Похороны в Таджикистане, архивное фото

Даргузашти Қудратбек Элчибеков, ховаршинос ва тарҷумони низомӣ: 82 сол дошт

1071
(Таҷдидшуда 09:56 14.12.2020)
Қудратбек Элчибеков, ховаршинос ва тарҷумони маъруф, корманди Пажӯҳишгоҳи шарқшиносӣ ва мероси хатии Академияи улуми Тоҷикистон, дар синни 82 аз олам чашм пӯшид

ДУШАНБЕ, 14 дек – Sputnik. Яке аз наздикони Қудратбек Элчибеков ба Sputnik Тоҷикистон гуфт, марҳум вақтҳои охир аз варами ғадуди зери меъда, фишорбаландӣ ва дигар аворизи ҷисмонӣ азият мекашид.

“Дақиқ нест, ки аз “вируси корона” гузаштаанд, аммо дар гузашта чунин аз по намеафтоданд. Пас аз бистарӣ шудан зуд ба по мешуданд. Рафтани он кас барои мо талафоти бузург аст”, - гуфт ӯ.

Қудратбек Элчибеков 23 ноябри соли 1938 дар деҳаи Вери ноҳияи Шуғнони Вилояти мухтори Кӯҳистони Бадахшон таввалуд шуда, хатмкардаи Донишгоҳи давлатии Тоҷикистон ба номи В. И. Ленин бо ихтисоси филолог - шарқшинос ва курси таълими олии Кумитаи бехатарии назди Шӯрои вазирони собиқ Иттиҳоди Шӯравӣ мебошад.

Аз соли 1968 то охири умр корманди Шӯъбаи шарқшиносӣ ва осори хаттӣ, ҳоло Пажӯҳишгоҳи шарқшиносӣ ва мероси хатии Академияи улуми Тоҷикистон буд. Соли 1977 дар Пажӯҳишгоҳи шарқшиносии Иттиҳоди Шӯравӣ дар шаҳри Маскав рисолаи номзадиашро дар мавзӯъи "Силсиламаротиби рӯҳоният дар мазҳаби исмоилия" дифоъ намуда, соҳиби унвони номзади илми таърих гардид.

Дар Ҷумҳурии Исломии Эрон (1977 – 1983) ва дар сафи неруҳои Артиши Шӯравӣ дар Афғонистон (1983 – 1986) ба сифати тарҷумони низомӣ вазифа анҷом дода, бо нишони "Ситораи сурх" ва медалҳои "Барои шуҷоат" ва "Барои хизматҳои ҷангӣ" қадрдонӣ шудааст.

Аммо ин танҳо тарҷумонии Қудратбек Элчибеков набуд. Ӯ дар замони ҷанг алайҳи Толибон ва ҳам ҳукумати нави Кобул ҳайатҳоеро аз Русияву Қазоқистон ва Украина ҳамчун тарҷумон ҳамроҳӣ менамуд.

Ҳангоми суқути ҳукумати Толибон дар ноябри соли 2001 ӯ барои ҳайати рӯзноманигорони телевизиони аввали Русия дар Афғонистон тарҷумонӣ мекард.

Солҳо ба ин сӯ узви раёсати Чамъияти дустӣ ва ҳамкории фарҳангии Тоҷикистону Афғонистон буд. Ба хизматҳои илмии ӯ ширкат дар тарҷумаи феҳристи нусхаҳои хаттии Ганҷинаи дастнависҳои Пажӯҳишгоҳи шарқшиносӣ ва мероси хатии Академияи улуми Тоҷикистон, феҳристи дастнависҳои хаттие, ки аз тарафи А. Бертелс ва М. Бақоев ба номи «Каталоги алифбоии дастхатҳои ёфтшуда дар Бадахшон аз сӯи экспедитсияи 1959-1963” аз русӣ ба тоҷикӣ дохил мешаванд, ки дар Эрон нашр шудаанд.

