Знак такси на автомобиле, архивное фото

Расонаҳо: таксӣ таҳти идораи шаҳрванди Тоҷикистон се нафарро дар истгоҳ зер кард

313
(Таҷдидшуда 14:00 20.12.2020)
Дар Тюмен мошини таксие, таҳти идораи шаҳрванди Тоҷикистон ба самти истгоҳ ҳаракат карда, одамонро зер кардааст. Дар натиҷа се нафар, аз ҷумла як духтари ноболиғ ҷароҳат бардоштанд

ДУШАНБЕ, 20 дек - Sputnik. Дар Тюмен, дар натиҷаи садама, се нафар маҷрӯҳ шуданд, хабар медиҳад РИА Новости бо истинод ба хадамоти матбуоти Бозрасии давлатии автомобилӣ дар вилояти Тюмен.

Ба иттилои манбаъ, таксӣ ба сӯи истгоҳи нақлиёти ҷамъиятӣ  дар хиёбони Московский ҳаракат кардаст, ки дар натиҷа се нафар ҷароҳат бардоштанд, аз ҷумла ду нафар ҷабрдида ба муассисаи тиббӣ фиристода шуданд.

Ронандаи таксӣ, шаҳрванди 29-солаи Тоҷикистон будааст.

"Як духтари чордаҳсола ва як марди 36-сола барои кӯмак ба бемористон интиқол дода шуданд. Шояд ҷароҳати пои онҳо ҷиддӣ набошад. Марди дигар,  соли таваллудаш 1969  дар ҷои ҳодиса кумаки тиббӣ гирифтааст", - гуфтанд намояндагони пулиси роҳ.

Намояндагони Бозрасии давлатии автомобилӣ аллакай сабабҳои пешакии ин садамаро эълон карданд.

Маъмурини роҳ мегӯянд, ронанда қоидаҳои тағйири хатти ҳаракатро вайрон кардааст. Зани мусофире, ки он замон дар дохили мошин будаст, изҳор доштааст, ки ронандаи мусофирбар қоидаҳои ҳаракатро вайрон кард.

Инчунин маълум шудааст, ки ин ронанда қаблан низ барои нақзи қоидаҳои ҳаракат дар роҳ ба ҷавобгарӣ кашида шудааст.

Омори қаблан нашршуда дар бораи садамаҳои нақлиётӣ бо иштироки мусофирбарҳо нишон медиҳад, ки қисми зиёди ин садамаҳо бо иштироки муҳоҷирон аз кишварҳои ИДМ сурат мегиранд.

313
Мужчина совершает молитву на кладбище

Ду рӯз пеш аз зодрӯз: ҳунарманди шинохта Раҳмондӯсти Қурбониён ҳам даргузашт

286
(Таҷдидшуда 14:39 06.03.2021)
Раҳмондӯсти Қурбониён, Ҳунарпешаи халқии Тоҷикистон бештар дар филмҳои мазҳакавӣ нақш офарида буд

ДУШАНБЕ, 6 март - Sputnik. Ҳунарманди театр ва синамои тоҷик, Раҳмондӯсти Қурбониён бар асари маризе имрӯз ҷаҳони фониро абадан падруд гуфт. Марги ин ҳунарманди номиро талафоти бузург дар соҳаи синамо ва театр арзёбӣ мекунанд.

Қурбониён 77 сол дошт ва то ҷашни солрӯзаш ҳамагӣ ду рӯзи дигар боқӣ монда буд. Марҳум Ҳунарманди мардумии Тоҷикистон ва Ходиси шоистаи ҳунари ҷумҳурӣ буд ва бисёртар дар филмҳои мазҳакавӣ нақш меофарид. Ӯ бисёртар дар филмҳои мазҳавӣ нақш меофарид.

Дар робита ба даргузашти ин ҳунарманди босалиқа, аҳли Раёсати фарҳанги шаҳри Душанбе ба наздикону пайвандони ва ҳамчунин ба мухлисони марҳум изҳори ҳамдардӣ намудаанд.

Дар таъзияномае, ки раёсати мазкур дар сафҳаи Фейбсук нашр намудааст, аз ҳунарманди марҳум ҳамчун, ҳаҷвнигори хушзавқ, инсони хубу дидадаро ёдоварӣ шудааст.

Зимнан, дар сафҳаи иҷтимоии Фейсбук даҳҳо нафар аз даргузашти Қурбониён изҳори таассуф намуда, дар ҳаққи марҳум дуо намудаанд.

Аз ҷумла Аҳрорзода Адабшоҳ Ҷума дар сафҳаи худ чанд аксе аз лаҳзаи филмбардорӣ бо иштироки ҳунарманди марҳум нашр намудааст.

Ҳамчунин, аҳли эҷоди Театри Хоҷа Камоли Хуҷандӣ аз марги Раҳмондӯсти Қурбониён изҳори таасуф намуда ба пайвандони ӯ ҳамдардӣ баён намудаанд.

