Криштиану Роналду

Роналду аз рӯи голҳои задааш аз Пеле пеш гузашт: ду гол то шикасти рекорди Йозеф Бикан

248
Ҳамлагари мунтахаби Португалия ва тими "Ювентус"-и Италия Криштиану Роналду аз рӯи голҳои задааш аз бозигари афсонавии Бразилия Пеле пеш гузашт

ДУШАНБЕ, 4 январ - Sputnik. Бино ба иттилои расонаҳои варзишии ҷаҳон, Роналду бо ду голи ахиран ба дарвозаи тими "Удинизе" задааш ба ин натиҷа дастёб гардид.

Як рӯз пеш, Ювентус дар бозии даври 15-ум дар майдони худ "Удинезе"-ро қабул кард. Вохӯрӣ бо пирӯзии калони "Ювентус" бо ҳисоби 4: 1 хотима ёфт. Дар ин бозӣ Роналду ду гол зад ва як партофти головар анҷом дод.

Бо шарофати дубл, Роналду дар бозиҳои расмӣ аз ҳамлагари афсонавии Бразилия Пеле пеш гузашт. Ҳамакнун футболбози Португалӣ дар хазинааш 758 гол дорад, ки ин якто бештар аз беҳтарин футболбозони асри гузашта аст. Барои расидан ба чунин зина Роналду 1032 бозиро пушти сар кард, аммо Пеле 757 голашро дар 812 бозӣ зада буд.

Ба дӯстдухтари Роналду ҷома ҳадя карданд: ӯ Қазоқистонро аз Ӯзбекистон фарқ накард - акс

Рекорди мутлақи шумораи голҳо ба ҳамлагари чех Йозеф Бикан тааллуқ дорад, ки ӯ дар солҳои 1931-1955 759 гол задааст.

248
Барчаспҳо:
футбол, гол, Криштиану Роналду
Наручники висят на дверной ручки, архивное фото

Боздошти ду мард: дилхоҳ ҳуҷҷатҳои ронандагиро қалбакӣ тайёр мекарданд

105
Вазорати умури дохилааи Тоҷикистон мегӯяд, даст доштани онҳо дар ҳафт ҳолат тасдиқ шуд ва акнун нисбаташон парвандаи ҷиноятӣ оғоз гардидааст

ДУШАНБЕ, 21 янв— Sputnik. Тоҷибоев Ибодуллои 60 - сола ва Неъматуллоев Зарифҷони 45 - соларо кормандони милитсия дастгир намуданд.

Вазорати умури дохилаи Тоҷикистон мегӯяд, ҳар ду боздоштшуда сокинони вилояти Хатлон буда, дар сохтакории ҳуҷҷатҳо муттаҳам дониста мешаванд.

Ба номи варзишгарон, аммо ба киссаи худ: боздошти мақомдорони Конибодом

Манбаъ меафзояд, номбурдагон бо истифода аз дастгоҳи чопкунии ранга, сканер ва техникаи компютерӣ ба сохтакорӣ ҳуҷҷатҳои ронандагӣ машғул будаанд.

"Аз ҷумла полиси суғуртаи ҳатмӣ, маълумотномаи муоинаи тиббӣ, санади аз ташхис гузаштани воситаи нақлиёт аз системаи газӣ, кортҳои ташхиси диагностикӣ, расидҳои бонки БДА "Амонатбонк" оиди пардохти андози воситаи нақлиёт ва дигар ҳуҷҷатҳоро сохтакорӣ намуда, ба ронандаҳо ба маблағи муайян пешниҳод мекарданд", - таъкид мешавад дар хабар.

Бозори "Теплий стан" дар Маскав баста шуд: ФСБ муҳоҷирони ғайриқонуниро меҷӯяд

ВУД Тоҷикистон тавзеҳ медиҳад, ки даст доштани онҳо дар 7 ҳолат ошкор шудааст. 

Феълан, нисбат ба номбурдагон бо моддаи 340 Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, тафтишоти пешакӣ идома дорад.

