Продавец в магазине считает сдачу

Падарро “шантаж” мекард: агар пул надиҳи навори ошиқбози бо духтаратро ифшо мекунам

3095
(Таҷдидшуда 20:00 12.01.2021)
ВКД-и Тоҷикистон аз боздошти марди 27-солаи ҷамоати деҳоти Зиракии шаҳри Кӯлоб хабар додааст, ки дар содир намудани ҷинояти тамаъҷӯӣ гумонбар дониста мешавад

ДУШАНБЕ, 6 янв – Sputnik. Бино бар иттилои дафтари матбуоти Вазорати корҳои дохилаи Тоҷикистон, ахиран ба марди 53-солаи сокини ҷамоати деҳоти Зиракии шаҳри Кӯлоб ба ШВКД шаҳр шикоят бурдааст, ки марди 27-солаи сокини ҳамин ҷамоат бо духтараш, ҷавонзани 24-сола, муддати 6-моҳ муносибати ошиқона доштааст.

Манбаъ таъкид доштааст, ки аз ҳамин сабаб аз охирҳои моҳи августи соли 2020 то инҷониб бо мақсади бо роҳи тамаъҷӯӣ бо таҳдиди ифшои маълумоти бадномкунанда, гумонбаршаванда аз ӯ дар якчанд лаҳза ба маблағи умумии 13 ҳазору 510-сомонӣ талаб карда гирифтааст.

“Санаи 4-уми январи соли 2021, номбурда ба ҷабрдида тариқи телефони мобилӣ занг зада, бо мақсади дар шабакаҳои интернетӣ паҳн накардани маводҳои бадномкунандааш аз ӯ маблағи 18 ҳазор сомонӣ талаб карда, дар вақти гирифтани 1 ҳазору 500-сомонӣ ҳамчун гумонбар дар содир намудани ҷинояти тамаъҷӯӣ дастгир карда шуд”, - қайд кардааст  ВКД-и Тоҷикистон.

Ҳамзамон манбаъ таъкид доштааст, ки оид ба ин ҳолат нисбати гумонбаршаванда парвандаи ҷиноятӣ бо моддаи 250 қисми 2, банди “а” Кодекси ҷиноятии Тоҷикистон оғоз карда шуда, тафтишот идома дорад.

Аксҳои оилаамро аз телефонам гирифту "шантаж" кард: тафсилоти "куштори номусӣ" дар Масчо

Ҳамзамон кормандони милитсияи Тоҷикистон зимни як амалиёт марди 32-солаи сокини ҷамоати деҳоти Гулистони шаҳри Ваҳдатро бо гумони содир намудани ҷинояти тамаъҷӯӣ дастгир карда шуд.

Гуфта шудааст, ки номбурда, 4-уми январи соли равон, бо мақсади тайёр намудани ҳуҷҷатҳои замин аз марди 36-солаи сокини ҷамоати деҳоти Чорбоғи ноҳияи Варзоб, бо роҳи тамаъҷӯӣ 35 ҳазор сомонӣ талаб намуда, дар вақти гирифтани 10 ҳазор сомонӣ дар кӯчаи Айнии шаҳри Душанбе дастгир карда шуд.

Кормандони милитсия аз рӯи ин ҳодиса тафтишотро идома доранд.

3095
Барчаспҳо:
падар, боздошт, ҷиноят, Кӯлоб, тамаъҷӯӣ, Тоҷикистон
Разбитое стекло автомобиля, архивное фото

Садамаи маргбор: Аз шиддати зарбаи "Опел" Нозигул парида ба “Тайота" заду ҳалок шуд

680
(Таҷдидшуда 12:20 19.01.2021)
Вазорати умури дохилии Тоҷикистон аз рухдоди як садамаи мудҳиши нақлиётӣ хабар медиҳад, ки дар натиҷаи он як нафар ҳалок шудааст

ДУШАНБЕ, 19 январ - Sputnik. Бино ба иттилои дафтари матбуотии ин ниҳод, садамаи нақлиётӣ рӯзи 17-уми январи соли ҷорӣ, тахминан соати 14:20-дақиқа, дар роҳи "Ваҳдат-Душанбе" сар задааст.

Ба иттилои манбаъ, ронандаи автомашинаи тамғаи "Опел-Вектра", Гулаев Акмалҷон Нуралиевичи 27 сола, сокини ҷамоати деҳоти С.Раҳимови ноҳияи Темурмалик, ҳангоми ҳаракат дар роҳи нақлиётгарди "Ваҳдат-Душанбе", дар ҳудуди ҷамоати деҳоти Баҳори шаҳри Ваҳдат аз уҳдаи идораи автомашина набаромадааст.

Ӯ дар ҳамин ҳол, пиёдагардон: Мирзокаримова Гулизор Шодиевнаи 45-сола ва ноболиғ Маҳмадиева Нозигул Ҳабибовнаи 20-соларо пахш намудааст.

