Арест, архивное фото

Вазорат мардеро боздошт кард, ки додарашро чанд корд зад

415
(Таҷдидшуда 13:49 22.12.2020)
Вазорати умури дохилии Тоҷикистон аз боздошти як мард хабар медиҳад, ки дар ҳолати мастӣ додарашро корд задааст

ДУШАНБЕ, 22 дек - Sputnik. Тибқи иттилои дафтари матбуотии ин ниҳод, бо ин иттиҳом маъмурини пулис сокини 38-солаи ҷамоати деҳоти Г. Юсуфови ноҳияи Ёвон ҳамчун гумонбар дар содир намудани ҷинояти сӯиқасд ба одамкушӣ дастгир карда шуд.

Ба иттилои манбаъ, номбурда, санаи 20-уми декабри соли 2020, тахминан соатҳои 18:30-дақиқа, дар назди хонаашон, дар ҳолати мастӣ бо додараш марди 30-солаи сокини ҷамоати мазкур муноқиша намуда, бо мақсади аз ҳаёт маҳрум сохтани додараш бо корд якчанд маротиба ба узвҳои баданаш задааст.

Гуфта мешавад, дар натиҷа, ҷабрдида ҷароҳати ҷисмонӣ бардошта, дар беморхона бистарӣ гардидааст.

Вазорат мегӯяд, аз рӯи ин ҳодиса тафтишот идома дорад.

Боздошти марде, ки ба гардани бародараш корд зад

Ин нахустин ҳолати кордзанӣ аз суи бародар ба бародар набуда, қаблан ин ниҳод аз ҳолатҳои дигар ва ҳатто қатл низ хабар дода буд.

415
Барчаспҳо:
кордзанӣ, мард, боздошт, ВКД
Машина скорой помощи в Таджикистане, архивное фото

Садамаи маргбор дар роҳи "Душанбе-Кӯлоб" як куштаю се захмӣ бар ҷой гузошт

314
(Таҷдидшуда 14:41 26.01.2021)
Вазорати умури дохилаи Тоҷикистон аз садамаи маргборе дар роҳи "Душанбе-Кӯлоб" хабар медиҳад, ки дар паи он як мусофир ҷон бохта, се тани дигар бистарӣ гардиданд

ДУШАНБЕ, 26 январ - Sputnik. Бино ба гузориши Вазорати корҳои дохилӣ, ин ҳодисаи нохуш рӯзи 24-уми январ, тахминан соати 16:30, дар ҳудуди ноҳияи Данғара ба вуқӯъ пайвастааст.

Гуфта мешавад, ронандаи худрави "Тайота-Кемри", Раҳмонзода Фирдавс, сокини 36 - солаи Душанбе, ҳангоми ҳаракат аз самти шаҳри Кӯлоб ба самти шаҳри Душанбе аз уҳдаи идораи воситаи нақлиёт набаромада, ба автомашинаи тамғаи "Опел-Астра" бархӯрдааст.

ВУД қайд мекунад, ки худрави дуюм таҳти идораи Даминов Убайдулло, сокини 31 -солаи ҷамоати деҳоти Арали ноҳияи Восеъ будааст. 

"Дар натиҷа, мусофири автомашинаи тамғаи "Тайота-Кемри", Бобоёрова Ҷамолбӣ, сокини 61 - солаи шаҳри Душанбе, дар ҷойи ҳодиса ба ҳалокат расидааст", - омадааст дар хабарнома.

Чаппа шудани мошин дар роҳи Хоруғ - Душанбе: ронанда бо ду мусофир ҷон дод

Ҳамчунин, ронандаи автомашинаи тамғаи "Опел-Астра", Даминов ва мусофирони ӯ Мирзоев Комилҷон, сокини 51 - солаи ҷамоати деҳоти Меҳнатободи ноҳияи Ҳамадонӣ ва ноболиғ Раҳмонзода Саидбилол, сокини 8 - солаи  Душанбе ҷароҳатҳои гуногуни ҷисмонӣ бардошта, дар беморхона бистарӣ карда шудаанд.

Манбаъ афзуда, ки аз рӯи ҳодисаи мазкур таҳқиқот идома дорад.

