӣ, директори муассисаи давлатии хоҷагии ҷангали вилояти Суғд таъйин шудааст

ДУШАНБЕ, 10 дек – Sputnik. Манобеъ аз ҳукумати вилояти Суғд ба Sputnik Тоҷикистон гуфтанд, ин таъйиноти кадрӣ дирӯз сурат гирифтааст.

Исматзода Азизулло Убайдулло, директори Агентии хоҷагии ҷангали назди ҳукумати Ҷумҳурии Тоҷикистон бо судури фармон, Ҳоҷизода Насимҷон Шарифиро директори муассисаи давлатии хоҷагии ҷангали Суғд таъйин намудааст.

“Имрӯз маросими муаррифии Ҳоҷизода, директори нави хоҷагии Суғд бо иштироки намояндагони сохторҳои ҳукумати вилоят масъулини соҳа баргузор гардидд”,- гуфт манбаъ.

Хоҷизода Насимҷон Шарифӣ 13 июли соли 1983 дар деҳаи Рӯмони ҷамоати Ҳайдар Усмонови ноҳияи Бобоҷон Ғафуров таваллуд шудааст.

Ӯ соли 2006, Донишгоҳи миллии Тоҷикистон дар шаҳри Душанберо бо ихтисоси ҳуқуқшинос хатм кардааст. Фаъолияти меҳнатиашро аз соли 2007 дар мақомоти прокуратура шуруъ намудааст.

То соли 2013 дар вазифаҳои мухталифи мақомоти прокуратура дар шаҳру ноҳияҳои Спитамен, Бобоҷон Ғафуров, Ашт, Кӯҳистони Мастчоҳ фаъолият намудааст.

Рушди қутоспарварӣ: аз ВМКБ ба Шаҳристон 10 сар қутос бурданд

То соли 2015, ҳудуди ду сол сардори шуъбаи назоратӣ оиди қонунӣ будани санадҳои судӣ ба парвандаҳои ҷиноятӣ дар прокуратураи вилояти Суғд кор кардааст.

Шурӯъ аз моҳи августи соли 2015 то феврали соли 2018 муовини ширкати “Фараҳ” буд.

Аз моҳи январи соли 2019 то ин ҷониб муовини якуми директори Корхона давлатии фаръии бақайдгирии молу мулки ғайриманқул дар ноҳияи Бобоҷон Ғафуров фаъолият мекард.

Марти соли ҷорӣ аз ҳавзаи интихоботии Баҳористон № 15 и ҷамоати Хистеварзи ноҳияи Бобоҷон Ғафуров аз ҲХДТ вакили ноҳиявӣ интихоб шудааст.

Санаи 9 декабри соли ҷорӣ бо фармони Исматзода Азизулло, Ҳоҷизода Насимҷон Шарифӣ директори муассисаи давлатии хоҷагии ҷангали вилояти Суғд таъйин гардид.

Ҷангал бесоҳиб нест: дар вилояти Хатлон дар ёздаҳ моҳ 655 қонуншиканӣ ошкор шуд

Дар ин мақоми вазифавӣ Хоҷизода ҷойи Олимбек Юлдошзодаро иваз намуд, ки ахирӣ чанде пеш сардори Сарраёсати кишоварзии Суғд таъин шуд.

2075
Барчаспҳо:
Хадамоти ҷангал, тағйироти кадрӣ, Суғд, Тоҷикистон
Деньги, архивное фото

Ба сари қарзаш рафту корд хӯрд: куштори Ҷоббиров дар Душанбе видео

929
(Таҷдидшуда 17:28 24.02.2021)
Вазорати умури доҳилии Тоҷикистон мегӯяд, бисёри ҷиноятҳои махсусан вазнин, аз ҷумла куштор дар бисёри ҳолатҳо дар заминаи баҳсҳои пулӣ сурат мегиранд

ДУШАНБЕ, 24 фев – Sputnik. Вазорати умури дохилии Тоҷикистон аз боздошти Зоирҷон Абдурасулов, сокини 22-солаи кӯчаи Помири шаҳри Душанбе хабар дод, ки дар куштори Сомон Ҷоббиров муттаҳам мешавад.

Ба иттилои ВУД, Абдурасулов аз Сомон Ҷоббиров, сокини 23-солаи ноҳияи Рӯдакӣ 90 ҳазор сомонӣ қарздор будааст.

Прапоршики Гвардияи миллӣ ҳамсар ва хусуру хушдоманашро паронд: куштори мудҳиш

“Ҷоббиров рӯзи 17 феврал тахминан соати 14:30 дақиқа ба хотири бозпас гирифтани маблағи худ ба манзили истиқоматии Абдурасулов дар кӯчаи Помири шаҳри Душанбе омадааст. Дар пайи муноқиша Абдурасулов дар ҳолати ғазаб як маротиба ба қафаси синаи Ҷобиров корд мезанад, ки дар натиҷа номбурда дар ҷои ҳодиса ба ҳалокат расидаст”, - гузориш дод ВУД.

Манбаъ такид кард, ки феълан алайҳи Абдурасулов парвандаи ҷиноӣ боз шуда, муттаҳам дар ҳабси пешакӣ қарор дорад. Назари бевоситаи айбдоршаванда дар бораи ин қазия маълум нест.

