Флаг Таджикистана в горах

142 сол пас: пешниҳоди номгузорӣ кардани Пётри Кабир ба Абуабдуллоҳи Рӯдакӣ

345
Маҷлиси вакилони халқи Тоҷикобод пешниҳод кардааст, ки номи қаторкӯҳи “Пётри Кабир” дар қаламрави ноҳия ба “Абӯабдуллоҳи Рӯдакӣ” табдил дода шавад

 ДУШАНБЕ, 31 дек — Sputnik. Қадриддин Фақеров, раиси ноҳияи Тоҷикобод, дар таъйиди ин хабар ба Sputnik Тоҷикистон гуфт, ин қарор аз сӯи маҷлиси вакилони халқи ноҳия ба тасвиб расид.

“Пешниҳоди тағйири номи қаторкӯҳ дар дойираи барномаи табдили номҳои ҷуғрофиёӣ, ки дар саросари кишвар идома дорад, анҷом мегирад. Вакилони халқи ноҳия пешниҳод карданд, ки қаторкӯҳи мазкур ба нишони эҳтиром ва бузургдошт ба номи Абуабдуллоҳи Рӯдакӣ, сардафтари адабиёти тоҷику форс гузошта шавад. Боз пешниҳод шудааст, ки чанд номи ҷуғрофии дигар низ дар ноҳия табдил дода шаванд”, - гуфт Қадриддин Фақеров.

Қаторкӯҳи Пётри Кабир, ки номи аввалин императори Русия Пётри Якум (1672 – 1725) – ро дорад, аз байни дарёҳои Сурхобу Хингоб гузашта, миёни қаторкӯҳҳои Академияи илмҳо ва Дарвоз, умдатан ҳудуди ноҳияи Тоҷикобод ва водии Рашт ҷойгир аст.

Он соли 1878 аз сӯи экспедитсияи Василий Ошанин кашф шуда, ба номи Пётри Кабир гузошта шуда буд. Дар ҳамин ҳол, раиси ноҳияи Тоҷикобод мегӯяд, пешниҳоди мазкур ба идораҳои болоӣ ирсол ва тасмим дар сатҳи боло гирифта мешавад.

“Аввал, бояд ҳукумат ин пешниҳодро арзёбӣ кунад, сипас, бо пешниҳоди ҳукумат Маҷлиси намояндагон онро ба баррасӣ мегирад”, - гуфт Қадриддин Фақеров.

Тағйири номҳо дар кӯҳистони Тоҷикистон бори аввал нест. Соли 1999 қуллаи Коммунизм, ки баландтарин қуллаи Иттиҳоди Шӯравӣ (7495 метр) ба ҳисоб мерафт, ба номи Исмоили Сомонӣ, асосгузори давлати Сомониён, соли 2006 қуллаи Ленин ба қуллаи Абӯалӣ ибни Сино ва қуллаи Инқилоб ба қуллаи Истиқлол табдили ном карда буданд.

345
Барчаспҳо:
Абуабдуллоҳ Рӯдакӣ, кӯҳ, ноҳияи Муъминобод, Тоҷикистон
Пиджак на кресле

Ҷазои мақомдор дар Қубодиён: ба мушкили сокинон расидагӣ накард

303
(Таҷдидшуда 12:21 22.01.2021)
Прокуратураи вилояти Хатлон нисбат ба заминсози ҷамоати деҳоти Носири Хусрав дар ноҳияи Қубодиён парвандаи ҷиноятӣ оғоз кард

ДУШАНБЕ, 22 янв — Sputnik. Додгоҳи вилояти Хатлон ҳукми Сатторов Абдураҳим заминсози ҷамоати деҳоти Носири Хусравро эълон кард.

Ба иттилои котиботи прокуратураи ин вилоят, номбурда аз моҳи майи соли 2015 дар мақоми мазкур ифозаи вазифа мекард.

