Снег в Душанбе, архивное фото

Ҳушдори КҲФ аз ҳавои номусоиди чанд рӯзи оянда: шамъу чароғу дору харед

949
(Таҷдидшуда 13:09 25.12.2020)
Кумитаи ҳолатҳои фавқулодаи Тоҷикистон сокинонро аз ҳавои номусоид давоми чанд рӯзи оянда ҳушдор додааст

ДУШАНБЕ, 25 дек – Sputnik Ин ниҳод бо такя ба Агентии обуҳавошиносии кишвар шаҳрвандон ва меҳмононро ҳушдор додааст, ки рӯзҳои наздик дар кишвар ҳавои номусоид буда боридани борон, барф дар назар аст.

Тибқи иттилои манбаъ, дар роҳҳои кӯҳии ҷумҳурӣ таҳдиди яхбандӣ, тармафароӣ ва сангрезӣ боқӣ мемонад.

Ба иттилои манбаъ, барои таъмини амнияти ронандагон дар роҳи автомобилгард ва расонидани ёрии таъҷилӣ дар ҳолатҳои фавқулодда, қитъаҳои гуногуни посбонӣ дар роҳҳои Душанбе-Хуҷанд, Душанбе-Хоруғ омода шудааст.

Гуфта мешавад, чунин чораҳо барои дар ҳолати хатари садамаҳои тармафароӣ дар роҳҳо пешбинӣ шудааст.

Кумита ба сокинони минтақаҳои доманакӯҳ ва кӯҳистони кишвар хотиррасон мекунад, ки дар ин рӯзҳо чаронидани чорво, ҷамъоварии ҳезум ва шикорро маҳдуд кунанд.

Инчунин, ниҳод тавсия медиҳад, ки ҳамеша телефонҳои мобилии худро бо қувваи пурра ва пайвасти мӯътадил нигоҳ доранд, дорувориҳои аввалияи хонагии худро нав ва пур кунанд, системаҳои иловагии рӯшноӣ харанд.

Бо мақсади пешгирии садамаҳои нақлиётӣ дар роҳҳо, алахусус ҳангоми истифодаи роҳҳо ва ағбаҳои кӯҳистон, КҲФ аз ронандагоне, ки нақлиёти дорои шишаҳои сиёҳро доранд, даъват мекунад, ки ҳаракатро шабона маҳдуд кунанд, таъкид кардааст, ин ниҳод.

Кумита тавсия медиҳад, ки одамоне, ки имрӯзҳо аз бемориҳои дилу раг азият мекашанд, эҳтиёткор бошанду дар наздашон доруҳои муқарраршударо дошта бошанд.

949
Барчаспҳо:
боришот, ҳушдор, КҲФ, Тоҷикистон
Арест и штраф гадалки

Бо пиёзу қуфл ва шамъу испанд ҷоду мекард: фолбини 49 - сола боздошт шуд - навор

1197
(Таҷдидшуда 15:10 28.01.2021)
Пулиси шаҳри Душанбе як нафар зани 49 - соларо боздошт намуданд, ки дар сеҳру ҷоду ва фиреби мардум муттаҳам дониста мешавад

ДУШАНБЕ, 28 янв – Sputnik. Зуҳро Абдуллоева сокини кӯчаи Ҳувайдуллоеви пойтахт дар сеҳру ҷоду ва фолбинӣ кардан муттаҳам дониста мешавад, хабар медиҳад Раёсати умури дохилии шаҳри Душанбе.

Ба иттилои манбаъ, номбурда худро ҳамчун табиби халқӣ муаррифӣ намуда, ба фиреб машғул мешудаст.

"Ӯ бо истифода аз ҳар гуна ашё ва ҷисмҳои карахт, гӯиё ба дарди шаҳрвандон даво мебахшида бошад, шаҳрвандонро дар манзили истиқоматии худ сеҳру ҷоду мекард", - таъкид мешавад дар хабар.

Манбаъ меафзояд, аз манзили Абдуллоева як қатор ашёҳои барои сеҳру ҷоду истифодашаванда ҳамчун далели шайъӣ дарёфту мусодира карда шуданд.

