Самолет на взлетной полосе Международного аэропорта Шереметьево, архивное фото

Чӣ гуна муҳоҷирон аз Тоҷикистон метавонанд вориди Русия шаванд: посухи сафорат

2556
(Таҷдидшуда 19:08 25.12.2020)
Сафорати Русия дар Тоҷикистон гуфт, ки чӣ гуна шаҳрвандони хориҷӣ метавонанд ба Русия барои кор ворид шаванд

ДУШАНБЕ, 25 дек – Sputnik. Муҳоҷирон аз Тоҷикистон метавонанд ба Русия танҳо бо ду роҳ ворид шаванд, гуфт Валерий Катункин, сардори шӯъбаи консулгарии сафорати Русия дар ҷумҳурӣ, дар мулоқот бо намояндагони ВАО.

Вай ёдовар шуд, ки дар робита бо пандемияи коронавирус, вуруди шаҳрвандони хориҷӣ ба Русия бо қарори Ҳукумати Русия аз 16 марти соли 2020 ба танзим дароварда мешавад.

Дар ин санад категорияҳои шаҳрвандоне оварда шудаанд, ки ба кишвар иҷозат дода мешаванд.

"Агар шаҳрванди Тоҷикистон, ки шаҳрвандии Русияро надошта бошаду дохил шудан мехоҳад, пас ӯ ду роҳ дорад. Аввалаш он аст, ки созмоне, ки даъват мекунад, метавонад барои ӯ метавонад кафил шавад. Роҳи дуввум ин аст, ки ӯ интизори боз шудани марзи Федератсияи Русия аст", - гуфт консул.

Катункин афзуд, ки минтақаҳои Русия воқеан ба муҳоҷирони меҳнатӣ ниёз доранд.

"Ин махфӣ нест, аммо имкони дигари вуруд ба Русия ҳанӯз вуҷуд надорад", - таъкид дошт ӯ.

Сафири Русия дар Тоҷикистон Игор Лякин-Фролов тасдиқ кард, ки Русия воқеан ба муҳоҷирон ниёз дорад ва Тоҷикистон танҳо нерӯи кории зиёдатӣ дорад.

Пешниҳоди Тоҷикистон барои оғози парвозҳо ба Русия: шарҳи сафир

Дипломат аз сафари президенти Тоҷикистон Эмомалӣ Раҳмон дар моҳи апрели соли 2019 ёдовар шуд, ки дар ҷараёни он созишнома дар бораи ҷалби муташаккилонаи муҳоҷирон ба имзо расид. Ба гуфтаи Лякин-Фролов, масъалаи иҷрои созишнома пухтааст ва вақти он расидааст, ки ин раванд дар майдони ҳуқуқӣ гузошта шавад.

"Пандемия, ба назари ман, баррасии масъаларо тез кард, зеро вазъи дохилӣ тағйир ёфт. Худи корфармоён, намояндагони роҳбарияти корхонаҳо ва минтақаҳои гуногун ба ташаббускорӣ шурӯъ карданд", - гуфт ӯ.

Сафир мушаххас кард, ки дар Русия норасоии коргарон дар сохтмон, хоҷагии манзилию коммуналӣ ва кишоварзӣ вуҷуд дорад.

2556
Барчаспҳо:
марз, муҳоҷир, сафир, Русия, Тоҷикистон
Дым поднимается от здания, после взрыва в центре Мадрида

Таркиши мудҳиш дар маркази Мадрид-навори шоҳидон

330
(Таҷдидшуда 20:58 20.01.2021)
Таркиши мудҳише маркази шаҳри Мадридро такон дод ва як кӯчаро тақрибан хароб намуд. Сабаби таркиш мавриди таҳқиқ қарор дорад

ДУШАНБЕ, 20 янв — Sputnik. Бар асоси иттилои расида, таркиш дар бинои навбунёде дар кӯчаи Толедо рух додааст ва дар натиҷа биноро тақрибан тахриб намуд.

Сабабҳои таркиш феълан маълум нест. Дар ҷои ҳодиса айни ҳол мақомот кор карда истодаанд. Яке аз сабабҳои эҳтимолӣ хориҷ шудани газ арзёбӣ мешавад.

Бархе манобеи дигар мегӯянд, таркиш дар меҳмонхона рух додааст, бархеи дигар изҳор медоранд, ки дар хонаи пиронсолон.