314
Барчаспҳо:
ВУД ҶТ, Данғара, садама
Скорая помощь в Душанбе

Таркиши чойхона дар хиёбони Рӯдакӣ: 12 нафар ба бемористон интиқол ёфт

3665
(Таҷдидшуда 16:53 25.01.2021)
Вазорати умури дохилаи Тоҷикистон аз таркиши мудҳиш дар чойхонаи "Самарқанд" воқеъ дар шаҳри Панҷакент хабар медиҳад

ДУШАНБЕ, 25 янв— Sputnik. Дар чойхонаи "Самарқанд"- и шаҳри Панҷакент таркиш рух додааст, хабар медиҳад Вазорати умури дохилаи Тоҷикистон.

Ба иттилои манбаъ, ҳодисаи мазкур рӯзи 25 январ, тахминан соати 12:20 дақиқа сар задааст.

Таркиш дар НФС дар ноҳияи Ёвон 8 захмӣ бар ҷой гузошт- навор аз ҷои ҳодиса

Гуфта мешавад, чойхонаи мазкур дар хиёбони Рӯдакӣ - 157 воқеъ буда, Тиллоев Ёлқини 42 - сола онро ба иҷора гирифта будааст.

Манбаъ меафзояд, бар асари риоя нагардидани қоидаҳои бехатарӣ дар чойхона балони газ таркидаст, ки дар натиҷа чандин нафар ҷароҳатҳои гуногуни ҷисмонӣ бардоштанд.

ВУД Тоҷикистон мегӯяд, феълан 12 нафар бар асари рух додани ин ҳодисаи нохуш ба бемористон интиқол ёфтанд.

Ҳоло мақомоти дахлдор аз рӯи ҳодисаи баамаломада тафтишот мебарад.

3665
Барчаспҳо:
чойхона, таркиш, Панҷакент

Русия масоили Қарабоғи Кӯҳиро бо Эрон ҳал мекунад - видео

0
(Таҷдидшуда 19:43 26.01.2021)
Вазирони хориҷаи Русия ва Эрон, Сергей Лавров ва Ҷавод Зариф дар масъъалаи Қарабоғи кӯҳӣ ба мувофиқа расиданд

Вазири корҳои хориҷаи Русия Сергей Лавров бо ҳамтои эронии худ Муҳаммад Ҷавод Зариф дидору мулоқот кард.

Дар ниҳояти ин гуфтугӯ вазири ФР эълон дошт, ки Русия барои ҳалли мушкили Қарабоғи Кӯҳӣ бо Эрон манифатдор аст.

"Бо дарназардошти нақши кишварҳоямон дар минтақа, мо ба амиқтар кардани муколама оид ба масъалаҳое, ба монанди амният дар Халиҷи Форс, мушкилоти ҳалли Афғонистон манфиат ҳастем ва албатта, вазъе, ки дар атрофи Қарабоғи Кӯҳӣ ба вуҷуд омадааст, баррасӣ хоҳем кард", - изҳор дошт Лавров.

Раҳбари Вазорати корҳои хориҷии Русия афзуд, шакке нест, ки Эрон ба пайвастан ба ин лоиҳаҳо манфиатдор хоҳад буд.

"Дар ин бора аллакай нақшаҳои мушаххас мавҷуданд, механизми сеҷониба дар сатҳи муовинони сарвазир сохта шудааст, ки бояд нишасти аввалро дар ояндаи наздик баргузор кунад. Ғайр аз Русия, Эрон, Туркия, хоҳишмандони зиёде ҳастанд, ки мехоҳанд ба барқарорсозии иқтисод ҳамроҳ шаванд", -  илова кард вазир.

Вазири умури хориҷаи Эрон ҳамтои руси худро барои расидан ба сулҳ дар минтақа табрик гуфт.

"Ман фикр мекунам, имкон дорад, ки ин муноқишаро барои ҳамаамон ба як нуқтаи назари умумӣ табдил диҳем. Яке аз ҳадафҳои сафари минтақавии ман омӯхтани ин имкониятҳо мебошад", - гуфт Муҳаммад Ҷавод Зариф.

Лавров гуфт, Русия Қарабоғи Кӯҳиро ҳамроҳ мекунад ё не

Мулоқоти навбатии сарони вазоратҳои корҳои хориҷии Русия ва Эрон моҳи феврал дар назар аст.

0
Барчаспҳо:
гуфтушунид, Қарабоғи Кӯҳӣ, Афғонистон, Эрон, Русия