РВУД дар шаҳри Душанбе мегӯяд, нисбати Абдуллоева Зуҳро барои машғул шудан ба сеҳру ҷоду ва фолбинӣ бо моддаи 482 Кодекси ҳуқуқвайронкунии маъмурӣ протоколи маъмурӣ тартиб дода шуда, ҷаримабандӣ карда шуд.

Нигаронии ВУД аз авҷи бозори фолбинҳо: мақомот гунаҳкоронро гуфтанд – видео

"Ҳамзамон барои минбаъда ба ин амал марбумфиребона машғул нашудан ба таври қатъӣ огоҳонида шуд", - илова мешавад дар хабари манбаъ.

1197
Барчаспҳо:
навор, боздошт, фолбинӣ, Душанбе
Мотоцикл, архивное фото

Ҳалокати фоҷеабори мотосиклрони 56-сола дар Фархор

164
(Таҷдидшуда 12:39 28.01.2021)
Ронандаи мотосикл ба сабаби ноуҳдабароии як ронандаи дигар, ки аз ӯҳдаи идораи нақлиёт набаромадааст, ба ҳалокат расидааст

ДУШАНБЕ, 28 янв — Sputnik. Дар ноҳияи Фархор марди 56-солае дар садамаи нақлиётӣ ба ҳалокат расидааст. Тавре Вазорати корҳои дохилии Тоҷикистон тавзеҳ медиҳад, ҷавон ба сабаби ноуҳдабароии як ронандаи дигар, қурбони ҳодиса шудааст.

Гуфта мешавад, садама рӯзи гузашта 27 январ тақрибан соати 10:00 рух додааст.

"Ронандаи автомашинаи тамғаи "Опел-Астра", Ибодов Ҳабибулло Хоҷамқуловичи 25-сола, сокини ҷамоати деҳоти Ватани ноҳияи Фархор, ҳангоми ҳаракат дар роҳи мошингарди ҷамоати шаҳраки Фархор аз уҳдаи идора кардани воситаи нақлиёт набаромадааст", - тавзеҳ медиҳад манбаъ.

Дар натиҷа мошини ӯ ба мототсикли дучархаи тамғаи "Супер-Алмаз", бе рақами қайди давлатӣ, таҳти идораи Юсуфов Муҳиддин Тағоевичи 56-сола, сокини ҷамоати шаҳраки Фархор, бархӯрдааст.

Садамаи маргбор дар роҳи "Душанбе-Кӯлоб" як куштаю се захмӣ бар ҷой гузошт

Дар натиҷа, Юсуфов М.Т ҷароҳатҳои вазнинӣ ҷисмонӣ бардошта, дар беморхона ба ҳалокат расидааст.

Аз рӯи ҳодисаи мазкур таҳқиқот идома дорад.

164
Барчаспҳо:
ҳалокат, садама, Фархор
Посол Республики Таджикистан в РФ Имомуддин Сатторов

Сатторов: дар Тоҷикистон ҳама интизори бозкушоии марзҳо бо Русия ҳастанд

0
(Таҷдидшуда 17:12 28.01.2021)
Сафири Тоҷикистон дар Русия Имомуддин Сатторов сабаби дидору гуфтугӯ бо сардори Сарраёсати Вазорати корҳои дохилии Русия оид ба масъалаҳои муҳоҷират Валентина Казаковаро шарҳ дод

ДУШАНБЕ, 28 янв – Sputnik. Ахиран дар шаҳри Маскав  мулоқоти сафири Тоҷикистон дар Русия Имомуддин Сатторов бо сардори Сарраёсати Вазорати корҳои дохилии Русия оид ба масъалаҳои муҳоҷират Валентина Казакова баргузор шуд.

Дар ин дидор дурнамои рушди ҳамкориҳои дуҷонибаи Тоҷикистон ва Русия вобаста ба масоили танзими ҳуқуқии иқомати шаҳрвандони Тоҷикистон, хусусан муҳоҷирони меҳнатӣ, дар ҳудуди Русия мавриди муҳокима қарор гирифт.