Боздошти мансабдор барои миёнаравӣ ва тамаъи пора

Гуфта мешавад, дар давраи фаъолияти кориаш Сатторов талаботҳои Қонуни Ҷумҳурии Тоҷикмстон "Дар бораи муроҷиатҳои шахсони воқеӣ ва ҳуқуқӣ" - ро дағалона вайрон намуда, муроҷиати шаҳрвандонро нодида мегирифт.

Манбаъ аз ҷумла шаҳрвандонеро, ки ба заминсоз муроҷиат карданду мушкилоти онҳо бе ҳал монд, номбар кард. 

"Шаҳрвандон Худойназаров, Хушвахтов, Беков, Норов, Бобомуротов, Дустмуродова, Бобомуродов ва ҳамчунин муроҷиати сардори Раёсати кишоварзии ноҳияи Қубодиён бидуни таваҷҷӯҳи Сатторов монда, ба ҳуқуқ ва манфиатҳои ҳифзшудаи онҳо зарари ҷиддӣ расонида шудааст", - таъкид мешавад дар хабар.

Ба ҳамин минвол, додгоҳи вилояти Хатлон 18 сентябри соли 2020 нисбати Сатторов тибқи моддаи 163 қисми 1-и Кодекси Ҷумҳурии Тоҷикистон парвандаи ҷиноятӣ оғоз намуд.

Бо қарори суд, Сатторов гунаҳгор дониста шуда, ӯро ба пардохти 5 800 сомонӣ ба фоидаи давлат муваззаф намуданд.

303
Барчаспҳо:
мардум, мушкил, ҷарима, Қубодиён
Сотрудники КЧС спасли двух подростков

Наҷоти ду ноболиғ дар пойтахти Тоҷикистон

512
(Таҷдидшуда 19:31 21.01.2021)
Кормандони Кумитаи ҳолатҳои фавқулодда дар шащри Душанбе ду кӯдаки ноболиғе, ки дар дохили хона банд монданд, наҷот доданд

ДУШАНБЕ, 21 янв— Sputnik. Ба нақл аз КҲФ-и Тоҷикистон як сокини хиёбони Рӯдакии пойтахт ба қисми навбатдории Раёсати Кумитаи ҳолатҳои фавқулодда дар шаҳри Душанбе занг зад ва хабар дод, ки дари манзили истиқоматиаш баста ва ду кӯдаки ноболиғаш дар дохили хона мондааст.

Манбаъ иттилоъ додааст, ки дастаи махсуси зудамали наҷоти КҲФ дар шаҳри Душанбе дар ҳайати 5 нафар, ба ҷои ҳодиса сафарбар шуданд.

“Лозим омад бо истифода аз нардбон ва дигар таҷҳизот аз тиреза вориди хона шаванд ва дарро аз дарун боз кунанд. Маълум шуд, ки ду кӯдак, ки яке духтарчаи 7-сола ва дигар писарчаи 8-сола дар дохили хона монда буданд”, - таъкид доштааст манбаъ.

КҲФ-и Тоҷикистон қайд кардааст, ки кӯдакон солим ба модарашон супурда шуданд ва ба ҳеч ёрии тиббиву равонӣ ниёз надоштанд.

Дар ҳамин ҳол КҲФ зикр кардааст, ки дар зарфи як ҳафтаи охир танҳо дар шаҳри Душанбе ин чорумин ҳолатест, ки модарон саросема аз манзил берун мешаванд ва тифлон дар дохил танҳо мемонанд. 

512
Барчаспҳо:
Душанбе, пойтахт, ноболиғ, наҷот, КҲФ Тоҷикистон, КҲФ, Тоҷикистон
Монеты, архивное фото

Коршинос роҳҳои муассири ҷамъоварии пулро номбар кард: на дар зери болишт

0
(Таҷдидшуда 14:01 22.01.2021)
Самаранокии ҷамъоварии маблағ аз мақсади он вобаста аст - пасандоз кардан ё зам намудан. Дар навбати дуввум бояд муҳлати ҷамъоварӣ низ дақиқ шавад

ДУШАНБЕ, 22 янв — Sputnik. Дмитрий Ферапонтов, муаллими калони кафедраи бонкии Донишгоҳи Синергия, ба хабаргузории "Прайм" роҳҳои самарабахши ҷамъоварии маблағро номбар кард.

