Работница коммерческого секса с клиентом, архивное фото

Иҷора гирифту ба фоҳишахона табдил дод: боздошти зани 34 - сола дар Душанбе

4990
Кормандони милитсия дар Душанбе занеро боздошт намуданд, ки манзили ба иҷорагирифтаи худро ба фоҳишахона табдил дод

ДУШАНБЕ, 5 янв — Sputnik. Сокини 34 - солаи Душанбе бо гумони ташкил ва нигаҳдории фоҳишахона дастгир гардид, хабар медиҳад Вазорати умури дохилаи Тоҷикистон.

Ба иттилои манбаъ, номбурда дар хонаи иҷорагирифтааш, воқеъ дар кӯчаи Ҷаббор Расулови пойтахт ба ду ҷуфт,  марди 36 ва зани 29 - сола, ки яке сокини Душанбе ва дигаре сокини Ҳисор мебошад, барои алоқаи ҷинсӣ намудан шароит муҳайё намуда, аз онҳо 150 сомонӣ мукофотпулӣ гирифтааст.

Боздошти зани 35-сола, ки дар шаҳри Хуҷанд фоҳишахона ташкил кардааст

Инчунин, номбурда ба ду ҷуфти дигар аз Душанбе айнан чунин шароит фароҳам оварда, бар ивази он 150 сомонӣ гирифт.

ВУД Тоҷикистон мегӯяд, далели дигар низ ошкор шуда, марди 29 ва зани 39 - сола, сокинони пойтахт аз манзили иҷорагирифтаи ин зан истифода намуда, ба ӯ 150 сомонӣ мукофотпулӣ доданд.

Боздошти марди 55-сола барои ташкили фоҳишахона барои ҷавонони Хуҷанд

Манбаъ меафзояд, феълан аз рӯи ҳодисаҳои мазкур тафтишот идома дорад.

4990
Барчаспҳо:
ташкили фоҳишахона, зан, боздошт, Душанбе

Ҳалокати писарчаи тоҷик ҳангоми бозӣ

92
(Таҷдидшуда 17:19 17.01.2021)
Фоҷиа бо кӯдакон аз оилаи тоҷикистонӣ рӯзи 15 январ дар вилояти Маскав ҳангоми яхмолакбозӣ рух додааст

ДУШАНБЕ, 17 янв — Sputnik. Дар вилояти Маскав писарчаи 8-солаи тоҷик ҳангоми барфбозӣ ба ҳалокат расидааст, хабар додааст ТАСС бо такя ба хадамоти матбуоти додситонии вилояти Маскав.

Зикр шудааст, ки писарча ҳангоми баромадан ба баландӣ барои лағжиш як нӯги гарданбандашро дар боло баста, гирифтани нӯги дигарашро аз гардан фаромӯш кардааст.

“Вақте хоҳар ҷисми беҳаракати бародарашро дидааст, талоши кумаки аввалия кардааст, аммо бенатиҷа. Роҳгузарон низ натавонистаанд, писарчаро наҷот диҳанд”, - хабар дод манбаъ.

Нашрияи "МК" дар мавриди тафсилоти ин ҳодиса хабар додааст, ки кӯдак зодаи Тоҷикистон буда, бо оилааш се моҳи қабл ба ноҳияи Дмитрови назди Маскав омадааст.

Зикр шудааст, ки баъди кумакхоҳии хоҳар, як роҳгузар бо ҳамсараш низ талош кардаанд, кӯдакро наҷот диҳанд, аммо натиҷа надодааст.

Дар робита ба ин қазия додситонии шаҳрии Дмитров санҷишро оғоз кардааст.

92
Барчаспҳо:
кӯдак, Русия, ҳалокат, фоҷиа
Метро, акс аз бойгонӣ

Як соли пранкери тоҷик дар зиндон: суҳбаташ аз шӯхӣ, ҳабс ва тақдири норӯшан-аксу видео

497
(Таҷдидшуда 14:49 17.01.2021)
Кароматулло Ҷабборов, пранкери тоҷик, ки як сол қабл дар метрои Маскав худро гирифтори коронавирус вонамуд кард, як сол боз бидуни эълони ҳукми додгоҳ дар боздоштгоҳ аст

ДУШАНБЕ, 17 янв — Sputnik. Марина Литвинович, узви Комиссияи ҷамъиятӣ аз вазъи пранкери тоҷик дар боздоштгоҳ хабар гирифта, ҳоли боздоштшуда ва пораҳое аз суҳбаташро баён дошт. 

Ҷабборов аввали моҳи феврали соли гузашта, замоне, ки нав воҳимаи коронавирус паҳн шуду иттилои кофӣ дар бораи он набуд, дар метрои Маскав сулфиду худро ба фарш партофта буд. Шарикони ин саҳнасозӣ изҳор доштанд, ки ӯ гирифтори коронавирус аст, ки ин боиси тарс ва гурези мусофирон шуд.