"Дар натиҷа, пиёдагарди ноболиғ Маҳмадиева Нозигул Ҳабибовна аз шиддати зарбаи сахт парида, ба қисмати пеши автомашинаи тамғаи “Тайота-Кемри”, таҳти идораи Ҳалимов Абдукарим Раҷабалиевичи 21 -сола, сокини ҳамин шаҳр, бархӯрда, дар ҷойи ҳодиса ба ҳалокат расидааст",-афзудааст манбаъ.

Садамаи маргбор: Ғафурҷон бо "Дамас"-аш Ҷаъфарбеки хурдсолро пахш карду гурехт

Гуфта мешавад, шаҳрванд, Мирзокаримова Г.Ш. ҷароҳати ҷисмонӣ бардошта, дар беморхона бистарӣ гардидааст.

ВУД мегӯяд, аз рӯйи ин ҳодиса таҳқиқот идома дорад.

680
Барчаспҳо:
фавт, ВАҳдат, садама, Тоҷикистон
Машина пожарной службы

Мақомот сабаби сӯхтори хонаи раиси бозор дар Душанберо гуфтанд-видео

295
Мақомот сабаби сӯхтори хонаи раиси бозори “Зарафшон”-и маҳаллаи Зарафшони шаҳри Душанбе Меҳрӣ Бӯриеваро, ки шоми 17 январ рух дод, расиши ноқилҳои барқӣ гуфтаанд

ДУШАНБЕ, 18 янв — Sputnik. Сӯхтор дар хонаи Меҳрӣ Бӯриева тахминан соати 19:30, замоне рух додааст, ки аъзои оила дар хона ҳузур доштанд, хабар додааст сомонаи “Фараж”.

Манбаъ аз қавли корманди  хадамоти сӯхторхомӯшкунӣ дар ноҳияи Рӯдакӣ, Нурмаҳмад Хӯшаев афзудааст, ки оташсӯзӣ масоҳати 50 метри мураббаъро дарбар гирифтааст.

Таъкид шудааст, ки сабаби сӯхтор расиши кӯтоҳи ноқилҳои барқӣ дар боми манзили истиқоматии соҳибкор Меҳрӣ Бӯриева будааст.

Оташнишонҳо саривақт ба ҷои ҳодиса расиданд ва аз зарари бештар ҷилавгирӣ карда шуд. Хушбахтона, ягон нафар аз аъзои оила дар сӯхтор зарари ҷисмонӣ набардоштанд, таъкид намудааст подполковник Нурмаҳмад Хӯшаев.

Дар баробари ин сомонаи Фараж хабар додааст, ки дар макони ҳодиса, яке аз ҳамсояҳои хонум Бӯриева гуфт, зарардида барои гарм кардани хонааш аз ангиштсанг истифода мекардааст ва пас аз гармии зиёди дудбаро боми хона, ки аз масолеҳи бомпӯши навъи “Ондулин” иборат аст, оташ гирифтааст.

295
Даст ба дуо, акс аз бойгонӣ

Афзоиши фавти эрониён аз COVID-19

0
(Таҷдидшуда 20:57 19.01.2021)
Вазорати беҳдошт ва дармони Эрон мегӯяд, дар 24 соати гузашта бар асари коронавирус дар ҷумҳурӣ 83 нафар ҷон доданд

ДУШАНБЕ, 17 янв — Sputnik. Шумори қурбониёни коронавирус дар Эрон, ки 83 миллион нафар аҳолӣ дорад, то имрӯз ба 56 ҳазору 973 тан расид. Дар шабонарӯзи гузашта 83 ҳолати фавт аз ин маризӣ сабт шудаанд.

Ба гузориши Вазорати беҳдошт ва дармони Эрон, дар 24 соати гузашта 5 ҳазору 917 бемори ҷадиди мубтало ба COVID-19 дар Эрон шиносоӣ ва аз ин теъдод 518 нафар бистарӣ шуданд, навиштааст сомонаи Парстудей.

Боз 300 ҳазор ваксина "Спутник V" дастраси мардуми Аргентина шуд - видео

Манбаъ афзуд,  маҷмӯи беморони мубтало ба вируси корона дар Эрон ба як миллиону 342 ҳазору 134 нафар расидааст, ки ҳудуди як миллиону 132 ҳазор нафар аз мубталоён ба ин вирус беҳбуд ёфта ва аз бемористонҳо мурраххас шудаанд.

Теъдоди афроди мубтало ба вируси корона дар ҷаҳон низ ба беш аз 96 миллион нафар расидааст, ки аз ин теъдод беш аз ду миллион нафари ҷони худро аз даст дода ва ҳудуди 69 миллион нафар ҳам беҳбуд ёфтаанд.

0
Барчаспҳо:
беморӣ, вируси корона, Эрон