Узбекская валюта - сум

Дар Ӯзбекистон барои маълумот дар бораи порагирӣ мукофотпулӣ таъсис доданд

297
(Таҷдидшуда 16:33 04.01.2021)
Ҳукумати Ӯзбекистон муқарраротро дар бораи тартиби ҳавасмандгардонии шахсоне, ки дар бораи ҷиноятҳои коррупсионӣ хабар додаанд ё дар мубориза бо коррупсия ба тариқи дигар саҳм гузоштаанд, тасдиқ кард

ДУШАНБЕ, 4 январ - Sputnik. Хадамоти матбуоти Вазорати адлия мегӯяд, мақомоти Узбакистон ба шахсони алоҳида барои маълумот дар бораи ҳолатҳои коррупсия мукофотпулӣ пардохт мекунанд.

Тибқи иттилои манбаъ, ҳукумат бо фармони худ низомномаеро дар бораи тартиби ҳавасмандгардонии шахсоне, ки дар бораи ҷиноятҳои коррупсионӣ хабар додаанд ё дар мубориза бо коррупсия ба тариқи дигар саҳм гузоштаанд, тасдиқ кард.

"Афроде, ки дар бораи ҷиноятҳои коррупсионӣ гузориш додаанд ё дар мубориза бо коррупсия ба тариқи дигар саҳм гузоштаанд, метавонанд бо мукофоти яквақтаи пулӣ дар ҳаҷми аз 3 то 25 арзиши ҳисобшудаи асосӣ (аз 64 то 530 доллар - таҳрир) мукофотонида шаванд", - гуфта мешавад дар паёми Вазорати адлия.

Агар миқдори ришва ё зарари расонидашуда аз 100 маротиба зиёдтар аз нишондиҳандаи музди меҳнати ҳадди аққал бошад (аз 2,5 ҳазор доллар), пас мукофот дар ҳаҷми 10-15% аз арзиши ришва ё амволи тасарруфшуда пардохт карда мешавад, шарҳ додааст, хадамоти матбуот.

Тибқи иттилои Прокуратураи генералии Ӯзбекистон, дар ду соли охир дар кишвар 986 мансабдор барои содир намудани ҷиноятҳои коррупсионӣ ба ҷавобгарӣ кашида шудаанд, зарари ин гуна ҷиноятҳо 2 триллион сӯм (тақрибан 200 миллион доллар) -ро ташкил медиҳад.

Фасодзадатарин ниҳод дар Ӯзбекистон эълон шуд

Аз 1 июли соли 2019 Вазорати корҳои дохилии Ӯзбекистон барои сабти видеоии вайронкунии ҳаракат дар роҳҳо ба додани мукофотҳои пулӣ оғоз намуд. Маблағи подош барои ҳар як видео 5% аз музди меҳнати ҳадди аққал (тақрибан $ 3) -ро ташкил медиҳад.

297
Барчаспҳо:
мукофотпулӣ, фасод, Ӯзбекистон
Базар Султони Кабир в Душанбе

Сӯхтор дар Бозори “Султони Кабир” - видео

16
(Таҷдидшуда 10:09 25.01.2021)
Субҳи имрӯз дар "Султони Кабир", ки яке аз бозорҳои калонтарини пойтахти Тоҷикистон ба ҳисоб меравад оташсӯзӣ сар зад

ДУШАНБЕ, 25 янв— Sputnik. Бозори “Султони Кабир”, ки яке аз бозорҳои калони пойтахти Тоҷикистон ба ҳисоб меравад субҳи 25-уми январ (тақрибан соати 07:00 субҳ) оташ гирифт.

Бино бар иттилои шоҳидони ин ҳодиса, ки дар шабакаҳои иҷтимоӣ чандин наворҳо нашр карданд, ҳоло мағозаҳои наздики бозор пура ба коми оташ рафтанд.

Бархе аз соҳибкорон таъкид карданд, ки  оташсӯзӣ дар қисмати дохилӣ ва ҷойи фурӯши чархҳои мошинҳо сурат гирифтааст.

Дар ҳоли ҳозир нерӯҳои вижаи интизомӣ маҳалро баста соҳибкоронро намегузоранд, ки дохили бозор шаванд.

Кормандони милитсия ва Кумитаи ҳолатҳои фавқулодда то ҳол сабабҳои сӯхтор шарҳ надодаанд, аммо ба назар мерасад, ки сӯхтор ба сабаби  риоят нашудани қоидаҳои бехатарӣ, эълон шавад. Чунки ба гуфтаи бархе дигари шоҳидон сӯхтор дар тарафи чапи бозор, яъне ҳавлии Бозори Султони Кабир, ки макони фурӯши балонҳои газ аст, сар задааст.

Ҳаҷми хисороти ин сӯхтор низ ҳанӯз муайян карда нашудааст.

Гуфта шудааст, ки ҳодисаи сӯхтор аз ҷониби кормандони милитсия ҳаматарафа таҳқиқ ва барассӣ карда мешавад.

Бояд қайд кард, ки ин бори дувум аст, ки давоми се соли ахир дар бозори “Султони Кабир” оташсӯзӣ сар мезанад. Дар оташсӯзии моҳи июни соли 2018 бистуяк мағозаву дӯкони ин бозор ба коми оташ рафта буд.

"Султони Кабир" яке аз бозорҳои аслии фурӯши маҳсулоти сохтмон ва қисмҳои эҳтиётӣ соли 2000 бунёд шуда, дар он 1700 соҳибкор кор мекунанд.

16
Барчаспҳо:
Душанбе, оташ, сӯхтор, Султони Кабир, Тоҷикистон
Значок немецкого концерна Мерседес на автомобиле,

Дучархадуздӣ рафту мошинро дуздид-видеои ВУД

185
(Таҷдидшуда 17:40 24.01.2021)
Вазорати умури дохилии Тоҷикистон аз ошкор шудани як ҳолати мошиндуздӣ дар ноҳияи Рӯдакӣ хабар додааст

ДУШАНБЕ, 24 янв— Sputnik. Тибқи иттилои Вазорати умури дохилии Тоҷикистон, ба идораи милиса дар ноҳияи Рӯдакӣ Абдулманит Ҷӯраев муроҷиат карда, аз дуздии мошинаш хабар додааст.

Муроҷиаткунанда, сокини деҳаи Алачабофи ноҳияи Рӯдакӣ арз доштааст, ки шаби 16 декабр шахсони номаълум вориди манзили истиқоматияш шуда, мошини “Мерседес бенз”-ашро дуздидаанд.

Маъмурини милиса дар пайи чорабиниҳои оперативӣ-ҷустуҷӯӣ Алиев Ҳасан, сокини ноҳияи Исмоили Сомониро боздошт кардаанд. ВУД мегӯяд, ин ҷавони соли таваллудаш 2002 қаблан низ суд шудааст.

Муттаҳам дар гузориши ВУД изҳор медорад, ки бо ҳадафи дуздии дучарха вориди манзили истиқоматӣ шуд, ки калидҳоро даруни мошин дид ва онро ҳай карда бурдааст.

Ба гузориши ВУД, феълан алайҳи Алиев парвандаи ҷиноӣ оғоз карда шуда, ӯ дар ҳабси пешакӣ қарор дорад. Таъкид шудааст, ки мошин ба соҳибаш баргардонда шуд.

Назари бевоситаи муттаҳам ва ё ҷониби ҳимояаш дар бораи ин қазия маълум нест.

185
Барчаспҳо:
боздошт, дуздӣ, мошин, Тоҷикистон