Джулиан Ассанж, архивное фото

Додгоҳи Лондон истирдоди Ассанҷ ба ИМА-ро рад кард

62
Додраси Додгоҳи марказии ҷиноӣ истирдоди асосгузори WikiLeaks Ҷулиан Ассанҷро ба мақомоти Иёлоти Муттаҳида рад мекунад

ДУШАНБЕ, 4 январ - Sputnik. Додраси Додгоҳи марказии ҷиноятии Лондон Ванесса Барайтсер аз истирдоди асосгузори WikiLeaks Ҷулиан Ассанҷ ба мақомоти Амрико худдорӣ кард, хабар медиҳад РИА Новости.

Додгоҳ гуфт, ки ин дархост бинобар тарси солимии рӯҳии айбдоршаванда рад карда шудааст.

Додрас воқеиятро эътироф кард, ки Ассанҷ гирифтори аутизм ва депрессияи клиникӣ аст ва инчунин ба худкушӣ моил аст.

Интизор меравад, ки амрикоиҳо ба зинаҳои болоии додгоҳ муроҷиат кунанд. Қаблан адвокатҳои ҷониби Амрико гуфта буданд, ки агар судя аз истирдоди асосгузори Wikileaks саркашӣ кунад, ин қарор баҳс хоҳад шуд.

Гуфта мешавад, дар толори додгоҳ ӯро ҳамсараш Стелла Моррис ва инчунин сармуҳаррири WikiLeaks Кристин Храфнссон дастгирӣ карданд.

Ёдовар мешавем, ки Ассанҷ, ки дар Шветсия сар аз соли 2010 ба озори ҷинсӣ ва таҷовуз айбдор мешавад, аз моҳи июни соли 2012 бо тарси истирдод дар сафорати Эквадор дар Лондон пинҳон шудааст.

Муҳокимаи истирдод рӯзи 2 майи соли 2019 оғоз ёфт. Дар сурати истирдод ба ИМА, Ассанҷро ба 175 соли зиндон таҳдид мекунад.

Чанде пас аз он, мақомоти Иёлоти Муттаҳида алайҳи Ассанҷ 17 парвандаи вайрон кардани қонунҳои ҷосусӣ ва ифшои иттилооти махфӣ айбҳои нав эълон карданд.

62
Значок немецкого концерна Мерседес на автомобиле,

Дучархадуздӣ рафту мошинро дуздид-видеои ВУД

157
(Таҷдидшуда 17:40 24.01.2021)
Вазорати умури дохилии Тоҷикистон аз ошкор шудани як ҳолати мошиндуздӣ дар ноҳияи Рӯдакӣ хабар додааст

ДУШАНБЕ, 24 янв— Sputnik. Тибқи иттилои Вазорати умури дохилии Тоҷикистон, ба идораи милиса дар ноҳияи Рӯдакӣ Абдулманит Ҷӯраев муроҷиат карда, аз дуздии мошинаш хабар додааст.

Муроҷиаткунанда, сокини деҳаи Алачабофи ноҳияи Рӯдакӣ арз доштааст, ки шаби 16 декабр шахсони номаълум вориди манзили истиқоматияш шуда, мошини “Мерседес бенз”-ашро дуздидаанд.

Маъмурини милиса дар пайи чорабиниҳои оперативӣ-ҷустуҷӯӣ Алиев Ҳасан, сокини ноҳияи Исмоили Сомониро боздошт кардаанд. ВУД мегӯяд, ин ҷавони соли таваллудаш 2002 қаблан низ суд шудааст.

Муттаҳам дар гузориши ВУД изҳор медорад, ки бо ҳадафи дуздии дучарха вориди манзили истиқоматӣ шуд, ки калидҳоро даруни мошин дид ва онро ҳай карда бурдааст.

Ба гузориши ВУД, феълан алайҳи Алиев парвандаи ҷиноӣ оғоз карда шуда, ӯ дар ҳабси пешакӣ қарор дорад. Таъкид шудааст, ки мошин ба соҳибаш баргардонда шуд.

Назари бевоситаи муттаҳам ва ё ҷониби ҳимояаш дар бораи ин қазия маълум нест.

157
Барчаспҳо:
боздошт, дуздӣ, мошин, Тоҷикистон

Марги марди амрикоӣ пас аз чанд соати гирифтани ваксина

214
(Таҷдидшуда 15:28 24.01.2021)
То ҳол маълум нест, ин мард бо кадом навъи ваксина - Moderna ё Pfizer эм карда шудааст. Феълан дар сатҳи маҳаллӣ ва федеролӣ ин қазия тафтиш мешавад

ДУШАНБЕ, 24 январ - Sputnik. Дар ИМА як мард пас аз чанд соати гирифтани ваксина алайҳи коронавирус вафот кард, хабар медиҳад РИА Новости.

Як милисаи минтақаи Плейсер дар саҳифааш дар Facebook хабар дод, ки мард моҳи пеш гирифтори коронавирус шуда буд.