"Пранк"-е, ки оқибаташ вой шуд: блогери тоҷикро 7 соли зиндон таҳдид мекунад

Кароматулло Ҷабборов он замон боздошт шуд, аввал зери санади берун нарафтан аз ҷои иқомат раҳояш карданд, аммо баъдан боз ба ҳабс гирифтанд.

Литвинович мегӯяд, акнун барои ин пранк як сол боз дар Бутирка нигоҳдорӣ мешавад, дар ҳоле, ки ҳукми додгоҳ ҳанӯз содир нашудааст.

Узр хост, ки аблаҳӣ карду гуфт 2 зан дорад: тамдиди ҳабси блогери тоҷик дар Маскав-видео

Ҷабборов дар боздоштгоҳ ба Литвинович изҳор дошт, ки кори баде накардааст, касе осеб надид, танҳо хост як навори иҷтимоӣ дар бораи коронавирус ва вокуниши мардум сабт кунад.

“Мо махсусан вагони бе кӯдак ва одамони солхӯрда интихоб кардем, то ба касе осеб нарасонем. Ба касе ҳатто бо ангушт нарасидем. Дар натиҷа аллакай як сол дар боздоштгоҳаму ҳанӯз маълум нест, додгоҳ чанд соли дигар ҳукм мекунад”, - изҳор дошт пранкер.

Ба гуфтаи Литвинович, феълан Кароматулло дар як утоқ бо 22 нафар нигоҳдорӣ  мешавад ва ба ӯ то 7 соли зиндон таҳдид мекунад.  Замоне, ки пранкер дар ҳабс буд, писараш Макар таваллуд шудаст ва ҳамагӣ як бор ӯро дар додгоҳ дидааст.

“Ман вақте ин наворро мондам, падарам аз Тоҷикистон занг зад. Гуфт наворро гир, маро шарманда накун. Ман гирифтам, аммо аллакай дер шуда буд”, - изҳор доштаст Ҷабборов.

Ӯ афзудааст, ки дар боздоштгоҳ тағйир ёфт, босабр шуд, китобхонӣ бо забони русӣ оғоз кардааст.

“Китоби зиёд хондам, оқилтар шудам, аммо бо вуҷуд барои касе чунин таҷрибаро намехоҳам”, - илова намудаст пранкер.

Ба гуфтаи Литвинович дар назар аст, ки ҳукми додгоҳ нисбати Кароматулло Ҷабборов аввали моҳи феврал эълон карда шавад.

Дар шабакаҳои иҷтимоӣ бисёре аз корбарон то 7 соли зиндонро барои як шӯхӣ, гарчӣ ноҷо ҳам буд, сангин хондаанд. Бархеи дигар худи Кароматулло айбдор кардаанд, ки бо шӯхии ноҷояш мусофиронро ба таҳлука андохт.

497
Человек держит мобильный телефон в руках, архивное фото

Хадамоти муҳоҷират замимаи мобилӣ ва сомонаи нав омода кардааст

0
(Таҷдидшуда 18:29 17.01.2021)
Хадамоти муҳоҷирати Вазорати меҳнат, муҳоҷират ва шуғли аҳолии Тоҷикистон аз таҳияи замимаи нав зери унвони “Роҳнамои муҳоҷир” ва сомонаи нави ин ниҳод хабар додааст

ДУШАНБЕ, 17 янв — Sputnik. Тибқи иттилои Хадамоти муҳоҷират, замима дар ҳамкорӣ бо ташкилоти ҷамъиятии “Ҳайати Шафқат” таҳия шудааст.

Манбаъ таъкид кардааст, ки замимаи мобилӣ фарогири муҳимтарин маълумот ва ахбор барои муҳоҷирон буда, аз се қисми таркибӣ иборат аст.

Маълумот дар гуруҳбандии “Қабл аз муҳоҷират”, “Дар давраи муҳоҷират” ва “Баъд аз муҳоҷират” ироа шудааст.

“Ҳамагӣ бо як бор ройгон боргирӣ намудани замимаи мобилӣ  муҳоҷир метавонад онро дар тамоми раванди муҳоҷират истифода барад, зеро он ивазкунандаи буклету варақаҳои таблиғотӣ, китобчаҳову шарҳи қонунҳои ба ин самт тааллуқдошта мебошад”, - омадааст дар иттилоия.

Манбаъ инчунин хабар додааст, ки сомонаи нави Хадамоти муҳоҷират дар суроғаи “infomuhojir.tj” фаъол аст ва он нисбат ба замимаи мобилӣ маводи бештарро дар бар мегирад.

0
Барчаспҳо:
муҳоҷират, Тоҷикистон