Ба гуфти коршинос самаранокии пасандозҳо пеш аз ҳама аз ҳадаф - сарфа ё зиёд кардан, сониян - бо он даврае муайян карда мешавад, ки дар давоми он ташаккули портфели маболиғ пешбинӣ шудааст. Дар ниҳоят, пардохтпазирии сармоягузорӣ низ муҳим аст, яъне қобилияти зуд ба даст овардани пул, агар маблағ лозим шавад.

"Бо вуҷуди ин, бояд дарк кард, ки дар мавриди ҳама гуна сармоягузорӣ, қоидаи тиллоӣ амал мекунад - ҳар қадаре ки хавф баланд бошад, ҳосилнокӣ ҳамон қадар зиёдтар мешавад. Чунин қоида дар мавриди пардохтпазирӣ низ татбиқ мешавад - чӣ қадаре пардохтпазирӣ баланд бошад, ҳосил ҳамон қадар камтар мешавад", - гуфт Феропонтов.

Ҳамин тавр, масалан, маболиғ дар суратҳисоби ҷорӣ сатҳи ҳадди ақали даромаднокӣ доранд (вақте ки аз ҳисоби бақияи суратҳисоб фоизҳо ситонида мешавад) ва дар баъзе ҳолатҳо даромад комилан нест, масалан, "агар бо пули миллӣ дар зери болишт нигоҳ дошта шаванд.

"Роҳи дигар, ҷамъ кардан дар пасандозҳои бонкӣ мебошад, ки бехатар, вале хеле камдаромад аст. Агар бонк ба низоми суғуртаи пасандозҳои бонкӣ дохил шуда бошад, пас дар сурати бозхонди иҷозатнома, давлат баргардонидани онро кафолат медиҳад.

Ба гуфти Ферапонтов, пасандозҳои бонкӣ, роҳи ҷамъоварии пул дар муҳлати дарозмуддат буда, хароҷоти таваррумиро ҷуброн мекунанд.

"Алтернатива дар ҳолати хусусияти дарозмуддат метавонад пасандозҳои бонкии асъори хориҷӣ бошад, ки аз тағйирёбии асъори харидшуда фоида мегиранд - дар ин ҳолат шумо бояд қурб ва омилҳои ба он таъсиррасонро назорат кунед. Чӣ тавре таҷриба нишон медиҳад , чунин пасандозҳо ҳамчун сармоягузории дарозмуддат муфиданд, агар асъор дуруст интихоб карда шавад", - қайд кард коршинос.

Алтернативаи дигар ин сармоягузорӣ ба тилло ва дигар металлҳои қиматбаҳо аст, аммо тавассути суратҳисобҳои металлӣ. Бояд дар назар дошт, ки металлҳои қиматбаҳо дороии молиявии хеле дарозмуддат мебошанд, ки дар давоми се сол нархашон афзоиш меёбад.

Ферапонтов мегӯяд, бояд амонатро ва сармоягузорӣ фарқ кард.

Амонатгузорӣ, пеш аз ҳама, пуле мебошад, ки шаҳрванд дар муҳлати дарозмуддат ташаккул медиҳад, ҳадафи асосии онҳо болишти боэътимоди амнияти молиявӣ мебошад, ки дар шароити кунунии иқтисодӣ ва бо суръати пасти асосӣ ҳосили паст дорад.

Раиси “Амонатбонк”: “Долларҳои “таги болишт” фоида надоранд”

Аммо сармоягузорӣ ин маболиғе ҳаст, ки бо роҳи гузоштани сармоя ба дороиҳои дилхоҳи молиявӣ ва ғайримолиявӣ - коғазҳои қиматнок, амволи ғайриманқул, хариду фурӯши асъор ба фоидаи худ кор мекунанд.

0
Барчаспҳо:
Ҷаҳон, пасандоз, пул, сарфакорӣ, сарфаҷӯӣ, коршиносон