Ёдовар мешавем, ки рӯзи 1 март, Фотима Ғуломова, ҳунарпешаи номдори театру синамо, модари коргардони машҳур Барзу Абдураззоқов ва ҳамсари Ҳабибулло Абдураззоқов, ҳунарманди номии театру синамо пас аз бештар аз як моҳи марги шавҳараш даргузашт.

286
ДТП, архивное фото

Бархӯрди маргбори "Хафей" ва "Опел-Астра" дар шаҳри Кӯлоб

245
(Таҷдидшуда 12:03 06.03.2021)
Вазорати корҳои дохилаи Тоҷикистон аз бархӯрди ду худрав хабар медиҳад, ки дар паи он як ронанда ҷон бохт

ДУШАНБЕ, 6 мар – Sputnik. Тибқи иттилои Вазорати умури дохилаи Тоҷикистон ҳодисаи нохуш рӯзи 5-уми март, тахминан соати 11 ба вақти маҳҳалӣ, рух додааст.

Ин ниҳод мегӯяд, ронандаи худрави "Хафей", Саидов Азизулло Умарович, сокини 62 - солаи ҷамоати деҳоти Зиракии шаҳри Кӯлоб, ҳангоми ҳаракат дар роҳи маҳаллаи Нонбойи поёни шаҳри мазкур дар сероҳа ба автомашинаи тамғаи "Опел-Астра", бархӯрдааст.

Садамаи маргбор: ҳалокати пирамарди 76-сола зери чархи мошини Камолиддин

Худрави охирон таҳти идораи ронанда, Розиқов Давлатмурод Исроилович, сокини 28 -солаи шаҳри Кӯлоб, ки дар аз самти бозори марказии шаҳри Кӯлоб ба самти даромадгоҳи ҳамин шаҳр ҳаракат мекард.

"Дар натиҷа, автомашинаи тамғаи “Хафей” чаппа шуда, ронандаи автомашинаи мазкур Саидов А.У. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст", - омадааст дар хабарнома.

Манбаъ афзуда, ки аз рӯи ҳодисаи мазкур таҳқиқот идома дорад.

245
Барчаспҳо:
маргбор, садама, ҳалокат, ронанда, ш. Кӯлоб
Фирдавс Шарифзода, шаҳрдори навтаъйини шаҳри Хуҷанд

Фирдавс Шарифзода ба аёдати Бибифайзӣ Қодироваи 95-сола рафт

0
(Таҷдидшуда 15:20 06.03.2021)
Дар доираи таҷлили Рӯзи Модар дар шаҳри Хуҷанд чанд бонуи собиқадори арсаи сиёсат, маориф, саноат ва иҷтимоиёт аз ҷониби масъулини ҳукумати шаҳр аёдат карда шудан

ДУШАНБЕ, 6 мар – Sputnik. Иҷрокунандаи вазифаи раиси шаҳри Хуҷанд Фирдавс Шарифзода ва муовини раиси вилоят Анвар Яъқубӣ ба манзили чанд нафар собиқадорони арсаи меҳнат рафтанд, хабар медиҳад мақомоти шаҳри Хуҷанд.

Мақомдорон аз ҷумла заҳматкаши ақибгоҳи солҳои ҶБВ, дорандаи Медали ҷашнӣ ба муносибати Иди Ғалаба Бибифайзӣ Қодироваи 95-соларо аёдат карданд.

Ахмадзода посетил бедных семей в Исфаре
Исполнительный орган государственной власти Согдийской области

Ҳамчунин сиёсатмадорон собиқадори меҳнат, ки тӯли 20 сол раиси Шӯрои занони маҳаллаи Сайҳун буд, Қутфинисо Раҳмоноваи 90-сола,  собиқадори меҳнат, заҳматкаши ақибгоҳи ҶБВ, дорандаи медалҳои ҷашнӣ Манзура Бобоҷоноваи 80-сола,  собиқадори меҳнат, дорандаи медалҳои ҷашнӣ Муҳаррам Азимоваи 77-сола  ва чанд нафари дигар рафта, онҳоро аёдат намуду, бо иди  модарон табрик намуданд.

Дар навбати худ аёдатшудагон аз таваҷҷуҳу ғамхории роҳбарияти давлату ҳукумат ёдовар гашта, миннатдории худро баён намуданд.

Модарон шукронаи нозу неъмат ва амну осиштагии мамлакат намуда, баҳри оромиву осоиштагии ҷумҳурӣ ва шукуфоиву пешравии он даст ба дуо бардоштанд.

Ёдрас мешавем, ки раиси вилояти Хатлон аз номи кишвардори Тоҷикистон сокини Бохтарро ба муносибати Рӯзи модарон табрик намуду ба ӯ калиди хона тақдим кард.

0
Барчаспҳо:
Рӯзи модарон, аёдати собиқадор, Хуҷанд