Задержан нарушитель закона, архивное фото

Дар Қазоқистон генералеро барои 500 доллар пора панҷ сол зиндон карданд

185
(Таҷдидшуда 15:26 20.12.2020)
Тафтишот муайян кард, ки моҳи майи соли гузашта маҳкумшуда ба маблағи 200 ҳазор танга ришва гирифтааст. Ҳукмро додгоҳи низомӣ баровардааст

ДУШАНБЕ, 20 дек - Sputnik. Сардори собиқи раёсати кадрҳо ва таълими ҳарбии Вазорати дифоъ барои ришваситонӣ ба 5 соли зиндон маҳкум шуд, менависад Sputnik Қазоқистон бо истинод ба Хадамоти мубориза бо фасод.

"Муқаррар карда шуд, ки маҳкумшуда моҳи майи соли 2019 барои таъин шудан ба вазифаи афсарӣ дар Донишкадаи ҳарбии нерӯҳои дифоъи зиддиҳавоии Бигелдинов дар Актобе ба маблағи 200 ҳазор танга (беш аз 520 доллар бо қурби онвақта) пора гирифтааст", - гуфтанд дар шӯъба.

Бо ҳукми суди ҳарбии гарнизони Акмола генерал-майор ба муддати панҷ сол аз озодӣ маҳрум карда шуда, аз ҳуқуқи ишғоли мансабҳои хидмати давлатӣ маҳрум  шудааст.

Ғайр аз ин, суд ба Президенти Қазоқистон дар бораи маҳрум кардан аз рутбаи низомии маҳкумшуда “генерал-майор” ва ордени “Ормет” дархост пешниҳод мекунад.

Асп ҳамчун пора: Ҳакимов оид ба мушкилоти коррупсия дар Тоҷикистон гуфт

Тибқи иттилои дигар расонаҳо, номи генерал-майори маҳкумшуда Кайрат Копбоев будааст.

185
Барчаспҳо:
зиндон, пора, генерал-майор, Қазоқистон
Вскрытие двери, архивное фото

Наҷоти се кӯдак дар Душанбе аз паси дари баста

161
Кумитаи ҳолатҳои фавқулода аз наҷот додани се кӯдак, ки дар паси дари баста монда буданд, хабар медиҳад

ДУШАНБЕ, 5 мар— Sputnik. Тибқи иттилои Кумитаи ҳолатҳои фавқулода ин ҳодиса субҳи, 5-март рух додааст.

Аз ин ҳодиса сокини кӯчаи Навбаҳори ноҳияи Синои пойтахт ба қисми навбатдории Раёсати Кумитаи ҳолатҳои фавқулода хабар додааст.

Cпасательная группа помогает жителю Душанбе открыть дверь
Cпасательная группа помогает жителю Душанбе открыть дверь

Тибқи иттилои КҲФ, дари манзили истиқоматиаш  аз дарун маҳкам шудаву се тифли ноболиғаш дар хона мондаанд.

Шуғнон: Сарбозон духтари 20-соларо, ки худро ба дарёи Панҷ андохт, наҷот доданд

Баъди дарёфти хабар, Дастаи махсуси зудамали наҷоти Раёсат ба ҷои ҳодиса расид ва дари шаҳрвандро бо истифода аз воситаҳои техникӣ боз кард.

"Кӯдакони дар хонамонда беосебу саломат ба модарашон супурда шуданд", - омадааст дар хабарнома.

Ёдрас мешавем, ки чанде пеш низ дар Душанбе ҳодисаи ба ҳамин монанд рух дода буд. Он замон, ду ноболиғ дар манзили сокини пойтахт дар паси дари баста монда буданд ва низ аз ҷониби наҷотдиҳандагони КҲФ наҷот ёфтанд.

