Автомобили милиса, акс аз бойгонӣ

Ҳалокати ноболиғ дар садамаи маргбори шабона дар пеши "Боғи ҳайвонот"-и Душанбе

310
(Таҷдидшуда 13:34 23.12.2020)
Вазорати умури дохилии Тоҷикистон аз садамаи маргбор дар шаҳри Душанбе хабар додааст, ки дар натиҷа ноболиғи 15-сола ба ҳалокат расидааст

ДУШАНБЕ, 23 дек — Sputnik. Тибқи иттилои Вазорати умури дохилии Тоҷикистон, ҳодиса 21-уми декабри соли 2020, тахминан соати 22:35 дақиқа рух додааст.

Манбаъ афзуд, ронандаи автомашинаи тамғаи “ДЭУ-Леганзе”, Файзуллоев Шоҳобиддин, сокини шаҳри Душанбе, дар пеши Боғи ҳайвоноти Душанбе писари 15-соларо зер кардааст.

“Файзуллоев, сари чанбари мошини “ДЭУ-Леганзе” ҳангоми ҳаракат кардан аз самти хиёбони Рӯдакӣ ба самти кӯчаи Варзишгарон дар рӯ ба рӯи “Боғи-Ҳайвонот”, аз уҳдаи идораи воситаи нақлиёт набаромада, пиёдагарди ноболиғ Шарифов Аслиддин Зиёратшоевич, соли таваллудаш 2005, сокини пойтахтро пахш намудааст”, - иттилоъ дод ВУД.

Манбаъ таъкид кардааст, ки дар натиҷа, ноболиғ Шарифов Аслиддин ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

ВУД афзуд, ки феълан аз рӯи ин ҳодиса таҳқиқот идома дорад.

310
Барчаспҳо:
Вазорати умури дохилии Тоҷикистон, садама, Тоҷикистон
Разбитое стекло автомобиля, архивное фото

Садамаи маргбор: Аз шиддати зарбаи "Опел" Нозигул парида ба “Тайота" заду ҳалок шуд

683
(Таҷдидшуда 12:20 19.01.2021)
Вазорати умури дохилии Тоҷикистон аз рухдоди як садамаи мудҳиши нақлиётӣ хабар медиҳад, ки дар натиҷаи он як нафар ҳалок шудааст

ДУШАНБЕ, 19 январ - Sputnik. Бино ба иттилои дафтари матбуотии ин ниҳод, садамаи нақлиётӣ рӯзи 17-уми январи соли ҷорӣ, тахминан соати 14:20-дақиқа, дар роҳи "Ваҳдат-Душанбе" сар задааст.

Ба иттилои манбаъ, ронандаи автомашинаи тамғаи "Опел-Вектра", Гулаев Акмалҷон Нуралиевичи 27 сола, сокини ҷамоати деҳоти С.Раҳимови ноҳияи Темурмалик, ҳангоми ҳаракат дар роҳи нақлиётгарди "Ваҳдат-Душанбе", дар ҳудуди ҷамоати деҳоти Баҳори шаҳри Ваҳдат аз уҳдаи идораи автомашина набаромадааст.

Ӯ дар ҳамин ҳол, пиёдагардон: Мирзокаримова Гулизор Шодиевнаи 45-сола ва ноболиғ Маҳмадиева Нозигул Ҳабибовнаи 20-соларо пахш намудааст.

"Дар натиҷа, пиёдагарди ноболиғ Маҳмадиева Нозигул Ҳабибовна аз шиддати зарбаи сахт парида, ба қисмати пеши автомашинаи тамғаи “Тайота-Кемри”, таҳти идораи Ҳалимов Абдукарим Раҷабалиевичи 21 -сола, сокини ҳамин шаҳр, бархӯрда, дар ҷойи ҳодиса ба ҳалокат расидааст",-афзудааст манбаъ.

Садамаи маргбор: Ғафурҷон бо "Дамас"-аш Ҷаъфарбеки хурдсолро пахш карду гурехт

Гуфта мешавад, шаҳрванд, Мирзокаримова Г.Ш. ҷароҳати ҷисмонӣ бардошта, дар беморхона бистарӣ гардидааст.

