Задержанный преступник, архивное фото

Янгаро қатлу хонаи амакро ғорат карданд: боздошти Ҳадятулло ва шариконаш-видео

847
(Таҷдидшуда 19:51 12.01.2021)
Вазорати умури дохилии Тоҷикистон аз боздошти як гурӯҳи ҷиноятпеша хабар медиҳад, ки дар қатлу ғорат муттаҳам мешаванд

ДУШАНБЕ, 4 янв — Sputnik. Бино ба гузориши телевизионии ин ниҳод, шаби 17 ноябри соли гузашта ду нафари ниқобпӯш ба манзили истиқоматии Камолова Шарофати 30-сола, ки бо писари ноболиғаш танҳо буданд, ҳамла кардаанд.

Ба иттилои манбаъ, ниқобпӯшон бо истифода аз он ки шавҳари Камолова дар хона набуд, ғайриқонунӣ вориди манзили истиқоматӣ гашта, модару фарзандро латукӯб кардаанд.

Манбаъ мегӯяд, ҳамзамон бо скоч дасту пойҳояшонро баста, сипас бо роҳи буғӣ кардан Камолова Шарофатро ба қатл расонида, аз дохили ҳуҷраи онҳо 33 ҳазору 400 долларро рабудаанд.

Боздошти келини хонадон бо гумони ғорати хусур: 40 ҳазор сомониро рабудааст 

Вазорат ҳамчун гумонбар дар содир кардани ҷинояти мазкур сокинони пойтахт Умед Мустфоеви 36-сола, Беҳрӯз Бекматови 32-сола ва  Ҳадятуллои Маҳмадназари 30-соларо боздошт кардааст.

"Тафтишот ошкор кард, хонае, ки мавриди ҳамла қарор грифтааст, барои Ҳадятуллои Маҳмадназар бегона нест, зеро ин хонаи амакаш буда, номбурда аз маблағдории ӯ огоҳ гаштааст",-мегӯяд, манбаъ.

Ҳадятуллои Маҳмадназар қабл аз содир кардани ҷиноят ба хонаи амакаш омада, нақшаи ҷойгиршавии манзил ва ҳуҷраҳоро ба шариконаш нишон додааст.

Зимни бозпурсӣ Ҳадятуллои Маҳмадназар гуфт, амакаш бо писару бибӣ ва аммааш ба хонаашон шаҳри Душанбе меоянд, баъди гирифтани маълумот, ки дар хона янгаву писари ноболиғ ва бобояш танҳоянд, ба шариконаш хабар медиҳад.

Гуфта мешавад, боздоштшудаҳо маблағҳои дуздидаро мошинҳои гаронарзиш ва дигар ашёҳои қиммат харидорӣ кардаанд.

ВУД мегӯяд, оид ба ҳодисаи мазкур аз ҷониби прокуратураи ноҳияи Ҷайҳун парвандаи ҷиноӣ оғоз шуда, боздоштшудаҳо дар ҳабси пешакӣ қарор доранд.

847
Барчаспҳо:
ғорат, куштор, ҷиноят, ВКД, боздошт, Тоҷикистон
Арест и штраф гадалки

Бо пиёзу қуфл ва шамъу испанд ҷоду мекард: фолбини 49 - сола боздошт шуд - навор

430
(Таҷдидшуда 15:10 28.01.2021)
Пулиси шаҳри Душанбе як нафар зани 49 - соларо боздошт намуданд, ки дар сеҳру ҷоду ва фиреби мардум муттаҳам дониста мешавад

ДУШАНБЕ, 28 янв – Sputnik. Зуҳро Абдуллоева сокини кӯчаи Ҳувайдуллоеви пойтахт дар сеҳру ҷоду ва фолбинӣ кардан муттаҳам дониста мешавад, хабар медиҳад Раёсати умури дохилии шаҳри Душанбе.

Ба иттилои манбаъ, номбурда худро ҳамчун табиби халқӣ муаррифӣ намуда, ба фиреб машғул мешудаст.

"Ӯ бо истифода аз ҳар гуна ашё ва ҷисмҳои карахт, гӯиё ба дарди шаҳрвандон даво мебахшида бошад, шаҳрвандонро дар манзили истиқоматии худ сеҳру ҷоду мекард", - таъкид мешавад дар хабар.

Манбаъ меафзояд, аз манзили Абдуллоева як қатор ашёҳои барои сеҳру ҷоду истифодашаванда ҳамчун далели шайъӣ дарёфту мусодира карда шуданд.

РВУД дар шаҳри Душанбе мегӯяд, нисбати Абдуллоева Зуҳро барои машғул шудан ба сеҳру ҷоду ва фолбинӣ бо моддаи 482 Кодекси ҳуқуқвайронкунии маъмурӣ протоколи маъмурӣ тартиб дода шуда, ҷаримабандӣ карда шуд.