Қудратбек Элчибеков "Шаш фасл"-и Носири Хусравро ба муносибати 1000-солагиаш дар соли 2003 ва матни комили "Кимиёи саодат"-и имом Муҳаммади Ғаззолиро дар соли 2008 дар ду ҷилд (бо ҳамкории Дӯстмуҳаммади Дӯст) ба чоп расондааст.

Олими маъруфи тоҷик 13 декабр дар оромгоҳи Сариосиёи шаҳри Душанбе ба хок супурда шуд.

1071
Барчаспҳо:
Академияи илмҳо, мутарҷим, фавт, Тоҷикистон
Мужчина с автоматом в руке, архивное фото

Ҳимояи худу фарзандон: шарҳи дастгиршуда дар Турсунзода дар бораи нигоҳдории силоҳ - видео

107
(Таҷдидшуда 20:55 27.01.2021)
Вазорати умури дохилии Тоҷикистон аз парвандаи ҷиноӣ алайҳи сокини шаҳри Турсунзода барои нигоҳдории ғайриқонунии силоҳ ва лавозимоти ҷангӣ хабар додааст

ДУШАНБЕ, 27 янв — Sputnik.  Бар асоси гузориши ВУД, маъмурини Раёсати кофтукоби ҷиноӣ дар пайи як амалиёт Маъбурҷон Таҳоров, сокини кӯчаи Айнии шаҳри Турсунзодаро дастгир кардаанд.

Дар пайи кофтукоб дар боми хонаи падари дастгиршуда, дар деҳаи Шукурови шаҳри Турсунзода як автомати Калашников бо 29 дона тир ва норинҷак пайдо карда шуд. Таҳоров дар гузориш изҳор медорад, ки ин аслиҳаро солҳои 1997 ё  1998 ба ивази 300 доллар бо ҳадафи ҳимоя харид.

Ӯ тавзеҳ дод, ки ин силоҳро он замон барои ҳимояи худу фарзандонаш гирифта буд.

Вазорати умури дохилии Тоҷикистон таъкид намуд, ки феълан алайҳи Таҳоров парвандаи ҷиноӣ оғоз шудааст. Ин ниҳод зикр намуд, афроде, ки ихтиёран ба мақомоти умури дохилӣ силоҳи оташфишон месупоранд аз ҷавобгарӣ озод мешаванд.

107
Барчаспҳо:
силоҳ, шаҳри Турсунзода, Тоҷикистон
Машина скорой помощи в Таджикистане, архивное фото

Садамаи маргбор дар роҳи "Душанбе-Кӯлоб" як куштаю се захмӣ бар ҷой гузошт

1755
(Таҷдидшуда 14:41 26.01.2021)
Вазорати умури дохилаи Тоҷикистон аз садамаи маргборе дар роҳи "Душанбе-Кӯлоб" хабар медиҳад, ки дар паи он як мусофир ҷон бохта, се тани дигар бистарӣ гардиданд

ДУШАНБЕ, 26 январ - Sputnik. Бино ба гузориши Вазорати корҳои дохилӣ, ин ҳодисаи нохуш рӯзи 24-уми январ, тахминан соати 16:30, дар ҳудуди ноҳияи Данғара ба вуқӯъ пайвастааст.

Гуфта мешавад, ронандаи худрави "Тайота-Кемри", Раҳмонзода Фирдавс, сокини 36 - солаи Душанбе, ҳангоми ҳаракат аз самти шаҳри Кӯлоб ба самти шаҳри Душанбе аз уҳдаи идораи воситаи нақлиёт набаромада, ба автомашинаи тамғаи "Опел-Астра" бархӯрдааст.

ВУД қайд мекунад, ки худрави дуюм таҳти идораи Даминов Убайдулло, сокини 31 -солаи ҷамоати деҳоти Арали ноҳияи Восеъ будааст. 

"Дар натиҷа, мусофири автомашинаи тамғаи "Тайота-Кемри", Бобоёрова Ҷамолбӣ, сокини 61 - солаи шаҳри Душанбе, дар ҷойи ҳодиса ба ҳалокат расидааст", - омадааст дар хабарнома.