"Хадамоти тандурустии Плейсер округ ва шӯъбаи коронавируси дафтари округи Шериф дар бораи марг огоҳнома дарёфт карданд. Дар авохири моҳи декабр дар бадани ин мард бемории COVID-19 дарёфт шуд... Рӯзи 21 январ ин мард алайҳи коронавирус эм карда шуд ва пас аз чанд соат даргузашт", - омадааст дар хабарнома.

Қайд карда мешавад, ки фавтида, на дар идораи тандурустии шаҳр, балки дар дигар ҷой эм карда шудааст. Тафтишот дар чанд сатҳ -  маҳаллӣ ва федеролӣ гузаронида мешаванд.

Марги 55 нафар дар Амрико пас аз гирифтани ваксина

Ҳанӯз маълум нест, ки шахси фавтида кадом ваксинаро гирифтааст - Moderna ё Pfizer.

214
Барчаспҳо:
мард, марг, эмгузаронӣ, вируси корона, ИМА
День 25 января

Аз зодрӯзи Фаррух Ҳамралиеву Субҳон Ибодов то Рӯзи кормандони соҳаи меҳнат: имрӯзи таърих

0
(Таҷдидшуда 22:22 24.01.2021)
Рӯзи биступанҷуми январ дар Тоҷикистон аз Рӯзи кормандони соҳаи меҳнат ва ҳифзи иҷтимоии аҳолӣ ҷашн гирифта мешавад

Рӯзи 25 январ дар ҷаҳон чӣ рух дод

Соли 1908 дар Боку аввалин маротиба намоиши операи "Лайлӣ ва Маҷнун" барпо гардид.

Соли 1924 дар шаҳри Шамони Фаронса маросими кушодашавии аввалин Бозиҳои  олимпии зимистона баргузор гардид.

Соли 1949 аввалин маротиба маросими ҷоизасупории телевизиони амрикоии "Эмми" гузаронида шуд.

Соли 2016 дар Амстердам Маркази Урупо оид ба мубориза бо терроризм ифтитоҳ гардид.

 

Рӯзи 25 январ дар Тоҷикистон чӣ рух дод

Соли 2001 Раёсати назорати давлатии молиявии назди Президенти Тоҷикистон таъсис дода шуд.

Соли 2010 бо супориши Президент Эмомалӣ Раҳмон вазири вақти корҳои хориҷии Ҷумҳурии Тоҷикистон Ҳамрохон Зарифӣ барои иштирок дар кори Саммити минтақавии кишварҳои ҳамсояи Афғонистон ба шаҳри Истанбули Туркия сафар кард.

Соли 2011 раисҷумҳури Тоҷикистон Эмомалӣ Раҳмон "Дар бораи таъсиси Раёсати хизмати давлатии назди Президенти Ҷумҳурии Тоҷикистон" Фармон ба имзо расониданд.

Соли 2011 Эмомалӣ Раҳмон аз ҳодисаи мудҳиши террористӣ, ки бегоҳии 24 январ дар фурудгоҳи Домодедоваи шаҳри Москва рух дод, андӯҳгин гардида, аз дақиқаҳои аввал ҷараёни расондани кумакҳо ба шаҳрвандони осебдидаи Тоҷикистонро зери назорати пайваста қарор доданд.

Соли 2017 қарори Ҳукумати Тоҷикистон дар бораи Қоидаҳои барасмиятдарорӣ, додани раводид ва раводиди электронии Ҷумҳурии Тоҷикистон ба шаҳрвандони хориҷӣ ва шахсони бешаҳрвандӣ ба имзо расид.

Соли 2017 Президенти Ӯзбекистон Шавкат Мирзиёев як гурӯҳ фаъолони марказҳои фарҳангӣ, аз ҷумла, 2 нафар тоҷиконро "барои саҳмгузорӣ дар таҳкими дӯстии байналмилалӣ ва ризоият дар ҷумҳурӣ" бо ордену медалҳо сарфароз гардонид.

Ҷашнҳои рӯзи 25 январ

  • Дар Тоҷикистон — Рӯзи кормандони соҳаи меҳнат ва ҳифзи иҷтимоии аҳолӣ.

Рӯзи 25 январ кӣ ба дунё омадааст

Соли 1944 – доктори илмҳои физика- математика Субҳон Ибодов.

Соли 1966 – иқтисодчӣ Фаррух Ҳамралиев.

0
Барчаспҳо:
Ҷаҳон, Тоҷикистон, ҷашн
Мавзуъ
Таъсиси "ЦРУ" ва тасдиқи лоиҳаи "CASA-1000" аз ҷониби Тоҷикистон: имрӯзи таърих
Ҳалокати 300 кас дар паи заминларзаи шадид дар Тоҷикистон: имрӯзи таърих
Аз рӯзи байналмилалии эскимо то фавти 50 ҳазор нафар дар Чилӣ: имрӯзи таърих
Аз Рӯзи оғӯш то ниҳолшинонии Эмомалӣ Раҳмон дар боғи "Наврӯзгоҳ": имрӯзи таърих