Старейшая жительница Земли, японка Канэ Танака

Кӯҳансолтарин сокини Замин 118-сола шуд

395
Зани ҷопонӣ Кейн Танака унвони кӯҳансолтарин сокини Заминро аз соли 2018 дорад. Қарор аст вай дар супурдани эстафетаи машъали олимпӣ дар Бозиҳои Токио ширкат варзад

ДУШАНБЕ, 4 январ - Sputnik. Кӯҳансолтарин сокини Замин, зани ҷопонӣ Кейн Танака рӯзи 2 январ 118-солагии худро ҷашн гирифт, хабар медиҳад РИА Новости бо истинод ба шабакаи телевизионии NHK.

Гуфта мешавад, Танака 2 январи соли 1903 таваллуд шудааст. Унвони қадимтарин шахси сайёра ба ӯ соли 2018 дода шуд.

Чанд моҳ пеш расонаҳо навишта буданд, ки қадимтарин сокини Замин дар моҳи майи соли 2021 бояд дар интиқоли эстафетаи машъали олимпӣ дар Бозиҳои Токио ширкат варзад.

Қарор аст, ки 11 май Танака бо аробачаи маъюбӣ 200 метрро бо машъал тай кунад.
Инчунин, зани ҷопонӣ мебоист дар эстафетаи соли 2020, ки бинобар пандемия боздошта шуда буд, ширкат варзад.

Бозиҳои олимпӣ бояд аз 23 июл то 8 августи соли 2021 баргузор шаванд.

Санаи баргузории Бозиҳои олимпии Токио дақиқ шуд

Рекорди қаблии дарозумртарин барои Ҷопон Набӣ Тоҷиме буд, ки соли гузашта дар синни 117 солу 260 рӯз даргузашт.

395
Барчаспҳо:
Бозиҳои олимпӣ, Ҷопон
Сотрудники КЧС спасли двух подростков

Наҷоти ду ноболиғ дар пойтахти Тоҷикистон

274
(Таҷдидшуда 19:31 21.01.2021)
Кормандони Кумитаи ҳолатҳои фавқулодда дар шащри Душанбе ду кӯдаки ноболиғе, ки дар дохили хона банд монданд, наҷот доданд

ДУШАНБЕ, 21 янв— Sputnik. Ба нақл аз КҲФ-и Тоҷикистон як сокини хиёбони Рӯдакии пойтахт ба қисми навбатдории Раёсати Кумитаи ҳолатҳои фавқулодда дар шаҳри Душанбе занг зад ва хабар дод, ки дари манзили истиқоматиаш баста ва ду кӯдаки ноболиғаш дар дохили хона мондааст.

Манбаъ иттилоъ додааст, ки дастаи махсуси зудамали наҷоти КҲФ дар шаҳри Душанбе дар ҳайати 5 нафар, ба ҷои ҳодиса сафарбар шуданд.

“Лозим омад бо истифода аз нардбон ва дигар таҷҳизот аз тиреза вориди хона шаванд ва дарро аз дарун боз кунанд. Маълум шуд, ки ду кӯдак, ки яке духтарчаи 7-сола ва дигар писарчаи 8-сола дар дохили хона монда буданд”, - таъкид доштааст манбаъ.

КҲФ-и Тоҷикистон қайд кардааст, ки кӯдакон солим ба модарашон супурда шуданд ва ба ҳеч ёрии тиббиву равонӣ ниёз надоштанд.

Дар ҳамин ҳол КҲФ зикр кардааст, ки дар зарфи як ҳафтаи охир танҳо дар шаҳри Душанбе ин чорумин ҳолатест, ки модарон саросема аз манзил берун мешаванд ва тифлон дар дохил танҳо мемонанд. 

274
Барчаспҳо:
Душанбе, пойтахт, ноболиғ, наҷот, КҲФ Тоҷикистон, КҲФ, Тоҷикистон
Скорая помощь в Афганистане, архивное фото

Таркиши шадид дар бозори Бағдод: ду маргталаб 28 нафарро куштанду 75 касро захмӣ карданд

58
Зӯҳри рӯзи 21 январ дар Бағдод ду таркиши мудҳиш рух дод, ки дар натиҷа теъдоди зиёди куштаву ҷароҳатбардоштаро дарпай дошт

ДУШАНБЕ, 21 янв – Sputnik. Вазорати дохилаи Ироқ ҷузъиёти ду таркиши маргталабонаи зуҳри имрӯз дар маркази Бағдодро мунташир кард, хабар медиҳад Парс тудей бо такя ба ИРНА.

