Здание Всемирного банка, архивное фото

Ҳушдори Бонки Ҷаҳонӣ аз афзоиши эҳтимолии ифротгароӣ дар Тоҷикистон

329
(Таҷдидшуда 12:38 17.12.2020)
Бино ба иттилои Бонки Умумиҷаҳонӣ, бинобар баста шудани марзҳо ҳангоми пандемия, ҳазорҳо муҳоҷирон аз Тоҷикистон наметавонистанд барои кор ба Русия раванд ва ин метавонад боиси хушунат ва ифротгароӣ дар замони пандемия гардад

ДУШАНБЕ, 17 ноя – Sputnik. Тоҷикистон метавонад ба афзоиши шаклҳои зӯроварии экстремизм ва табъизи гендерӣ дучор шавад, омадааст дар гузориши Бонки Ҷаҳонӣ, "Тоҷикистон: Мубориза бо ифротгароӣ дар авҷи пандемияи COVID-19".

Дар ин санад қайд мешавад, ки бинобар баста шудани марзҳо ҳангоми пандемияи коронавирус, ҳазорон муҳоҷирон аз Тоҷикистон натавонистанд барои кор ба Русия раванд.

Чунин вазъ метавонад рӯҳафтодагиро дар байни аҳолӣ шадидтар кунад ва дар натиҷа боиси афзоиши ифротгароӣ гардад, мегӯяд Бонки Ҷаҳонӣ.

Ҳамчун як чораи пешгирикунанда, таҳлилгарон пешниҳод мекунанд, ки дар Тоҷикистон як барномаи пешгирӣ барои ҷавононе, ки ҳанӯз ифротгаро нестанд, аммо дар шустушӯи мағз осебпазиранд, таҳия шавад.

Барнома аз маҷмӯи лоиҳаҳои махсуси омӯзишӣ, кӯмаки равонӣ ва иҷтимоӣ, имкониятҳои тиҷорӣ ва фаъолияти соҳибкорӣ иборат хоҳад буд.

Ғайр аз он, Бонки Ҷаҳонӣ ба аҳамияти ҷорӣ кардани як барнома барои онҳое, ки экстремист шудаанд ва барои ҷалбу тағйир додани ақида ва идеологияи онҳо нигаронида шуда бошад, таъкид кардааст.

Раҳмон: мо бо нигаронӣ вазъи Афғонистонро пайгирӣ мекунем - навор

Таҳлилгарон инчунин пешниҳод мекунанд, ки барномаи таҳкими ҳамкорӣ ва эътимод байни мақомоти Тоҷикистон, пулис ва ҷомеа роҳандозӣ карда шавад.

329
Барчаспҳо:
Тоҷикистон
Наручники висят на дверной ручки, архивное фото

Боздошти ду мард: дилхоҳ ҳуҷҷатҳои ронандагиро қалбакӣ тайёр мекарданд

101
Вазорати умури дохилааи Тоҷикистон мегӯяд, даст доштани онҳо дар ҳафт ҳолат тасдиқ шуд ва акнун нисбаташон парвандаи ҷиноятӣ оғоз гардидааст

ДУШАНБЕ, 21 янв— Sputnik. Тоҷибоев Ибодуллои 60 - сола ва Неъматуллоев Зарифҷони 45 - соларо кормандони милитсия дастгир намуданд.

Вазорати умури дохилаи Тоҷикистон мегӯяд, ҳар ду боздоштшуда сокинони вилояти Хатлон буда, дар сохтакории ҳуҷҷатҳо муттаҳам дониста мешаванд.

Ба номи варзишгарон, аммо ба киссаи худ: боздошти мақомдорони Конибодом

Манбаъ меафзояд, номбурдагон бо истифода аз дастгоҳи чопкунии ранга, сканер ва техникаи компютерӣ ба сохтакорӣ ҳуҷҷатҳои ронандагӣ машғул будаанд.

"Аз ҷумла полиси суғуртаи ҳатмӣ, маълумотномаи муоинаи тиббӣ, санади аз ташхис гузаштани воситаи нақлиёт аз системаи газӣ, кортҳои ташхиси диагностикӣ, расидҳои бонки БДА "Амонатбонк" оиди пардохти андози воситаи нақлиёт ва дигар ҳуҷҷатҳоро сохтакорӣ намуда, ба ронандаҳо ба маблағи муайян пешниҳод мекарданд", - таъкид мешавад дар хабар.