Дар ин таркиш, ки баъди зуҳри имрӯз рух додааст, чанд нафар ҳалок шуда, бархеи дигар маҷруҳ гардидаанд. Аммо дақиқан теъдоди қурбониён то ҳол ироа нашудааст.

330
Руки в наручниках, архивное фото

Зани ҷавон бо гумони ташкили фоҳишахона дастгир шуд

275
(Таҷдидшуда 14:10 20.01.2021)
Вазорати умури дохилии Тоҷикистон аз ошкоршавии як ҳолати ташкили фоҳишахона дар вилояти Суғд хабар додааст

ДУШАНБЕ, 20 янв — Sputnik. Тибқи иттилои ВУД, дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия зани 29-солаи сокини шаҳраки Шайдони ноҳияи Ашт дастгир карда шуд.

Манбаъ афзудааст, ки дастгиршуда барои ташкил ё нигоҳдошти фоҳишахона гумонбар мебошад.

"Номбурда, 12-уми январи соли 2021, тахминан соати 16:00, дар хонаи истиқоматиаш ба зан ва марди 34-солаи сокинони ҷамоати деҳоти Шодобаи ноҳияи мазкур барои алоқаи ҷинсӣ намудан шароит муҳайё намуда, аз онҳо 150 сомонӣ мукофотпулӣ гирифтааст”, - омадааст дар иттилоия.

ВУД изҳор доштааст, ки феълан аз рӯи ҳодисаи мазкур тафтишот идома дорад.

Иҷора гирифту ба фоҳишахона табдил дод: боздошти зани 34 - сола дар Душанбе

Қаблан мақомоти Тоҷикистон ҷазо барои ташкил фоҳишахона, ҳамчунин даллагӣ ё занҷаллобиро сангинтар карданд.

Барои ин ҷиноёт ҷарима ба андозаи аз 1 ҳазор то 2 ҳазор нишондиҳанда барои ҳисобҳо, ё маҳрум сохтан аз озодӣ ба муҳлати то панҷ сол ҷазо пешбинӣ шудааст. Бар асоси тағйирот, ба афроде, ки дубора даст ба чунин ҷинояткорӣ мезананд то 8 соли зиндон таҳдид мекунад.

275
Барчаспҳо:
дастгир, боздошт, Тоҷикистон
Подписание соглашения о тоннеле Истиклол

Имзои қарордоди байни Эрону Тоҷикистон барои такмили нақби “Истиқлол”

0
Қарордоди иҷрои марҳилаи дуввуми лоиҳаи нақби “Истиқлол” байни ширкати “Фароб”-и Эрон ва Вазорати нақлиёти Тоҷикистон ба имзо расид шуд

ДУШАНБЕ, 23 янв— Sputnik. Дар маросими имзои ин қарордод, ки шоми дирӯз дар толори меҳмонхонаи “Ҳилтон”-и шаҳри Душанбе баргузор шуд, вазири нақлиёти Тоҷикистон, сафири Эрон, раиси ширкати “Фароб” ва дигар меҳмонони эронӣ ва дохилӣ ширкат карданд.

Вазири нақлиёти Тоҷикистон Азим Иброҳим дар суханронии худ имзои ин қарордодро рӯйдоди муҳим хонд ва ба он ишора кард, ки бунёди нақби “Истиқлол” ҳанӯз дар замони Шӯравӣ оғоз шуда буд, аммо бо сабабҳои гуногун ба анҷом нарасид.

“Пас аз он ки мо бо дӯстони худ аз Эрон шартнома бастем ва марҳилаи аввали сохтмони ин нақб амалӣ шуд, мардум тавонистанд аз он истифода кунанд. Баъдан баъзе мушкилиҳо, аз ҷумла ҷорӣ шудани об аз сақфи нақб пайдо шуд, ки ба тадриҷ бартараф гардиданд”, - таъкид дошт Азим Иброҳим.

Ба гуфтаи вазири нақлиёти Тоҷикистон, марҳилаи дуввуми ин лоиҳа бо сабабҳои гуногун ба таъхир афтод, аммо бо имзои қарордод корҳои марбут ба он, аз ҷумла, равшанидиҳӣ, ҳавокашӣ, оташнишонӣ, насби дурбинҳои назоратӣ, ки барои таъмини бехатарии ҳаракат дар дохили нақб муҳиманд, иҷро хоҳад шуд.

