Ронандаи фирорӣ боздошт шуд: баъди пахши ноболиғ рақамро ивазу мошинро руст кардааст-видео
(Таҷдидшуда 15:05 22.12.2020)
Раёсати Вазорати корҳои дохила дар шаҳри Душанбе ронанде, ки мусофирро заду фирор кард, дастгир кардаастДУШАНБЕ, 22 дек - Sputnik. Чандест дар расонаҳои иҷтимоӣ навори ҳолати садама ва аз ҷойи ҳодиса фирор кардани ронандаи автомашинаи тамғаи “Тайота Кемрӣ” рақами қайди давлатиаш 2001ОQ 01 нашр гардида, мавриди вокуниши васеи корбарон қарор гирифт, аз ин ниҳод хосттори чораҷӯӣ шуданд.
Ба иттилои дафтари матбуотии ин ниҳод, мақомоти милитсияи пойтахт дар заминаи муроҷиати ҷабрдида ва ирсоли навори шаҳрвандон ронандаи автомашинаи тамғаи Ҳасанов Мубин Абдуҷабборовичи 23-соларо боздошт кард.
Манбаъ мегӯяд, номбурда санаи 10-уми декабри соли ҷорӣ ҳангоми ҳаркат тавассути кӯчаи Ҷаббор Расулови шаҳри Душанбе қоидаҳои ҳаракат дар роҳро риоя накарда, бо суръати баланд пиёдагарди ноболиғ сокини ноҳияи Синои шаҳри Душанберо, ки дар чароғаи сурх роҳро убур мекард, зада аз пой афтондааст.
“Чуноне дар навор дида мешавад, ронандаи мазкур ба ҷои он ки ба ҷабрдида кумаки лозима расонад, баръакс бо суръати баланд аз ҷойи ҳодиса фирор мекунад”,-афзудааст, манбаъ.
Ронандае, ки дар Душанбе ҷавонзанро таъқиб карду гап партофт, ҷарима шуд - навор
Ба гуфтаи ин ниҳод, муайян гардид, ки номбурда худи ҳамон рӯз ба хотири аз ҷавобгарӣ пинҳон мондан, рақамҳои автомашинаи худро иваз намуда, рақамҳои нав, яъне 0327 АВ 01-ро ба расмият дароварда, ҳамзамон автомашинаи худро ба ноҳияи Муъминобод бурда пинҳон кардааст.
Кормандони милистия дар натиҷаи пешбурди чорабиниҳои фаврӣ ҷустуҷӯӣ ҳолати мазкурро муайян ва автомашинаи номбурдаро боздошт ва ба ҷаримагоҳи муваққати Раёсати ВКД дар шаҳри Душанбе дастрас намуданд, афзудааст, манбаъ.
Гуфта мешавад, ҳоло нисбати шаҳрванд Ҳасанов Мубин тибқи талаботи моддаҳои 334 ва 333 қисми 2 Кодекси ҳуқуқвайронкунии маъмурии Ҷумҳурии Тоҷикистон протоколи маъмурӣ тартиб дода шуда, мавриди санҷишу баррасӣ қарор дорад.
ВКД сабаби зиёд шудани сӯхтор дар Тоҷикистонро гуфт
(Таҷдидшуда 17:15 15.01.2021)
Вазорати умури дохилии Тоҷикистон мегӯяд, ба далели сардӣ ҳолатҳои сар задани сӯхтор низ дар кишвар афзоиш меёбадДУШАНБЕ, 15 янв — Sputnik. ВУД бо нашри як иттилоия таъкид кардааст, ки дар мавсими зимистон шумораи бештари ҳодисаҳои сӯхтор дар манзилҳои истиқоматии шаҳрвандон, дар натиҷаи риоя нашудани одитарин талаботи қоидаҳои бехатарӣ сар мезананд.
© Sputnik/ Стас Этвеш/ Мария Вишнякова
Ин ниҳод изҳори нигаронӣ кардааст, ки шаҳрвандон ҳангоми истифодаи асбобу таҷҳизоти барқию газии маишӣ, печҳо ва тануру оташдонҳо, васлу насби ноқилҳои барқӣ қоидаҳоро сарфи назар мекунанд. Таъкид шудааст, ки аз меъёр барзиёд истифодабарии қувваи барқ, боиси сарборӣ ва расиши кӯтоҳи ноқилҳо мегардад.
Инчунин интихоби нодурусти ҷойҳои захираи хӯроки дурушти чорво, ҳезуму ангишт ва нигоҳдории маводу ашёҳои сӯзанда дар ҷойҳои аз ҷиҳати сӯхтор хавфдошта зикр шудаанд.
Ба иттилои ин ниҳод бо фармони вазири умури дохилӣ барои огоҳ кардани аҳолӣ бо меъёр ва талаботи қоидаҳои бехатарӣ аз сӯхтор корҳои фаҳмондадиҳӣ тақвият дода шуданд.
