Заместитель премьер-министра Таджикистана Азим Иброхим, архивное фото

Вазири нақлиёт ба роҳсозон: ба сифат аҳамият диҳед, корҳоятон зери назорат аст

359
(Таҷдидшуда 19:24 16.12.2020)
Дар ҷаласаи охирини Вазорати нақлиёт татбиқи ду лоиҳаи калон оид ба рушди роҳҳои автомобилгарди Тоҷикистон баррасӣ шуд

ДУШАНБЕ, 16 дек — Sputnik. Дар ҷаласаи Шӯрои илмӣ-техникӣ, ки таҳти раёсати вазири нақлиёти Тоҷикистон Азим Иброҳим бо иштироки марказҳои татбиқи лоиҳа ва таҷдиди роҳҳо, пудратчиён ва шарикони рушд, ду лоиҳаи асосии сохтмон ва таҷдиди роҳҳои автомобилгард баррасӣ шуданд.

Аз ҷумла дар ҷаласа, марҳилаи дуюми лоиҳаи "Барқарорсозии шоҳроҳи Душанбе-Бохтар" ва лоиҳаи "Сохтмони долонҳои тарма дар шоҳроҳи Душанбе-Чанак" баррасӣ шуданд.

Азим Иброҳим ҳисоботи шахсони масъулро оид ба ҷараёни кор дар ин хатсайрҳо шунид.

Вазири нақлиёти кишвар аз мутассадиён иҷрои корҳоро талаб намуда, зикр кардааст, ки масъалаи сохтмони роҳу пулҳо ва инфрасохтори роҳҳо ҳамеша зери назорати Ҳукумати Ҷумҳурии Тоҷикистон ва Вазорати нақлиёт қарор дошта, масъулинро зарур аст ба ин кор аҳамияти ҷиддӣ диҳанд.

Бовиҷдон бошед: Азим Иброҳим роҳдоронро гуфт, маблағҳоро эҳтиёт кунанд

Ҳамзамон Вазири нақлиёт ҷараёни татбиқ ва иҷрои корҳо дар лоиҳаҳоро аз шахсони  мутасаддӣ пурсон гардида, ҷиҳати ислоҳи камбудиҳо ва таъмини иҷрои саривақтию босифати корҳои таҷдиду сохтмонӣ ба роҳбарони лоиҳаҳои инчунин ба  паймонкорон ва машваратчиён дастуру супоришҳои мушаххас дод.

359
Автомобильная дорога, ведущая к городу Душанбе

Чаппа шудани мошин дар роҳи Хоруғ - Душанбе: ронанда бо ду мусофир ҷон дод

9522
(Таҷдидшуда 16:03 23.01.2021)
Ронандаи 46 - сола аз шаҳри Хоруғ бо 5 мусофир дар самти Душанбе ҳаракат мекард, ки дар нимароҳ ба садамаи мудҳиш рӯбарӯ шуд

ДУШАНБЕ, 23 янв — Sputnik. Кумитаи ҳолатҳои фавқулода аз рух додани садамаи мудҳиши нақлиётӣ дар километри 277 - уми роҳи мошингарди Кӯлоб - Хоруғ хабар медиҳад.

Ба иттилои манбаъ, ҳодисаи нохуш рӯзи 22 январ рух додааст.

"Ронандаи 46 - солаи автомашинаи "Landcruser", аз шаҳри Хоруғ бо панҷ мусофир самти пойтахт ҳаракат мекард, ки дар нимароҳ ба садама дучор шудааст", - таъкид мешавад дар хабар.

Манбаъ меафзояд, аз сабаби барфрезӣ ва шамоли сахт ронанда аз ӯҳдаи идораи автомашина набаромада, ба ҷарии 40 метр сарозер шуд.

Дар натиҷа худи ронанда бо ду мусофири дигар дар ҷойи ҳодиса ҷон бохтанд.

Тӯйхона мотамхона шуд: мошини домод замони барои арӯс рафтан дучори садама шуд

Гуфта мешавад, мусофирони дигарро бо ҷароҳатҳои гуногун ба бемористони шаҳри Кӯлоби вилояти Хатлон интиқол доданд. Маълумоти бештар дар мавриди фавтидагону ҷароҳатбардоштагон рӯйи даст нест.