Чаппа шудани мошин дар роҳи Хоруғ - Душанбе: ронанда бо ду мусофир ҷон дод

Ҳамчунин, ронандаи автомашинаи тамғаи "Опел-Астра", Даминов ва мусофирони ӯ Мирзоев Комилҷон, сокини 51 - солаи ҷамоати деҳоти Меҳнатободи ноҳияи Ҳамадонӣ ва ноболиғ Раҳмонзода Саидбилол, сокини 8 - солаи  Душанбе ҷароҳатҳои гуногуни ҷисмонӣ бардошта, дар беморхона бистарӣ карда шудаанд.

Манбаъ афзуда, ки аз рӯи ҳодисаи мазкур таҳқиқот идома дорад.

1755
Барчаспҳо:
ВУД ҶТ, Данғара, садама
Самолет на закате, архивное фото

Ҳар чи зудтар: Дастури Раҳмон барои барқарорсозии парвозҳо ва ташкили хатсайрҳои нав

86
Ҷаласаи ҳукумати Тоҷикистон оид ба натиҷаҳои рушди кишвар дар соли 2020, ки имрӯз тақрибан тамоми рӯз идома ёфт, президенти кишвар ба масоили хадамоти ҳавоӣ низ дахл кардааст

ДУШАНБЕ, 28 янв – Sputnik. Тибқи иттилои котиботи раисиҷумҳури Тоҷикистон, имрӯз дар маҷлиси  васеи Ҳукумати мамлакат Эмомалӣ Раҳмон ба масъулини хадамоти ҳавоии кишвар дастур додааст, ки ҳар чи зудтар сатҳу сифати хизматрасонӣ дар истиқболу интиқоли мусофирон, барқарорсозӣ ва ташкили хатсайрҳои навро роҳандозӣ намоянд.

“Президенти мамлакат муҳтарам Эмомалӣ Раҳмон ба Директори Агентии авиатсияи гражданӣ Субҳонзода Икром, директорони генералии Ҷамъияти саҳҳомии кушодаи “Фурудгоҳи байналмилалии Душанбе” Исматулло Абдуллозода ва Ҷамъияти саҳҳомии кушодаи “Фурудгоҳи байналмилалии Хуҷанд” Қурбони Алимардон дастур доданд, ки ҳар чи зудтар сатҳу сифати хизматрасонӣ дар истиқболу интиқоли мусофирон, барқарорсозӣ ва ташкили хатсайрҳои навро роҳандозӣ намоянд”,-афзудааст, котиботи президент.

Ёдовар мешавем, рӯзи гузашта зимни ироаи паёми солона Эмомалӣ Раҳмон гуфт, ки Тоҷикистон ба зудӣ парвозҳоро бо дигар кишварҳо барқарор мекунад.
Дар баробари ин, президент санаи дақиқи бозкушоии марзҳоро нагуфт.

Ба гуфти Эмомалӣ Раҳмон аз саргирии парвозҳо бо шарафи пирӯзии Тоҷикистон бар коронавирус даст медиҳад.

Ёдрас мешавем, ки раисиҷумҳури Тоҷикистон рӯзи 26 январ аз пирӯзии Тоҷикистон бар коронавирус эълом кард.

Раҳмон пирӯзии Тоҷикистон бар коронавирусро эълон кард

Дар баробари ин президент қайд кард, ки дар сурати бозкушоии марзҳо, карантини 14 - рӯза низ барқарор мешавад.

Ҳукумати Тоҷикистон аз тобистони соли гузашта инҷониб бо Русия, ки хатсайри маъмул ба шумор меравад, масъалаи барқарор кардани парвозҳоро баррасӣ дорад. Аммо то кунун чизе дар ин самт рушан нашудааст.

86
Барчаспҳо:
дастур, парвозҳо, Эмомалӣ Раҳмон