161
Барчаспҳо:
кӯдак, наҷотдиҳӣ, КҲФ ҶТ, Душанбе
Доллары в руках

Мард қарз доду чанде пас фавтид: қазияи бозпас гирифтани 200 ҳазор доллар то пулис рафт

949
(Таҷдидшуда 15:47 05.03.2021)
Сокини 59 - солаи пойтахт соли 2011 ба як мард 200 ҳазор доллар дода, пас аз чанд сол бар асари маризӣ фавтидаст. Ҳоло қазияи баргардондани ин миқдор маблағ ба фарзанди ӯро кормандони пулис зери назорати худ гирифтанд

ДУШАНБЕ, 5 мар— Sputnik. Кормандони милитсия марди 56 - сола, сокини шаҳри Душанберо боздошт намуданд, ки дар содир намудани кирдори қаллобӣ муттаҳам дониста мешавад.

Ба иттилои котиботи Вазорати умури дохилӣ, боздоштшуда ҳанӯз соли 2011 ба боварии сокини 59 - солаи пойтахт даромада, аз ӯ 200 ҳазор доллари амрикоӣ қарз гирифтааст.

Гуфта мешавад, қарздиҳанда бинобар бемор будан, соли 2013 фавтидааст.

Боздоштшуда бо гузашти 10 сол, маблағи гирифтаро бозпас надодааст, ки аз ин кор фаранди ӯ зарари махсусан калон дидааст.

Дар асоси шикояти писари марди марҳум, қарзгиранда боздошт шуд ва феълан кормандони пулис дар ин самт тафтишот мегузаронанд.

Фиреби тоҷик аз ҷониби ҳамватан дар Маскав: 20 мошинашро гирифтаст

ВУД Тоҷикистон мегӯяд, боздоштшуда қаблан низ бо моддаи 156 Кодекси ҷиноятии Ҷумҳурии Тоҷикистон суд шудааст.

Чанде пеш, ВУД Тоҷикистон аз қаллобии марди 49 - сола хабар дод, ки ба сокинони ноҳияи Вахш ба маблағи 20000 сомонӣ зарар расонидааст.

949
Барчаспҳо:
қаллобӣ, Душанбе
Футбольный клуб Худжанд

Футболбозони клуби “Хуҷанд” ба Туркия мераванд: мақсад чист?

0
(Таҷдидшуда 20:34 05.03.2021)
Футболбозони клуби “Хуҷанд” ба Туркия сафар карда 10 рӯз он ҷо мемонанд. Пеша аз сафар раиси вилояти Суғд бо онҳо мулоқот кард

ДУШАНБЕ, 5 март - Sputnik. Раиси вилояти Суғд Раҷаббой Аҳмадзода бо футболбозони клуби "Хуҷанд" дидору мулоқот кард.

Бино ба гузориши мақомоти вилояти Суғд, раиси вилоят аснои мулоқот бо ҳайати даста гуфтааст, ки роҳбарияти вилоят дар партави дастурҳои Эмомалӣ Раҳмон ба рушди намудҳои варзиш, аз ҷумла футбол таваҷҷуҳи зарурӣ зоҳир намуда, клубҳои футболро мунтазам дастгирӣ менамояд.

Дар ин росто бозингарони дастаи "Хуҷанд"  бо мақсади баланд бардоштани маҳорату малака ва омодагӣ ба мавсими нави футбол, инчунин омӯзиши техникаҳои нави бозии футбол ба Ҷумҳурии Туркия сафарбар карда мешаванд.

"Бозингарони "Хуҷанд" давоми 10 рӯз дар Туркия се бозии рафиқона анҷом дода, барои иштирок дар чемпионатҳо омодагӣ мебинанд", - омадааст дар хабарнома.

Таъкид гардида, ки минбаъд дастаҳои футболи "Эсхата" ва "Истаравшан" низ барои такмили маҳорат ва мубодилаи таҷриба ба кишварҳои дуру наздик фиристода мешаванд.

Раиси вилоят дар поёни мулоқот ба шахсони масъул ҷиҳати беҳтар намудани шароити бозингарон, омодагии ҳамаҷонибаи дастаҳои футбол дар лигаи олӣ, рушди варзиш дар шаҳру навоҳӣ супоришҳои мушаххас додааст.

0
Барчаспҳо:
Раҷаббой Аҳмадзода, Туркия, Хуҷанд, Футбол