Манбаъ аз қавли Холид Алмуҳанно сухангӯи вазорати умури дохилаи Ироқ дхабар медиҳад, ки аввалин террористи ҳомили камарбанди таркишӣ вонамуд карда, ки бемор аст ва вақте мардум дар атрофаш ҷамъ шуданд,худро мунфаҷир карда аст.

Зимнан, маргталаби дигар низ ба фосилаи андаке вақте мардум барои интиқоли захмиҳо ҷамъ шуданд, камарбанди интиҳории худро мунфаҷир кард.

Бар асари инфиҷор дар бозори марказии Бағдод 28 тан кушта ва 73 нафар захмӣ шуданд.

Инфиҷор дар Кобул 18 куштаю захмӣ барҷой гузошт

Ҳамзамон низ ҳамаи масирҳо ва вурудиҳои мунтаҳӣ ба минтақаи амниятии сабз дар маркази Бағдод, ки дафотири теъдоде аз ниҳодҳои байналмиллалӣ , сафоратхонаҳо ва дастгоҳҳои муҳими ҳукуматӣ дар онҷо қарор дорад, баста шуда аст. Ин минтақа ду километр аз майдони Алтирон фосила дорад.

Ҳанўз ҳеч фард ё гурӯҳе масъулияти ин ду инфиҷори интиҳорӣ дар Бағдодро то кунун бар уҳда нагирифта аст.

58
Барчаспҳо:
маргталаб, таркиш, Бағдод
 Председатель Демократической партии  Саидджафар Усмонзода

Роҳбари ҳизби демократи Тоҷикистон дар ноҳияи Панҷ маълум шуд

0
(Таҷдидшуда 21:07 21.01.2021)
Мақсуд Нуруллоев раиси бахши Ҳизби демократи Тоҷикистон дар ноҳияи Панҷ интихоб шудааст

ДУШАНБЕ, 21 янв — Sputnik. Ба нақл аз сомонаи рӯзномаи “Фараж” интихоби Мақсуд Нуруллоев дар ҳолест, ки моҳи апрели соли гузашта раиси собиқи бахши ҲДТ дар ноҳияи Панҷ Шариф Назаров, бинобар сабаби гирифторӣ бемории ҳамагири коронавирус аз олам даргузашт.

Дар ҳамин ҳол, раиси ҲДТ Саидҷаъфар Усмонзода таъкид доштааст, ки  Мақсуд Нуруллоев аз соли 2013 инҷониб узви ҳизб аст. Вай қайд кардааст, ки ҲДТ дар ноҳияи Панҷ 227 аъзо дорад.

Усмонзода сабаби интихоби шудани Нуруллоевро ба раисии бахши ҳизб дар ин ноҳия ба “фаъолу дилсӯз” будани ӯ рабт дод.

Манбаъ зикр кардааст, ки Мақсуд Нуруллоев соли гузашта дар баробари раиси феълии ноҳияи Панҷ Шоҳиён З. дар интихобот ба вакили маҷлиси вакилони халқи вилояти Хатлон дар ҳавзаи интихоботии Панҷ-54, тариқи худпешбарӣ, номзад буд, аммо мутаасифона интихоб нагардид.

Нуруллоев Мақсуд Бекмуродович 26-уми июли соли 1977 дар деҳаи ба номи Ҳасан Шерови ҷамоати Озодагони ноҳияи Панҷ, дар оилаи ронанда ба дунё омада, солҳои 1983-1993 дар муассисаи таҳсилоти миёнаи умумии рақами 12-и деҳааш таҳсил кардааст. Ихтисосаш ронанда аст. Ӯ то чанд соли охир раисии кумитаи маҳаллаи деҳаи ба номи Ҳасан Шеровро ба уҳда дошт.

0
Барчаспҳо:
интихоб, Панҷ, раис, Ҳизби демократи Тоҷикистон