Сафири Тоҷикистон дар Русия ба Sputnik Тоҷикистон ҷанбаҳои муҳими музокиротро шарҳ дод.

"Тартиби воридшавии муҳоҷирони меҳнатӣ, инчунин суръат бахшидани имзои созишнома дар бахши муҳоҷират, ки ҳоло дар сатҳи баррасии тарафҳо қарор дорад, баррасӣ шуд", - гуфт сафир.

Инчунин сафир қайд кард, ки бо намояндаи ВКД Русия масъалаҳои марбут ба лағви қарорҳо барои манъи воридшавии гуруҳи муайяни шаҳрвандони Тоҷикистон ба Русияро ба таври муфассал баррасӣ намуданд.

Ҳамзамон зимни мулоқот тарафҳо доир ба механизми ҷалби муташаккилонаи мутахассисон аз ҳисоби шаҳрвандони Тоҷикистон ба Русия табодули афкор сурат гирифт.

"Имконияти таҳияи механизми ҷалби муҳоҷирони меҳнатӣ барои кор дар соҳаи сохтмонро баррасӣ кардем", - қайд кард Сатторов.

Дипломат ёдовар шуд, ки тибқи қарори мақомоти Русия, муҳоҷирони меҳнатӣ бо дархости ширкатҳои сохтмонӣ ба кор дар сохтмонҳо ҷалб карда мешаванд.

Ҷонибҳо инчунин масъалаи қонунигардонии аъзои оилаи муҳоҷирони меҳнатиро низ баррасӣ карданд.

Сатторов зикр кард, ки то ҳол оилаҳое ҳастанд, ки фарзандонашон дар ҳолати ғайриқонунӣ қарор доранд, онҳо наметавонанд ба мактаб ва боғчаҳо раванд ва ин як мушкили ҷиддии иҷтимоӣ аст.

"Агар дар бораи ҳамгироии шаҳрвандони Тоҷикистон, ки дар Русия зиндагӣ мекунад, бигӯем, ташрифи кӯдакон ба мактабҳову кӯдакистонҳо имкон медиҳад дар ин сину сол зуд забони русиро аз худ кунанд ва ба ҷомеъа ҳамгиро карда шаванд", - гуфт Сатторов.

Ба ақидаи сафир, агар яке аз волидон дар Русия кор кунаду пули патент супорад, пас фарзандаш ҳатман бояд имкон дошта бошад дар мактаб таҳсил кунаду забон биомӯзад.

Сафир дар робита ба масъалаи барқароршавии парвозҳои мустақим миёни Русия ва Тоҷикистон таъкид кард, ки  вазъи эпидемиологӣ дар Тоҷикистон ба таври назаррас беҳтар гардидааст.

"Дар тӯли ду ҳафта дар ҷумҳурӣ ҳолатҳои нави сироятёбӣ ба коронавирус сабт нашудааст, аз ин рӯ ҳоло хатари ворид кардани вирус ба қаламрави Русия хеле кам аст. Ҳама дар Тоҷикистон мунтазири бозкушоии марзҳо ҳастанд, мардум мехоҳанд ба кор биёянд", - илова кард Сатторов.

Сафири Тоҷикистон дар Русия ҳамзамон таъкид доштааст, ки зимни дидор бо Валентина Казакова аҳамияти ҳамоҳангсозии минбаъдаи фаъолият бо мақсади танзими равандҳои муҳоҷират ва ҳифзи ҳуқуқҳои шаҳрвандони Тоҷикистон таъкид карда шуд.

Гуфта шудааст, ки дар ин робита, омодагии тарафайн ҷиҳати мусоидат ба анҷоми раванди мувофиқасозии лоиҳаи созишномаҳо дар соҳаи муҳоҷират иброз гардид.

0
Барчаспҳо:
муҳоҷират, дидор, мулоқот, Имомуддин Сатторов, Сатторов, Тоҷикистон