Вай Тоҷикистону Эронро ду кишвари дӯст, ҳамзабон, ҳамфарҳанг ва дорои таърихи муштарак хонд ва аз он ёдовар шуд, ки Эрон дар татбиқи бисёр лоиҳаҳои зерсохтӣ дар Тоҷикистон, аз қабили сохтмони нерӯгоҳи барқи обии “Сангтуда 2” ва нақби “Истиқлол” ширкат намудааст.

Вазири нақлиёти Тоҷикистон ибрози умедворӣ кард, ки марҳилаи дуввуми лоиҳаи нақби “Истиқлол” то ҷашни 30 солагии истиқлолияти кишвар ба поён хоҳад расид.

Сафири Эрон Муҳаммадтақии Собирӣ низ зимни суханоне нақби “Истиқлол”-ро тарҳи муҳим хонд, ки иртиботи байни шимол ва ҷануби Тоҷикистонро фароҳам кардааст.

Вай изҳори умедворӣ кард, ки марҳилаи дуввуми ин лоиҳа бомваффақият ба анҷом хоҳад расид ва гоми дигаре ба сӯи рушд ва боландагии Тоҷикистон бардошта хоҳад шуд.

Муовини мудири ширкати обу барқи Эрон Беҳрӯзи Мӯродӣ ин рӯзро муҳим ва таърихӣ номид ва гуфт, ки бо иҷрои бокайфияти ин лоиҳа қадами дигаре дар самти таҳкими равобити миёни ду кишвари дӯст ва ҳамзабон бардошта хоҳад шуд.

  • Подписание соглашения о тоннеле Истиклол
    Подписание соглашения о тоннеле Истиклол
    Пресс-служба посольства Ирана в Таджикистане
  • Подписание соглашения о тоннеле Истиклол
    Подписание соглашения о тоннеле Истиклол
    Пресс-служба посольства Ирана в Таджикистане
1 / 2
Пресс-служба посольства Ирана в Таджикистане
Подписание соглашения о тоннеле Истиклол

Раиси ширкати “Фароб” Алии Вакилӣ тайи суханоне гуфт, ки  "Фароб” яке аз бузургтарин ва ботаҷрибатарин ширкатҳои Эрон аст, ки тарҳҳои зиёдеро дар дохилу хориҷи Эрон дар заминаҳои сохти неругоҳҳои барқи обӣ, ҳароратӣ, роҳу тунел, нафту газ ва ғайра иҷро кардааст.

“Гурӯҳи фаннӣ-муҳандисии “Фароб” тарроҳӣ ва сохти нургоҳи “Сангтӯда 2”-ро, ки намоди дӯстӣ ва пайванди амиқи ду миллати Эрону Тоҷикистон мебошад, дар корномаи худ ба сабт расондааст. Дар тӯли 45 соли фаъолияти худ нерӯгоҳҳои зиёдеро дар дохилу хориҷи Эрон дидаам ва ба таври ҷиддӣ гуфта метавонам, ки нерӯгоҳи “Сангтӯда 2” корест, ки аз умқи ҷон баромада ва яке аз бокайфияттарин пружаҳо дар сатҳи дунёст. Умедворем, ки битавонем чунин фаъолиятҳоеро дар робита бо дигар лоиҳаҳо низ дар Тоҷикистон анҷом диҳем”, гуфт ӯ.

Вакилӣ гуфт, ки таҷҳизоти лозимро барои иҷрои марҳилаи дуввуми лоиҳаи нақби “Истиқлол” омода кардаанд ва бо оғози корҳо ба Тоҷикистон интиқол дода хоҳад шуд.

Вай гуфт, умедворам ҳамон гуна, ки ҳамкоронам бо ишқ неругоҳи “Сангтӯда 2”-ро сохтанд, ин пружаро низ бо ишқ анҷом диҳанд.

Раиси ширкати “Фароб” дар поёни суханони худ ба он ишора кард, ки саҳми Тоҷикистону Эрон дар ин лоиҳа 50 дарсадӣ буда ва агар ҳарду тараф  тааҳҳудоти худро бамавқеъ иҷро кунанд, то ҷашни 30 солагии истиқлоли Тоҷикистон он ба истифода дода хоҳад шуд.

0
Барчаспҳо:
имзо, қарордод, "Истиқлол", ифтитоҳи нақби Истиқлол, Эрон, Тоҷикистон