Нигаронии ВУД аз авҷи бозори фолбинҳо: мақомот гунаҳкоронро гуфтанд – видео

"Ҳамзамон барои минбаъда ба ин амал марбумфиребона машғул нашудан ба таври қатъӣ огоҳонида шуд", - илова мешавад дар хабари манбаъ.

430
Барчаспҳо:
навор, боздошт, фолбинӣ, Душанбе
Мотоцикл, архивное фото

Ҳалокати фоҷеабори мотосиклрони 56-сола дар Фархор

146
(Таҷдидшуда 12:39 28.01.2021)
Ронандаи мотосикл ба сабаби ноуҳдабароии як ронандаи дигар, ки аз ӯҳдаи идораи нақлиёт набаромадааст, ба ҳалокат расидааст

ДУШАНБЕ, 28 янв — Sputnik. Дар ноҳияи Фархор марди 56-солае дар садамаи нақлиётӣ ба ҳалокат расидааст. Тавре Вазорати корҳои дохилии Тоҷикистон тавзеҳ медиҳад, ҷавон ба сабаби ноуҳдабароии як ронандаи дигар, қурбони ҳодиса шудааст.

Гуфта мешавад, садама рӯзи гузашта 27 январ тақрибан соати 10:00 рух додааст.

"Ронандаи автомашинаи тамғаи "Опел-Астра", Ибодов Ҳабибулло Хоҷамқуловичи 25-сола, сокини ҷамоати деҳоти Ватани ноҳияи Фархор, ҳангоми ҳаракат дар роҳи мошингарди ҷамоати шаҳраки Фархор аз уҳдаи идора кардани воситаи нақлиёт набаромадааст", - тавзеҳ медиҳад манбаъ.

Дар натиҷа мошини ӯ ба мототсикли дучархаи тамғаи "Супер-Алмаз", бе рақами қайди давлатӣ, таҳти идораи Юсуфов Муҳиддин Тағоевичи 56-сола, сокини ҷамоати шаҳраки Фархор, бархӯрдааст.

Садамаи маргбор дар роҳи "Душанбе-Кӯлоб" як куштаю се захмӣ бар ҷой гузошт

Дар натиҷа, Юсуфов М.Т ҷароҳатҳои вазнинӣ ҷисмонӣ бардошта, дар беморхона ба ҳалокат расидааст.

Аз рӯи ҳодисаи мазкур таҳқиқот идома дорад.

146
Барчаспҳо:
ҳалокат, садама, Фархор
Чрезвычайный и Полномочный посол Имомуддин Сатторов на переговорах России и Таджикистана

Манъи вуруди муҳоҷирон бекор шавад: Сатторов бо Казакова мулоқот кард

0
(Таҷдидшуда 15:34 28.01.2021)
Намояндагони Тоҷикистон ва Русия масъалаҳои марбут ба танзими муҳоҷирати меҳнатиро дар замони пандемия баррасӣ карданд

ДУШАНБЕ, 28 янв — Sputnik. Рӯзи гузашта дар Маскав мулоқоти Сафири Фавқуллода ва Мухтори Тоҷикистон дар Русия Имомуддин Сатторов ва сардори Сарраёсати масоили муҳоҷиратии Вазорати умури дохилаи Русия Валентина Казакова баргузор гардид, хабар медиҳад дафтари матбуоти сафорат.

Мавзӯи асосии гуфтушунидҳо - танзими муҳоҷирати муҳоҷирони меҳнатӣ дар Русия будааст.

Аз ҷумла Сатторов ва Казакова раванди бардоштани манъи вуруд ба Русия ба категоряҳои муайянро баррасӣ карданд.

Ҳамчунин тарафҳо дар бораи ташкили ҷалби мутахассисон аз Тоҷикистонро ба фаъолияти меҳнатӣ дар Русия баррасӣ карданд.

Теъдоди муҳоҷирони депортшуда дар давраи пандемия аз вилояти Маскав маълум гардид

Намояндагони Тоҷикистон ва Русия ба мувофиқа расиданд, ки ҳамоҳангсозии фаъолиятро дар соҳаҳои танзими равандҳои муҳоҷират ва ҳимояи ҳуқуқи шаҳрвандони Тоҷикистон дар Русия идома медиҳанд.

Казакова ва Сатторов ба мувофиқа расиданд, ки корҳо оид ба мувофиқа кардани лоиҳаҳои созишномаҳо дар соҳаи муҳоҷират байни Русия ва Тоҷикистонро идома медиҳанд.

0