Тибқи иттилои расмии ВУД, соли гузашта дар Тоҷикистон 107 ҷинояти куштор, 33 роҳзанӣ, 161 ғоратгарӣ, 1325 авбошӣ, 2866 қаллобӣ, 6197 дуздӣ ва дигар ҷиноятҳо ба қайд гирифта шудаанд.

929
Барчаспҳо:
Душанбе, куштор, қарз, Тоҷикистон
Сотрудники милиции общаются с водителем в Душанбе

Ронандаи фирорӣ пас аз шикояти хабарнигор ба Рамазон Раҳимзода боздошт шуд

1747
(Таҷдидшуда 17:25 24.02.2021)
Ронандае, ки авоили моҳи ҷорӣ бо худраваш ба мошини як хабарнигори тоҷик бархӯрду фирор кард, боздошт шуд

ДУШАНБЕ, 24 фев — Sputnik. Хабарнигори рӯзномаи "Тоҷикистон"Ахмедов Абдумудассир зимни нишасти хабарии Вазорати умури дохилаи Тоҷикистон ба роҳбари ин ниҳод аз болои як ронанда шикоят кард.

Хабарнигор аз Рамазон Раҳимзода дархост кард, ки нисбати ронандаи автомашинаи тамғаи "Опел - Астра" чораҳои қонунӣ андешанд.

Ба таъкиди Абдумудассир, санаи 9-уми феврали соли ҷорӣ дар назди Комбинати бофандагии шаҳри Душанбе ронандаи мазкур ба худрави ӯ бархӯрд. Ҳарчанд мошини хабарнигор зарари техникӣ дид, вале ронанда ба хотири пинҳон шудан аз ҷавобгарӣ, ҷойи ҳодисаро фавран тарк кард.

Раёсати умури дохила дар шаҳри Душанбе хабар медиҳад, ки бо супориши бевоситаи Рамазон Раҳимзода, кормандони пулис ронандаи фирориро боздошт карданд.

Номбурда Хушвахтзода Мадати 38 - сола, сокини шаҳри Ваҳдат мебошад.

Ронандаи фирорие, ки сабаби марги чаҳор нафар гардид, боздошт шуд

Манбаъ меафзояд, нисбати номбурда бо моддаи 333 қисми 1 Коддекси ҳуқуқвайронкунии маъмурӣ протоколи ҳуқуқвайронкунии маъмурӣ тартиб дода шуда, ба суд ирсол карда шуд.

Ҳамзамон ронанда муваззаф шуд, ки зарари техникии автомашинаи хабарнигорро пурра барқарор кунад.

1747
Барчаспҳо:
боздошт, шикоят, хабарнигор, ронанда
Дорожная техника расчищает автомобильную дорогу от лавины, архивное фото

Ҳаракати мошинҳо дар роҳи Душанбе - Хуҷанд ва Душанбе - Хоруғ қатъ шуд: ҳушдори КҲФ

166
(Таҷдидшуда 10:11 25.02.2021)
Дар пайи барфрезии ахир ҳаракати мошинҳо бас самти ду вилояти кишвар пурра қатъ шудааст

ДУШАНБЕ, 25 фев — Sputnik. Кумитаи ҳолатҳои фавқулодаи Тоҷикистон мегӯяд, роҳҳои автомобилгарди Душанбе - Хуҷанд ва Душанбе - Хоруғ муваққатан баста шудаанд.

Ба иттилои манбаъ, тайи як рӯзи ахир бар асари боришоти шадид дар километри 67-уми шоҳроҳи Душанбе-Варзоб ва шоҳроҳи Хоруғ-Мурғоб тармафароӣ ба қайд гирифта шудааст.

"Кори рафъи оқибатҳои тармафароӣ идома дорад",-афзудааст манбаъ.

Ғайр аз он, дар давоми рӯзи гузашта наҷотдиҳандагон ронандагон ва мусофирони 28 автомашинаро, ки аз километри 65-ум то 73-юми роҳи Душанбе-Айнӣ банд буданд, берун овардаанд.

ГУфта мешавад, барои таъмини бехатарии ронандагон дар зимистон ва расонидани кӯмаки фаврӣ дар ҳолатҳои фавқулодда, қитъаҳои гуногуни роҳҳо мунтазам аз ҷониби наҷотдиҳандагони шӯъбаҳои вокуниши Кумита посбонӣ карда мешаванд.

Ин ниҳод ҳамзамон аҳолиро аз хатари баланди резиши тарма, сангрезӣ, яхбандӣ, гардиши барф дар қисматҳои кӯҳистонии роҳҳо вобаста ба шароити обу ҳаво ҳушдор медиҳад.

Кумита хотиррасон мекунад, ки эҳтиёткор бошед ва ҳушёриро дар роҳҳо аз даст надиҳед, агар имконпазир бошад, аз ҳаракат дар қитъаҳои хатарноки роҳ, ҷамъоварии ҳезум ва сайругашт дар кӯҳҳо худдорӣ кунед.

Кумитаи ҳолатҳои фавқулодда ва мудофиаи гражданӣ инчунин ба ронандагон муроҷиат мекунад, ки дар сурати яхбандӣ қоидаҳои ҳаракат ва масофаи заруриро дар шароити душвори обу ҳаво риоя кунанд.

166