105
Барчаспҳо:
ҳуҷҷат, сохтакорӣ, боздошт
Дым поднимается от здания, после взрыва в центре Мадрида

Таркиши мудҳиш дар маркази Мадрид-навори шоҳидон

340
(Таҷдидшуда 20:58 20.01.2021)
Таркиши мудҳише маркази шаҳри Мадридро такон дод ва як кӯчаро тақрибан хароб намуд. Сабаби таркиш мавриди таҳқиқ қарор дорад

ДУШАНБЕ, 20 янв — Sputnik. Бар асоси иттилои расида, таркиш дар бинои навбунёде дар кӯчаи Толедо рух додааст ва дар натиҷа биноро тақрибан тахриб намуд.

Сабабҳои таркиш феълан маълум нест. Дар ҷои ҳодиса айни ҳол мақомот кор карда истодаанд. Яке аз сабабҳои эҳтимолӣ хориҷ шудани газ арзёбӣ мешавад.

Бархе манобеи дигар мегӯянд, таркиш дар меҳмонхона рух додааст, бархеи дигар изҳор медоранд, ки дар хонаи пиронсолон.

Дар ин таркиш, ки баъди зуҳри имрӯз рух додааст, чанд нафар ҳалок шуда, бархеи дигар маҷруҳ гардидаанд. Аммо дақиқан теъдоди қурбониён то ҳол ироа нашудааст.

340

Ҳукумати Қирғизистон боз истеъфо дод

109
(Таҷдидшуда 13:49 21.01.2021)
Тасмими истеъфои кабинаи вазирони Қирғизистон баъд аз эълони натиҷаҳои интихобот сурат гирифтааст

ДУШАНБЕ, 21 янв — Sputnik. Ҳукумати Қирғизистон бо роҳбарии Содир Ҷабборов дубора ба истеъфо рафт, иттилоъ додааст ба хабарнигорон роҳбари дастгоҳи президент Суюнбек Касмамбетов.

Ин тасмимро кабинаи вазирони Қирғизистон дар робита ба эълони натиҷаҳои интихоботи президентӣ гирифтааст.

"Ҳамин ки натиҷаҳои интихобот эълом шуданд, Содир Нургожоевич аз мақоми сарвазир истеъфо дод. Ҳукумат истеъфо дод ва аъзои кабинаи вазирон вазифаҳои худро то ташкили ҳайати нави ҳукумат иҷро хоҳанд кард", - таъкид дошт Касмамбетов.

Ёдрас мешавем, ки Ҷабборов дар ҷараёни тазоҳуротҳо, ки пас аз интихоботи парлумонии моҳи октябр сар зада буд, нахуствазир интихоб шуд.

Дар интихобот ҳузури райдиҳандагон ба 56,5 дарсад расида буд.

Тибқи маълумоти Комиссияи марказии интихоботии Қирғизистон, дар интихобот ду ҳизби ҷонибдори давлат "Биримдик" ("Ваҳдат") ва "Мекеним Қирғизистон" ("Ватани Қирғизистон") раъйи бештарро ба даст оварданд. Инчунин дар интихобот ду ҳизби марказгаро - "Қирғизистон" ва "Бутун Қирғизистон" низ пирӯз шуданд. Қисми боқимондаи фраксияҳо ҳатто то 7 дарсад раъй ба даст наоварданд.

Пас аз эълони натиҷаҳо, дар Бишкек эътирозҳои тарафдорони ҳизбҳое, ки ба парлумон роҳ наёфтанд, оғоз ёфт. Баъдтар, КМИ Қирғизистон натиҷаҳои интихоботи гузаштаро бекор кард ва овоздиҳии нав эълон кард ва Сооронбай Жээнбеков аз вазифаи президентӣ истеъфо дод.

Баъд аз истеъфои Жээнбеков Ҷабборов иҷрокунандаи вазифаи раисҷумҳур интихоб шуд.

109
Барчаспҳо:
Кабинаи вазирони Қирғизистон, интихобот, истеъфо, Ҳукумат, Қирғизистон