Кумитаи ҳолатҳои фақулода ҳамчунин гуфт, рӯзи гузашта аз сабаби боришоти зиёди барф роҳи Шуғнон - Ишкошими ВМКБ муваққатан масдуд буд.

9522
Барчаспҳо:
садама, Хоруғ, Душанбе, роҳ, мошин
Вооруженные сторонники движения ИГИЛ, архивное фото

ДОИШ масъулияти ду ҳамлаи мудҳиши Бағдодро бар ӯҳда гирифт

169
(Таҷдидшуда 12:44 23.01.2021)
Ду маргталабе, ки худро назди бозоре дар Бағдод мунфаҷир намуданд, 32 нафарро куштанду 110 каси дигарро захмӣ намуданд

ДУШАНБЕ, 23 янв — Sputnik. Ахиран гурӯҳи террористии ДОИШ ба таври расмӣ масъулияти ду инфиҷори интиҳорӣ дар Бағдодро бар ӯҳда гирифт, хабар медиҳад сомонаи "Аъмоқ", ки вобаста ба ин гурӯҳ аст.

Манбаъ меафзояд, рӯзи панҷшанбе дар Бағдод яке аз аносири ин гурӯҳ ба номи Абуюсуф ал-Ансорӣ камарбанди инфиҷории худро дар майдони Ал-Тайрони Бағдод мунфаҷир кард ва камарбанди дуввумро низ Муҳаммадориф ал-Муҳоҷир, узви дигари ин гурӯҳи террористӣ ба ҳамин равиш мунфаҷир кардааст.

Ба гуфтаи масъулони ироқӣ ин ду инфиҷор, ки дар бозори пуриздиҳоми майдони Ал-Тайрони Бағдод ба вуқуъ пайваст, 32 куштаву 110 захмӣ барҷой гузоштааст.

Пайёми Оиша аз Бағдод: падару модарамро гум кардам

Ба дунболи ин ду инфиҷори террористӣ, Мустафо Ал-Козимӣ, нахуствазири Ироқ дастури оғози таҳқиқоти фавриро барои равшан шудани иллати он ва пайгарди мағзҳои террористӣ, ки убури террористҳо ва фаъолияти онҳоро осон карданд, содир кард.

Ин ду инфиҷор бо маҳкумияти шадиди кишварҳову созмонҳои мухталиф, аз ҷумла Ҷумҳурии исломии Эрон рӯ ба рӯ шуд.

169
Барчаспҳо:
ҳамла, масъулият, ДОИШ, Бағдод
 Дастин Пуарье, архивное фото

Ирода ва тактика: Поре Макгрегорро шикаст дод

228
(Таҷдидшуда 11:02 24.01.2021)
Муборизаи ҷолибу диданӣ "Ҷазираи муҳорибаҳо" воқеъ дар наздикии Абу-Даби ғолибро муайян кард, ки вай тамоми имкони ба даст овардани камарбанди қаҳрамониро дорад

ДУШАНБЕ, 24 январ - Sputnik. Набарди ҷавобӣ байни Конор Макгрегор ва Дастин Пуаре барои аксарият ғайричашмдошт хотима ёфт - Поре ғолиб омад.

Рақобат дар даври дуюм хотима ёфт.

Нахуст варзишкори амрикои забаҳо хӯрд ва ҳама бовар доштанд, ки Конор пирӯз мешавад.

Аммо дар даври дуввум Поре бо задани зарбаҳои ҳадафрас Конорро нокаут кард ва ӯ рӯйи майдон уфтод.

Ёдовар мешавем, ки Макгрегор ва Дастин Поре 27-уми сентябри соли 2014 аввалин рақобати худро доир карданд, ки дар натиҷа варзишкори ирландӣ дар даври аввал бо нокаут пирӯз шуд.

Ҳардуи онҳоро қаҳрамони вазни сабук Хабиб Нурмагомедов шикаст додааст.

Ҳабиб ҷараёни рақобатро аз аввал пайгирӣ мекард. Новобаста аз он ки ӯ метавонад ба ягон рақиб таваҷҷӯҳ зоҳир кунад ва ё карераашро ба анҷом расонад, мо инро ба зудӣ хоҳем донист.

228
Барчаспҳо:
зӯрозмоии размикорон, Макгрегор, қаҳрамони UFC