ВУД мегӯяд, аз рӯйи ин ҳодиса таҳқиқот идома дорад.

683
Барчаспҳо:
фавт, ВАҳдат, садама, Тоҷикистон
Машина пожарной службы

Мақомот сабаби сӯхтори хонаи раиси бозор дар Душанберо гуфтанд-видео

295
Мақомот сабаби сӯхтори хонаи раиси бозори “Зарафшон”-и маҳаллаи Зарафшони шаҳри Душанбе Меҳрӣ Бӯриеваро, ки шоми 17 январ рух дод, расиши ноқилҳои барқӣ гуфтаанд

ДУШАНБЕ, 18 янв — Sputnik. Сӯхтор дар хонаи Меҳрӣ Бӯриева тахминан соати 19:30, замоне рух додааст, ки аъзои оила дар хона ҳузур доштанд, хабар додааст сомонаи “Фараж”.

Манбаъ аз қавли корманди  хадамоти сӯхторхомӯшкунӣ дар ноҳияи Рӯдакӣ, Нурмаҳмад Хӯшаев афзудааст, ки оташсӯзӣ масоҳати 50 метри мураббаъро дарбар гирифтааст.

Таъкид шудааст, ки сабаби сӯхтор расиши кӯтоҳи ноқилҳои барқӣ дар боми манзили истиқоматии соҳибкор Меҳрӣ Бӯриева будааст.

Оташнишонҳо саривақт ба ҷои ҳодиса расиданд ва аз зарари бештар ҷилавгирӣ карда шуд. Хушбахтона, ягон нафар аз аъзои оила дар сӯхтор зарари ҷисмонӣ набардоштанд, таъкид намудааст подполковник Нурмаҳмад Хӯшаев.

Дар баробари ин сомонаи Фараж хабар додааст, ки дар макони ҳодиса, яке аз ҳамсояҳои хонум Бӯриева гуфт, зарардида барои гарм кардани хонааш аз ангиштсанг истифода мекардааст ва пас аз гармии зиёди дудбаро боми хона, ки аз масолеҳи бомпӯши навъи “Ондулин” иборат аст, оташ гирифтааст.

295
Даст ба дуо, акс аз бойгонӣ

Афзоиши фавти эрониён аз COVID-19

0
(Таҷдидшуда 20:57 19.01.2021)
Вазорати беҳдошт ва дармони Эрон мегӯяд, дар 24 соати гузашта бар асари коронавирус дар ҷумҳурӣ 83 нафар ҷон доданд

ДУШАНБЕ, 17 янв — Sputnik. Шумори қурбониёни коронавирус дар Эрон, ки 83 миллион нафар аҳолӣ дорад, то имрӯз ба 56 ҳазору 973 тан расид. Дар шабонарӯзи гузашта 83 ҳолати фавт аз ин маризӣ сабт шудаанд.

Ба гузориши Вазорати беҳдошт ва дармони Эрон, дар 24 соати гузашта 5 ҳазору 917 бемори ҷадиди мубтало ба COVID-19 дар Эрон шиносоӣ ва аз ин теъдод 518 нафар бистарӣ шуданд, навиштааст сомонаи Парстудей.

Боз 300 ҳазор ваксина "Спутник V" дастраси мардуми Аргентина шуд - видео

Манбаъ афзуд,  маҷмӯи беморони мубтало ба вируси корона дар Эрон ба як миллиону 342 ҳазору 134 нафар расидааст, ки ҳудуди як миллиону 132 ҳазор нафар аз мубталоён ба ин вирус беҳбуд ёфта ва аз бемористонҳо мурраххас шудаанд.

Теъдоди афроди мубтало ба вируси корона дар ҷаҳон низ ба беш аз 96 миллион нафар расидааст, ки аз ин теъдод беш аз ду миллион нафари ҷони худро аз даст дода ва ҳудуди 69 миллион нафар ҳам беҳбуд ёфтаанд.

0
Барчаспҳо:
беморӣ, вируси корона, Эрон