Бозори "Теплий стан" дар Маскав баста шуд: ФСБ муҳоҷирони ғайриқонуниро меҷӯяд

ВУД Тоҷикистон тавзеҳ медиҳад, ки даст доштани онҳо дар 7 ҳолат ошкор шудааст. 

Феълан, нисбат ба номбурдагон бо моддаи 340 Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, тафтишоти пешакӣ идома дорад.

101
Барчаспҳо:
ҳуҷҷат, сохтакорӣ, боздошт
Дым поднимается от здания, после взрыва в центре Мадрида

Таркиши мудҳиш дар маркази Мадрид-навори шоҳидон

340
(Таҷдидшуда 20:58 20.01.2021)
Таркиши мудҳише маркази шаҳри Мадридро такон дод ва як кӯчаро тақрибан хароб намуд. Сабаби таркиш мавриди таҳқиқ қарор дорад

ДУШАНБЕ, 20 янв — Sputnik. Бар асоси иттилои расида, таркиш дар бинои навбунёде дар кӯчаи Толедо рух додааст ва дар натиҷа биноро тақрибан тахриб намуд.

Сабабҳои таркиш феълан маълум нест. Дар ҷои ҳодиса айни ҳол мақомот кор карда истодаанд. Яке аз сабабҳои эҳтимолӣ хориҷ шудани газ арзёбӣ мешавад.

Бархе манобеи дигар мегӯянд, таркиш дар меҳмонхона рух додааст, бархеи дигар изҳор медоранд, ки дар хонаи пиронсолон.

Дар ин таркиш, ки баъди зуҳри имрӯз рух додааст, чанд нафар ҳалок шуда, бархеи дигар маҷруҳ гардидаанд. Аммо дақиқан теъдоди қурбониён то ҳол ироа нашудааст.

340

Ҳукумати Қирғизистон боз истеъфо дод

0
(Таҷдидшуда 13:49 21.01.2021)
Тасмими истеъфои кабинаи вазирони Қирғизистон баъд аз эълони натиҷаҳои интихобот сурат гирифтааст

ДУШАНБЕ, 21 янв — Sputnik. Ҳукумати Қирғизистон бо роҳбарии Содир Ҷабборов дубора ба истеъфо рафт, иттилоъ додааст ба хабарнигорон роҳбари дастгоҳи президент Суюнбек Касмамбетов.

Ин тасмимро кабинаи вазирони Қирғизистон дар робита ба эълони натиҷаҳои интихоботи президентӣ гирифтааст.

"Ҳамин ки натиҷаҳои интихобот эълом шуданд, Содир Нургожоевич аз мақоми сарвазир истеъфо дод. Ҳукумат истеъфо дод ва аъзои кабинаи вазирон вазифаҳои худро то ташкили ҳайати нави ҳукумат иҷро хоҳанд кард", - таъкид дошт Касмамбетов.

Ёдрас мешавем, ки Ҷабборов дар ҷараёни тазоҳуротҳо, ки пас аз интихоботи парлумонии моҳи октябр сар зада буд, нахуствазир интихоб шуд.

Дар интихобот ҳузури райдиҳандагон ба 56,5 дарсад расида буд.

Тибқи маълумоти Комиссияи марказии интихоботии Қирғизистон, дар интихобот ду ҳизби ҷонибдори давлат "Биримдик" ("Ваҳдат") ва "Мекеним Қирғизистон" ("Ватани Қирғизистон") раъйи бештарро ба даст оварданд. Инчунин дар интихобот ду ҳизби марказгаро - "Қирғизистон" ва "Бутун Қирғизистон" низ пирӯз шуданд. Қисми боқимондаи фраксияҳо ҳатто то 7 дарсад раъй ба даст наоварданд.

Пас аз эълони натиҷаҳо, дар Бишкек эътирозҳои тарафдорони ҳизбҳое, ки ба парлумон роҳ наёфтанд, оғоз ёфт. Баъдтар, КМИ Қирғизистон натиҷаҳои интихоботи гузаштаро бекор кард ва овоздиҳии нав эълон кард ва Сооронбай Жээнбеков аз вазифаи президентӣ истеъфо дод.

Баъд аз истеъфои Жээнбеков Ҷабборов иҷрокунандаи вазифаи раисҷумҳур интихоб шуд.

0
Барчаспҳо:
Кабинаи вазирони Қирғизистон, интихобот, истеъфо, Ҳукумат, Қирғизистон