Барчаспҳо:
Линдерман: мақомоти Латвия мехоҳанд рӯзноманигорони ин кишварро тарсонанд
(Таҷдидшуда 16:44 15.01.2021)
Ба гуфтаи Линдерман, ҳадафи амалиёт бо ҳабси муаллифони русзабон тарсонидани рӯзноманигорон дар Латвия мебошад, то онҳо аз ҳамкорӣ бо ВАО-и Русия даст кашандДУШАНБЕ, 15 январ - Sputnik. Шабакаи RT бо яке аз боздоштшудаҳо дар Латвия, рӯзноманигор ва ходими ҷамъиятӣ Владимир Линдерман сӯҳбат кард.
© Youtube / RT на русском
Рӯзноманигори русзабон гуфт, ки нерӯҳои амниятӣ бо либоси сантехникҳо ба наздаш омадаанд.
"Тақрибан 12 "сантехник" ба манзил ворид шуданд: муфаттишон, оперативӣ, мушоияти ҷангӣ",- гуфт Линдерман.
Журналист қайд кард, ки боздоштҳо шояд характери тасодуфӣ дошта бошанд: шояд касе бештар ба чашмони нерӯҳои амниятӣ намудор шуд.
Қаршибоев амалкарди Латвияро нисбати Sputnik ва Baltnews танқид кард
"Чизи асосӣ он аст, ки онҳо барои чунин кофтуков ва тарсондан чӣ ҳадафе доштанд. Ин МИА"Россия Сегодня"-ро аз хабарнигорон маҳрум кардан аст, то мардум аз ҳамкорӣ бо нашрияҳои Русия тарсанд ва таъсири ВАО-и Русия коҳиш ёбад",-гуфт Линдерман.
Рӯзноманигор нақл кард, ки ин сеюмин ҷустуҷӯест, ки дар манзили ӯ ҷараён дорад.
"Ҳамаро зиндонӣ намекунед": эътирози русҳои Латвия алайҳи боздошти хабарнигорон - видео
"Барои Латвия матне, ки даҳҳо ҳазор нафар дар миқёси миллӣ хонанда мегирад, мутаносибан ба шумораи аҳолӣ мебошад. Яъне, ин як нашрияест, ки метавонад ба вазъи сиёсӣ таъсир расонад, ки, албатта, ин ҳамлаи хадамоти махсусро суръат бахшид", - илова кардааст муаллиф.
Рӯзноманигор қайд кард, ки кори ӯ мавриди таҳрим қарор намегирад ва ҳамчун як чораи мубориза ӯ аз ҳамкасбони худ даъват кард, ки боз ҳам бештар мавод нависанд.
Барчаспҳо:
Эмгузаронии оммавӣ алайҳи COVID-19 дар Русия оғоз мешавад-навор
Раисиҷумҳури Русия зимни дастури эмгузаронии оммавии аҳолӣ таъкид карда буд, ки ваксинаи русӣ алайҳи коронавирус шароити хоси интиқолро талаб намекунад ва зарур хонд, ки инфрасохтори зарурӣ ҳарчӣ зудтар фароҳам шавад.
©
Sputnik / Алексей Куденко
Ваксинаи “Sputnik V” аллакай дар бисёр кишварҳои ҳамсоя истифода мешавад. Аз ҷумла дар як пойгоҳи низомии Русия дар Арманистон, ҳайати шахсӣ бо ин ваксина эмгузаронӣ шуданд.
Таъкид мешавад, ки дар ваксинагузаронӣ ҳама чиз ихтиёрӣ, бо розигии хаттии ҳайати низомӣ ва ҳам дигар гуруҳи шаҳрвандон сурат мегирад.
Дар Беларус "Sputnik V"-ро аввалин шуда, табибон гирифтанд. Баъдтар, дар саросари ҷумҳурӣ беш аз 5,5 миллион нафар эм карда мешаванд.
Дар Қазоқистон ваксинагузаронӣ ҳанӯз оғоз нашудааст, аммо дар Караганда истеҳсоли доруи Русия аллакай дар авҷ аст.
Дар Украина низ ба "Sputnik V" таваҷҷуҳ доранд. Онҳо аллакай ба ҷамъоварии имзоҳо барои сабти ном ва истеҳсоли ваксинаи Русия шурӯъ кардаанд.
Bloomberg самаранокии ваксинаи русии "Спутник V" -ро тасдиқ кард
Барои онҳое, ки имкони эмгузаронӣ ҳанӯз ба даст наомадааст, хабари хуш низ ҳаст: Озмоишҳои иловагии пӯсти тӯс барои пешгирии коронавирус ба анҷом расиданд. Даво аз ҷониби олимони ёқутистонӣ сохта шудааст. Тадқиқотҳо нишон доданд, ки он хавфи бемориҳоро кам мекунад ва инчунин раванди барқарорсозиро осон месозад.
Барчаспҳо: