Волк в лесу, архивное фото

Хашми гургҳо дар Деваштич: хару сагу гӯсфандҳоро куштаанд

1099
(Таҷдидшуда 11:21 29.12.2020)
Тайи ду ҳафтаи охир дар пайи ҳамлаи гургҳо дар деҳоти ноҳияи Деваштич даҳҳо сар гусфанд ва дигар ҳайвоноти хонагии сокинон кушта шудаанд

ДУШАНБЕ, 29 дек – Sputnik. Султонназар Соҳибназаров, сокини деҳаи Даштикони ноҳия гуфт, бо сард шудани ҳарорат ҳамлаи гургҳо ба рамаи гӯсфандон бештар шудааст.

Ӯ гуфт, "се рӯз пеш, гургҳо шабона ба дохили рама даромада, панҷ гусфандро нобуд кардаанд".

Паланг дар Бартанг 12 сар гӯсфандро хӯрду ба дом афтод - видео ва аксҳо

Сокинони дигари ин ноҳия низ дар бораи хашми гургҳо таъкид меварзанд. Усмон як сокини деҳаи Ғазантарак дар суҳбат ба Sputnik Тоҷикистон гуфт, чанде пеш дар пайи ҳамлаи гургҳо ҳудуди бист гусфанд ва ду саги як рафиқаш кушта шудаанд.

"Гургҳо одатан дар вақти сардӣ ва мавсими чилла аз кӯҳҳо ба водиҳо мефароянд. Баъзеҳо гуфтанд, ки гургҳоро ҳатто дар даштҳои наздики маҳалла дидаанд", - иброз намуд сокини ноҳияи Деваштич.

Зафарҷон Саломов, раиси ҷамъияти шикорчиёни ноҳия дар суҳбат ба Sputnik Тоҷикистон зикр кард, ки аз ҳамлаи гургҳо ба моли мардум хабар доранд ва барои қир кардани онҳо талош мекунанд.

"Ба мо мардум расман муроҷиат накардаанд, вале баъди шунидани он, ки гургҳо дар маҳаллаҳои деҳаи Кӯчкина пайдо шудаанд, мо бо ташаббуси худ ба ин деҳа рафтем. Дарвоқеъ мо гургро дидем ва заданӣ будем, ки онро як саг гурезонд", - гуфт Саломов.

Чанде қабл ҳам сокинони ноҳияи Деваштич дар бораи куштани шудани хар ва чанд саги хонагӣ аз ашки гургҳо таъкид намуда буданд. Зимистони солҳои қаблӣ, мақомоти идораи ҷангал ва шикорчиён, барои маҳви гургҳо амалиёт роҳандозӣ карда буданд.

1099
Барчаспҳо:
гӯсфандон, гӯсфанд, саг, гург, Деваштич
Сотрудники КЧС помогли мальчику освободить палец из гайки

Наҷоти кӯдаки чорсола дар Суғд, ки дар ангушташ гайка дармонд

251
(Таҷдидшуда 17:22 22.01.2021)
Кумитаи ҳолатҳои фавқулода аз наҷоти тифле хабар медиҳанд, ки аз беназоратии волидонаш дар нагушташ гайка руст шудааст

ДУШАНБЕ, 22 янв — Sputnik. Ба Маркази идоракунии ҳолатҳои бӯҳронии Раёсати Кумитаи ҳолатҳои фавқулодда ва мудофиаи гражаднӣ дар вилояти Суғд хабар расидааст, ки дар ангушти тифли чорсола гайка рус шудаасту табибон ҳам илоҷи беосеб берун кардани онро намеёбанд.

Тибқи иттилои Кумитаи ҳолатҳои фавқулода, ин занги телефонӣ субҳи имрӯз, соати 11:00 аз беморхонаи клиникии вилояти Суғд ба номи С.Қутфиддинов расидааст.

Бо дарёфти хабар имдодгарони Дастаи махсуси зудамали наҷоти вилояти Суғд фавран ба беморхона сафарбар шудаанд.

"Амалиёти имдод дар шӯъбаи ҷарроҳии асаб ва осебшиносӣ бо истифода аз таҷҳизоти махсуси наҷот бо риояи қоидаҳои техникаи бехатарӣ ва санитарӣ гузаронида шуд. Гайка аз ангушти ӯ берун оварда шуд. Вазъи саломатии кӯдак дар ҳолати хуб қарор дорад", - омадааст дар хабарнома.

Маълум шуд, ки тифл ҳамагӣ чор сол доштаву аз беназоратии волидайн даст ба гайкаву дигар таҷҳизот задааст ва билохира гайка дар ангушташ дар мондааст.

Наҷоти ду ноболиғ дар пойтахти Тоҷикистон

Кормандони Раёсат бо падари тифл ҳамсуҳбат шуданд ва гуфтанд, ки фарзандашонро набояд беназорат гузоранд, чун метавонад муҷиби нохушиҳои дигар шавад.

251
Барчаспҳо:
наҷотдиҳӣ, наҷот, КҲФ ҶТ, кӯдак, табибон
Место взрыва на нефтяном предприятии в Татарстане

Таркиши мудҳиш дар Тотористон ду кушта ва як захмӣ бар ҷой гузошт

87
(Таҷдидшуда 17:08 22.01.2021)
Дар як корхонаи истеҳсоли нафти Тотористон таркиш ба амал омад. Феълан аз чанд кушта хабар дода мешавад

ДУШАНБЕ, 22 янв — Sputnik. Дар як корхонаи нафт, воқеъ дар деҳаи Болшое Нуркеевои Тотористон, таркиш рух дод. Дар ин бора ТАСС ва "Интерфакс" бо такя ба манобеъи худ хабар медиҳанд.

Гуфта мешавад, ки то ҳол дар паи ин таркиш ду нафар ҷон бохта як нафари дигар захмӣ шудааст.

Тибқи иттилои манобеъ, як контейнер бо ҳавои фишурдашуда таркидааст. Ҳодиса ҳангоми санҷиши ҳавоии партоби об рух додааст.

Ногуфта намонад, ки Болшое Нуркеево дар ноҳияи Сармановски Тотористон ҷойгир аст.

Бино ба иттилои Вазорати тандурустии кишвар, ҷарбдида дар ҳолати вазнин ба беморхона фиристода шудааст.

Хадамоти матбуоти прокуратураи Тотористон марги ду нафарро тасдиқ кард.

Таркиши шадид дар бозори Бағдод: ду маргталаб 28 нафарро куштанду 75 касро захмӣ карданд

Ҳамзамон, шӯъба қайд кард, ки дар ҷои ҳодиса таркиш ба амал наомадааст.

"Ин ҷо контейнер кафида буд, таркиш ба амал наомадааст", - гуфт намояндаи прокуратура.

Манбаъ афзуда, ки ин ҳодиса дар корхонаи ҶДММ "Ширкатҳои хурди нафтии Тотористон" соати 09:50 ба вақти Маскав ҳангоми озмоиши ҳавоии агрегати партоби об дар минтақаи кушод рух додааст.

87
Барчаспҳо:
захмӣ, кушта, таркиш, Татаристон
Далер Назаров дал интервью

Аз писари вазир то домоди Президент ва дороӣ: ногуфтаҳои Далер Назаров-видео

578
(Таҷдидшуда 21:26 22.01.2021)
Далер Назаров, овозхони шинохтаи тоҷик, дар бораи ҳаёту эҷодиёташ чун писари вазир, домоди президент, дороӣ ва хушбахтияш суҳбат кардааст

ДУШАНБЕ, 22 янв — Sputnik. Далер Назаров дар ин суҳбат бархе аз ҷанбаҳои ҳаёту эҷодиёташро гуфтааст, ки қаблан оммавӣ изҳор надошта бу.

Навори суҳбат дар саҳифаи расмии Daler Nazarov Studio дар Youtube нашр шудааст.

Ӯ гуфт, замоне, ки бори аввал сурудҳои The Beatles-ро шунидааст, майли овозхонияшро дарк кардааст.

Далер Назаров афзуд, талабаи хуб набуд ва аз ягон фан дониши фавқулодае надоштааст. Дар мактаб вохӯрӣ бо дӯстонро хуш медоштааст. Ба суол дар мавриди писари вазир буданаш, Далер Назаров изҳор дошт, ки бо вуҷуд мулоқот бо дӯстон аз қишрҳои гуногунро ҳамеша хуш медошт.

“Ман ҳамеша ҷамъ овардани одамонро дӯст медоштам ва то ҳол ин корро мекунам. Ҳар қадаре одамон гуногунтар бошанд, ҳамон қадар руҳияам роҳат мекунад. Агар одамони миллату табақаҳои гуногун ҷамъ омада бошанд”, - изҳор дошт Далер.

Ӯ инчунин аз солҳои мактабию ишқи наврасияш гуфтааст.

“Бисёри онҳое, ки ошиқашон шудаам, то ҳол ҳам инро намедонанд. Ин ишқе буд, ки наметавонистӣ бо он мухолифат нишон диҳӣ ва наметавонистӣ онро баён кунию наздик шавӣ”, - изҳор дошт овозхон.

Дар суҳбат инчунин аз издивоҷ бо Мунаввара Набиева, духтари нахустин раисиҷумҳури Тоҷикистон, Раҳмон Набиев гуфта шудааст, ки дар мактаб шинос шудаанд. Ӯ гуфт, ин хонадорӣ се сол давом кардааст.

“Раҳмон Набиев инсони бисёр нек буд, ки дар чеҳраи ӯ ман падари дуюми худро пайдо кардам. Ӯ маро хеле зуд худӣ қабул кард”, - афзуд Назаров.

Маҳз дар суҳбату муошират бо ин сиёсатмадор, Далер Назаров дарк кардааст, ки чӣ гуна вазнин аст, президент будан, сарфи назар аз бартариятҳое, ки ба назар мерасанд.

Овозхон дар мавриди он ки дар 62-солагияш худро чӣ гуна эҳсос мекунад, изҳор дошт, ки касе нест, варақи тоза аст.

“Ман касе нестам, ҳеч гуна, варақи сафедеям, ки дар он ҳар замон метавонад чизи дигаре навишта шавад”, - илова намуд ӯ.

Овозхон гуфт, тайи ин қадар сол ҳеч дороиеро ҷамъ накардааст. Ӯ мегӯяд, мошин дорад, ки барои ҳаракати роҳаташ миёни Душанбе ва Хоруғ зарур аст. Ба гуфтаи овозхон, наметарсад, ки бе чиз мемонад, зеро дӯстони зиёд дорад.

Вай таъкид кард, ки ягона нишонаи муваффақияти инсон ин хушбахтии ӯст ва илова намуд, ки хушбахт аст.

Ӯ мегӯяд, баъди зиндагияш мехоҳад мусиқияш боқӣ монад, мехоҳад сурудҳояш чун беному халқӣ садо диҳанд.

578